Tag: وزیرخارجہ

اسلام آباد: وزیر خارجہ شاہ محمود قریشی کا کہنا ہے کہ کشمیر میں بھارتی حکمت عملی مکمل طور پر ناکام ہوچکی ہے۔

تفصیلات کے مطابق وزیر خارجہ شاہ محمود قریشی نے اپنے بیان میں کہا کہہ بھارت نہتے کشمیریوں پر طاقت کا استعمال 7 دہائیوں سے کر رہا ہے،طاقت کےاستعمال سے یہ مسئلہ حل نہیں ہوگا۔

انہوں نے کہا کہ کشمیر میں بھارتی حکمت عملی مکمل طور پر ناکام ہوچکی ہے،حکمت عملی ناکام ہونےکی آوازیں بھارت کے اندر سےاٹھ رہی ہیں۔

شاہ محمود قریشی کا کہنا تھا کہ بھارت نے یکطرفہ قوانین سے کشمیریوں کی آواز کو دباناچاہا،5 اگست 2019 کے بعدکشمیریوں پر ڈھائےگئے مظالم کی مثال نہیں ملتی،بھارت وقتی آواز دبانے میں کامیاب تو ہوسکتا ہے مگرمسئلہ حل نہیں ہوگا۔

وزیر خارجہ نے کہا کہ بھارتی اقدامات کی وجہ سے آج کشمیریوں میں اشتعال پایا جاتا ہے،مقبوضہ کشمیر میں آزاد کشمیر کا پرچم لہرایا جا رہا ہے،کشمیری شہیدوں کوپاکستانی پرچم میں لپیٹ کر دفن کیا جا رہا ہے،کشمیر میں پاکستان زندہ باد کے نعرے لگتے ہیں۔

انہوں نے کہا کہ ہم کشمیر کا مسئلہ ہر فورم پر اٹھاتے رہیں گے،آج عالمی فورمز پر مسئلہ کشمیرکو زیر بحث لایا جا رہا ہے۔شاہ محمود قریشی نے کہا کہ وزیراعظم 25 تاریخ کو جنرل اسمبلی میں خطاب میں مسئلہ کشمیر پر بات کریں گے۔

بیجنگ: وزیر خارجہ شاہ محمود قریشی کا کہنا ہے کہ چین کے تعاون سے 55 سال بعد 3 بار مسئلہ کشمیرکو سلامتی کونسل میں لائے۔

تفصیلات کے مطابق وزیر خارجہ شاہ محمود قریشی کا کہنا ہے کہ پاک چین اسٹریٹجک مذاکرات میں پاکستان کی نمائندگی کروں گا،چین کے وزیر خارجہ وانگ ژی کے ساتھ بھی ملاقات ہوگی۔

شاہ محمود قریشی کا کہنا تھا کہ پاکستان،چین دنیا کی بدلتی صورت حال پر تبادلہ خیال کے خواہشمند ہیں،اقتصادی راہداری سمیت مختلف شعبوں میں تعاون پر بات ہوگی،کشمیر کی صورتحال دونوں ممالک کے لیے اہمیت کی حامل ہے۔

وزیر خارجہ کا کہنا تھا کہ مظلوم کشمیریوں سے جو سلوک روا رکھا گیا ہے وہ سب کے علم میں ہے،چین کے تعاون سے 55 سال بعد 3 بار مسئلہ کشمیر کو سلامتی کونسل میں لائے۔

انہوں نے کہا کہ چین اور پاکستان نے کرونا وبا پر کافی حد تک قابو پالیا ہے،کرونا وبا میں کمی کے بعد یہ میرا پہلا دورہ چین ہے،چین،پاکستان جانتے ہیں خطے میں اہم تبدیلیاں ہوئی ہیں۔

شاہ محمود قریشی کا کہنا تھا کہ سعودی عرب کا اسرائیل پر دوٹوک مؤقف ہے، یہ ان کا تاریخی مؤقف ہے۔انہوں نے کہا کہ سعودی عرب پاکستان کے تعلقات ہمیشہ سے اچھے رہے ہیں۔

اسلام آباد: وزیر خارجہ شاہ محمود قریشی کا کہنا ہے کہ ڈیجیٹل ڈپلومیسی وقت کی اہم ضرورت ہے۔

تفصیلات کے مطابق وزیر خارجہ شاہ محمودقریشی کی زیر صدارت ڈیجیٹل ڈپلومیسی گروپ کا اجلاس ہوا۔شاہ محمود قریشی نے اجلاس سے خطاب کرتے ہوئے کہا کہ کرونا وائرس نے دنیا کو یکسر تبدیل کر دیا ہے، ڈیجیٹل ڈپلومیسی وقت کی اہم ضرورت ہے۔

وزیر خارجہ کا کہنا تھا کہ وزارت خارجہ کو اللہ نے بہترین ہیومن ریسورس سے نوازا ہے،ہمارے پاس وسیع تجربہ کے حامل سفارت کار، سفیر موجود ہیں۔

شاہ محمود قریشی نے کہا کہ ضرورت ہے بدلتے وقت کے تقاضوں میں ٹیکنالوجی کا استعمال کیا جائے،افسران کو ڈیجیٹل سفارت کاری سے مستفید کیا جائے۔

وزیر خارجہ شاہ محمود قریشی نے وزارت خارجہ کو جدید عصری تقاضوں سے ہم آہنگ کرنے کے لیے تجاویز دینے کی ہدایت کر دی۔

کلچرل، ڈیجیٹل اور اسپورٹس ڈپلومیسی کو متعارف کرا رہے ہیں،وزیر خارجہ

اس سے قبل گزشتہ ماہ 23 جولائی کو وزیر خارجہ شاہ محمود قریشی کا کہناتھا کہ کلچرل، ڈیجیٹل اور اسپورٹس ڈپلومیسی کو متعارف کرا رہے ہیں۔

اسلام آباد: وزیر خارجہ شاہ محمود قریشی کا کہنا ہے کہ مقبوضہ کشمیر کا آبادیاتی تناسب تبدیل کرنا عالمی قوانین کے منافی ہے۔

تفصیلات کے مطابق وزیر خارجہ شاہ محمود قریشی کی زیرصدارت کشمیر کی صورتحال پر اینکرز کو بریفنگ دی گئی۔وزیر خارجہ نے مقبوضہ کشمیر اور خطے میں امن کی صورت حال سے متعلق آگاہ کیا۔

اس موقع پر شاہ محمود قریشی کا کہنا تھا کہ تمام کشمیری 5 اگست 2019 کے اقدامات کو مسترد کرتے ہیں،بھارت سرکار کے غیرآئینی اور یکطرفہ اقدامات کو مسترد کرچکے ہیں۔

انہوں نے کہا کہ پاکستان نے بھارت کی ہندوتوا پالیسیوں کو ہر فورم پر بے نقاب کیا،مقبوضہ کشمیرمیں انسانی حقوق کی خلاف ورزیوں سے پردہ ہٹایا۔

شاہ محمود قریشی کا کہنا تھا کہ مودی سرکار کی پالیسیوں نے خطےکو خطرے سے دوچار کر دیا،بھارت مقبوضہ کشمیر کے آبادیاتی تناسب کو تبدیل کرنا چاہتا ہے،مقبوضہ کشمیر کا آبادیاتی تناسب تبدیل کرنا عالمی قوانین کے منافی ہے۔

وزیر خارجہ نے کہا کہ پاکستان کے نئے سیاسی نقشے کی منظوری بہت بڑا قدم ہے،یہ نیاسیاسی نقشہ پاکستانی قوم کی امنگوں کی ترجمانی کرتا ہے،نئےسیاسی نقشے کا اجرا قومی ضرورت کے پیش نظر کیا گیا۔

انہوں نے کہ بھارت نے اقلیتوں کے حقوق کو غصب کیا ہے،بھارتی رویے کے خلاف بھارت کے اندر سے آوازیں آٹھ رہی ہیں،آج دنیا کے سامنے بھارت سرکار کا اصل چہرہ بےنقاب ہوچکا ہے۔

شاہ محمود قریشی کا مزید کہنا تھا کہ کشمیریوں کے حق خودارادیت کے حصول تک حمایت جاری رکھیں گے۔

اسلام آباد: وزیر خارجہ شاہ محمود قریشی نے کہا ہے کہ بھارت افغانستان میں قیام امن کی کاوشوں کو سبوتاژ کرنا چاہتا ہے۔

تفصیلات کے مطابق وزارت خارجہ میں وزیر خارجہ شاہ محمود قریشی کی زیر صدارت اجلاس ہوا جس میں معید یوسف،سہیل محمود ودیگر حکام نے شرکت کی۔اجلاس میں مقبوضہ کشمیر میں بھارتی جارحیت اور خطے کی صورت حال پر تبادلہ خیال کیا گیا۔

اس موقع پر وزیر خارجہ کا کہنا تھا کہ بھارت کی ہندوتواسوچ کے باعث خطے کو شدید خطرات ہیں،بھارت کی جارحانہ پالیسیوں کے باعث خطے کے امن کو خطرہ ہے۔

شاہ محمود قریشی کا کہنا تھا کہ بھارت افغانستان میں قیام امن کی کاوشوں کو سبوتاژ کرنا چاہتا ہے،بھارت ایل او سی پر عام شہریوں کو نشانہ بنا رہا ہے۔

انہوں نے کہا کہ پاکستان مقبوضہ کشمیر میں بھارتی فوج کشی کو ہر فورم پر اٹھا رہا ہے،مقبوضہ کشمیر میں انسانی حقوق کی خلاف ورزیوں کو یو این میں اٹھا رہے ہیں۔

وزیر خارجہ کا مزید کہنا تھا کہ دنیا کے سامنے بھارت سرکار کا اصل چہرہ سامنے لا رہے ہیں،کشمیریوں کو ھارتی استبداد سے نجات دلانے کے لیے دنیا کردار ادا کرے۔

اسلام آباد: وزیر خارجہ شاہ محمود قریشی نے کہا ہے کہ افغان مہاجرین کی باعزت واپسی کے لیے عالمی برادری کو ہاتھ بڑھانا ہوگا۔

تفصیلات کے مطابق وزیرخارجہ شاہ محمود قریشی سے امریکی نمائندہ خصوصی افغان امن عمل زلمے خلیل زاد نے ملاقات کی جس میں خطے کی صورتحال،افغان امن عمل کے حوالے سے خصوصی تبادلہ خیال کیا گیا۔زلمےخلیل زاد نے پی ایس ایکس حملے پر اظہارافسوس اور بروقت کارروائی پر خراج تحسین پیش کیا۔

اس موقع پر شاہ محمود قریشی کا کہنا تھا کہ افغان امن عمل میں ہونیے والی پیشرفت انتہائی حوصلہ افزا ہے، فریقین کی جانب سے بین الافغان مذاکرات پر آمادگی خوش آئند ہے،ان مذاکرات سے افغانستان میں مستقل،دیرپا امن کی راہ ہموار ہوگی۔

وزیر خارجہ کا کہنا تھا کہ افغان امن عمل،اہم مرحلے میں داخل ہوچکا ہے،ان عناصر سے خبردار رہنا ہوگا جو قیام امن کی کاوشوں کو سبوتاژ کرنا چاہتے ہیں۔

انہوں نے کہا کہ پاکستان گزشتہ 40 برس سے افغان مہاجرین کی میزبانی کرتا آ رہا ہے،افغان مہاجرین کی باعزت واپسی کے لیے عالمی برادری کو ہاتھ بڑھانا ہوگا۔

شاہ محمود قریشی کا مزید کہنا تھا کہ پاکستان افغانستان میں قیام امن کے لیے اپنا مصالحانہ کردار ادا کرتا رہے گا،پورے خطے کی تعمیر وترقی کا انحصار افغانستان میں قیام امن سے مشروط ہے۔

اسلام آباد: وزیرخارجہ شاہ محمود قریشی نے کروناوائرس کے تناظر میں شدید تشویش کا اظہار کرتے ہوئے کہا ہے کہ دنیا ممکنہ طور پر عالمی معاشی بحران کی طرف بڑھ رہی ہے۔

تفصیلات کے مطابق وزیر خارجہ شاہ محمود قریشی سے وفاقی وزیر دفاعی پیداوار زبیدہ جلال نے ملاقات کی، اس موقع پر کروناصورت حال اور حکومتی حکمت عملی ودیگر باہمی دلچسپی کے امور پر تبادلہ خیال کیا گیا۔

ملاقات میں اقتصادی سفارتکاری اور دفاعی پیداوار سے متعلق بھی گفتگو ہوئی، دونوں وزرانے وزیر اعظم کے کمزور معیشتوں کے لیے اقدامات کو سراہا، زبیدہ جلال نے مقبوضہ کشمیر میں بھارتی بربریت اجاگر کرنے پر تعریف کی۔

کروناوائرس: شاہ محمود قریشی کا ایرانی ہم منصب سے اہم رابطہ

زبیدہ جلال نے مشکل حالات میں بہترین خارجہ پالیسی پر وزیر خارجہ کو مبارکباد بھی دی۔

اس موقع پر شاہ محمود قریشی نے کہا کہ پوری دنیا کرونا کی وجہ سے غیرمعمولی صورت حال کا شکار ہے، دنیا ممکنہ عالمی معاشی بحران کی طرف بڑھ رہی ہے، پاکستان جیسی ترقی پذیر معیشتوں کا معاملہ انتہائی تشویشناک ہے۔

لاہور: وزیر خارجہ شاہ محمود قریشی کا کہنا ہے کہ کہیں دباؤکم دکھائی دیتا ہے تو وہاں لاک ڈاؤن میں نرمی کرنی چاہیے،ہماری معیشت طویل لاک ڈاؤن برداشت نہیں کرسکتی۔

تفصیلات کے مطابق لاہور میں میڈیا سے گفتگو کرتے ہوئے وزیر خارجہ شاہ محمود قریشی نے کہا کہ کورونا کے خلاف نبرد آزما ڈاکٹرز، پیرا میڈیکل اسٹاف پر فخر ہے۔

شاہ محمود قریشی کا کہنا تھا کہ وزیراعظم سب جانتے ہیں، پل پل کی پیش رفت سے آگاہ ہیں، لاک ڈاؤن کے جہاں فوائد وہاں اس کے نقصانات بھی ہیں،وزیراعظم کی سوچ منفی نہیں وہ کہنا چاہتے تھے لاک ڈاؤن کئی اقسام کے ہوتے ہیں۔

وزیر خارجہ نے کہا کہ لاک ڈاؤن کی وجہ سےغربت کی لکیر سے نیچے لوگ مشکلات سے دوچار ہیں، کہیں دباؤکم دکھائی دیتا ہے تو وہاں لاک ڈاؤن میں نرمی کرنی چاہیے،ہماری معیشت طویل لاک ڈاؤن برداشت نہیں کرسکتی۔

انہوں نے کہا کہ وفاقی حکومتی سمجھتی ہے کہ کروناوائرس کا چیلنج طویل ہے، ہوسکتا ہے کرونا کا چیلنج 6 ماہ یا پھر ایک سال تک چلے ،ایک لڑائی کرونا سے اور دوسری غربت اور بھوک کے خلاف لڑنی ہے۔

پاکستان میں کرونا کے 2 لاکھ ٹیسٹ مکمل، 19103 مثبت، 440 مریض جاں بحق

واضح رہے کہ نئے اور مہلک وائرس کو وِڈ نائنٹین کی عالمگیر وبا سے پاکستان بھر میں اموات کی تعداد 440 ہو گئی ہے، ملک کے مختلف حصوں میں کرونا وائرس کے تصدیق شدہ کیسز کی تعداد بھی بڑھ کر 19,103 ہو گئی۔

اسلام آباد: وزیر خارجہ شاہ محمود قریشی کا کہنا ہے کہ پاکستانیوں کی مرحلہ وار واپسی کے لیے تمام وسائل بروئےکار لا رہے ہیں۔

تفصیلات کے مطابق وزیر خارجہ شاہ محمود قریشی نے وزارت خارجہ میں قائم ایمرجنسی کرائسز مینجمنٹ یونٹ کا دورہ کیا۔وزیرخارجہ کو ڈی جی ایمرجنسی کرائسز مینجمنٹ یونٹ کی جانب سے بریفنگ دی گئی۔

شاہ محمود قریشی کو بریفنگ کے دوران بتایا گیا کہ 11529پاکستانیوں کو تاحال بیرون ملک سے واپس لایا جاچکا ہے، بیرون ملک 62 ہزار 709 پاکستانی وطن واپسی کے منتظر ہیں۔

وزیر خارجہ نے ایمرجنسی کرائسز مینجمنٹ یونٹ کی بہترین کارکردگی کو سراہتے ہوئے ڈی جی سلمان اطہر اور ان کی ساری ٹیم کو مبارکباد دی۔

اس موقع پر شاہ محمود قریشی کا کہنا تھا کہ بیرون ملک مقیم پاکستانیوں کی مشکلات کا احساس ہے،پاکستانیوں کی مرحلہ وار واپسی کے لیے تمام وسائل بروئے کار لا رہے ہیں۔

یاد رہے کہ گزشتہ روز حکومت نے بیرون ملک پھنسے پاکستانیوں کی وطن واپسی کا فلائٹ شیڈول جاری کیا تھا جس کے مطابق آئندہ 2 ہفتوں کے دوران ملکی اور غیر ملکی ایئر لائن کی مجموعی طور پر 45 پروازیں آپریٹ ہوں گی جن سے 9 ہزار سے زائد پاکستانی واپس آئیں گے، ملکی اور غیر ملکی پروازوں کے ذریعے بیرون ملک پھنسے ساڑھے 9 ہزار پاکستانیوں کی وطن واپسی ہوگی۔

اسلام آباد: وزیرخارجہ شاہ محمود قریشی کا کہنا ہے کہ لاک ڈاؤن کی وجہ سے پاکستانیوں کو واپس لانے میں مشکلات پیش آ رہی ہیں۔

تفصیلات کے مطابق وفاقی دارالحکومت اسلام آباد میں وزارت خارجہ میں شاہ محمود قریشی کی زیرصدارت کرونا وبائی چیلنج سے نمٹنے سے متعلق اعلیٰ سطح کا اجلاس ہوا جس میں بیرون ممالک وطن واپسی کے منتظر پاکستانیوں کی مرحلہ وار واپسی کا جائزہ لیا گیا۔

اجلاس میں معاون خصوص برائے صحت ڈاکٹر ظفر مرزا نے کرونا صورتحال ،ٹیسٹنگ کی سہولت ،انتظامات پر بریفنگ دی۔ وزیر خارجہ کی زیرصدارت اجلاس میں متعلقہ اداروں سے موصول ہونے والی تجاویز پر مشاورت کی گئی۔

اجلاس میں وزیر ہوا بازی غلام سرور،معاون خصوصی اوورسیز پاکستانی زلفی بخاری، معاون خصوصی نیشنل سیکیورٹی معید یوسف،سی ای او شوکت خانم، ڈاکٹر فیصل اور اسپیشل سیکریٹری خارجہ معظم علی خان نے بھی شرکت کی۔

اس موقع پر وزیر خارجہ شاہ محمود قریشی کا کہنا تھا کہ پہلی ترجیح وطن واپسی کے منتظر، پاکستانیوں کی مرحلہ وار واپسی ہے، کرائسز مینجمنٹ سیل پاکستانی سفارت خانوں سے رابطے میں ہے۔

شاہ محمود قریشی نے کہا کہ ایئرپورٹس پر کرونا کیسز کے لیے طبی سہولتیں کی فراہمی یقینی بنائی جا رہی ہیں، بہت سے ممالک میں لاک ڈاؤن سے فلائٹس آپریشن معطل ہیں،لاک ڈاؤن کی وجہ سے پاکستانیوں کو واپس لانے میں مشکلات پیش آ رہی ہیں۔