Tag: وزیراعلیٰ پنجاب

لاہور: وزیراعلیٰ پنجاب سردار عثمان بزدار کا کہنا ہے کہ سابق حکمرانوں نے ذاتی نمود و نمائش کے منصوبے بنائے۔

تفصیلات کے مطابق وزیراعلیٰ پنجاب نے کہا کہ شوبازیوں سے خادم اعلیٰ کا جعلی میڈل سینے پر نہیں سجایا جاسکتا، اس کے لیے بےلوث خدمت،عام آدمی کے مسائل کا احساس کرنا پڑتا ہے۔

عثمان بزدار نے کہا کہ ہمیں شوبازیاں آتی ہیں نہ جعلی کام کرتے ہیں، ماضی کی حکومت کی ساری ترقی اشتہارات تک محدود تھی۔

انہوں نے کہا کہ غلط پالیسیوں سے نظام میں سرایت کی گئی خرابیاں ٹھیک کررہے ہیں، نظام کو بھی درست کریں گے اورخرابیوں کو بھی درست کریں گے۔

وزیراعلیٰ پنجاب نے کہا کہ مختصر مدت میں وہ کام کیے جو سابق حکومتیں 5 سال میں نہ کرسکیں، سابق حکمرانوں نے ذاتی نمود و نمائش کے منصوبے بنائے جن سے عوام کو فائدہ نہیں ہوا۔

تحریک انصاف کی حکومت ماضی کی خرابیوں کو درست کررہی ہے، عثمان بزدار

یاد رہے کہ گزشتہ ہفتے وزیراعلیٰ پنجاب سردارعثمان بزدار کا کہنا تھا کہ ماضی میں شوبازیاں ہوتی رہیں اورجعلی کام کیےگئے، تحریک انصاف کی حکومت ماضی کی خرابیوں کودرست کررہی ہے، جس میں وقت لگےگا۔

لاہور: وزیراعلیٰ پنجاب سردار عثمان بزدار کا کہنا ہے کہ جمعۃالوداع پر وضع کردہ سکیورٹی پلان پر من وعن عملدرآمد کیا جائے۔

تفصیلات کے مطابق وزیراعلیٰ پنجاب نے سعودی عرب سے کابینہ کمیٹی برائے امن وامان کو ہدایات دیتے ہوئے کہا کہ عوام کے جان ومال کے تحفظ کے لیے کوئی کسر نہ رکھی جائے۔

سردار عثمان بزدار نے کہا کہ مساجد، امام بارگاہوں کی فول پروف سکیورٹی یقینی بنائی جائے، پولیس افسران انتظامات کوخود مانیٹرکریں، فیلڈ میں موجود رہیں۔

وزیراعلیٰ پنجاب نے کہا کہ وضع کردہ سکیورٹی پلان پرمن وعن عملدرآمد کیا جائے۔

جمعۃالوداع پرملک بھر میں نماز جمعہ کے بڑے اجتماعات کی تیاریاں مکمل کرلی گئی اور سیکیورٹی کے بھی انتہائی سخت انتظامات کیے گئے ہیں۔

کراچی، لاہور، اسلام آباد، پشاور، کوئٹہ سمیت ملک کے دیگر چھوٹے بڑے شہروں میں سیکیورٹی کے خصوصی انتظامات کیے گئے ہیں۔

دوسری جانب قبلہ اول کی آزادی اور فلسطینیوں سے اظہار یکجہتی کے لیے آج یوم القدس بھی منایا جائے گا جس کے لیے پاکستان سمیت دنیا بھرمیں مظاہرے ہوں گے۔

لاہور: وزیراعلیٰ پنجاب سردار عثمان بزدار کی زیرصدارت صوبائی کابینہ کا اجلاس آج ہوگا جس میں 10 نکاتی ایجنڈے پرغور کیا جائے گا۔

تفصیلات کے مطابق وزیراعلیٰ پنجاب سردار عثمان بزدار کی زیرصدارت صوبائی کابینہ کا اجلاس آج ہوگا۔ اجلاس میں 10 نکاتی ایجنڈے پرغور کیا جائے گا۔

اجلاس میں صوبائی وزرا، مشیر، معاون خصوصی شرکت کریں گے اس کے علاوہ چیف سیکرٹری اور متعلقہ سیکرٹری شریک ہوں گے۔

اس سے قبل گزشتہ روز وزیراعلیٰ پنجاب کا کہنا تھا کہ جنوبی پنجاب کی ترقی پر خصوصی توجہ دی جائے گی، وسائل کے اندر رہتے ہوئے ریلیف دینے کی پوری کوشش کریں گے۔

تبدیلی کی راہ میں رکاوٹیں آتی ہیں، ہمت نہیں ہاریں گے، عثمان بزدار

یاد رہے کہ گزشتہ ہفتے وزیراعلیٰ پنجاب عثمان بزدارکا کہنا تھا کہ تبدیلی کی راہ میں رکاوٹیں آتی ہیں مگر ہمت نہیں ہاریں گے، وسائل کم اور مسائل زیادہ ہیں مگر حوصلے بلند ہیں۔

وزیراعلیٰ پنجاب کا کہنا تھا کہ نئے پاکستان میں تعلیم، صحت پر خصوصی توجہ دے رہے ہیں، نئے پاکستان کی منزل میں کسی رکاوٹ کو حائل نہیں ہونے دیں گے، عوام کے مسائل حل کرنے کا وعدہ پورا کریں گے۔

لاہور: وزیراعلیٰ پنجاب سردار عثمان بزدار کا کہنا ہے کہ خواتین کو ترقی کے مساوی حقوق دینا تحریک انصاف کا مشن ہے۔

تفصیلات کے مطابق لاہور میں وزیراعلیٰ پنجاب سردارعثمان بزدار سے چیئرپرسن ٹاسک فورس برائے خواتین بااختیاری نے ملاقات کی۔

سردار عثمان بزدار نے کہا کہ نئے پاکستان میں خواتین کوحقیقی معنوں میں بااختیار بنایا جائے گا، خواتین کو با اختیار بنانے کے دعوے نہیں عملی اقدامات کر رہے ہیں۔

وزیراعلیٰ پنجاب نے کہا کہ خواتین کو ترقی کے مساوی حقوق دینا تحریک انصاف کا مشن ہے، پنجاب کے پسماندہ اضلاع میں خواتین کو معاشی مضبوط بنائیں گے۔

سردار عثمان بزدار نے کہا کہ خواتین کی تعلیم اور صحت کے نئے پروگرام پر کام شروع کر دیا ہے۔

تبدیلی کی راہ میں رکاوٹیں آتی ہیں، ہمت نہیں ہاریں گے، عثمان بزدار

یاد رہے کہ دو روز قبل وزیراعلیٰ پنجاب عثمان بزدارکا کہنا تھا کہ تبدیلی کی راہ میں رکاوٹیں آتی ہیں مگر ہمت نہیں ہاریں گے، وسائل کم اور مسائل زیادہ ہیں مگر حوصلے بلند ہیں۔

وزیراعلیٰ پنجاب کا کہنا تھا کہ نئے پاکستان میں تعلیم، صحت پر خصوصی توجہ دے رہے ہیں، نئے پاکستان کی منزل میں کسی رکاوٹ کو حائل نہیں ہونے دیں گے، عوام کے مسائل حل کرنے کا وعدہ پورا کریں گے۔

لاہور: وزیراعلیٰ پنجاب سردار عثمان بزدار نے کہا کہ ہماری جدوجہد ملک سدھارنے اورعوام کو خوشحال کرنے کی ہے۔

تفصیلات کے مطابق وزیراعلیٰ پنجاب نے کہا کہ سابق ادوار میں کرپشن کا دور دورہ تھا، ماضی میں غلط پالیسیوں سے ملک کی معیشت کا بیڑہ غرق کیا گیا۔

عثمان بزدار نے کہا کہ گزشتہ 10 برس کے دوران ریکارڈ قرض لیے گئے، قرض ترقی اور عوام کی خوشحالی کے لیے استعمال نہیں کیے گئے۔

وزیراعلیٰ پنجاب نے کہا کہ مہنگے قرض لے کرذاتی نمود و نمائش کے منصوبے شروع کیے گئے، سابق حکمرانوں کی غلط پالیسیوں کا خمیازہ عوام کوبھگتنا پڑرہا ہے۔

انہوں نے کہا کہ تحریک انصاف کی حکومت ملک کو درست سمت میں لے کرجا رہی ہے، ہماری جدوجہد ملک سدھارنے اورعوام کو خوشحال کرنے کی ہے، ہمارا ہر قدم وطن عزیز کی بہتری کے لیے اٹھ رہا ہے۔

لوٹ مار کرنے والوں کی سیاست کے دن گنے جا چکے ہیں، عثمان بزدار

یاد رہے کہ گزشتہ روز وزیراعلیٰ پنجاب سردار عثمان بزدار کا کہنا تھا کہ نمائشی منصوبوں اور بلندوبانگ دعوؤں کی سیاست پریقین نہیں رکھتے۔

سردار عثمان بزدار کا کہنا تھا کہ لوٹ مار کرنے والوں کی سیاست کے دن گنے جا چکے ہیں، ماضی کے بوئے ہوئے کانٹے چن چن کر صاف کررہے ہیں۔