Tag: وزیراعلیٰ پنجاب

لاہور: وزیراعلیٰ پنجاب سردار عثمان بزدار کا کہنا ہے کہ نمائشی منصوبوں اور بلندوبانگ دعوؤں کی سیاست پریقین نہیں رکھتے۔

تفصیلات کے مطابق وزیراعلیٰ پنجاب سردار عثمان بزدار نے کہا کہ کھوکھلے نعرے لگانے والوں کو عوام الیکشن میں مسترد کرچکے ہیں۔

عثمان بزدار نے کہا کہ ایسے عناصرعوام میں ساکھ کھوچکے، انہیں نوشتہ دیوار پڑھ لینا چاہیے، ہماری کارکردگی عوام کے سامنے ہے، بولتے کم اور کام زیادہ کرتے ہیں۔

وزیراعلیٰ پنجاب نے کہا کہ نمائشی منصوبوں اور بلند وبانگ دعوؤں کی سیاست پریقین نہیں رکھتے، شعبدہ بازوں نے نمائشی منصوبوں کے ذریعے صوبے کو کنگال کیا۔

انہوں نے کہا کہ لوٹ مار کرنے والوں کی سیاست کے دن گنے جا چکے ہیں، ماضی کے بوئے ہوئے کانٹے چن چن کر صاف کررہے ہیں۔

عوام کے خون پسینے کی کمائی کو بے دردی سے لوٹنے والوں کو حساب دینا ہوگا، عثمان بزدار

یاد رہے کہ گزشتہ روز وزیراعلیٰ پنجاب سردارعثمان بزدار کا کہنا تھا کہ عوام کے خون پسینے کی کمائی کو بے دردی سے لوٹنے والوں کو حساب دینا ہوگا ، تحریک انصاف کی حکومت نے کرپشن کے خلاف زیرو ٹالرنس کی پالیسی اپنائی ہے۔

وزیراعلیٰ پنجاب کا کہنا تھا کہ ماضی میں ترقیاتی منصوبوں کے نام پر قومی دولت کو بے دردی سے ضائع کیا گیا، وزیراعظم عمران خان کی قیادت میں پاکستان کو شفاف قیادت ملی ہے ۔

لاہور: وزیراعلیٰ پنجاب سردار عثمان بزدار نے کہا کہ حکومتیں شفاف ہوتیں توآج پاکستان کا بچہ بچہ مقروض نہ ہوتا۔

تفصیلات کے مطابق وزیراعلیٰ پنجاب نے کہا کہ تحریک انصاف کوعوام نے کرپٹ عناصر کے احتساب کے لیے ووٹ دیا، عوام کے دیے گئے مینڈیٹ کی لاج رکھیں گے۔

سردارعثمان بزدار نے کہا کہ بدقسمتی سے 70 برس میں ملک کو بے دردی سے لوٹا گیا، 10 برس کے دوران لوٹ مار اور بدانتظامی کا راج رہا۔

وزیراعلیٰ پنجاب نے کہا کہ منصوبوں کے نام پرعوام کے خون پسینے کی کمائی کو ضائع کیا گیا، حکومتیں شفاف ہوتیں تو آج پاکستان کا بچہ بچہ مقروض نہ ہوتا۔

سردار عثمان بزدار نے کہا کہ وزیراعظم عمران خان کی صورت میں شفاف قیادت ملی ہے، لوٹ مار کا دورگزرچکا ہے، ہرسطح پر شفافیت کو فروغ دیا گیا ہے۔

عمران خان کی قیادت میں حکومت 70برس کی خرابیوں کو ٹھیک کر رہی ہے،عثمان بزدار

یاد رہے کہ تین روز قبل وزیراعلیٰ پنجاب عثمان بزدار کا کہنا تھا کہ عمران خان کی قیادت میں حکومت 70برس کی خرابیوں کو ٹھیک کر رہی ہے، مشکل وقت ہے، جو جلد ختم ہو جائے گا، لوٹ مار کی سیاست کا دورگزرچکا ہے، انشاء اللہ عوام کی امیدیں پوری کریں گے۔

عثمان بزدار کا کہنا تھا کہ ماضی کی حکومتوں کی طرح بلند و بانگ دعوے نہیں کیے، عوام کی خدمت کے لیے عملی اقدامات کیے ہیں، مایوس عناصر کی منفی سیاست 22 کروڑ عوام پہچان چکے ہیں۔

لاہور: وزیراعلیٰ پنجاب سردار عثمان بزدار کا کہنا ہے کہ مقررنرخوں پراشیا کی فراہمی کے لیے تمام انتظامی اختیارات استعمال کیے جائیں۔

تفصیلات کے مطابق وزیراعلیٰ پنجاب نے مصنوعی مہنگائی کے ذمے داروں کے خلاف کریک ڈاؤن کا حکم دیتے ہوئے کہا کہ مصنوعی مہنگائی پیدا کرنے کی کسی صورت اجازت نہیں دیں گے۔

سردار عثمان بزدار نے کہا کہ ذمے داروں کے خلاف قانون کے تحت کارروائی کی جائے، مقررنرخوں پراشیا کی فراہمی کے لیے تمام انتظامی اختیارات استعمال کیے جائیں۔

عمران خان کی قیادت میں حکومت 70برس کی خرابیوں کو ٹھیک کر رہی ہے،عثمان بزدار

یاد رہے کہ دو روز قبل وزیراعلیٰ پنجاب عثمان بزدارکا کہنا تھا کہ عمران خان کی قیادت میں حکومت 70 برس کی خرابیوں کو ٹھیک کر رہی ہے، مشکل وقت ہے، جو جلد ختم ہو جائے گا، لوٹ مار کی سیاست کا دورگزرچکا ہے، انشاء اللہ عوام کی امیدیں پوری کریں گے۔

وزیراعلیٰ پنجاب کا کہنا تھا تحریک انصاف کی حکومت پاکستان کی پائیدار ترقی کیلئے ہرممکن اقدام اٹھا رہی ہے، نوماہ کےدوران ملک کی سمت درست کرنے کے لئے بے پناہ محنت سےکام کیا گیا ہے، ایک لمحہ ضائع کیے بغیر آگے بڑھ رہے ہیں۔

لاہور: وزیراعلیٰ پنجاب سردار عثمان بزدار کا کہنا ہے کہ ٹوٹی سڑکوں کے باعث شہریوں کو مشکلات کا سامنا کرنا پڑتا ہے۔

تفصیلات کے مطابق وزیراعلیٰ پنجاب کی زیرصدارت لاہور ڈویلپمنٹ اتھارٹی کی گورننگ باڈی کے اجلاس میں کثیرمنزلہ عمارتوں کی تعمیرکی حوصلہ افزائی کے لیے قواعد آسان اور بہتر بنانے کا فیصلہ کیا گیا۔

سردار عثمان بزدار نے کثیرمنزلہ عمارتوں پرکمیٹی کو جلد قواعد حتمی شکل دینے کی ہدایت کردی۔ اجلاس میں بتایا گیا کہ جوہرٹاؤن میں پاکستان کی دوسری بلند ترین عمارت کا سنگ بنیاد جلد رکھا جائے گا، 44 کنال پر تعمیرعمارت 45 منزلہ ہوگی جس میں 3 بیسمنٹ بھی ہوں گے۔

وزیراعلیٰ پنجاب نے اجلاس سے خطاب کرتے ہوئے کہا کہ ٹوٹی سڑکوں کے باعث شہریوں کو مشکلات کا سامنا کرنا پڑتا ہے، ایل ڈی اے کو سڑکوں کی حالت پر بھی توجہ دینی چاہیے۔

سردار عثمان بزدار نے کہا کہ لاہور میں کثیرمنزلہ عمارتوں کی تعمیر خوش آئند ہے، کثیرمنزلہ عمارتوں میں ریسکیو کا خصوصی انتظام کیا جائے۔

یاد رہے کہ رواں سال مارچ میں وزیراعظم عمران خان نے ٹویٹر پر اپنے پیغام میں کہا تھا کہ ہم حفاظت کے بین الاقوامی معیار کو سامنے رکھتے ہوئے کثیرالمنزلہ عمارت کی تعمیر کی اجازت دینے کے لیے قوانین تشکیل دے رہے ہیں۔

لاہور: وزیراعلیٰ پنجاب سردار عثمان بزدار کا کہنا ہے کہ پیشہ ورانہ تربیت ناگہانی حادثات کے نقصانات کوکم کر دیتی ہے۔

تفصیلات کے مطابق وزیراعلیٰ پنجاب سردار عثمان بزدار نے فائرفائٹرز کے عالمی دن پراپنے پیغام میں کہا کہ جان ومال کے نقصان کو کم کرنے میں فائر فائٹرز کا کرداراہم ہے۔

انہوں نے کہا کہ جدید تقاضوں کے مطابق فائرفائٹرزکی تربیت وقت کا تقاضہ ہے، پیشہ ورانہ تربیت ناگہانی حادثات کے نقصانات کوکم کر دیتی ہے۔

وزیراعلیٰ پنجاب نے کہا کہ فائر فائٹرز کو ہرممکن وسائل فراہم کیے جا رہے ہیں، ریسکیو 1122 کا دائرہ کار نچلی سطح تک بڑھایا جا رہا ہے۔

بے خوف و خطر آگ میں کود جانے والے جانباز سپاہیوں کا عالمی دن

واضح رہے کہ دنیا بھر میں آج آگ سے لڑنے والے جانباز سپاہیوں یعنی فائر فائٹرز کا عالمی دن منایا جارہا ہے۔ آج کا دن زندگیاں بچانے کے لیے سلگتی بھڑکتی آگ میں کود جانے والے بہادر فائر فائٹرز کے نام منسوب ہے۔

اس دن کو منانے کا آغاز سنہ 1999 سے شروع کیا گیا۔ 4 جنوری 1998 کو آسٹریلیا کے شہر لنٹن کے جنگلات میں لگنے والی آگ کو بجھاتے ہوئے 5 فائر فائٹرز جان کی بازی ہار گئے جس کے بعد فائر فائٹرز کی اہمیت کو اجاگر کرنے کی مہم شروع کی گئی اگلے برس سے اس دن کو باقاعدہ منانا شروع کیا گیا۔

لاہور: وزیراعلیٰ پنجاب سردار عثمان بزدار کی زیرصدارت اجلاس میں 13 نکاتی ایجنڈے پر غور کیا جائے گا۔

تفصیلات کے مطابق وزیراعلیٰ پنجاب کی زیرصدارت صوبائی کابینہ کا اجلاس آج ہوگا، صوبائی وزرا، مشیران، معاونین خصوصی، چیف سیکرٹری اجلاس میں شریک ہوں گے۔

وزیراعلیٰ پنجاب سردار عثمان بزدار کی ہدایت پر پنجاب کابینہ کا اجلاس ہر 15 روز بعد ہوتا ہے۔

اس سے قبل گزشتہ ماہ سردار عثمان بزدار کی زیرصدارت اجلاس میں راولپنڈی انسٹی ٹیوٹ آف کارڈیالوجی کی منظوری دی گئی، پنجاب کابینہ ورکرز ویلفیئر فنڈ کی بھی منظوری دی گئی۔

اجلاس میں ایگریکلچر فیئر پرائس شاپس اور رمضان پیکج 2019 کی کابینہ نے حتمی منظوری دی تھی۔

کسی کو وسائل کا غلط استعمال کرنے کی اجازت نہیں دیں گے: عثمان بزدار

یاد رہے کہ رواں سال فروری میں وزیراعلیٰ پنجاب عثمان بزدار کا کہنا تھا کہ حکومت کی شفافیت اور طرز حکمرانی سے معاشی صورت حال بہترہورہی ہے، مثبت اقدامات کے باعث سرمایہ کاروں کا اعتماد بحال ہو رہا ہے۔

وزیر اعلیٰ پنجاب کا کہنا تھا کہ سرمایہ کار موجودہ حکومت پر اپنے اعتماد کا اظہار کر رہے ہیں، حکومت نے وسائل کے درست اور بہترین استعمال کو یقینی بنایا ہے۔ ’کسی کو وسائل کا غلط استعمال کرنے کی اجازت نہیں دیں گے‘۔

لاہور: وزیراعلیٰ پنجاب سردار عثمان بزدار نے کہا کہ صحافت اور صحافیوں کو محفوظ ماحول فراہم کرنا ہماری ترجیح ہے۔

تفصیلات کے مطابق وزیراعلیٰ پنجاب نے ورلڈ پریس فریڈم ڈے کے موقع پر اپنے پیغام میں کہ آزاد میڈیا بہترین ترجمان، نقیب اور نقاد ہوتا ہے۔

سردار عثمان بزدار نے کہا کہ سچائی سب سے بڑی طاقت ہے جسے چھپایا نہیں جاسکتا، میڈیا کی آزادی معاشرتی احساس ذمہ داری سے مشروط ہے۔

وزیراعلیٰ پنجاب نے کہا کہ عوامی مفاد کے لیے سچائی کو سامنے لانے والے صحافی قابل تحسین ہیں، صحافت اور صحافیوں کو محفوظ ماحول فراہم کرنا ہماری ترجیح ہے۔

سردار عثمان بزدار نے کہا کہ آزادی صحافت کے لیے قربانیاں دینے والے صحافیوں کو ہمیشہ یاد رکھا جائے گا۔

نئے پاکستان کی بنیاد رکھ دی گئی، اب ہر آدمی فخر سے زندگی بسر کرے گا، عثمان بزدار

یاد رہے کہ گزشتہ ماہ عثمان بزدار کا کہنا تھا کہ وزیراعظم کی قیادت میں نئے پاکستان کی بنیاد رکھ دی گئی، اب ہر آدمی سر اٹھا کر فخر سے زندگی بسر کرے گا۔

وزیراعلیٰ پنجاب کا کہنا تھا کہ قومی وسائل عوام کی امانت ہیں اور یہ اُن ہی پر خرچ ہوں گے، سابق دور میں لوٹ مار کر کے ذاتی تجوریاں بھری گئیں۔