Tag: وزیراعلیٰ پنجاب

لاہور: وزیراعلیٰ پنجاب سردار عثمان بزدار کا کہنا ہے کہ تحریک انصاف کی حکومت اقلیتوں کے حقوق کی پاسبان ہے، اقلیتوں کے حقوق کے تحفظ کے لیے اقدامات کی مثال نہیں۔

تفصیلات کے مطابق صوبائی دارالحکومت لاہور میں وزیراعلیٰ پنجاب کی زیرصدارت صوبائی کابینہ کا 20واں اجلاس ہوا، اجلاس میں 22 نکاتی ایجنڈا زیرغور آیا۔

سردار عثمان بزدار کی زیر صدارت اجلاس میں صوبائی وزرا، مشیران، معاونین خصوصی، چیف سیکریٹری و دیگر نے شرکت کی۔

اجلاس میں پنجاب لوکل گورنمنٹ ایکٹ 2019 میں ترامیم، پنجاب ویلج پنچایت اینڈ نیبرہڈ کونسلز ایکٹ 2019 میں ترامیم، پنجاب ڈی مارکیشن آف لوکل ایریاز رولز 2019 کے تحت حد بندی اور ایکٹ 2019 کے تحت سکسیڈنگ لوکل گورنمنٹس کے قیام کی منظوری دی گئی۔

صوبائی کابینہ کے اجلاس میں سیاسی جماعت یا انتخابی گروپ بنا کر بلدیاتی الیکشن میں حصہ لینے کی اجازت اور اقلیتوں کا مخصوص نشستوں کے ساتھ عمومی نشستوں پر بھی ووٹنگ کے حق منظور کیا گیا، انتخابی نتائج کا اعلان ریٹرننگ آفیسر کرے گا۔

وزیراعلیٰ پنجاب کی زیرصدارت اجلاس میں فیصلہ کیا گیا کہ پنجاب بھر میں 455 مقامی حکومتیں بنیں گی۔ اجلاس میں پنجاب میونسپل سروسز پروگرام میں رد و بدل کا فیصلہ بھی کیا گیا۔

صوبائی کابینہ کے اجلاس میں شاہی قلعہ کے لیے ہیریٹج اینڈ اربن ری جنریشن پروگرام کی منظوری دی گئی، اس کے علاوہ لاہور اور آذر بائیجان کے شہر ناک چیوان جڑواں قرار دینے کا فیصلہ بھی کیا گیا۔

وزیراعلیٰ پنجاب نے کہا کہ تحریک انصاف کی حکومت اقلیتوں کے حقوق کی پاسبان ہے، اقلیتوں کے حقوق کے تحفظ کے لیے اقدامات کی مثال نہیں ہے۔

وزیراعلیٰ پنجاب کی زیرصدارت اجلاس، محکمہ مال سمیت دیگر امور کا جائزہ

یاد رہے کہ دو روز قبل وزیراعلیٰ پنجاب عثمان بزدار نے اعلیٰ سطح اجلاس کی صدارت کی تھی، اس دوران پنجاب میں پٹواری کے عہدے کا نام تبدیل کرنے کا فیصلہ کیا گیا تھا۔

اجلاس میں فیصلہ کیا گیا تھا کہ پٹواری کو ولیج آفیسر کے عہدے کا نام دیا جائے گا، جبکہ ولیج آفیسر کو 14واں اسکیل ملے گا، بھرتی پنجاب پبلک سروس کمیشن کے ذریعے ہوگی۔

ولیج آفیسر کے لیے بھرتی کے بعد 6 ماہ کی تربیت لازم ہوگی، وزیراعلیٰ نے ولیج آفیسر کو لیپ ٹاپ بھی دینے کی منظوری دے دی تھی، جبکہ لاہور کی ایک تحصیل کو ریونیو کے حوالے سے ماڈل تحصیل بنانے کا بھی فیصلہ کیا گیا تھا۔

وزیراعلیٰ پنجاب نے حکم دیا تھا کہ لینڈ ریکارڈ سینٹرز پر ادائیگی کے لیے بینک کا کاؤنٹر بنایا جائے، رشوت لینے والے افسروں واہلکاروں کی جگہ جیل ہے، کسی صورت پیسے لینے سے متعلق شکایت برداشت نہیں کروں گا۔

لاہور: وزیراعلیٰ پنجاب سردار عثمان بزدارنے جرائم پیشہ اورشرپسند عناصر کے خلاف بلا امتیاز کارروائی کا حکم دیتے ہوئے کہا کہ عوام کے جان ومال کے تحفظ، قیام امن سے بڑھ کر کوئی ترجیح نہیں ہے۔

تفصیلات کے مطابق وزیراعلیٰ پنجاب کی زیرصدارت اجلاس میں امن وامان کی صورت حال کا جائزہ لیا گیا، وزیراعلیٰ کو قیام امن کے لیے کیے جانے والے اقدامات سے متعلق بریفنگ دی گئی۔

وزیراعلیٰ پنجاب نے عوام کے جان ومال کے تحفظ کے لیے اقدامات کی ہدایت دیتے ہوئے کہا کہ صوبے میں امن عامہ برقرار رکھنے کے لیے ضروری اقدامات کیے جائیں۔

سردار عثمان بزدار نے کہا کہ جرائم پیشہ اور شرپسند عناصرکے خلاف بلا امتیاز کارروائی جاری رکھی جائے، عوام کے جان ومال کے تحفظ، قیام امن سے بڑھ کر کوئی ترجیح نہیں ہے۔

وزیراعلیٰ پنجاب سردار عثمان بزدار نے کہا کہ قانون کی عملداری کو یقینی بنانے کے لیے کوئی کسراٹھا نہ رکھی جائے۔

کچھ عناصر نہیں چاہتے پاکستان ترقی کی راہ پر گامزن ہو، عثمان بزدار

یاد رہے کہ گزشتہ ہفتے وزیر اعلیٰ پنجاب عثمان بزدار کا کہنا تھا کہ موجودہ حالات میں انتشار کی سیاست انتہائی نقصان دہ ہے ملک کو منفی سیاست نہیں بلکہ استحکام کی ضرورت ہے۔

سردار عثمان بزدار کا کہنا تھا کہ غریب لوگوں کی زندگی میں بہتری لانا حکومتی ترجیحات کا حصہ ہے، غریبوں کی فلاح وبہبود کے ہر ممکن وسائل بروئے کار لائے جائیں گے۔

لاہور: وزیراعلیٰ پنجاب سردار عثمان بزدار نے کہا کہ انتشار کی سیاست میں وقت ضائع کرنا ملک وقوم سے ناانصافی ہے، ترقی کے سفر کو افراتفری کی سیاست کی نذر کرنا دانشمندی نہیں ہے۔

تفصیلات کے مطابق وزیراعلیٰ پنجاب سردار عثمان سے مختلف اضلاع سے تعلق رکھنے والے اراکین پارلیمنٹ نے ملاقات کی۔ اراکین اسمبلی نے اپنے حلقوں کے مسائل سے وزیراعلیٰ کو آگاہ کیا۔

وزیراعلیٰ پنجاب نے کہا کہ انتشار کی سیاست میں وقت ضائع کرنا ملک وقوم سے ناانصافی ہے، موجودہ حالات میں بالغ نظری اور دوراندیشی کی ضرورت ہے۔

سردار عثمان بزدار نے کہا کہ ترقی کے سفر کو افراتفری کی سیاست کی نذر کرنا دانشمندی نہیں ہے، تبدیلی سے خوف کھائے عناصر صرف تنقید برائے تنقید کر رہے ہیں۔

کچھ عناصر نہیں چاہتے پاکستان ترقی کی راہ پر گامزن ہو، عثمان بزدار

یاد رہے کہ گزشتہ روز وزیراعلیٰ پنجاب کا کہنا تھا کہ کچھ عناصر نہیں چاہتے پاکستان ترقی کی راہ پر گامزن ہو انہیں سمجھنا ہوگا کہ ملک کو منفی سیاست نہیں بلکہ استحکام کی ضرورت ہے۔

وزیر اعلیٰ پنجاب کا کہنا تھا کہ اندرونی وبیرونی چیلنجزکے پیش نظر قومی مفاد کو سامنے رکھنا ہوگا، دھرتی ہم سے ان حالات میں اتحاد، یگانگت کا تقاضا کرتی ہے۔

لاہور: وزیراعلیٰ پنجاب سردار عثمان بزدار نے کہا کہ والدین پولیو کے خاتمے کے لیے حکومتی کوششوں کا حصہ بنیں، پولیو کے خاتمے کی کوششوں کو تقویت دینے کے لیے آگاہی مہم چلا رہے ہیں۔

تفصیلات کے مطابق وزیراعلیٰ پنجاب سردار عثمان بزدار نے پولیو کے مرض سے بچاؤ کے عالمی دن کے موقع پر اپنے پیغام میں کہا کہ پولیو کے خاتمے کے لیے مؤثر اقدامات کا تسلسل اجتماعی ذمہ داری ہے۔

سردار عثمان بزدار نے کہا کہ مہم کی کامیابی کے لیے مدارس، اسکولز اور ادارے مل کرکام کریں، والدین پولیو کے خاتمے کے لیے حکومتی کوششوں کا حصہ بنیں۔

وزیراعلیٰ پنجاب نے کہا کہ پولیو کے خاتمے کی کوششوں کو تقویت دینے کے لیے آگاہی مہم چلا رہے ہیں، بچوں کے صحت مند مستقبل کے لیے ہرممکن وسائل بروئے کار لا رہے ہیں۔

ملک میں پولیو کے 3 نئے کیسز سامنے آ گئے

یاد رہے کہ رواں ہفتے ملک میں پولیو کے تین نئے کیسز سامنے آئے تھے، جس کے بعد رواں برس کے مجموعی پولیو کیسز کی تعداد 76 ہو گئی تھی۔

لکی مروت کی یو سی سلمان خیل کی 7 ماہ کی بچی، پہاڑ خیل ٹھل کا 21 ماہ کا بچہ اور بلوچستان کے ضلع ہرنائی کے 11 ماہ کے بچے میں پولیو وائرس کی تصدیق کی گئی تھی۔

واضح رہے کہ پولیو سے بچاؤ کا عالمی دن آج منایا جا رہا ہے، اس دن کو منانے کا مقصد دنیا بھر میں پولیو کے مرض سے آگاہی اور اس کے خاتمے کے لیے کوششیں کرنا ہے۔ یہ دن ہر سال 24 اکتوبر کو منایا جاتا ہے۔

لاہور: وزیراعلیٰ پنجاب سردار عثمان بزدار کا کہنا ہے کہ امن عامہ میں خلل ڈالنے والوں کے خلاف بلا امتیاز کارروائی ہوگی، قانون ہاتھ میں لینے والےعناصر کے خلاف قانون اپنا راستہ خود بنائے گا۔

تفصیلات کے مطابق وزیراعلیٰ پنجاب سردار عثمان بزدار کی زیرصدارت صوبائی کابینہ کا اجلاس ہوا جس میں کابینہ نے پنجاب ای سٹیمپ رولز 2016 میں ترامیم کی منظوری دے دی۔ ای اسٹیمپ رولزمیں ترامیم سے عوام کو آن لائن ادائیگی کی سہولت ملے گی۔

اجلاس میں پنجاب پولیس رولز 2017 میں ترامیم کا معاملہ محکمہ قانون کی اجازت سے مشروط کردیا گیا۔ وزیرقانون راجہ بشارت ترامیم کا جائزہ لے کر آئندہ اجلاس میں رپورٹ دیں گے۔

صوبائی کابینہ کے اجلاس میں انسپکٹر لیگل بی ایس 16 کی بھرتیوں پر پولیس رولز میں ترامیم اور ضابطہ فوجداری کوڈ آف کریمنل پروسیجر میں ترامیم کی منظوری دی گئی۔

اجلاس میں بتایا گیا کہ ترامیم کے بعد حکومت مجاز افسران کو مجسٹریٹ کے اختیارات تفویض کرسکے گی، اختیارات کے نفاذ کے میکنزم کو مزید مؤثر بنایا جاسکے گا۔

صوبائی کابینہ کے اجلاس میں یونیورسٹی آف ایگریکلچرملتان کے لیے وائس چانسلرکی تعیناتی کے طریقہ کار کی منظوری دے دی گئی۔

وزیراعلیٰ پنجاب نے کہا کہ کسی کو معمولات زندگی میں خلل ڈالنے کی ہرگز اجازت نہیں ہے، امن عامہ میں خلل ڈالنے والوں کے خلاف بلاامتیاز کارروائی ہوگی، قانون ہاتھ میں لینے والےعناصر کے خلاف قانون اپنا راستہ خود بنائے گا۔

سردار عثمان بزدار نے کہا کہ امن کا قیام اور عوام کے جان ومال کا تحفظ ریاست کی ذمہ داری ہے، ریاست عوام کے جان ومال کے تحفظ کی ذمہ داری نبھائے گی۔ انہوں نے مزید کہا کہ صوبے میں عوام کے جان و مال کا تحفظ پہلی ترجیح ہے۔

لاہور: وزیراعلیٰ پنجاب سردار عثمان بزدار کا کہنا ہے کہ موجودہ پنجاب اسمبلی قانون سازی کے ریکارڈ قائم کرے گی، فلاح وبہبود کے لیے قوانین میں ترامیم کا سلسلہ جاری رکھیں گے۔

تفصیلات کے مطابق وزیراعلیٰ پنجاب عثمان بزدارسے وفاقی وزیر قانون فروغ نسیم نے ملاقات میں باہمی دلچسپی کے امور، عمومی صورت حال سمیت وکلا کی فلاح و بہبود کے لیے کیے جانے والے اقدامات پر بھی تبادلہ خیال کیا۔

وزیراعلیٰ پنجاب نے کہا کہ مختصر مدت میں درجنوں نئے قوانین متعارف کرائے، فلاح وبہبود کے لیے قوانین میں ترامیم کا سلسلہ جاری رکھیں گے۔

سردار عثمان بزدار نے کہا کہ موجودہ پنجاب اسمبلی قانون سازی کے ریکارڈ قائم کرے گی، عوام کی ضرورتوں کو مد نظر رکھ کر نئے ایکٹ لا رہے ہیں۔

وزیراعلیٰ پنجاب نے کہا کہ میں خود بھی وکیل ہوں، وکلا برادری کے ساتھ ہوں، ماضی کی روایات کے برعکس کابینہ میں مشاورت کو فروغ دیا۔

غریب لوگوں کی زندگی میں بہتری لانا حکومتی ترجیحات کا حصہ ہے، عثمان بزدار

یاد رہے کہ گزشتہ ہفتے وزیراعلیٰ پنجاب سردار عثمان بزدار کا کہنا تھا کہ غریب لوگوں کی زندگی میں بہتری لانا حکومتی ترجیحات کا حصہ ہے، غریبوں کی فلاح وبہبود کے ہر ممکن وسائل بروئے کار لائے جائیں گے۔

لاہور: وزیراعلیٰ پنجاب سردار عثمان بزدار کا کہنا ہے کہ بھارت بے بنیاد الزامات لگا کر خطے کوجنگ کی آگ میں جھونکنا چاہتا ہے، شہری آبادی پر حملہ نہایت قابل مذمت فعل ہے۔

تفصیلات کے مطابق وزیراعلیٰ پنجاب سردار عثمان بزدار سے وزیرخارجہ شاہ محمود قریشی نے ملاقات کی، دونوں رہنمانوں نے ایل او سی پر بھارتی فوج کی شہری آبادی پر بلا اشتعال فائرنگ کی شدید مذمت کی۔

وزیراعلیٰ پنجاب عثمان بزدار اور وزیرخارجہ شاہ محمود قریشی نے بھارتی فوج کو منہ توڑ جواب دینے پر پاک فوج کی جرأت کو خراج تحسین پیش کیا۔

اس موقع پر سردار عثمان بزدار نے کہا کہ پاک فوج نے کئی بھارتی فوجی جہنم واصل کر کے دشمن کو سبق سکھایا، پاکستان کی مسلح افواج وطن کی حفاظت کے لیے ہمہ وقت کمربستہ ہیں۔

وزیراعلیٰ پنجاب نے کہا کہ بھارت کسی غلط فہمی میں نہ رہے، پاک فوج بھارتی جارحیت کا منہ توڑ جواب دینے کی صلاحیت رکھتی ہے، 22 کروڑ عوام بہادر مسلح افواج کے ساتھ ہے۔

سردار عثمان بزدار نے کہا کہ پاک فوج نے بروقت جوابی کارروائی کرکے دشمن کو بھاری نقصان پہنچایا، بھارت بے بنیاد الزامات لگا کر خطے کوجنگ کی آگ میں جھونکنا چاہتا ہے، شہری آبادی پر حملہ نہایت قابل مذمت فعل ہے

وزیراعلیٰ پنجاب نے کہا کہ شہری آبادی پر حملہ بین الاقوامی قوانین کی صریحاً خلاف ورزی ہے، بھارت بزدلانہ کارروائیاں کرکے کشیدگی کو ہوا دے رہا ہے۔ انہوں نے مزید کہا کہ مظلوم کشمیری عوام کےساتھ چٹان کی طرح کھڑے رہیں گے۔

دوسری جانب وزیرخارجہ شاہ محمود قریشی نے کہا کہ بوکھلاہٹ کا شکار بھارت خطے کا امن تباہ کرنا چاہتا ہے، بھارتی فوج نے کشمیریوں پرظلم کی انتہا کر کے سفاکیت کی نئی تاریخ رقم کی۔

شاہ محمود قریشی نے کہا کہ مقبوضہ کشمیر میں بھارت کے خلاف کشمیری جوانوں کی جدوجہد رنگ لائیں گی، کشمیر اور پاکستان لازم و ملزوم ہیں۔

لاہور: وزیراعلیٰ پنجاب سردار عثمان بزدار کا کہنا ہے کہ موجودہ حالات میں احتجاجی سیاست کا کوئی جواز نہیں ہے، یہ وقت قوم کو یکجا کرنے کا ہے۔

تفصیلات کے مطابق وزیراعلیٰ پنجاب سردار عثمان بزدار نے کہا کہ ملک کو اندرونی اور بیرونی چیلنجز کا سامنا ہے، موجودہ حالات میں احتجاجی سیاست کا کوئی جواز نہیں ہے، یہ وقت قوم کو یکجا کرنے کا ہے۔

وزیراعلیٰ پنجاب نے کہا کہ وطن کی مٹی ہم سے اتحاد اور یگانگت کا مطالبہ کر رہی ہے، پاک دھرتی کے اس قرض کو اتارنے کے لیے سب کو ایک ہونا پڑے گا۔

سردار عثمان بزدار نے کہا کہ سیاسی قوتوں پربھی اس قرض کی ادائیگی کی بھاری ذمہ داری ہے، جوش نہیں بلکہ ہوش کی راہ پر چلنے کی ضرورت ہے، ملک افراتفری کی سیاست سے آگے نہیں جاسکتا۔

وزیراعلیٰ پنجاب نے کہا کہ قوم کی خوشحالی کے لیے منفی سیاست سے قطع تعلق کرنا ہوگا، ترقی کا واحد راستہ ملک میں استحکام، اتحاد اور اتفاق میں ہے۔

حکومتی مذاکراتی کمیٹی کا جے یو آئی (ف) سے پہلا باضابطہ رابطہ

واضح رہے کہ حکومتی مذاکراتی کمیٹی نے جے یو آئی (ف) سے پہلا باضابطہ رابطہ کرلیا، چیئرمین سینیٹ صادق سنجرانی نے عبدالغفور حیدری کو ٹیلی فون کر کے ملاقات کا وقت طے کرلیا۔

مذاکراتی کمیٹی آج رات 8 بجے عبدالغفور حیدری سے ملاقات کرے گی، یہ ملاقات پارلیمنٹ لاجز میں عبدالغفور حیدری کی رہایش گاہ پر ہو گی۔