Tag: وزیراعلیٰ پنجاب

لاہور: وزیراعلیٰ پنجاب سردار عثمان بزدار نے واٹر میٹرز لگانے کی منظوری دے دی، پروگرام پر 10 ارب 30 کروڑ روپے لاگت آئے گی۔

تفصیلات کے مطابق صوبائی دارالحکومت لاہور میں وزیراعلیٰ پنجاب کی زیر صدارت پرائیوٹ پارٹنرشپ پالیس، مانیٹرنگ بورڈ کا اجلاس ہوا جس میں لاہور میں واٹر میٹرز لگانے کی منظوری دے دی، پروگرام پر 10 ارب 30 کروڑ روپے لاگت آئے گی۔

اجلاس میں لاہور رنگ روڈ سدرن لوپ تھری کے منصوبے کے ایگریمنٹ پر دستخط کی منظوری دی گئی، معاہدے پر رواں ماہ دستخط ہوں گے، 10 ارب لاگت آئے گی۔

وزیراعلیٰ پنجاب کی زیر صدارت اجلاس میں بتایا گیا کہ پنجاب میں 500 بستروں پر مشتمل 10 نئےاسپتال بنائے جائیں گے، ایشیائی ترقیاتی بینک کے ساتھ مفاہمتی یادداشت پر دستخط کی منظوری دے دی گئی۔

سردار عثمان بزدار نے زیرو ویسٹ مٹیریل ریکوری فسیلٹی کی تجویز پرعملدرآمد نہ ہونے پر برہمی کا اظہار کرتے ہوئے کہا کہ فائل کو ادھرادھر گھمانے سے کام نہیں چلے گا، مجھے آئندہ اجلاس میں اس پر پیش رفت چاہیئے۔

یاد رہے کہ تین روز قبل وزیراعلیٰ پنجاب سردار عثمان بزدار کا کہنا تھا کہ کسی کو میرٹ کے خلاف کام کرنے دیا ہے اور نہ کرنے دوں گا۔ عثمان بزدار کا کہنا تھا کہ اراکین قومی و صوبائی اسمبلی میرے دست و بازو ہیں، منتخب نمائندوں کی عزت پر حرف نہیں آنے دوں گا۔

اسلام آباد: وزیراعلیٰ پنجاب سردار عثمان بزدار کا کہنا ہے کہ تمام اتحادی ساتھ ہیں کوئی پریشانی والی بات نہیں، مخالفین کے لیے میں صرف دعا کرسکتا ہوں۔

تفصیلات کے مطابق اتحادیوں سے مذاکرات کے لیے بننے والی کمیٹیوں کا اہم اجلاس کے بعد میڈیا سے گفتگو کرتے ہوئے وزیراعلیٰ پنجاب نے کہا کہ اتحادیوں سےمتعلق تمام تحفظات دور ہوجائیں گے، تمام اتحادی ساتھ ہیں کوئی پریشانی والی بات نہیں ہے۔

صحافی نے سردار عثمان بزدار سے سوال کیا کہ کیا ترین صاحب کمیٹی میں واپس آ رہے ہیں، جس پر انہوں نے جواب دیا ہم سب ساتھ ہیں، سب سے زیادہ کام پنجاب میں ہو رہا ہے۔

وزیراعلیٰ پنجاب سے صحافی نے سوال کیا کہ جو لوگ آپ کے مخالف ہیں ان کو کیا پیغام دیں گے؟ جس پر انہوں نے کہا کہ مخالفین کے لیے میں صرف دعا کر سکتا ہوں۔

اس ہفتے اتحادیوں سے مذاکرات شروع ہوجائیں گے، پرویز خٹک

اس سے قبل وزیر دفاع پرویز خٹک کا کہنا تھا کہ اس ہفتے اتحادیوں سے مذاکرات شروع ہوجائیں گے، اتحادیوں سے مذاکرات کے پہلے سے طے شدہ طریقہ کار پر بات ہوگی۔

جہانگیر ترین سے متعلق سوال پر پرویز خٹک کا کہنا تھا کہ جہانگیر ترین کو کمیٹیوں میں شامل کرنے کا فیصلہ وزیراعظم عمران خان نے کرنا ہے۔

لاہور: وزیراعلیٰ پنجاب سردار عثمان بزدار کا کہنا ہے کہ کسی کو میرٹ کے خلاف کام کرنے دیا ہے اور نہ کرنےدوں گا۔

تفصیلات کے مطابق وزیراعلیٰ پنجاب عثمان بزدار کی زیرصدارت سرگودھا کے اراکین قومی و صوبائی اسمبلی کا اجلاس ہوا۔ وزیراعلیٰ پنجاب نے اراکین قومی وصوبائی اسمبلی کی نشستوں پر ان سےمصافحہ کیا۔انہوں نے نےاراکین کی جانب سے پیش تجاویز پر فوری احکامات جاری کیے۔

اس موقع پر سردار عثمان بزدار کا کہنا تھا کہ اراکین قومی وصوبائی اسمبلی کے حلقوں کے مسائل حل کریں گے، سرگودھا ڈویژن کے کئی علاقے اب بھی ترقی کے سفر میں پیچھے ہیں۔

وزیراعلیٰ پنجاب نے کہا کہ اراکین قومی وصوبائی اسمبلی تعلیم،صحت کی سہولتوں کو بہتر بنائیں گے، پنجاب میں ہر کام میرٹ پر ہو رہا ہے،کسی کو میرٹ کے خلاف کام کرنے دیا ہے اور نہ کرنے دوں گا۔

عثمان بزدار کا کہنا تھا کہ اراکین قومی و صوبائی اسمبلی میرے دست و بازو ہیں، منتخب نمائندوں کی عزت پر حرف نہیں آنے دوں گا۔ انہوں نے مزید کہا کہ محکمہ بلدیات میں اسٹاف کی کمی کو فی الفور دور کیا جائے۔

فیصل آباد میں پولیس کی نفری کی کمی کو پورا کیا جائےگا، عثمان بزدار

یاد رہے کہ گزشتہ روز وزیراعلیٰ پنجاب عثمان بزدار کا کہنا تھا کہ فیصل آباد میں پولیس کی نفری کی کمی کو پورا کیا جائے گا۔

لاہور: وزیراعلیٰ پنجاب سردار عثمان بزدار کا کہنا ہے کہ اسپورٹس لیگ میں بہترین کارکردگی دکھانے والوں کو بیرون ملک بھجوائیں گے۔

تفصیلات کے مطابق پنجاب اسٹیڈیم میں یونیورسٹی اسپورٹس لیگ کی تقریب سے خطاب کرتے ہوئے وزیراعلیٰ پنجاب نے کہا لیگ میں 4 ہزار500 طلبا حصہ لیں گے، لیگ میں 2 کروڑ کے نقد انعامات دیں گے۔

عثمان بزدار کا کہنا تھا کہ ہمیں دورحاضرمیں بے شمار چیلنجز کا سامنا ہے، نوجوان اس کا بہترحل تلاش کرسکتے ہیں، آپ اسپورٹس میں حصہ لیں پنجاب حکومت آپ کے ساتھ ہے۔

انہوں نے کہا کہ نوجوانوں کو کھیلوں کے موقع فراہم کرنا ترجیحات میں شامل ہے، لیگ میں بہترین کارکردگی دکھانےوالوں کوبیرون ملک بھجوائیں گے، حکومت پنجاب اپنے تمام وسائل بروئے کار لائے گی۔

دوسری جانب چیف سلیکٹر مصباح الحق نے یونیورسٹی اسپورٹس لیگ سے خطاب کرتے ہوئے کہ تعلیمی اداروں میں اسپورٹس مین کی حوصلہ افزائی کی ضروری ہے، ہم اس طریقے سے صحت مند معاشرے کی بنیاد رکھ سکتے ہیں۔

مصباح الحق کا کہنا تھا کہ حکومت سے درخواست ہے تعلیمی پالیسی میں اسپورٹس کو شامل کریں، اسپورٹس مین کبھی زندگی میں ناکام نہیں ہوسکتا۔

لاہور: وزیراعلیٰ پنجاب عثمان بزدار کا کہنا ہے کہ 16ماہ میں اسکینڈل کا سامنے نہ آنا شفافیت کی دلیل ہے۔

تفصیلات کے مطابق وزیراعلیٰ پنجاب کی طرف سے سیاسی وانتظامی ٹیم کے اعزاز میں تقریب ہوئی جس میں وزرا، چیف سیکرٹری، انسپکٹرجنرل پولیس، ایڈیشنل چیف سیکریٹریز نے شرکت دی۔

اس موقع پر وزیراعلیٰ پنجاب کا کہنا تھا کہ وزرا اور افسران اپنی توانائی عوام کی بہتری اور خوشحالی پر صرف کریں، منسٹرز با اختیار ہیں، فیصلے خود کریں اورعوام کو ڈلیور کریں۔

سردار عثمان بزدار کا کہنا تھا کہ سروس ڈلیوری کے لیے سیاسی وانتظامی ٹیم کو بہترکارکردگی کا مظاہرہ کرنا ہوگا، ہم سب کا مشن عوام کی خدمت اور انہیں ریلیف دینا ہے، عام آدمی کو دفاترمیں بار بار نہ آنا پڑے، بغیر سفارش کام کیا جائے۔

وزیراعلیٰ پنجاب کا کہنا تھا کہ پنجاب کی واحد سیاسی وانتظامی ٹیم ہے جس کے خلاف کوئی اسکینڈل نہیں، 16 ماہ میں اسکینڈل کا سامنے نہ آنا شفافیت کی دلیل ہے۔

پنجاب میں تبدیلی کی افواہیں پھیلانے والے سازشیں کر رہے ہیں،عثمان بزدار

یاد رہے کہ گزشتہ ہفتے وزیراعلیٰ پنجاب سردار عثمان بزدار کا کہنا تھا کہ پنجاب میں تبدیلی کی افواہیں پھیلانے والے سازشیں کر رہے ہیں۔

لاہور: وزیراعلیٰ پنجاب عثمان بزدار کا کہنا ہے کہ قوم کو رینجرز کے افسروں اور جوانوں کی بہادری پر ناز ہے، رینجرز نے قیام امن کے لیے ہر اول دستے کا کردار ادا کیا ہے۔

تفصیلات کے مطابق وزیراعلیٰ پنجاب سردار عثمان بزدار سے ڈی جی رینجرز پنجاب نے ملاقات کی۔ وزیراعلیٰ پنجاب نے سرحدوں کی حفاظت کے لیے رینجرز افسران، جوانوں کی جرأت اور بہادری کی تعریف کی۔

عثمان بزدار کا کہنا تھا کہ قوم کو رینجرز کے افسروں اور جوانوں کی بہادری پر ناز ہے، رینجرز نے قیام امن کے لیے ہر اول دستے کا کردار ادا کیا ہے۔

وزیراعلیٰ پنجاب نے کہا کہ سرحدوں کی حفاظت کے لیے رینجرز افسر، جوان خدمات سر انجام دے رہے ہیں، پاکستان کا دفاع ناقابل تسخیر ہے، دشمن پاکستان کی طرف میلی آنکھ سے نہیں دیکھ سکتا۔

عثمان بزدار کا کہنا تھا کہ رینجرز کے افسر اور جوان ہمارا مان ہیں، دہشت گردی کے خلاف جنگ میں فورسز کی کامیابیاں تاریخ کا انمٹ نقوش ہیں، کسی ملک نے پاکستان کی طرح ایسی لازوال قربانیاں نہیں دیں۔

اسلام آباد: وزیراعلیٰ پنجاب سردار عثمان بزدار کا کہنا ہے کہ پنجاب میں اتحادی جماعت کو ساتھ لے کر چل رہے ہیں، عوام کی خدمت کے سفر میں کسی کو رکاوٹ نہیں ڈالنے دوں گا۔

تفصیلات کے مطابق وزیراعلیٰ پنجاب سردار عثمان بزدار سے معاون خصوصی فردوس عاشق اعوان نے ملاقات کی جس میں باہمی دلچسپی کے امور، سیاسی صورتحال اور ملکی امور پر تبادلہ خیال کیا گیا۔

اس موقع پر وزیراعلیٰ پنجاب نے کہا کہ تنقید برائے تنقید کرنے والے ملک و قوم کے خیر خواہ نہیں، ایسےعناصر محض ذاتی مفادات کے ایجنڈے کو لے کر چل رہے ہیں، ہمارا مقصد عوام کو ریلیف دینا اور ان کے لیے آسانیاں پیدا کرنا ہے۔

سردار عثمان بزدار نے کہا کہ پنجاب میں آٹے کی قیمتوں میں استحکام کے لیے ہر ضروری اقدام اٹھایا ہے، آٹے کی قیمت میں اضافہ کرنے والوں کے خلاف قانون اپنا راستہ خود لے رہا ہے۔

وزیراعلیٰ پنجاب نے کہا کہ آٹے کی قیمت میں اضافہ کسی صورت قابل قبو ل نہیں، چکی مالکان کو بھی آٹے کی قیمت میں اضافے کی اجازت نہیں دیں گے۔ انہوں نے مزید کہا کہ پنجاب میں اتحادی جماعت کو ساتھ لے کر چل رہے ہیں، عوام کی خدمت کے سفر میں کسی کو رکاوٹ نہیں ڈالنے دوں گا۔

معاون خصوصی برائے اطلاعات نے کہا کہ پنجاب حکومت نے آٹے کی دستیابی یقینی بنانے کے لیے اقدامات کیے، وزیراعلیٰ پنجاب صوبے کو بہترین انداز سے چلا رہے ہیں۔

فردوس عاشق اعوان نے کہا کہ پی ٹی آئی وزیراعظم عمران خان کی قیادت میں متحد ہے، اپوزیشن کا بیانیہ بری طرح بے نقاب ہوچکا ہے، سیاسی یتیم پاکستان کی سیاست سے آؤٹ ہوچکے ہیں۔