Tag: وزیرخارجہ

اسلام آباد: وزیرخارجہ شاہ محمود قریشی کا کہنا ہے کہ کرنٹ اکاؤنٹ خسارے میں 32 فیصد کمی لائی گئی، ایک سال بعد ٹیکس دہندگان کی تعداد میں 44 فیصد اضافہ ہوچکا ہے۔

تفصیلات کے مطابق سماجی رابطے کی ویب سائٹ ٹویٹر پر وزیرخارجہ شاہ محمود قریشی نے اپنے پیغام میں کہا کہ پی ٹی آئی کو تباہی کے دہانے پرمعیشت ورثے میں ملی، قرضے ریکارڈ سطح پر بلند تھے۔

PTI inherited an economy on the brink of collapse. Debt stood at a record high, C/A deficit was massive & mounting, exports shrinking & imports growing. Tax to GDP ratio stood as one of the lowest in S. Asia. In Sep 2019, Economic Indicators are showing great improvement. pic.twitter.com/UfcRaEtgrh

— Shah Mahmood Qureshi (@SMQureshiPTI) October 20, 2019

شاہ محمود قریشی نے کہا کہ کرنٹ اکاؤنٹ خسارہ بہت زیادہ اورمتواتر بڑھ رہا تھا، ملکی برآمدات سکڑ اور درآمدات بڑھ رہی تھیں۔ انہوں نے کہا کہ وزیراعظم کی بصیرت انگیز قیادت، معاشی ٹیم کےعزم ولگن کے نتائج آ رہے ہیں۔

وزیرخارجہ نے کہا کہ ہمارا ٹیکس ٹو جی ڈی پی تناسب جنوبی ایشیا میں سب سے کم تھا، ایک سال بعد ٹیکس دہندگان کی تعداد میں 44 فیصد اضافہ ہوچکا ہے۔

One year in, tax filers are up by 44%, current account deficit is down by 32%. In the last 3 months tax collection has increased by 15% & current account deficit decreased by 64%. PM Imran Khan’s visionary leadership & the dedication of our economic team is coming to fruition. https://t.co/QnwuhyHn9X pic.twitter.com/ZePWQQrSQX

— Shah Mahmood Qureshi (@SMQureshiPTI) October 20, 2019

شاہ محمود قریشی نے کہا کہ کرنٹ اکاؤنٹ خسارے میں 32 فیصد کمی لائی گئی، 3ماہ میں ٹیکس وصولی میں 15 فیصد اضافہ، کرنٹ اکاؤنٹ خسارہ 64 فیصد گھٹا۔

پاکستان کی معاشی صورت حال بہتری کی جانب گامزن ہے، حفیظ شیخ

واضح رہے کہ ڈاکٹر عبدالحفیظ شیخ نے واشنگٹن میں پریس کانفرنس کے دوران کہا کہ پاکستان کی معاشی صورت حال بہتری کی جانب گامزن ہے، حکومت نے آئندہ اسٹیٹ بینک سے قرض نہ لینے کا فیصلہ کیا ہے۔

انہوں نے کہا کہ ایسے پلیٹ فارم کی جانب جا رہے ہیں جہاں سے ترقی کا آغاز ہوگا، ایف اے ٹی ایف گرے لسٹ سے نکلنے کے لیے حکومت اقدامات کر رہی ہے۔

اسلام آباد: وزیرخارجہ شاہ محمود قریشی نے کہا کہ امید ہے برطانوی شاہی جوڑے کا دورہ بہت اچھا رہے گا، شہزادہ ولیم مستقبل کے کنگ ہیں اور نوجوان نسل کے ترجمان ہیں۔

تفصیلات کے مطابق وزیرخارجہ شاہ محمود قریشی نے کہا کہ برطانوی شاہی جوڑے کو پاکستان آمد پر خوش آمدید کہتا ہوں، برطانوی شاہی جوڑے کا دورہ خیرسگالی کا ہے۔

شاہ محمود قریشی نے کہا کہ امید ہے برطانوی شاہی جوڑے کا دورہ بہت اچھا رہے گا، شہزادہ ولیم مستقبل کے کنگ ہیں مگر سرکاری دورہ نہیں کہا جاسکتا۔

وزیر خارجہ نے کہا کہ شہزادہ ولیم اورشہزادی کیٹ نوجوان نسل کے ترجمان ہیں، برطانوی شاہی جوڑے کا پاکستان کا سفر خوشگوار گزرے گا۔ انہوں نے کہا کہ برطانوی شاہی جوڑے کے دورے کے تمام انتظامات مکمل ہیں۔

برطانوی شاہی جوڑا آج پاکستان پہنچے گا، شایانِ شان استقبال کی تیاریاں

خیال رہے کہ برطانوی شاہی جوڑا آج پاکستان پہنچے گا جس کے لیے شایان شان استقبال کی تیاریاں مکمل کرلی گئیں، شہزادہ ولیم اور کیٹ مڈلٹن کا نورخان ایئربیس پر ریڈکارپٹ استقبال ہوگا۔

شاہی مہمانوں کی صدر مملکت اور وزیراعظم سے ملاقاتیں طے ہیں، جس میں دوطرفہ ملکی امور پر تبادلہ خیال ہوگا جبکہ مہمان تاریخی مقامات کی سیر بھی کریں گے۔

واضح رہے کہ شہزادہ ولیم، شہزادہ چارلس اور لیڈی ڈیانا کے بڑے بیٹے ہیں اور انہیں پاکستانی دفتر خارجہ کی جانب سے دورے کی دعوت دی گئی تھی۔

اسلام آباد: وزیرخارجہ شاہ محمود قریشی کا کہنا ہے کہ مقبوضہ کشمیر میں انسانی حقوق کی خلاف ورزیاں عروج پر ہیں، بھارت نے 80لاکھ بےگناہ کشمیریوں کومحصور کر رکھا ہے۔

تفصیلات کے مطابق وزیرخارجہ شاہ محمود قریشی سے برطانوی ہائی کمشنر تھامس ڈریو نے ملاقات کی، ملاقات میں مقبوضہ کشمیر کےانسانی حقوق کی سنگین خلاف ورزیوں پر تبادلہ خیال کیا گیا۔

ملاقات میں برطانوی شاہی جوڑے کی پاکستان آمد سمیت دوطرفہ امور پر بھی تبادلہ خیال کیا گیا۔

شاہ محمود قریشی نے کہا کہ 5اگست سے بھارت نے مقبوضہ کشمیر میں کرفیو لگا کر رکھا ہے، بھارت نے 80لاکھ بےگناہ کشمیریوں کو محصور کر رکھا ہے۔

وزیرخارجہ نے کہا کہ برطانیہ سمیت عالمی برادری کو مقبوضہ کشمیر سے متعلق کردار ادا کرنا ہوگا۔

انہوں نے کہا کہ پاکستانیوں کے دلوں میں برطانوی شاہی خاندان کی بہت تکریم ہے، برطانوی شاہی جوڑے کی پاکستان آمد کے منتظر ہیں۔

شاہ محمود قریشی نے کہا شاہی جوڑے کی پاکستان آمد پر خصوصی انتظامات کیے جائیں گے، شاہی جوڑے کے دورہ پاکستان سے دیرینہ تعلقات کو فروغ ملے گا۔

مقبوضہ کشمیرمیں کرفیو کا 67 واں روز

واضح رہے کہ مقبوضہ کشمیر میں آج مسلسل 67ویں روز بھی کرفیو برقرار ہے اور مواصلات کا نظام مکمل پر معطل ہے، قابض انتظامیہ نے ٹیلی فون سروس بند کررکھی ہے جبکہ ذرائع ابلاغ پرسخت پابندیاں عائد ہیں۔

اسلام آباد: وزیرخارجہ شاہ محمود قریشی کا کہنا ہے کہ بھارت کی ایف اے ٹی ایف میں پاکستان کی مخالفت ڈھکی چھپی نہیں ہے۔

تفصیلات کے مطابق وزیرخارجہ شاہ محمودقریشی نے برطانوی نشریاتی ادارے سے گفتگو کرتے ہوئے ایشیا پیسفک گروپ اجلاس میں پاکستانی اقدامات پراظہاراطمینان کیا گیا۔

شاہ محمود قریشی نے کہا کہ ڈونلڈ ٹرمپ، عمران خان ملاقات میں ایف اے ٹی ایف پرتعاون مانگا ہے، توقع ہے پاکستان کا مؤقف سمجھ کر ہمارے ساتھ تعاون کیا جائے گا۔ انہوں نے کہا کہ پاکستان نے جو اقدامات کیے انہیں ہماری معاونت کرنی چاہیے۔

وزیرخارجہ شاہ محمود قریشی نے کہا کہ بھارت کی ایف اےٹی ایف میں پاکستان کی مخالفت ڈھکی چھپی نہیں ہے۔

پاکستان نے ایف اے ٹی ایف کے اجلاس میں اپنا جواب جمع کروا دیا ہے، حماد اظہر

یاد رہے کہ گزشتہ ماہ وزیر برائے اقتصادی امور حماد اظہر کا کہنا تھا کہ پاکستان نے اپنا جواب ایف اے ٹی ایف کوجمع کرا دیا تھا، ایف اے ٹی ایف ٹیکنیکل ٹیم کے ساتھ بات چیت کی اور عالمی واچ ڈاگ کوتکنیکی پراگریس پربریف کیا گیا تھا، حکام کوبریفنگ پہلے سے بہت موثر رہی۔

حماد اظہر کا کہنا تھا کہ پاکستان نے گزشتہ 4 سے 5 ماہ میں مختلف اہداف کو حاصل کیا، ایف اے ٹی ایف تکنیکی وفد پاکستان کی بریفنگ پررپورٹ مرتب کرے گا۔