Tag: وزیراعلیٰ پنجاب

لاہور: وزیراعلیٰ پنجاب میاں شہبازشریف کا کہنا ہے کہ پاکستان کے مفادات کے سامنے ذاتی مفادات کی حیثیت نہیں ہے۔

تفصیلات کے مطابق وزیراعلیٰ پنجاب شہبازشریف سے پشتونخوا ملی عوامی کے چیئرمین محمود خان اچکزئی نے ملاقات کی جس میں سیاسی صورت حال، بین الصوبائی ہم آہنگی کے فروغ پرتبادلہ خیال کیا گیا۔

ملاقات میں دونوں رہنماؤں نے جمہوری نظام کے استحکام کے لیے مل کرکام جاری کھنے کے عزم کا اعادہ کیا۔

اس موقع پروزیراعلیٰ پنجاب شہبازشریف نے کہا کہ پاکستان جمہوری عمل کے باعث معرض وجود میں آیا۔ انہوں نے کہا کہ پارلیمنٹ قابل احترام ادارہ ہے۔

شہبازشریف نے کہا کہ جمہوریت عوام کی خدمت کا نام ہے، نعروں، دعوؤں سے عوام کی خدمت نہیں ہوتی۔

وزیراعلیٰ پنجاب نے کہا کہ جمہوریت کے استحکام کے لیے ہرجماعت پرذمے داری ہے جبکہ پاکستان کی ترقی اور خوشحالی جمہوریت میں ہی مضمرہے۔

انہوں نے کہا کہ پاکستان کے مفادات کے سامنے ذاتی مفادات کی حیثیت نہیں ہے، پاکستان کی ترقی وخوشحالی کے لیے ہرایک کواپنا کردارادا کرنا ہے۔

شہبازشریف نے کہا کہ جوسیاسی عناصر افراتفری چاہتے ہیں ان کےعزائم ڈھکے چھپے نہیں ہیں۔

وزیراعلیٰ پنجاب نے کہا کہ آج پاکستان کو اتحاد اور اتفاق کی ضرورت ہے جبکہ نفاق کی سیاست کا بیج بونے والوں کوہوش کے ناخن لینے چاہئیں۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

قصور: وزیراعلیٰ پنجاب شہبازشریف نے مقتولہ زینب کے گھر پر پہنچ کر اہل خانہ سے تعزیت کرتے ہوئے کہا کہ افسوس ناک واقعے میں ملوث ملزمان کو جلد گرفتار کرلیا جائے گا۔

تفصیلات کے مطابق وزیراعلیٰ پنجاب شہبازشریف قصور میں واقع مقتولہ زینب کے گھر پہنچے اور اہل خانہ سے تعزیت کی، وزیراعلیٰ پنجاب کو ڈی پی او زاہد مروت نے واقعے سے متعلق بریفنگ دی۔

ترجمان پنجاب حکومت ملک احمد اورپولیس کے اعلیٰ افسران بھی شہبازشریف کے ہمراہ تھے۔

ڈی پی او قصورزاہد مروت نے کہا کہ زینب کیس میں ملوث ملزمان کوجلد گرفتارکرلیا جائے گا جبکہ واقعے کی تمام پہلوؤں سے تفتیش کررہے ہیں۔

آرمی چیف کی معصوم زینب کے قتل کی مذمت، مجرموں کی فوری گرفتاری کی ہدایت

وزیراعلیٰ پنجاب نے کہا کہ معصوم بچی کے قتل میں ملوث درندہ صفت ملزمان قانون کی گرفت سے بچ نہیں پائیں گے۔ انہوں نے کہا کہ کمسن بچی کے خاندان کو انصاف دلانا ان کی ذمہ داری ہے۔

قصور، زیادتی کے بعد قتل ہونے والی ننھی پری زینب سپرد خاک

خیال رہے کہ گزشتہ روز زیادتی کے بعد قتل ہونے والی سات سالہ کمسن بچی زینب کو آہوں اور سسکیوں کے ساتھ سپرد خاک کردیا گیا تھا ننھی پری کی نمازجنازہ علامہ طاہرالقادری نے پڑھائی تھی۔

وزیراعلیٰ پنجاب کا قصورمیں 7 سالہ بچی کے قتل کا نوٹس

یاد رہے کہ زینب کے والدین عمرےکی سعادت کے لئے سعودیہ عرب میں تھے کہ خالہ کے گھر مقیم کمسن زینب کو پانچ روز پہلے اغوا کیا گیا تھا، جس کے بعد سفاک درندوں نے بچی کو زیادتی نشانہ بنا کر قتل کردیا۔

واضح رہے کہ گذشتہ ڈیڑھ سال کے دوران قصورمیں بچیوں کواغواکےبعد قتل کرنے کا یہ دسواں واقعہ ہے اور پولیس ایک بھی ملزم کو گرفتار کرنے میں ناکام ثابت ہوئی ہے۔