Tag: وزیرخارجہ

کویت: وزیرخارجہ شاہ محمود قریشی نے کہا کہ حکومت خواہشمند ہے کہ کویت کی کمپنیاں پاکستان میں سرمایہ کاری کریں جس سے حکومت کو اپنے ترقیاتی ایجنڈے کی تکمیل میں مدد ملے گی۔

تفصیلات کے مطابق کویت کے ممتاز تاجروں کے وفد سے گفتگوکرتے ہوئے وزیرخارجہ شاہ محمود قریشی نے کہا کہ پاکستان تحریک انصاف کی حکومت کاروباری سرگرمیوں کے لیے بنیادی ڈھانچے کی ترقی کے ایجنڈے پر کام کررہی ہے۔

شاہ محمود قریشی نے کہا کہ حکومت خواہشمند ہے کہ کویت کی کمپنیاں پاکستان میں سرمایہ کاری کریں جس سے حکومت کو اپنے ترقیاتی ایجنڈے کی تکمیل میں مدد ملے گی۔

وزیرخارجہ نے کہا کہ کویت کی متعدد کمپنیاں پہلے ہی پاکستان میں کامیابی کے ساتھ کاروبار کررہی ہیں۔

انہوں نے کہا کہ حکومت نے اقتصادی سفارت کاری شروع کی ہے اور اس سلسلے میں تمام سفارت خانوں کو ہدایت کی گئی ہے کہ وہ غیرملکی سرمایہ کاروں کو پاکستان میں کاروبار کے پرکشش مواقع سے آگاہ کریں اور انہیں پاکستان میں سرمایہ کاری کی ترغیب دیں۔

شاہ محمود قریشی نے کویت کے تاجروں کے وفد کو یقین دہانی کرائی کہ پاکستان بیرونی سرمایہ کاروں کو تمام ممکنہ سہولیات فراہم کررہا ہے۔

ٹوکیو: وزیرخارجہ شاہ محمود قریشی کا کہنا ہے کہ خطے میں امن واستحکام کی بقا کے لیے ہمسایوں سے پُرامن تعلقات چاہتے ہیں۔

تفصیلات کے مطابق وزیرخارجہ شاہ محمود قریشی نے جاپان میں دانشوروں، کاروباری شخصیات سے ملاقاتوں کے دوران ہمسایہ ممالک سے تعلقات، خارجہ پالیسی کے اہم خدوخال پرتبادلہ خیال کیا۔

اس موقع پر وزیرخارجہ شاہ محمود قریشی نے کہا کہ موجودہ حکومت ہمسایوں سے پُرامن تعلقات کے لیے کوشاں ہے، خطے میں امن واستحکام کی بقا کے لیے ہمسایوں سے پُرامن تعلقات چاہتے ہیں۔

انہوں نے کہا کہ پاکستان کوصنعتی اورتجارتی مرکز بنانے کے خواہاں ہیں، خطے میں نئے تجارتی بلاک بنانے کی ضرورت ہے۔

دورہ جاپان سے دونوں ممالک کے تعلقات مزید مستحکم ہوں گے، شاہ محمود قریشی

یاد رہے کہ دو روز ایئر پورٹ پر میڈیا سے گفتگو کرتے ہوئے شاہ محمود قریشی کا کہنا تھا کہ جاپان اور پاکستان بہت اہم اکنامک پارٹنرز رہے ہیں۔

وزیرخارجہ کا کہنا تھا کہ جاپان نے ہر مشکل وقت میں پاکستان کی بے پناہ مدد کی ہے، اس کے علاوہ ڈیویلپمنٹ کے لیے بھی جاپان نے اچھا کردار ادا کیا ہے۔

وزیر خارجہ شاہ محمود قریشی کا کہنا تھا کہ دورہ جاپان سے دونوں ممالک کے تعلقات مزید مستحکم ہوں گے، اس کے بعد چار روزہ دورے پر چین جاؤں گا۔

اسلام آباد: پلواما حملے کے بعد بھارت کی جانب سے پاکستان پرالزامات کے حوالے سے وزیرخارجہ شاہ محمود قریشی نے اقوام متحدہ کے سیکریٹری جنرل انتونیو گوتریس کوخط لکھ دیا۔

تفصیلات کے مطابق وزیرخارجہ شاہ محمود قریشی نے سیکریٹری جنرل کو لکھے گئے خط میں کہا ہے کہ بھارت تحقیقات کے بغیر پلواما حملے کا الزام پاکستان پر لگا رہا ہے۔

خط میں کہا گیا ہے کہ بھارت خطے میں سکیورٹی کی صورت حال کو خراب کررہا ہے، بھارت پاکستان کے خلاف طاقت کا استعمال کرسکتا ہے۔

وزیرخارجہ کی جانب سے لکھے گئے خط میں کہا گیا کہ پلواما حملے کا بغیر تحقیقات تعلق پاکستان سے جوڑنا مضحکہ خیز ہے، بھارت مخالفانہ بیان بازی کرکے پاکستان کے خلاف فضا کشیدہ بنا رہا ہے۔

خط میں کہا گیا ہے کہ بھارت پلواما حملے کی غیر جانبدارتحقیقات کرکے حقائق سامنے لائے، بھارت کشیدگی کم کرنے کے لیے پاکستان اور کشمیریوں سے مذاکرات کرے۔

شاہ محمود قریشی کی جانب سے لکھے گئے خط میں مزید کہا گیا ہے کہ بھارت کی جانب سے سندھ طاس معاہدہ ختم کرنے کی دھمکی سنگین غلطی ہوگی

مقبوضہ کشمیر میں کار بم دھماکا، 42 بھارتی فوجی ہلاک

یاد رہے کہ گزشتہ ہفتے مقبوضہ کشمیر کے علاقے پلواما میں ہونے والے دھماکے میں 44 بھارتی فوجی مارے گئے تھے۔

بعدازاں بھارتی حکومت اور میڈیا نے تحقیقات کیے بغیر دھماکے کا الزام پاکستان پر عائد کردیا تھا، جسے پاکستان نے سختی سے مسترد کردیا تھا۔

پلواما حملہ : بھارت الیکشن کی آڑ میں مس ایڈونچر کررہا ہے، شاہ محمود قریشی

واضح رہے کہ دو روز قبل وزیرخارجہ شاہ محمود قریشی کا کہنا تھا کہ الیکشن کی آڑ میں بھارت کوئی نہ کوئی مس ایڈونچر کررہا ہے، پلواما واقعے پر ان کے پاس کوئی ثبوت ہیں تو ہمیں دیں، واقعے کی مذمت کرتے ہیں۔