Tag: وزیراعلیٰ پنجاب

لاہور: وزیراعلیٰ پنجاب سردار عثمان بزدار کا کہنا ہے کہ نئی صنعتی پالیسی صنعتوں کے فروغ میں گیم چینجرثابت ہوگی۔

تفصیلات کے مطابق وزیراعلیٰ پنجاب کی ز یرصدارت محکمہ صنعت سے متعلق اجلاس میں محکمہ صنعت کے تحت مختلف علاقوں میں خصوصی بازار کے قیام کا فیصلہ کرلیا گیا۔

سردار عثمان بزدار نے کہا کہ خصوصی بازاروں میں خوبصورت طرز کے اسٹال لگائے جائیں گے، نئی صنعتی پالیسی صنعتوں کے فروغ میں گیم چینجرثابت ہوگی۔

وزیراعلیٰ پنجاب نے کہا کہ چند سال میں 15 لاکھ سے زائد ہنر مند افراد کو روزگار ملے گا، خصوصی صنعتی علاقوں کے قیام سے مقامی صنعتوں کو فروغ ملے گا۔

سابق حکمرانوں نے پاکستان کو تباہ کرنے میں کوئی کسر نہیں چھوڑی، عثمان بزدار

یاد رہے کہ گزشتہ ہفتے وزیراعلیٰ‌ پنجاب کا کہنا تھا کہ سابق حکمرانوں نے پاکستان کو تباہ کرنے میں کوئی کسر نہیں چھوڑی، ذاتی مفادات کی خاطر اداروں کو تباہ کیا گیا۔

سردار عثمان بزدار کا کہنا تھا کہ پالیسیاں بناتے ہوئے عوامی ترجیحات اورقومی مفادات کو فراموش کیا گیا، گزشتہ حکومتوں کی غلط پالیسیوں کے باعث قوم کا بچہ بچہ مقروض ہے۔

لاہور: وزیراعلیٰ پنجاب سردار عثمان بزدار کا کہنا ہے کہ قومی وسائل میں خیانت کرنے والوں کو پائی پائی کا حساب دینا ہوگا۔

تفصیلات کے مطابق وزیراعلی‌ٰ پنجاب نے کہا کہ سرکاری خزانے کو بےدردی سے لوٹنے والے ملک وقوم کے دشمن ہیں، سابقہ حکمرانوں کی کرپشن کے اسیکنڈل ہر روز منظرعام پرآ رہے ہیں۔

سردار عثمان بزدار کا کہنا ہے کہ امین ہونے کے جھوٹے دعویداروں کے چہرے عوام کے سامنے بے نقاب ہوچکے، قومی وسائل میں خیانت کرنے والوں کو پائی پائی کا حساب دینا ہوگا۔

وزیراعلیٰ پنجاب نے کہا کہ سابقہ حکمرانوں کی کرپشن کے اسیکنڈل ہر روز منظرعام پرآ رہے ہیں، اپوزیشن کا اتحاد اور واویلا ذاتی تجوریاں بھرنے والوں کو بچا نہیں پائے گا۔

سابق حکمرانوں نے پاکستان کو تباہ کرنے میں کوئی کسر نہیں چھوڑی، عثمان بزدار

یاد رہے کہ تین روز قبل وزیراعلیٰ‌ پنجاب کا کہنا تھا کہ سابق حکمرانوں نے پاکستان کو تباہ کرنے میں کوئی کسر نہیں چھوڑی، ذاتی مفادات کی خاطر اداروں کو تباہ کیا گیا۔

سردار عثمان بزدار کا کہنا تھا کہ پالیسیاں بناتے ہوئےعوامی ترجیحات اورقومی مفادات کو فراموش کیا گیا، گزشتہ حکومتوں کی غلط پالیسیوں کے باعث قوم کا بچہ بچہ مقروض ہے۔

وزیراعلیٰ پنجاب کا کہنا تھا کہ مشکل وقت ختم ہونے کو اور اچھا وقت دستک دے رہا ہے، پاکستان اپنی حقیقی منزل کی جانب تیزی سے بڑھ رہا ہے۔

لاہور: وزیراعلیٰ پنجاب سردار عثمان بزدار کا کہنا ہے کہ وکلا برادری کی ملک میں جمہوریت کے استحکام اور آئین کی بالادستی کے لیے گراں قدرخدمات ہیں۔

تفصیلات کے مطابق صوبائی دارالحکومت لاہور میں وزیراعلیٰ پنجاب سردار عثمان بزدار سے لاہور بار ایسوسی ایشن کے صدر عاصم چیمہ نے ملاقات کی۔

صوبائی وزیر قانون محمد بشارت راجہ، سیکرٹری خزانہ، کمشنر لاہور ڈویژن، پرنسپل سیکرٹری وزیراعلیٰ پنجاب ، سی سی پی او لاہور اور اعلیٰ حکام بھی اس موقع پر موجود تھے۔

وزیراعلیٰ پنجاب نے ملاقات کے دوران کہا کہ تحریک انصاف کی حکومت ہر طبقے کی زندگی میں آسانیاں پیدا کررہی ہے- انہوں نے کہا کہ وکلا برادری کی ملک میں جمہوریت کے استحکام اور آئین کی بالادستی کے لیے گراں قدرخدمات ہیں-

سردار عثمان بزدار نے کہا کہ عام آدمی کو انصاف کی فراہمی میں وکلا برادری کا کردار انتہائی اہمیت کا حامل ہے، ان کی خدمات کو فراموش نہیں کیا جاسکتا-

انہوں نے کہا کہ میں خود وکیل رہا ہوں اور وکلا برادری کے مسائل جانتا ہوں، تحریک انصاف کی حکومت وکلا برادری کے مسائل کے حل کے لیے اقدامات کررہی ہے۔

وزیراعلیٰ پنجاب نے کہا کہ قانون اورانصاف کی عملداری یقینی بنانے کے لیے وکلا برادری کا کردار کلیدی حیثیت رکھتا ہے، معاشی و سماجی انصاف کسی بھی معاشرے کی ترقی کے لیے ضروری ہے۔

سردار عثمان بزدار نے کہا کہ لاہور بار ایسوسی ایشن کے مسائل کے حل کے لیے وسائل بھی دیں گے اور اقدامات بھی کریں گے، لاہور بار ایسوسی ایشن کی ڈسپنسری کو اپ گریڈ کیا جائے گا-

وزیراعلیٰ پنجاب نے کمشنرلاہور ڈویژن کوہدایت کی کہ وہ ڈسپنسری کا دورہ کر کے اپ گریڈیشن کے لیے ضروری اقدامات کریں-

لاہور: وزیراعلیٰ پنجاب سردار عثمان بزدار کا کہنا ہے کہ پاکستان تحریک انصاف اتحادی جماعتوں کے ساتھ مل کر چیئرمین سینیٹ کے خلاف تحریک عدم اعتماد کو ناکام بنائے گی-

تفصیلات کے مطابق وزیراعلیٰ پنجاب نے کہا کہ پاکستان تحریک انصاف چیئرمین سینیٹ صادق سنجرانی کے ساتھ کی طرح کھڑی ہے- انہوں نے کہا کہ چیئرمین سینیٹ صادق سنجرانی کے خلاف تحریک عدم اعتماد بے وقت کی راگنی ہے-

وزیراعلیٰ پنجاب نے کہا کہ اپوزیشن جماعتیں صرف ذاتی مفادات کی خاطر چیئرمین سینیٹ صادق سنجرانی کے خلاف تحریک عدم اعتماد لائی ہیں اور 22 کروڑ عوام جانتے ہیں کہ چیئرمین سینیٹ صادق سنجرانی نے جمہوری اور پارلیمانی روایات کے مطابق ایوان کی کارروائی چلائی ہے-

انہوں نے کہا کہ اپوزیشن کے ہر ہتھکنڈے کا بھرپور جواب دیا جائے گا اور پاکستان تحریک انصاف اتحادی جماعتوں کے ساتھ مل کر چیئرمین سینیٹ کے خلاف تحریک عدم اعتماد کو ناکام بنائے گی-

سردار عثمان بزدار نے کہا کہ بلوچستان سے تعلق رکھنے والے صادق سنجرانی نے سینیٹ کی چیئرمین شپ کے عہدے کا حق ادا کیا ہے- صادق سنجرانی کے خلاف اپوزیشن کے منفی حربوں کا ڈٹ کر مقابلہ کیا جائے گا-

لاہور: وزیراعلیٰ پنجاب سردار عثمان بزدار کا کہنا ہے کہ بہتر معیار زندگی کے لیے آبادی کے سیلاب کے سامنے بند باندھنا ہوگا۔

تفصیلات کے مطابق وزیراعلیٰ پنجاب نے کہا کہ وسائل کے تحفظ کے لیے انسانی آبادی کا سونامی روکنا ہوگا، آبادی میں اضافے کے تناسب سے وسائل کا فروغ چیلنج ہے۔

سردار عثمان بزدار نے کہا کہ بہتر معیار زندگی کے لیے آبادی کے سیلاب کے سامنے بند باندھنا ہوگا، بہبود آبادی کا شعور بیدار کرنا معاشرے کے ہر فرد کی ذمے داری ہے۔

واضح رہے کہ آج دنیا بھر میں یوم آبادی منایا جارہا ہے۔ اس دن کو منانے کا آغاز سنہ 1989 سے اقوام متحدہ کی جانب سے کیا گیا جس کا مقصد دنیا میں بڑھتی ہوئی آبادی اور اس سے متعلق مسائل کے حوالے سے شعور پیدا کرنا تھا۔

اقوام متحدہ کے مطابق دنیا بھر کی آبادی اس وقت 7 ارب 53 کروڑ ہے جبکہ سنہ 2100 تک یہ 11 ارب 20 کروڑ ہوجائے گی۔ آبادی کے لحاظ سے چین اور بھارت دنیا کے دو بڑے ممالک ہیں۔ ان دونوں ممالک کی آبادی ایک، ایک ارب سے زائد ہے اور یہ دنیا کی کل آبادی کا 37 فیصد حصہ ہے۔

ماہرین کے مطابق بڑھتی ہوئی آبادی کے ساتھ ماحولیاتی تبدیلیاں، خوراک، انفرا اسٹرکچر اور دیگر مسائل ہنگامی طور پر حل طلب ہیں۔

لاہور: وزیراعلیٰ پنجاب سردار عثمان بزدار کا کہنا ہے کہ غلط اقتصادی پالیسیوں سے ملک وقوم کو بہت نقصان پہنچایا گیا، معیشت کی تباہی کی بات کریں تو مخالفین تلملا اٹھتے ہیں۔

تفصیلات کے مطابق وزیراعلیٰ پنجاب سردار عثمان بزدار نے کہا کہ لوٹی ہوئی دولت کی واپسی ہر پاکستانی کی خواہش ہے، قومی وسائل لوٹنے والوں نے ملک کے بچے بچے کو مقروض کر دیا۔

وزیراعلیٰ پنجاب نے کہا کہ معیشت کی تباہی کی بات کریں تو مخالفین تلملا اٹھتے ہیں، غلط اقتصادی پالیسیوں سے ملک وقوم کو بہت نقصان پہنچایا گیا، ادارے خود مختار ہیں، احتساب بلاامتیازہو رہا ہے۔

وزیراعظم عمران خان نے پاکستانی قوم کو نئی امید دی ہے ، وزیراعلیٰ پنجاب

یاد رہے کہ گزشتہ ہفتے وزیراعلیٰ پنجاب عثمان بزدار کا کہنا تھا کہ اربوں روپے کی کرپشن نے ملک کی جڑوں کو کھوکھلاکیا، بدعنوان عناصر نے ذاتی تجوریاں بھرنے کے لیے ملک کا بیڑاغرق کیا، نئے پاکستان میں کرپٹ عناصر کا بلاتفریق احتساب ہورہا ہے۔

عثمان بزدار کا کہنا تھا اپوزیشن لوٹ مارکی دولت بچانے کی ناکام کوشش کررہی ہے، وزیراعظم عمران خان نے پاکستانی قوم کونئی امید دی، شفاف قیادت ہی کرپشن فری پاکستان بنائےگی۔