Tag: وزیراعلیٰ پنجاب

لاہور: وزیراعلیٰ پنجاب سردار عثمان بزدار نے کہا کہ محمد وسیم نے ایک بار پھر ثابت کیا وہ پروفیشنل اور با صلاحیت باکسر ہیں۔

تفصیلات کے مطابق وزیراعلیٰ پنجاب سردار عثمان بزدار نے باکسر محمد وسیم کو ورلڈ رینکنگ فائٹ کا مقابلہ جیتنے پرمبارکباد دیتے ہوئے کہا کہ محمد وسیم نے بہترین مہارت کا مظاہرہ کر کے حریف کو شکست دی۔

سردار عثمان بزدار نے کہا کہ محمد وسیم نے ایک بار پھر ثابت کیا وہ پروفیشنل اور با صلاحیت باکسرہیں، محمد وسیم نے اپنی محنت اور پیشہ ورانہ مہارت سے اعزازحاصل کیا۔ انہوں نے کہا کہ محمد وسیم نے کامیابی حاصل کر کے پاکستان کا پرچم بلند کیا۔

واضح رہے کہ پاکستان کے پروفیشنل باکسر محمد وسیم نے کیریئر کی 10ویں کامیابی حاصل کرتے ہوئے سپر فلائی ویٹ کیٹیگری کے مقابلے میں میکسیکو کے گینگان لوپیز کو شکست دے دی۔ سپر فلائی ویٹ کیٹیگری کا مقابلہ 8 راؤنڈز پر مشتمل تھا جہاں ججز نے محمد وسیم کو 75 کے مقابلے میں 77 پوائنٹس سے فاتح قرار دیا۔

اس سے قبل محمد وسیم نے 13 ستمبر 2019ء کو دبئی کے میرینہ باکسنگ ہال میں فلائی ویٹ باٹ باکسنگ چیمپئن میں فلپائنی باکسر کونراڈوسور کو محض 82 سیکنڈ میں ناک آؤٹ کر کے اعزاز اپنے نام کیا تھا۔

لاہور: وزیراعلیٰ پنجاب سردار عثمان بزدار نے کہا کہ پنجاب اسمبلی نے قانون سازی کے نئے ریکارڈ قائم کیے ہیں، ایک سال میں وہ کام کیے جو سابقہ حکومتیں کئی سال نہیں کرسکیں۔

تفصیلات کے مطابق وزیراعلیٰ پنجاب نے کہا کہ تباہ حال معیشت میں بہتری لانا پی ٹی آئی حکومت کا قابل قدر اقدام ہے، وزیراعظم ملک کو معاشی افق کی بلندیوں تک لے کر جائیں گے۔

سردار عثمان بزدار نے کہا کہ پائیدارمعاشی ترقی کے لیے قیادت کا ایماندار ہونا ضروری امر ہے، سابق ادوارمیں اربوں کی کرپشن نے ملک کا بیڑا غرق کیا۔

انہوں نے کہا کہ ہماری حکومت نے کرپشن کے خلاف علم بلند کیا ہے، وزیراعظم نے کرپشن کے بڑے بڑے بت بے نقاب کیے، ہماری حکومت نے ماضی کی غلط روایت کا خاتمہ کیا ہے۔

وزیراعلیٰ پنجاب نے کہا کہ عوام کی سہولت کے مطابق قوانین میں ترامیم کی جا رہی ہیں، پنجاب اسمبلی نے قانون سازی کے نئے ریکارڈ قائم کیے ہیں، ایک سال میں وہ کام کیے جو سابقہ حکومتیں کئی سال نہیں کرسکیں۔

سردار عثمان بزدار نے کہا کہ ورکرویلفیئر فنڈز بل لانے کا مقصد کارکنوں کی فلاح وبہبود ہے، صاف پانی کی فراہمی کے لیے آب پاک اتھارٹی کا قانون اہمیت رکھتا ہے۔

لاہور: اسپیکر پنجاب اسمبلی چوہدری پرویزالٰہی کا کہنا ہے کہ وزیراعلیٰ پنجاب کے ساتھ کھڑے تھے، کھڑےہیں اور رہیں گے، کوئی غلط فہمی میں نہ رہے، تحریک انصاف کے اتحادی ہیں۔

تفصیلات کے مطابق وزیراعلیٰ پنجاب عثمان بزدار سے اسپیکر پنجاب اسمبلی چوہدری پرویزالٰہی نے ملاقات کے دوران باہمی دلچسپی کے امور، سیاسی صورت حال، فلاح وبہبود کے اقدامات پر گفتگو کی۔

وزیراعلیٰ پنجاب نے کہا کہ عوام کی ترقی وخوشحالی کے لیے مل کر کام کر رہے ہیں اور کرتے رہیں گے، پنجاب کی ترقی کے سفر میں اتحادیوں کو ساتھ لے کرچلیں گے، مل کر عوام کی خدمت کرتے رہیں گے۔

سردار عثمان بزدار نے کہا کہ غلط فہمیاں پید اکرنے کی سازش کرنے والے کامیاب نہیں ہونگے، ایک دوسرے کے تجربے سے فائدہ اٹھا کر فلاح وبہبود کا مشن پورا کریں گے۔

انہوں نے کہا کہ فلاح و بہبود کے وہ کام کر رہے ہیں جو سابق حکمران نہ کر پائے، عوام کو کھوکھلے نعروں سے بہلانے کا دور گزر چکا، پاکستان تبدیلی کی راہ پر چل پڑا ہے، نیا بلدیاتی نظام عوامی خدمت کو نئی جہت دے گا۔

دوسری جانب اسپیکر پنجاب اسمبلی چوہدری پرویزالٰہی نے کہا کہ وزیراعلیٰ پنجاب کے ساتھ کھڑے تھے، کھڑےہیں اور رہیں گے، کوئی غلط فہمی میں نہ رہے، تحریک انصاف کے اتحادی ہیں۔

چوہدری پرویزالٰہی نے کہا کہ ہمارا اتحاد پہلے سے زیادہ مضبوط ہے، اتحاد میں رخنہ ڈالنے کی خواہش دلوں میں ہی رہ جائے گی۔ انہوں نے کہا کہ ہر مسئلے کو افہام وتفہیم سے حل کرنا دانشمندی ہوتی ہے، اب ذاتی پسند ناپسند نہیں بلکہ میرٹ، گورننس کی حکمرانی ہے۔

لاہور: وزیراعلیٰ پنجاب سردار عثمان بزدار نے کہا کہ قبائلی علاقوں کے لیے علیحدہ گرڈ اسٹیشن بنے گا، منصوبے پرتقریباً ایک ارب روپے لاگت آئے گی۔

تفصیلات کے مطابق وزیراعلیٰ پنجاب سردار عثمان بزدار کا کہنا ہے کہ ڈیرہ غازی خان کے قبائلی علاقوں کے لیے علیحدہ گرڈ اسٹیشن بنے گا، پاورڈویژن نے منصوبے کے لیے پی سی ون تیار کرنے کی ہدایت کر دی۔

سردار عثمان بزدار نے کہا کہ منصوبے پرتقریباً ایک ارب روپے لاگت آئے گی، بارتھی خاص میں 132 کے وی کا گرڈ اسٹیشن بنایا جائے گا، گرڈ اسٹیشن کے ساتھ 132 کے وی کی ٹرانسمیشن لائن بچھائی جائے گی، ٹرانسمیشن لائن49 کلومیٹرطویل ہوگی۔

کلین گرین پنجاب کے تحت شہری آبادیوں میں شجرکاری کی جا رہی ہے، عثمان بزدار

یاد رہے کہ گزشتہ ہفتے وزیراعلیٰ پنجاب سردار عثمان بزدار نے اپنے پیغام میں کہا تھا کہ عالمی بینک اورحکومت پنجاب کے اشتراک سے 35 کروڑ ڈالرکے پروگرام کا آغاز کیا ہے۔

سردار عثمان بزدار کا کہنا تھا کہ پروگرام اور نئے ماسٹر پلانز میں ماحولیاتی آلودگی کم کرنے پر کام کر رہے ہیں، کلین گرین پنجاب کے تحت شہری آبادیوں میں شجرکاری کی جا رہی ہے۔

وزیراعلیٰ پنجاب کا کہنا تھا کہ زگ زیگ ٹیکنالوجی پر منتقل نہ ہونے والے بھٹے 15 نومبرسے بند کر رہے ہیں، ٹائر جلانے والی فیکٹریاں سیل، فصلیں جلانے اورآلودگی پھیلانے پرجرمانے کر رہے ہیں۔

لاہور: وزیراعلیٰ پنجاب سردار عثمان بزدار نے کہا کہ کرتارپور راہداری کھلنے سے سکھ برادری کی خوشیاں دوبالا ہوگئیں، ایک دوسرے کی خوشیوں میں شرکت سے بھائی چارے کو فروغ ملتا ہے۔

تفصیلات کے مطابق وزیراعلیٰ پنجاب سردار عثمان بزدار نے سکھ برادری کو مبارکباد دیتے ہوئے کہا کہ کرتارپور راہداری کھلنے سے سکھ برادری کی خوشیاں دوبالا ہوگئیں، ایک دوسرے کی خوشیوں میں شرکت سے بھائی چارے کو فروغ ملتا ہے۔

سردار عثمان بزدار نے کہا کہ ایک دوسرے کی خوشیوں میں شرکت سے بھائی چارے کو فروغ ملتا ہے، باباگرونانک بین المذاہب ہم آہنگی کی بہترین مثال تھے، اقلیتوں کی فلاح وبہبود حکومتی ترجیحات میں شامل ہے۔

یہ شروعات ہے، انشاءاللہ بھارت سے تعلقات اچھے ہوں گے، وزیراعظم

یاد رہے کہ تین روز قبل وزیر اعظم عمران خان نے کرتارپور راہداری کی افتتاحی تقریب سے خطاب کرتے ہوئے کہا تھا کہ سکھ برادری کو گرونانک کی سالگرہ کی مبارکباد دیتا ہوں۔

وزیراعظم کا کہنا تھا کہ اندازہ ہی نہیں تھا لوگ اتنے محنتی ہیں،اور بھی آگے بڑھ سکتے ہیں، صرف خراج تحسین ہی نہیں دل سے آپ کے لیے دعائیں ہیں، یہاں آتے ہیں توسکھ کمیونٹی کے دلوں میں خوشی ہوتی ہے۔

وزیراعظم عمران خان کا کہنا تھا کہ راہداری کھولنے کی مجھے بہت خوشی ہوئی، اندازہ نہیں تھا کرتارپورکی سکھ کمیونٹی میں کیا اہمیت تھی، کرتارپور سے متعلق ایک سال پہلے پتہ چلا اس کی کیا اہمیت ہے۔

لاہور: وزیراعلیٰ پنجاب سردار عثمان بزدار نے ٹائر جلانے کی پابندی پر سختی سے عملدرآمد کرانے کا حکم دیتے ہوئے کہا کہ اسموگ میں اچانک اضافے سے شہریوں کو مشکلات ہیں۔

تفصیلات کے مطابق محکمہ موسمیات کا کہنا ہے کہ لاہور میں رات گئے ہلکی بارش سے موسم خوشگوار ہوگیا، ٹھنڈی ہوائیں چلنے سے خنکی میں بھی اضافہ ہوگیا۔ محکمہ موسمیات نے آئندہ 24 گھنٹے میں بارش کی پیشگوئی کی ہے، بارش سے اسموگ میں کمی آئے گی۔

وزیراعلیٰ پنجاب سردار عثمان بزدار نے ٹائر جلانے کی پابندی پر سختی سے عملدرآمد کرانے کا حکم دیتے ہوئے کہا کہ لاہورمیں اسموگ کی صورت حال کو مسلسل مانیٹرکیا جا رہا ہے۔

سردار عثمان بزدار نے کہا کہ محکمہ ماحولیات، انتظامیہ اور متعلقہ ادارے ہمہ وقت چوکس رہیں، اسموگ میں اچانک اضافے سے شہریوں کو مشکلات ہیں۔ وزیراعلیٰ پنجاب نے شہریوں کی مشکلات میں کمی کے لیے متعلقہ محکموں کو فوری اقدامات کی ہدایت کردی۔

وزیراعلیٰ پنجاب سردار عثمان بزدار نے کہا کہ آج لاہور کے تمام اسکول اچانک اسموگ بڑھنے کی وجہ سے بند رہیں گے۔

یاد رہے کہ گزشتہ ہفتے لاہور ہائی کورٹ نے شہر میں بڑھتی ہوئی ماحولیاتی آلودگی کے خلاف درخواست پر تحریری فیصلہ جاری کیا تھا۔ عدالت نے واٹرکمیشن سے ماحولیاتی آلودگی پر رپورٹ طلب کرلی تھی۔

عدالت نے ریمارکس دیے تھے کہ شہر میں ماحولیاتی آلودگی حالیہ دنوں میں خطرناک حد تک پہنچ چکی ہے، ایسا لگ رہا ہے جیسے آئندہ آنے والے دنوں میں یہ ماحولیاتی آلودگی بدترین شکل اختیار کر جائے گی۔

لاہور: وزیراعلیٰ پنجاب سردار عثمان بزدار کا کہنا ہے کہ اپوزیشن کا غیر جمہوری طرز عمل جگ ہنسائی کا سبب بن رہا ہے، اپوزیشن کے پاس فلاح عامہ کا کوئی ایجنڈا نہیں ہے۔

تفصیلات کے مطابق وزیراعلیٰ پنجاب سردار عثمان بزدار نے کہا کہ تشار کی سیاست نے ہمیشہ ملک کو نقصان پہنچایا ہے،منفی سیاست سے ملک آگے نہیں بلکہ پیچھے چلا جاتا ہے۔

سردار عثمان بزدار نے کہا کہ اپوزیشن کا غیر جمہوری طرز عمل جگ ہنسائی کا سبب بن رہا ہے، اپوزیشن کے پاس فلاح عامہ کا کوئی ایجنڈا نہیں ہے۔ انہوں نے کہا کہ سیاسی قوتوں پر ذمےداری ہے کہ وہ قومی مفادات کو مقدم رکھیں۔

وزیراعلیٰ پنجاب نے کہا کہ مختصر عرصے میں پائیدار ترقی کی بنیاد رکھی جا چکی ہے، ترقی اور خوشحالی کے سفر کو افراتفری کی نذر نہیں ہونے دیں گے۔

انتشار کی سیاست میں وقت ضائع کرنا ملک وقوم سے ناانصافی ہے، عثمان بزدار

یاد رہے کہ گزشتہ ہفتے وزیراعلیٰ پنجاب کا کہنا تھا کہ انتشار کی سیاست میں وقت ضائع کرنا ملک وقوم سے ناانصافی ہے، موجودہ حالات میں بالغ نظری اور دوراندیشی کی ضرورت ہے۔

سردار عثمان بزدارکا کہنا تھا کہ ترقی کے سفر کو افراتفری کی سیاست کی نذر کرنا دانشمندی نہیں ہے، تبدیلی سے خوف کھائے عناصر صرف تنقید برائے تنقید کر رہے ہیں۔

اسلام آباد: وزیراعلیٰ پنجاب سردار عثمان بزدار کا کہنا ہے کہ کلین گرین پنجاب کے تحت شہری آبادیوں میں شجرکاری کی جا رہی ہے، ماحولیاتی آلودگی کم کرنے پر کام کر رہے ہیں۔

تفصیلات کے مطابق سماجی رابطے ٹویٹر پر وزیراعلیٰ پنجاب سردار عثمان بزدار نے اپنے پیغام میں کہا کہ عالمی بینک اورحکومت پنجاب کے اشتراک سے 35 کروڑ ڈالرکے پروگرام کا آغاز کیا ہے۔

ورلڈ بنک اور حکومت پنجاب کے اشتراک سے 373 ملین ڈالر کا یہ پروگرام لانچ کر دیا گیا ہے

اس پروگرام کے علاوہ ہم بڑے شہروں کے لیے زیرغور نئے ماسٹر پلانز میں ماحولیاتی آلودگی کم کرنے پر کام کر رہےہیں اور #CleanGreenPunjab کےتحت شہری آبادیوں میں بڑےپیمانے پرشجرکاری بھی کی جا رہی ہے

— Usman Buzdar (@UsmanAKBuzdar) November 5, 2019

سردار عثمان بزدار نے کہا کہ پروگرام اور نئے ماسٹر پلانز میں ماحولیاتی آلودگی کم کرنے پر کام کر رہے ہیں، کلین گرین پنجاب کے تحت شہری آبادیوں میں شجرکاری کی جا رہی ہے۔

وزیراعلیٰ پنجاب نے کہا کہ زگ زیگ ٹیکنالوجی پر منتقل نہ ہونے والے بھٹے 15 نومبرسے بند کر رہے ہیں، ٹائر جلانے والی فیکٹریاں سیل، فصلیں جلانے اورآلودگی پھیلانے پرجرمانے کر رہے ہیں۔

ان میڈیم ٹرم اقدامات کے ساتھ ہم لاہور اور گردونواح میں #Smog کو کنٹرول میں رکھنے کےلیے zigzag ٹیکنالوجی پر شفٹ نا ہونےوالے بھٹوں کو 15نومبر سے بند کر رہےہیں، ٹائر جلانےوالی فیکٹریاں سیل کر رہےہیں اور کھیتوں میں فصلیں جلانے والوں، دھواں چھوڑنے والی گاڑیوں پربھی جرمانےکر رہےہیں

— Usman Buzdar (@UsmanAKBuzdar) November 5, 2019