Tag: وزیراعلی پنجاب عثمان بزدار

  • مری کا نیا نام ضلع کوہسار رکھنے کی تجویز، اصولی منظوری دے دی گئی

    مری کا نیا نام ضلع کوہسار رکھنے کی تجویز، اصولی منظوری دے دی گئی

    لاہور : وزیراعلی پنجاب عثمان بزدار نے نیا ضلع کوہسار بنانے کی اصولی منظوری دے دی، کوٹلی ستیاں اور دیگر سیاحتی مقامات کو اس کے ساتھ ملا کر ضلع کوہسار بنایا جائے گا۔

    تفصیلات کے مطابق مری کا نیا نام ضلع کوہسار رکھنے کی تجویز دی گئی ، مری کا نیا نام ضلع کوہسار رکھنے کی تجویز وزیراعلی پنجاب کو دورہ مری کے دوران پیش کی گئی۔

    جس میں کہا گیا کہ مجوزہ ضلع کی مکمل حد بندی کی جائے گی اور سیاحتی مقام ہونے کے باعث تمام ممکنہ سہولیات فراہم کی جائیں گی جبکہ ضلع کوہسار کی حد خیبر پختونخوا تک کرنے کی تجویزبھی دی گئی۔

    ذرائع کا کہنا ہے کہ وزیراعلی پنجاب نے نیا ضلع کوہسار بنانے کی اصولی منظوری دے دی، منظوری کا مقصد بہتر انتظامیہ کو یقینی بنانا اور مستقبل میں مری جیسے سانحے سے بچانا ہے۔

    ذرائع کے مطابق مری اور کوٹلی سکھیاں کو ملا کر نیا ضلع کوہسار بنانے کے معاملے پرسنئیر ممبر بورڈ آف ریونیو اور کمشنر راولپنڈی کو نئے ضلع کی حد بندی کی ہدایت کردی گئی ہے۔

    وزیراعلیٰ پنجاب نے کوٹلی سکھیاں کے ساتھ دیگر سیاحتی مقامات کو بھی نئے ضلع میں شامل کرنے کی بھی ہدایت کی ہے۔

    خیال رہے گزشتہ جمعہ کی رات شدید برف باری کے باعث گاڑیوں میں پھنسے کم از کم 22 سیاح شدید موسم کی وجہ سے جاں بحق ہوگئے تھے۔

    بعد ازاں سانحہ مری سے متعلق ابتدائی تحقیقاتی رپورٹ میں برف باری کے دوران خوبصورت پہاڑی مقام پر سیاحوں کی آمد کے دوران انتظامی خامیوں کا انکشاف سامنے آیا تھا۔

  • کورونا ایس او پیز نظرانداز کرنے سے مریضوں کی تعداد میں اضافہ، وزیراعلی پنجاب نے عوام کو خبردار کردیا

    کورونا ایس او پیز نظرانداز کرنے سے مریضوں کی تعداد میں اضافہ، وزیراعلی پنجاب نے عوام کو خبردار کردیا

    لاہور : وزیراعلی پنجاب عثمان بزدار کا کہنا ہے کہ کورونا ایس او پیز کو نظرانداز کرنے سے مریضوں کی تعداد میں اضافہ ہورہا ہے، کورونا کی دوسری لہرسے بچنے کیلئے شہریوں کا پہلے کی طرح تعاون ضروری ہے۔

    تفصیلات کے مطابق وزیراعلی پنجاب عثمان بزدار نے کورونا صورتحال کے حوالے سے اپنے بیان میں کہا ہےکہ انسداد کورونا ایس او پیز کو نظرانداز کرنے سے مریضوں کی تعداد میں اضافہ ہورہا ہے، اکتوبر کے پہلے 20روزمیں کورونا کیسوں کی تعداد اور مریضوں کی اموات بڑھی ہیں۔

    عثمان بزدار کا کہنا تھا کہ کچھ عرصہ قبل کورونا مریضوں کی تعداد میں نمایاں کمی ہوئی، شہری احتیاطی تدابیر پر من وعن عمل کریں، کورونا کی دوسری لہرسے بچنے کیلئے شہریوں کا پہلے کی طرح تعاون ضروری ہے۔

    وزیراعلی پنجاب نے کہا کہ احتیاطی تدابیر پر تسلسل کے ساتھ عمل کرنا شہریوں کے مفاد میں ہے، شہریوں کو بھی اپنی زندگیوں کے تحفظ کیلئے سماجی فاصلے برقرار رکھنے چاہئیں۔

    ان کا کہنا تھا کہ صوبے میں کورونا ایکٹو کیسوں کی تعداد2198ہوگئی ہے، 24گھنٹے کے دوران کورونا کے 108نئے کیس سامنے آئے اور12مریض جاں بحق ہوئے، جس کے بعد صوبے میں اب تک 2310مریض جاں بحق ہوچکے ہیں۔

    24 گھنٹے میں کورونا کی تشخیص کیلئے آٹھ ہزار 623 ٹیسٹ کیے گئے اور مجموعی طور سے اب تک چودہ لاکھ چوہتر ہزار477ٹیسٹ کیے جاچکے ہیں جبکلہ ایک لاکھ ایک ہزارسات سوساٹھ مریضوں میں سے97 ہزار 252مریض صحت یاب ہوچکے ہیں۔