لاہور : وزیرتعلیم پنجاب مراد راس نے متاثرہ اضلاع کے تمام نجی وسرکاری اسکولوں میں پہلی جماعت سے 8 ویں کلاسز عید تک بند رکھنے کا اعلان کردیا۔
تفصیلات کے مطابق وزیرتعلیم پنجاب مراد راس نے این سی او سی کے فیصلوں کے بعد سماجی ربطے کی ویب سائٹ ٹوئٹر پر اپنے بیان میں کہا تمام نجی وسرکاری اسکولزمیں پہلی سے8ویں جماعت عیدتک بند رہیں گے، لاہور، گوجرانوالہ، راولپنڈی، گجرات ،ملتان ، سیالکوٹ،سرگودھا،فیصل آباد،رحیم یارخان ، بہاولپور،شیخوپورہ ، ڈی جی خان ودیگر متاثرہ اضلاع میں شامل ہیں۔
ANNOUNCEMENT No. 1
All Public & Private schools Classes 1-8 to remain closed until Eid in Lahore, Rawalpindi, Gujrat, Gujranwala, Multan, Bhawalpur, Sialkot, Sargoda, Faisalabad, TT Singh, RYK, DG Khan and Sheikupura. Decision to be reviewed in 2 weeks.— Murad Raas (@DrMuradPTI) April 6, 2021
مرادراس کا کہنا تھا کہ 19اپریل سے 9 ویں سے 12 ویں جماعت کی کلاسز پیر اور جمعرات کوہوں گی ، 2ہفتے کے بعد فیصلے پر نظرثانی کی جائے گی۔
ANNOUNCEMENT No. 2
All Public & Private Schools classes 9-12 will be open only Monday & Thursday starting April 19th, 2021 in Lahore, Rawalpindi, Gujrat, Gujranwala, Multan, Bahawalpur, Sialkot, Sargoda, Faisalabad, TT Singh, RYK, Sheikhupura and DG Khan.— Murad Raas (@DrMuradPTI) April 6, 2021
دوسری جانب معاون خصوصی اطلاعات خیبر پختونخواہ کامران بنگش نے سماجی رابطے کی ویب سائٹ ٹوئٹر پر اپنے بیان میں کہا آج این سی او سی میں اعلیٰ تعلیم سےمتعلق متفقہ فیصلے ہوئے، 18اپریل سےمتاثرہ اضلاع میں انٹر کالجز ہفتے میں 3دن کھلیں گے اور یونیورسٹیز میں آن لائن تعلیم کا سلسلہ جاری رہے گا۔
آج کی ایجوکیشن این سی او سی میں اعلیٰ تعلیم کے حوالہ سے متفقہ فیصلے یہ ہوا کہ 18 اپریل سے متاثرہ اضلاع میں انٹر کالجز ہفتہ میں تین دنStaggered کھلیں گے جبکہ یونیورسٹیز میں آن لائن تعلیمی سلسلہ جاری رہیگا۔
— Kamran Bangash 🇵🇰 (@kamrankbangash) April 6, 2021
کامران بنگش کا کہنا تھا کہ میٹرک اورانٹرامتحانات شیڈول کےمطابق ہوں گے، این سی او سی میں متفقہ فیصلے ہوئے ، 8ویں جماعت تک اسکول بند رہیں گے جبکہ 9سے12ویں جماعت تک کلاسز 19اپریل سے کھلیں گے، لاک ڈاؤن ہمارے پاس آخری آپشن ہوگا۔
وزیر تعلیم بلوچستان سردار یار محمد رند نے اپنے بیان میں کہا ہے کہ این سی او سی اجلاس میں آج اہم فیصلے ہوئے ، اسکول بندکرنے کے حوالے سے صوبوں کو اختیار دےدیا گیا ہے، اس وقت بلوچستان میں کورونا کی صورتحال بہتر ہے۔
بلوچستان میں مثبت کیسز کی شرح میں کمی ہورہی ہے اور تعلیمی اداروں میں ایس او پیز پر عملدرآمد کو یقینی بنایا جارہا ہے ، بلوچستان یں تمام سالانہ امتحانات شیڈول کے مطابق ہوں گے۔
ہم چاہتے ہیں تعلیمی سرگرمیاں جاری رہیں،اگر کیسز میں اضافہ ہوا تو متاثرہ علاقوں میں اسکول بند کریں گے۔
