Tag: وزیراعلیٰ پنجاب

لاہور: وزیراعلیٰ پنجاب شہبازشریف کا کہنا ہے کہ ہم نے عوامی خدمت جبکہ ایک سیاسی جماعت کے قائد نے الزام تراشی میں نام بنایا ہے۔

تفصیلات کے مطابق وزیراعلیٰ پنجاب شہبازشریف نے مختلف اضلاع سے تعلق رکھنے والے اراکین پنجاب اسمبلی سے ملاقات کی۔

اس موقع پر وزیراعلیٰ پنجاب کا کہنا تھا کہ سیاست عوام کی خدمت کا نام ہے اور خدمت جذبے سے ہوتی ہے۔

شہبازشریف نے کہا کہ مسلم لیگ ن کی قیادت کا جینا مرنا عوام کے ساتھ ہے، انہوں نے کہا کہ عوام کو سہولتوں کی فراہمی کے منصوبوں کی مخالفت ایسے عناصر کو بہت مہنگی پڑے گی۔

وزیراعلیٰ پنجاب نے کہا کہ ترقی مخالف سیاسی عناصر کوعوامی عدالت میں جواب دینا پڑے گا۔

پاکستان 2018 میں زیادہ پرامن، روشن اورمضبوط ہوگا‘ شہبازشریف

خیال رہے کہ تین روز قبل وزیراعلیٰ پنجاب شہبازشریف نے سال نوپراہل وطن کومبارکباد دیتے ہوئے کہا تھا کہ 2018 میں پاکستان زیادہ پرامن ، روشن اور مضبوط ہوگا۔

وزیراعلیٰ پنجاب کا کہنا تھا کہ نئےانرجی منصوبے، لوڈ شیڈنگ کا خاتمہ عوام کے لیے حکومتی تحفہ ہے، دعا ہے 2018 پاکستان کے لیے امن، سلامتی وخوشحالی کا سال ثابت ہو۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

لاہور: وزیراعلیٰ پنجاب شہبازشریف نے کہا کہ میں نے ملک کے اربوں روپے بجائے جو کرپشن میں لگنے جا رہے تھے۔

تفصیلات کے مطابق وزیراعلیٰ پنجاب نے لاہور میں صاف پانی کی فراہمی سے متعلق اجلاس سے خطاب کرتے ہوئے کہا کہ جاپان کی گرانٹ سے پنجاب میں 105ٹیوب ویل لگائے گئے ہیں۔

شہبازشریف نے کہا کہ جاپان نے منصوبے میں 2.3 ارب روپے کی گرانٹ دی ہے، منصوبے میں تعاون پرجاپان حکومت کے شکرگزارہیں۔

وزیراعلیٰ پنجاب نے کہا کہ منصوبے میں دوست ملک ترکی سے مدد لیتے رہتے ہیں، انہوں نے کہا کہ ماضی میں پاکستان کے اربوں روپے ضائع کیے گئے جبکہ ہم عوام کی توقعات پر پورا اتر رہے ہیں۔

چین نےمشکل حالات میں پاکستان کاہاتھ تھام کر سچی دوستی کاثبوت دیا، شہبازشریف

انہوں نے کہا کہ میں نے ملک کے اربوں روپے بچائے جو کرپشن میں لگنے جا رہے تھے۔

اجلاس میں صحافی نے سوال کیا کہ وزارت عظمیٰ کے اگلے امیدوارآپ ہوں گے؟ جس پر وزیراعلیٰ پنجاب شہبازشریف نے جواب دیا کہ اللہ آپ کی زبان مبارک کرے۔

شہبازشریف نے اجلاس سے خطاب کرتے ہوئے کہا کہ جوچاہے ملتان میٹرومنصوبے کی تحقیقات کرلے،منصوبہ پنجاب حکومت نے اپنے وسائل سے لگایا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

لاہور: وزیراعلیٰ پنجاب میاں محمد شہبازشریف کا کہنا ہے کہ سپریم کورٹ نے اورنج لائن منصوبہ جاری رکھنے کی اجازت دی، آج عوام کومفاد پرستوں پرفتح مل گئی۔

تفصیلات کے مطابق سماجی رابطے کی ویب سائٹ ٹویٹر پر وزیراعلیٰ پنجاب شہبازشریف نے اپنے پیغام میں کہا کہ تمام توانائیاں میگا پروجیکٹ کوجلد مکمل کرنے پرلگائیں گے۔

شہبازشریف نے کہا کہ سپریم کورٹ نے اورنج لائن منصوبہ جاری رکھنے کی اجازت دی، آج عوام کومفاد پرستوں پرفتح مل گئی۔

سپریم کورٹ کا اورنج لائن ٹرین منصوبہ جاری رکھنےکاحکم

واضح رہے کہ سپریم کورٹ آف پاکستان نے اورنج لائن منصوبے سے متعلق ہائیکورٹ کا فیصلہ کالعدم قرار دیتے ہوئے اکتیس شرائط کے ساتھ اورنج لائن ٹرین منصوبے پر کام کرنے کی اجازت دے دی۔

عدالت عظمیٰ نے حکم دیا کہ لاہور کے گیارہ تاریخی ورثوں کے لیے دس کروڑ کا فنڈ مختص کیا جائے، فیصلے پر عملدرآمد یقینی بنانےکے لیے ماہرین کی کمیٹی ایک سال تک کام کرے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

لاہور: وزیراعلیٰ پنجاب شہبازشریف کا کہنا ہے کہ مسلم لیگ ن نےسیاست کوہمیشہ عوام کی خدمت کا ذریعہ سمجھا، سوا 4 سال میں عوامی خدمت کی نئی مثالیں قائم کی ہیں۔

تفصیلات کے مطابق وزیراعلیٰ پنجاب شہبازشریف نے کہا کہ سیاست کو ذاتی ایجنڈا بنانے والے کامیاب نہیں ہوں گے، ذاتی مفاد کو ترجیح دینے والے قوم کے خیرخواہ نہیں ہوسکتے۔

شہبازشریف نے کہا کہ ذاتی مفادات کی سیاست کرنے والوں کا عوام محاسبہ کریں گے۔ انہوں نے کہا کہ مسلم لیگ ن آج بھی ملک کی مقبول ترین جماعت ہے۔

وزیراعلیٰ پنجاب نے کہا کہ سوا 4 سال میں عوامی خدمت کی نئی مثالیں قائم کی ہیں، تیزرفتار ترقی کی کوئی اورمثال 70 سال کی تاریخ میں نہیں ملتی۔

ہمارا دامن کرپشن سے پاک ہے‘ وزیراعلیٰ پنجاب

یاد رہے کہ تین روز قبل وزیراعلیٰ پنجاب شہبازشریف کا کہنا تھا کہ عوام کی خدمت کھوکھلے نعروں سے نہیں ہوتی،عوام کی خدمت کے لیے مٹی کے ساتھ مٹی ہونا پڑتا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

لاہور: وزیراعلیٰ پنجاب شہبازشریف کا کہنا ہے کہ پنجاب پولیس نے جرائم پیشہ عناصرکے خاتمے میں جانوں کی قربانیاں دیں۔

تفصیلات کے مطابق وزیراعلیٰ پنجاب شہبازشریف نے ڈولفن فورس کی پاسنگ آؤٹ پریڈ سے خطاب کرتے پاس آؤٹ ہونے والے اہلکاروں کو مبارکباد پیش کی اور کہا کہ یقین ہے اہلکار عوام کی توقعات پرپوراتریں گے۔

وزیراعلیٰ پنجاب شہبازشریف نے کہا کہ ڈولفن فورس اہلکار اپنی کارکردگی سےعوام کے دل جیتیں اورفرض کی ادائیگی کے لیے شاندارمثالیں قائم کریں۔

شہبازشریف نے کہا کہ ڈولفن فورس کا آئیڈیا ترکی سے لیا اور اس کے لیے ترک حکومت نے بھرپور مدد کی۔

انہوں نے کہا کہ امید ہے کہ ڈولفن فورس پنجاب پولیس کا امیج بہتر اور ترک ڈولفن فورس جیسا معیار یہاں بھی قائم کریں گے۔

وزیراعلیٰ پنجاب کا کہنا تھا کہ پنجاب پولیس ہزاروں اہلکاروں کو بھرتی کرکے تربیت دی اور اہلکاروں پر اربوں روپے خرچ کیے۔ ان کا کہنا تھا کہ عوام کے جان ومال کی حفاظت کرنا حکومت کی ذمہ داری ہے۔

شہبازشریف کا کہنا تھا کہ پنجاب میں سی پیک منصوبوں کے لیے نئی فورس قائم کی گئی۔

ہمارا دامن کرپشن سے پاک ہے‘ وزیراعلیٰ پنجاب

یاد رہے کہ گزشتہ روز وزیراعلیٰ پنجاب شہبازشریف کا کہنا تھا کہ عوام کی خدمت کھوکھلے نعروں سے نہیں ہوتی،عوام کی خدمت کے لیے مٹی کے ساتھ مٹی ہونا پڑتا ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔