Tag: وزیرخارجہ بلاول بھٹو

واشنگٹن: امریکی کانگریس کی فنانس کمیٹی کی چیئر پرسن میکسن واٹرز نے پاکستان کیلئے ریلیف بل لانے کی یقین دہانی کرادی۔

تفصیلات کے مطابق وزیرخارجہ بلاول بھٹو نےامریکی کانگریس کی فنانس کمیٹی کی چیئرپرسن میکسن واٹرزسے ملاقات کی۔

ملاقات میں مسلمان رکن کانگریس الہان عمر، ڈیموکریٹ رہنما طاہرجاوید بھی شریک تھے، میکسن واٹرز کی ارکان کانگریس کے ہمراہ پاکستانی سفارتخانے میں بلاول بھٹو سے ملاقات ہوئی۔

وزیرخارجہ بلاول بھٹو نے پاکستان میں سیلاب کی صورتحال سےامریکی وفد کوآگاہ کیا۔

بلاول بھٹو کا کہنا تھا کہ موجودہ صورت حال میں عالمی برادری کا تعاون ناگزیر ہے، پاکستان میں سیلاب سے تیس بلین ڈالر کا نقصان ہوا ہے۔۔

میکسن واٹرز نے کانگریس میں پاکستان کیلئےریلیف بل لانے کی یقین دہانی کرائی۔

ڈیموکریٹ رہنما طاہرجاوید نے کہا کہ بائیڈن انتظامیہ پاکستانی سیلاب زدگان کیلئے امداد بڑھائیں۔

اسلام آباد : وزیرخارجہ بلاول بھٹو سرکاری دورے پر ایران پہنچ گئے ، دورے کے دوران وہ ہم منصب سمیت دیگر ایرانی قیادت سے ملاقات کریں گے۔

تفصیلات کے مطابق وزیرخارجہ بلاول زرداری 2روزہ سرکاری دورے پر ایران پہنچ گئے، اپنےدورے میں وہ ایرانی ہم منصب اورصدر ابراہیم رئیسی سیمت دیگر حکومتی عہدے داروں سے ملاقات کریں گے۔

دونوں وزرائے خارجہ مشترکہ پریس کانفرنس بھی کریں گے ، جس کے بعد بلاول زرداری مشہد بھی جائیں گے، جہاں وہ زیارتوں کا شرف حاصل کریں گے۔

گذشتہ روز وزیرخارجہ بلاول بھٹو نے روس یوکرین جنگ پر پالیسی بتاتے ہوئے کہا تھا کہ عمران حکومت کی پالیسی کےتحت ہماری حکومت بھی یوکرین روس جنگ میں نیوٹرل ہے، ہم کل بھی نیوٹرل تھےآج بھی نیوٹرل ہیں، ہم چاہتے ہیں یہ جنگ جلدختم ہو۔

دورہ ایران کے حوالے سے بلاول کا کہنا تھا ایران گیس پائپ لائن پرپیش رفت کی کوشش کریں گے۔

اسلام آباد : وزیرخارجہ بلاول بھٹو ورلڈ اکنامک فورم کے سالانہ اجلاس میں شرکت کیلئے آج ڈیووس روانہ ہوں گے۔

تفصیلات کے مطابق ترجمان دفترخارجہ کی جانب سے بیان میں کہا گیا ہے کہ وزیرخارجہ بلاول بھٹوآج سے26مئی تک سوئٹزرلینڈکادورہ کریں گے ، جہاں وہ ڈیووس میں ورلڈاکنامک فورم کے سالانہ اجلاس میں شرکت کریں گے۔

ترجمان کا کہنا تھا کہ دورے کے دوران وزیرمملکت خارجہ امورحناربانی کھر بھی بلاول کے ہمراہ ہوں گی۔

دفتر خارجہ نے کہا کہ وزیرخارجہ عالمی اورعلاقائی مسائل پرورلڈاکنامک فورم کی متعدد تقریبات میں شرکت کریں گے ، جس میں وبائی امراض، خوراک اور توانائی کے تحفظ سمیت موسمیاتی تبدیلی سے پیدا چیلنجز کےبارےمیں پاکستان کا نقطہ نظرپیش کیا جائے گا۔

ترجمان کے مطابق بلاول بھٹو دورے کے دوران مختلف ملکوں کےوزرائےخارجہ سےبھی ملاقات کریں گے۔

ورلڈ اکنامک فورم ہر سال سیاسی اور کاروباری رہنماؤں کے ساتھ ساتھ بین الاقوامی تنظیموں کے نمائندوں، سول سوسائٹی اور دنیا بھر سے نوجوانوں کی نمائندگی کو اکٹھا کرتا ہے تاکہ معاشی، سماجی اور ماحولیاتی چیلنجوں پر قابو پانے کے لیے راہوں کی نشاندہی کی جا سکے۔

وزیر برائے موسمیاتی تبدیلی سینیٹر شیری رحمان بھی عالمی اقتصادی فورم میں ماحولیاتی تبدیلی اور اس کے عالمی برادری سمیت پاکستان پر اثرات کے حوالے سے ہونے والی تقریبات میں شرکت کریں گی۔

موسمیاتی تبدیلی ایک اہم ایجنڈا ہے ، جو ملک میں موجودہ گرمی کی لہروں اور برفانی جھیلوں کے پھٹنے والے سیلاب کے واقعات کے لیے بھی انتہائی موزوں ہے۔