کراچی: وزیربلد یات سندھ سعیدغنی نے کہا ہے کہ ذوالفقار علی بھٹو نے کہا تھا کہ کشمیر کی آزادی کیلئے ہزار سال جنگ لڑیں گے۔
وزیر بلدیات سعید غنی کا کراچی میں تقریب سے خطاب کرتے ہوئے کہنا تھا کہ پیپلز پارٹی کے بانی ذوالفقار بھٹو نے کہا تھا مسئلہ کشمیر پر خواب میں بھی غلطی نہیں کرسکتا، مقبوضہ کشمیرکی جدوجہد پر آواز اٹھانا ہمارا فرض ہے۔
سعیدغنی نے کہا کہ برہان وانی کی شہادت کا پیغام پاکستانی نوجوانوں تک جانا چاہیے، بھارتی مظالم اور اسکے نتیجے میں شہادتیں کوئی نئی بات نہیں۔
انھوں نے کہا کہ کشمیر اور فلسطین کےعوام نے جتنے مظالم سہے انکی مثال تاریخ میں نہیں ملتی، پیپلزپارٹی کشمیریوں سے اظہار یکجہتی کیلئے کل کی ریلی میں بھرپور شرکت کریگی، ریلی میں کارکن صرف کشمیر کے جھنڈےلائیں۔
لیاری کی عمارت کو 2 جون کو آخری نوٹس جاری کیا گیا تھا، سعید غنی
وزیربلدیات نے کہا کہ پاکستان کی سفارتی تنہائی کا دعویٰ کیا جاتا تھا لیکن پاکستان ابھرکر سامنے آیا، دنیا نے پاک بھارت جنگ میں پاکستان کےمؤقف کو تسلیم کیا
سعید غنی نے مزید کہا کہ بھارت کے دعوے کوئی ملک تسلیم کرنے کو تیار نہیں، بھارت نے تسلیم کرلیا 4 پائلٹ مارے گئے، 3 رافیل تباہ ہوئے۔
انھوں نے کہا کہ پاک بھارت کشیدگی کے بعد اب تک بھارتی پارلیمان کا اجلاس نہیں ہوا، مودی سمجھتا تھا آئینی ترمیم کے بعد وہ کشمیر پر قابض ہوجائےگا۔
https://urdu.arynews.tv/zulfikar-ali-bhutto-posthumously-awarded-nishan-pakistan-the-highest-civilian-award/