کراچی : شہر قائد کے ریڈ زون میں خطرناک اسلحے کے ساتھ موجود دو مسلح افراد کو پولیس نے گرفتار کرلیا، ملزمان وزیراعلیٰ ہاؤس کے قریب ہی تھے۔
اے آر وائی نیوز کی رپورٹ کے مطابق کراچی کے ریڈ زون میں وزیر اعلیٰ ہاؤس کے قریب موجود 2 مسلح افراد کو پولیس نے گرفتار کرلیا۔
اس حوالے سے پولیس حکام کا کہنا ہے کہ مسلح ملزمان کو سول لائن پولیس نے اسلحے کی نمائش کرنے پر گرفتار کیا ہے۔
ملزمان کو وزیر اعلیٰ ہاؤس کے قریب سے حراست میں لیے کے بعد ان کیخلاف دفعہ 144 کی خلاف ورزی کا مقدمہ درج کرلیا گیا ہے، دونوں ملزمان سیکیورٹی گارڈز کی وردی میں ملبوس تھے تاہم طلب کرنے پر اپنے سیکیورٹی کارڈز پیش نہ کرسکے۔
پولیس کے مطابق گرفتار ہونے والے ملزمان کے قبضے سے ایک ایس ایم جی اور ایک جی تھری رائفل برآمد ہوئی تھی جسے پولیس نے اپنی تحویل میں لے لیا ہے۔
