Tag: وزیراعلیٰ پنجاب

لاہور: وزیراعلیٰ پنجاب سردارعثمان بزدار کا کہنا ہے کہ پتنگ بازی پرپابندی کے قانون پر سختی سے عملدرآمد کرایا جائے۔

تفصیلات کے مطابق وزیراعلیٰ پنجاب نے بھاٹی گیٹ میں ڈور پھرنے سے نوجوان کے جاں بحق ہونے پراظہارافسوس اور لواحقین سے تعزیت کی۔

سردارعثمان بزدار نے واقعے کی تحقیقات کا حکم دیتے ہوئے ڈی آئی جی آپریشنزسے رپورٹ طلب کرلی۔ انہوں نے کہا کہ غفلت کے ذمے داروں کا تعین کرکے کارروائی کی جائے۔

وزیراعلیٰ پنجاب نے کہا کہ پتنگ بازی پرپابندی کے قانون پرعمل نہ کرانا افسوس ناک ہے۔

انہوں نے کہا کہ پتنگ بازی پرپابندی کے قانون پر سختی سے عملدرآمد کرایا جائے، خلاف ورزی کرنے والوں کے خلاف بلا امتیاز کارروائی کی جائے۔

قوم کی ایک ایک پائی کے امین ہیں، وزیراعلیٰ پنجاب عثمان بزدار

یاد رہے کہ گزشتہ ہفتے وزیراعلیٰ پنجاب عثمان بزدار کا کہنا تھا کہ کفایت شعاری اورسادگی کو فروغ دے رہے ہیں ، قوم کی ایک ایک پائی کے امین ہیں، عوام جلد ملک کو ترقی کی راہ پر تیزی سے گامزن ہوتا دیکھیں گے۔

وزیراعلیٰ پنجاب کا کہنا تھا کہ کفایت شعاری اورسادگی کو فروغ دے رہے ہیں، اخراجات کم کریں گے، بچنے والاپیسہ عوامی فلاح پرلگائیں گے۔

لاہور: وزیراعلیٰ پنجاب سردار عثمان بزدار کا کہنا ہے کہ وزیراعظم عمران خان کا وژن پاکستان کے پرامن اور روشن مستقبل کا ضامن ہے۔

تفصیلات کے مطابق وزیراعلیٰ پنجاب سردار عثمان بزدار نے میڈیا سے گفتگو کرتے ہوئے کہا کہ نئے پاکستان کی تعمیرکے لیے سب کواپنا کردارادا کرنا ہوگا۔

سردار عثمان بزدار نے کہا کہ نیا پاکستان خودمختار، معاشی طورپرمضبوط ، ترقی یافتہ اورخوشحال ہوگا۔

وزیراعلیٰ پنجاب نے کہا کہ نئے پاکستان کی تعمیرمیں پنجاب سبقت لے گا، صوبے میں اصلاحاتی ایجنڈے پرشب وروزکام جاری ہے۔

انہوں نے مزید کہا کہ وزیراعظم کا وژن پاکستان کے پرامن اور روشن مستقبل کا ضامن ہے جبکہ 100 روزہ ایجنڈے پرہونے والی پیش رفت کی خود نگرانی کر رہا ہوں۔

عمران خان کے وژن پرعمل پیرا ہو کر ملک و قوم کی تقدیربدلیں گے،عثمان بزدار

یاد رہے کہ دو روز قبل وزیر اعلیٰ پنجاب سردار عثمان بزدار کا کہنا تھا کہ عمران خان کی قیادت میں نئے پاکستان کی منزل کاسفر شروع ہو چکاہے، ان کے وژن پر عمل پیرا ہو کر ملک و قوم کی تقدیربدلیں گے۔

سردار عثمان بزدار کا کہنا تھا کہ تعلیم ، صحت اور دیگر شعبوں میں اصلاحات حکومتی ترجیحات ہیں، ہمارے عملی اقدامات سے تبدیلی سب کو نظر آئے گی۔

لاہور : وزیراعلیٰ پنجاب سردار عثمان بزدار کا کہنا ہے کہ 100 روزہ ایجنڈا عوام کی خدمت کا ایجنڈا ہے، پوری تندہی سے اس ایجنڈے کو مکمل کریں گے۔

تفصیلات کے مطابق لاہور میں وزیراعلیٰ پنجاب سردار عثمان بزدار سے ڈی جی خان اور قبائلی علاقوں کے وفود نے ملاقات کی۔

اس موقع پروزیراعلیٰ پنجاب کا کہنا تھا کہ عوام کی نبض پرہمارا ہاتھ ہے، میں عوام سے ہوں اور ان کے مسائل جانتا ہوں۔

سردار عثمان بزدار کا کہنا تھا کہ 100 روزہ ایجنڈا عوام کی خدمت کا ایجنڈا ہے، پوری تندہی سے اس ایجنڈے کو مکمل کریں گے۔

وزیراعلیٰ پنجاب کا مزید کہنا تھا کہ میرے دروازے کھلے ہیں، عوام سے ہروقت رابطہ رکھتا ہوں۔

یاد رہے کہ گزشتہ ماہ وزیراعلیٰ پنجاب کا کہنا تھا کہ وزیراعظم عمران خان کی ٹیم ان کی توقعا ت پرپوری اترے گی۔ ان کا مزید کہنا تھا کہ پولیس نظام میں وہی تبدیلیا ں لائیں گے جوکے پی پولیس میں لائی گئیں۔

عمران خان کے نئے پاکستان کے خواب کو حقیقت میں بدلنا ہے‘ عثمان بزدار

واضح رہے کہ 24 اگست کو وزیراعلیٰ پنجاب عثمان بزدارکا کہنا تھا کہ عمران خان کے نئے پاکستان کے خواب کو حقیقت میں بدلنا ہے، گڈ گورننس کو فروغ دیں گے، کرپشن برداشت نہیں کروں گا۔

سردارعثمان بزدارکا یہ بھی کہنا تھا کہ سب کو ساتھ لے کر چلیں گے اور مشاورت سے فیصلے ہوں گے، جب بھی نئی حکومت آتی ہے تو ردوبدل ہوتا ہے، یقین دلاتا ہوں ہم نے ردوبدل نہیں کرنا ہے۔