Tag: وزیراعلیٰ پنجاب

لاہور : وزیراعلیٰ پنجاب پرویزالہٰی نے حقیقی آزادی مارچ کے شرکا کو فول پروف سکیورٹی فراہم کرنے کی ہدایت کرتے ہوئے کہا پولیس عوام کے جان و مال کے تحفظ کیلئے کوئی کسر اٹھا نہ رکھے۔

تفصیلات کے مطابق وزیراعلیٰ پنجاب چوہدری پرویزالٰہی کی زیرصدارت اجلاس ہوا۔

جس میں لانگ مارچ کے سیکیورٹی انتظامات اور روٹ پر پولیس فورس کی تعیناتی کا جائزہ لیا۔

وزیراعلیٰ پنجاب نے کہا کہ لانگ مارچ کیلئے جامع سیکیورٹی پلان تیار کیا ہے، لانگ مارچ کے شرکا کو فول پروف سیکیورٹی فراہم کی جائے گی۔

پرویزالٰہی نے ہدایت کی دیگر شہروں سے فوری اضافی نفری منگواکرروٹ پرتعینات کی جائے اور کیمروں کی مدد سے پورےروٹ کی نگرانی کی جائے گی۔

ان کا مزید کہنا تھا کہ شرپسند عناصر کے مذموم عزائم کو ناکام بنانے کیلئے فورس الرٹ ہے، عمران خان نے کہا ہے کہ لانگ مارچ کے شرکا پرامن رہیں گے، صوبے میں امن عامہ کی صورتحال کی ذاتی طور پر نگرانی کر رہا ہوں۔

پولیس اورانتظامیہ عوام کے جان و مال کے تحفظ کیلئے کوئی کسر اٹھا نہ رکھے۔تمام متعلقہ ادارے بہترین کوآرڈینیشن کے تحت امن وامان کی صورتحال کو یقینی بنائیں۔ٹریفک رواں دواں رکھنے کیلئے متبادل انتظامات کیے جائیں۔

لاہور : وزیراعلیٰ پنجاب چوہدری پرویز الٰہی نے پنجاب کوگندم فراہم نہ کرنے پر وفاقی حکومت کے رویے پر برہمی کا اظہار کیا۔

تفصیلات کے مطابق وزیراعلیٰ پنجاب چوہدری پرویز الٰہی کی زیر صدارت اجلاس ہوا، جس میں پرویز الٰہی نے پنجاب کوگندم فراہم نہ کرنے پر وفاقی حکومت کے رویے پر برہمی کا اظہار کیا۔

لاہور:وزیراعلیٰ پنجاب چوہدری پرویز الٰہی نے وفاق سے باضابطہ احتجاج بھی کیا ، پنجاب حکومت اس ضمن میں وفاقی حکومت کو احتجاجی مراسلہ بھیجےگی۔

پنجاب حکومت نے کابینہ اسٹینڈنگ کمیٹی برائےگندم تشکیل دینےکافیصلہ کرلیا ، وزیراعلیٰ پنجاب چوہدری پرویز الٰہی کمیٹی کے سربراہ ہوں گے۔

پرویزالٰہی نے کہا کہ وفاقی حکومت گندم فراہمی سےمتعلق پنجاب کیساتھ سوتیلی ماں کاسلوک کر رہی ہے، پنجاب میں بارشوں اور سیلاب سے کئی لاکھ ٹن گندم ضائع ہوئی ہے۔

وزیراعلیٰ پنجاب کا کہنا تھا کہ صوبےمیں10لاکھ ٹن گندم کی قلت ہے،وفاقی حکومت نےپنجا ب کی درخواست کےباوجودگندم فراہم نہیں کی۔

چوہدری پرویز الٰہی نے گندم کے کاشتکاروں کیلئے بڑا اعلان کرتے ہوئے گندم کی امدادی قیمت 3 ہزار روپے فی من مقرر کرنے کی منظوری دے دی۔

ان کا کہنا تھا کہ امدادی قیمت میں اضافےسےکاشتکاروں کو ان کی محنت کا پورا معاوضہ ملے گا، اگلےبرس گندم کےزیرکاشت رقبے میں اضافہ ہوگا۔

لاہور : وزیراعلیٰ پنجاب چوہدری پرویز الٰہی کا کہنا ہے کہ اپوزیشن واویلا کرنے کے بجائے عوامی مینڈیٹ کا احترام کرے اور آئندہ بھی سرپرائز کیلئے تیار رہے۔

تفصیلات کے مطابق وزیراعلیٰ پنجاب چوہدری پرویز الٰہی کی جانب سے بیان میں کہا کہ اسپیکر انتخاب میں جیت اور ڈپٹی اسپیکرعدم اعتماد کی کامیابی عمران خان بیانیے کی فتح ہے۔

چوہدری پرویز الٰہی کا کہنا تھا کہ پنجاب کےغیرقانونی طور پر چھینےگئے مینڈیٹ کو جمہوری اندازمیں واپس لیا، یہ عوام کی حقیقی فتح ہے، پنجاب سے فسطائیت کا مکمل خاتمہ ہو گیا ہے۔

وزیراعلیٰ پنجاب نے کہا عوامی خدمت کا سفر وہیں سے شروع ہوگا، جہاں سے روکنے کی مذموم کوشش کی گئی ، ترقی جعلی مینڈیٹ سے نہیں بلکہ حقیقی مینڈیٹ سے ہوتی ہے۔

ان کا مزید کہنا تھا کہ ہم نے ہمیشہ آئین اور قانون کا احترام کیا ہے، صوبے کو صحیح معنوں میں جمہوری انداز سے چلائیں گے۔

پرویز الٰہی نے کہا کہ اپوزیشن واویلا کرنے کی بجائے عوامی مینڈیٹ کا احترام کرے اور آئندہ بھی سرپرائز کیلئے تیار رہے۔