Tag: وزیرتوانائی اویس لغاری

اسلام آباد : سینیٹ کی قائمہ کمیٹی توانائی کے اجلاس میں سیکرٹری پاور ڈویژن نےبجلی کمپنیوں کے ملازمین کو فری بجلی دینے کی تفصیلات بتادی۔

تفصیلات کے مطابق سینیٹر محسن عزیز کی زیرصدارت سینیٹ کی قائمہ کمیٹی توانائی کا اجلاس ہوا ، جس میں وزیرتوانائی اویس لغاری نے بتایا کہ بجلی چوری کا اختتام نجکاری اورڈیجیٹلائزیشن سےہوگا، پاور ڈویژن بجلی کے مراعاتی پیکج پر کام کررہا ہے۔

چیئرمین کمیٹی نے بتایا کہ 2013میں480ارب کی ادائیگی میں بےضابطگیوں کی نشاندہی ہوئی تھی ، جس پر سی ای او سی پی پی اے نے بتایا کہ رپورٹ سینیٹ میں پیش کی گئی تھی اور معاملہ نیب کو بھجوایا گیا تھا۔

چیئرمین کمیٹی محسن عزیز کا کہنا تھا کہ نیب تو ایک مافیا ہے، جس پر سیکرٹری پاور ڈویژن نے بتایا کہ فری بجلی صرف بجلی کمپنیوں ،واپڈااورجنکوز ملازمین کوملتی ہیں ، بجلی کمپنیوں کے1لاکھ 90ہزار ملازمین کو فری بجلی دی جاتی ہے۔

سیکرٹری پاور ڈویژن کا کہنا تھا کہ ملازمین کو ایک ارب 30کروڑماہانہ کی فری بجلی دی جاتی ہے، بجلی کمپنیوں کے ملازمین کو15 ارب کی مفت بجلی دی جاتی ہے، ایک ملازم کو سال کی 78 ہزار کی بجلی مفت دی جاتی ہے۔

وزیرتوانائی اویس لغاری نے کہا ہے کہ حکومت کا مسمم ارادہ ہے کہ بجلی قیمتیں کم کرنی ہیں، آئی پی پیز کے معاملے پر سنجیدہ کام کررہے ہیں۔

پاورسیکٹر کے حوالے سے گفتگو کرتے ہوئے وزیرتوانائی اویس لغاری کا کہنا تھا کہ اس میں ریفارمز کررہے ہیں، آئی پی پیز کے معاملے پر ہم لوگ سنجیدہ طریقے سے کام کررہے ہیں، دھرنے اور پریس کانفرنس کے بجائے سنجیدہ کام کرنا ہے۔

اویس لغاری نے کہا کہ ایم کیو ایم کے تحفظات ہیں جس پران کو بریفنگ دی ہے، قانونی پیچیدگیوں کے باعث تفصیل میں نہیں جانا چاہتا، تمام امور کا تفصیلی جائزہ لے رہے ہیں۔

انھوں نے کہا کہ گوہراعجاز اپنی سپریم کورٹ بھی بنالیں تو ان کی کسی کو سجھ نہیں آنی، کل سابق وزیراعظم نے کہا کیپسٹی ریٹ کا مسئلہ گوہر اعجاز نہیں سمجھا سکتا۔

وزیرتوانائی اویس لغاری کا کہنا تھا کہ 2018 کے بعد روپے کی قدر گرنا اور شرح سود میں اضافہ کیپسٹی پیمنٹس کی وجہ ہے۔

انھوں نے کہا کہ چین اور پاکستان نے کوئلے کے پلانٹس کی مقامی کوئلے میں تبدیلی پر اتفاق رائے کیا ہے، چین نے ڈیٹ پروفائلنگ کے مسئلے کو سنجیدہ لیا ہے۔