Tag: وزیراعلیٰ پنجاب

لاہور: وفاقی وزیر برائے سائنس اینڈ ٹیکنالوجی فواد چوہدری کا کہنا ہے کہ مجھے عثمان بزدار کے وزیراعلیٰ پنجاب ہونے پر کوئی اعتراض نہیں ہے۔

تفصیلات کے مطابق وفاقی وزیر فواد چوہدری نے اے آروائی نیوز سے خصوصی گفتگو کرتے ہوئے کہا کہ وزیراعلیٰ سندھ کراچی کو فنڈزنہیں دے رہے، تمام اضلاع کو فنڈز دینے کے لیے صوبائی سطح پر فنانس کمیشن ہونا چاہیے۔

وفاقی وزیر فواد چوہدری نے کہا کہ وفاق پر فنڈزکے حوالے سے زیادہ بوجھ ہے، این ایف سی ایوارڈ کا 60 فیصد حصہ صوبوں،40 فیصد مرکز کو ملتا ہے۔

انہوں نے کہا کہ شہباز شریف نے پنجاب کو تباہ کیا، وزیراعلیٰ پنجاب کی نامزدگی وزیراعظم کا صوابدیدی اختیار ہے، مجھے عثمان بزدار کے وزیراعلیٰ پنجاب ہونے پر کوئی اعتراض نہیں ہے۔

فواد چوہدری کا کہنا تھا کہ میں نے قومی اور صوبائی اسمبلی کے انتخابات جیتے تھے، وزیر اعظم عمران خان کی ہدایت پر میں نے قومی اسمبلی کی نشست برقرار رکھی۔

فواد چوہدری نے وزیر اعظم کو اہم خط لکھ دیا

واضح رہے کہ وفاقی وزیر سائنس اینڈ ٹیکنالوجی فواد چوہدری نے وزیر اعظم عمران خان کے نام ایک اہم خط لکھ کر اہم حکومتی معاملات پر نوٹس لینے کی اپیل کر دی ہے۔

اے آر وائی نیوز کے مطابق وفاقی وزیر فواد چوہدری نے وزیر اعظم عمران خان کو خط لکھ کر پنجاب کے ترقیاتی منصوبوں کے سلسلے میں وسائل کی بہتر تقسیم کے لیے تجاویز پیش کیں، انہوں نے خط میں لکھا کہ صوبے میں ترقیاتی عمل تیز کرنے کے لیے بجٹ ریلیز کیا جائے۔

اسلام آباد: وزیراعلیٰ پنجاب سردار عثمان بزدار کا کہنا ہے کہ چھوٹے موٹے اختلافات خاندان میں بھی ہو جاتے ہیں، مسلم لیگ ق ہماری اتحادی ہے اور رہے گی۔

تفصیلات کے مطابق تحریک انصاف کے رہنماؤں نے ق لیگ کے رہنماؤں سے ملاقات کی۔ ملاقات میں باہمی دلچسپی کے امور اور ورکنگ ریلیشن شپ مزید بہتر بنانے پر تبادلہ خیال کیا گیا۔

سردار عثمان بزدار نے کہا کہ چھوٹے موٹے اختلافات خاندان میں بھی ہو جاتے ہیں، اختلاف رائے جمہوریت کا حسن ہے، مسلم لیگ ق ہماری اتحادی ہے اور رہے گی۔

وزیر دفاع پرویز خٹک نے کہا کہ ہماری ورکنگ ریلیشن ہر آنے والے وقت میں مضبوط سے مضبوط تر ہوگی، مل کرعوام کو ریلیف فراہم کرنے کے لیے کام کریں گے۔

مسلم لیگ ق کے رہنما نے کہا کہ کوئی غلط فہمی میں نہ رہے، تحریک انصاف کے اتحادی ہیں، ہمارا اتحاد پہلے سے زیادہ مضبوط ہے، اتحاد میں رخنہ ڈالنے کی خواہش دلوں میں ہی رہ جائے گی، ہر مسئلے کو افہام و تفہیم سے حل کرنے میں ہی دانشمندی ہوتی ہے۔

ہم اتحادی جماعتوں کو ساتھ لے کر چلیں گے ، وزیراعظم

یاد رہے کہ گزشتہ روز وزیر اعظم عمران خان کا کہنا تھا کہ اتحادی جماعتوں نے حکومت کا ہر مشکل میں ساتھ دیا، ہم اتحادی جماعتوں کو ساتھ لے کر چلیں گے اور تحفظات دور کریں گے۔

لاہور: وزیراعلیٰ پنجاب سردار عثمان بزدار نے بے گھرافراد کے لیےعارضی پناہ گاہیں بنانے کی ہدایت کرتے ہوئے کہا کہ بے گھر افراد کو سخت موسم سےمحفوظ رکھنا ریاست کی ذمہ داری ہے۔

تفصیلات کے مطابق وزیراعلیٰ پنجاب سردار عثمان نے بے گھرافراد کے لیےعارضی پناہ گاہیں بنانے کی ہدایت کرتے ہوئے کہا کہ سردی سے بچاؤ کے لیےعارضی پناہ گاہوں کا قیام جلدعمل میں لایا جائے۔

وزیراعلیٰ پنجاب نے کہا کہ جہاں مستقل نہیں وہاں عارضی پناہ گاہیں بنائی جائیں، بےگھرافراد کوسخت موسم سے محفوظ رکھنا ریاست کی ذمہ داری ہے،عارضی پناہ گاہیں قائم کر کے رپورٹ بھجوائی جائے۔

شدید سردی میں کوئی بھی شخص بغیر شیلٹر کے نہ رہے، وزیراعظم

اس سے قبل وزیراعظم عمران خان نے سماجی رابطے کی ویب سائٹ ٹویٹر پر اپنے پیغام میں کہا تھا کہ شدید سردی میں کوئی بھی شخص بغیر شیلٹر کے نہ رہے، پنجاب، کے پی کے وزرائے اعلیٰ اس بات کو یقینی بنائیں۔

وزیراعظم عمران خان نے اپنے پیغام میں مزید کہا تھا کہ جو افراد پناہ گاہوں میں نہیں انتظامیہ ان کو کھانا،عارضی پناہ گاہیں دے۔

واضح رہے کہ وزیراعظم عمران خان کے شیلٹر ہوم منصوبے کو ایک سال مکمل ہوگیا، منصوبے کو ملک بھرمیں زبردست پذیرائی ملی، لاکھوں افراد منصوبے سے مستفید ہوئے۔ کھلے آسمان تلے راتیں گزارنے والے افراد کومحفوظ پناہ گاہ ملی، بھوکے پیٹ سونے والے مستحق افراد کو 2 وقت کا کھانا دیا گیا۔

لاہور: وزیراعلیٰ پنجاب سردار عثمان بزدار کا کہنا ہے کہ چھت اور کھانا فراہم کرکے ریاست اپنی ذمے داری پوری کر رہی ہے، پناہ گاہوں کی تعمیر کے منصوبے کی نگرانی خود کر رہا ہوں۔

تفصیلات کے مطابق وزیراعلیٰ پنجاب سردار عثمان بزدار نے تونسہ میں پناہ گاہ کی زیر تعمیر عمارت کا دورہ کیا۔ اس موقع پر سردار عثمان بزدار نے کہا کہ یہ نیکی کا کام ہے،اس میں تاخیر نہیں ہونی چاہیے۔

وزیراعلیٰ پنجاب نے کہا کہ پناہ گاہ کا منصوبہ بے گھر افراد کے لیے نعمت کے مترادف ہے، وزیراعظم کی ہدایت پر پناہ گاہ کا دائرہ پورے پنجاب تک بڑھائیں گے، بے گھرافراد کو شدید سردی میں کھلے آسمان تلے نہیں سونا پڑے گا۔

سردار عثمان بزدار نے کہا کہ چھت اور کھانا فراہم کرکے ریاست اپنی ذمےداری پوری کر رہی ہے، معاشرے کے پسے افراد کے لیے صلہ رحمی کی ایسی کوئی مثال نہیں ملتی۔ انہوں نے مزید کہا کہ ذاتی طور پر پناہ گاہوں کی تعمیر کے منصوبے کی نگرانی کر رہا ہوں۔

یاد رہے کہ رواں سال 23 مئی کو وزیراعلیٰ پنجاب عثمان بزدار نے ریلوے اسٹیشن کے نزدیک مسافروں کے لیے بنائی گئی مستقل پناہ گاہ کا افتتاح کیا تھا۔ اس موقع پر وزیراعلیٰ پنجاب کا کہنا تھا کہ حکومت نے کھلے آسمان تلے سونے والے افراد کو چھت دی ہے یہ احسان نہیں بلکہ ان کا حق ہے۔

لاہور: وزیراعلیٰ پنجاب سردار عثمان بزدار کا کہنا ہے کہ 28 سال کے بعد پنجاب میں پہلی بار اسپتال بن رہے ہیں، ایک سال کے اندر 9 اسپتال بنائے جا رہے ہیں۔

تفصیلات کے مطابق وزیراعلیٰ پنجاب نے کہا کہ ہم عوام کی زندگیوں میں آسانیاں پیدا کر رہے ہیں، ماضی کی حکومتوں نےعوام کو مشکلات کی دلدل میں دھکیلا ہوا تھا۔

وزیراعلیٰ پنجاب نے کہا کہ ترقیاتی منصوبوں کی لمبی فہرست ہے، ایک سال کے اندر 9 اسپتال بنائے جا رہے ہیں، 28 سال کے بعد پنجاب میں پہلی بار اسپتال بن رہے ہیں۔

سردار عثمان بزدار نے کہا کہ ہم نے ہر سیکٹرمیں کام کیا ہے، صحافیوں کو پنجاب حکومت ہیلتھ کارڈ میں شامل کرے گی، ڈویژنل سطح پر صحافی کالونی کا اجرا کریں گے۔

انہوں نے کہا کہ پنجاب کے پسماندہ علاقوں کی ترقی بنیادی ہدف ہے، 28 سال کے بعد پنجاب میں پہلی بار اسپتال بن رہے ہیں، ایک سال کے اندر 9 اسپتال بنائے جا رہے ہیں۔

ہنر مند نوجوان ہر ریاست کا اثاثہ ہوتے ہیں: عثمان بزدار

یاد رہے کہ گزشتہ ہفتے وزیراعلیٰ پنجاب سردار عثمان بزدار نے تقریب سے خطاب کرتے ہوئے کہا تھا کہ ہنر مند نوجوان پروگرام کے لیے ڈیڑھ ارب رکھے گئے ہیں۔ ایک لاکھ نوجوانوں کو مارکیٹ ڈیمانڈ کے مطابق جدید کورسز کروائیں گے۔

لاہور: وزیراعلیٰ پنجاب سردار عثمان بزدار کا کہنا ہے کہ پی آئی سی حملے میں ملوث 46 شر پسندوں کوعدالت میں پیش کیا گیا، شرپسندوں کوعدالت میں پیش کرکے ریمانڈ حاصل کیا جاچکا ہے۔

تفصیلات کے مطابق سماجی رابطے کی ویب سائٹ ٹویٹر پر وزیراعلیٰ پنجاب سردار عثمان بزدار نے اپنے پیغام میں کہا کہ پی آئی سی حملے میں ملوث دیگر افراد کی شناخت کاعمل جاری ہے، قیمتی جانوں کے ضیاع میں ملوث شرپسندوں کی شناخت کی جا رہی ہے۔

سردار عثمان بزدار نے کہا کہ تمام تر قانونی تقاضے پورے کیے جا رہے ہیں تاکہ مکمل انصاف ہو۔

ہسپتال پر حملے کے افسوسناک واقعے میں ملوث 46 شرپسندوں کو اب تک عدالت میں پیش کر کے ریمانڈ حاصل کیا جا چکا ہے اور باقی افراد کی بھی شناخت جاری ہے

قیمتی جانوں کے ضیاع میں ملوث ان شرپسندوں کی مکمل شناخت اور کاروائی کے لیے تمام تر قانونی تقاضے پورے کیےجا رہے ہیں تاکہ مکمل انصاف ہو

— Usman Buzdar (@UsmanAKBuzdar) December 12, 2019

وزیراعلیٰ پنجاب نے مزید کہا کہ پی آئی سی حملے میں ملوث 46 شر پسندوں کوعدالت میں پیش کیا گیا، شرپسندوں کوعدالت میں پیش کرکے ریمانڈ حاصل کیا جاچکا ہے۔

وکلاٗٗٗ نے پنجاب انسٹی ٹیوٹ آف کارڈیالوجی پر دھاوا بول دیا

واضح رہے کہ وکلاء کی جانب سے گزشتہ روز پنجاب انسٹیٹیوٹ آف کارڈیالوجی کے اندر گھس کر توڑ پھوڑ کی گئی اور ڈاکٹروں کو تشدد کا نشانہ بنایا گیا۔ واقعے کی اطلاع ملنے کے بعد وزیر اطلاعات پنجاب فیاض الحسن چوہان رپورٹ لینے کے لیے موقع پر پہنچے تو مشتعل وکلاء نے انہیں بھی تشدد کا نشانہ بنایا۔

اسلام آباد: اسپیکر قومی اسمبلی اسد قیصر کا کہنا ہے کہ زراعت کا شعبہ معیشت میں ریڑھ کی ہڈی کی حیثیت رکھتا ہے، زراعت کے شعبے کی ترقی کے لیے حکومتی سرپرستی ضروری ہے۔

تفصیلات کے مطابق اسپیکر قومی اسمبلی اسد قیصر سے وزیراعلیٰ پنجاب سردار عثمان بزدار نے ملاقات کی۔ ملاقات کے دوران مجموعی سیاسی اور معاشی صورت حال اور باہمی دلچسپی کے دیگر امور پر تبادلہ خیال کیا۔

وزیراعلیٰ پنجاب نے اسپیکر قومی اسمبلی کو صوبے میں جاری ترقیاتی کاموں کی تفصیلات سے آگاہ کیا۔ سردار عثمان بزادار نے کہا کہ عوامی منصوبوں خصوصاً زراعت کی ترقی کے اقدامات کر رہے ہیں۔

اس موقع پر اسپیکر قومی اسمبلی اسد قیصر نے کہا کہ عوامی فلاح وبہبود کے لیے اٹھائے گئے اقدامات قابل ستائش ہے۔انہوں نے مزید کہا کہ زراعت کا شعبہ معیشت میں ریڑھ کی ہڈی کی حیثیت رکھتا ہے، زراعت کے شعبے کی ترقی کے لیے حکومتی سرپرستی ضروری ہے۔

زرعی شعبے کی ترقی اور جدید ٹیکنالوجی کو متعارف کرانا حکومتی ترجیح ہے، وزیراعظم

اس سے قبل وزیراعظم عمران خان کا کہنا تھا کہ زرعی شعبے کی ترقی اور جدید ٹیکنالوجی کو متعارف کرانا حکومتی ترجیح ہے، کسانوں کو ہرممکنہ سہولت فراہم کرنا چاہتے ہیں۔

عمران خان کا کہنا تھا کہ زرعی شعبہ ملکی معیشت میں ریڑھ کی ہڈی کی حیثیت رکھتا ہے، ملکی آبادی کا بڑاحصہ زرعی شعبے سے منسلک ہے، زرعی اجناس کی پیداوار کے بارےمیں جامع منصوبہ بندی کی جا رہی ہے۔