Tag: وزیرخزانہ محمد اورنگزیب

اسلام آباد : وزیر خزانہ محمد اورنگزیب کا کہنا ہے کہ آئی ایم ایف پروگرام میں ہیں اس کے مطابق ہی بجٹ پیش کیا، تخمینہ ہے آئندہ سال مہنگائی کی شرح 7فیصد رہے گی۔

تفصیلات کے مطابق وزیرخزانہ محمد اورنگزیب نے اے آر وائی نیوز کے پروگرام اعتراض ہے میں گفتگو کرتے ہوئے کہا کہ آئی ایم ایف پروگرام میں ہیں اس کے مطابق ہی بجٹ پیش کیاگیا ہے، گزشتہ سال شور کیا جاتا رہا کہ منی بجٹ آئے گا لیکن اقدامات سےنہیں آیا، آئی ایم ایف کیساتھ بات چیت کی گئی اس کے مطابق بجٹ تیار کیا گیا۔

وزیرخزانہ نے بتایا کہ ہماراتخمینہ ہے کہ آئندہ سال مہنگائی کی شرح7 فیصد تک رہے گہ اور یہ بھی تخمینہ لگایا گیا ہے، معاشی گروتھ آئندہ سال 4.2 فیصد تک رہے گی۔

ان کا کہنا تھا کہ ریٹیلرزاورہول سیلرز سےمتعلق کئی تجربات کرکےدیکھ چکے مگر فائدہ نہیں ہوا، تاجردوست اسکیم وغیر کئی منصوبےبنائے گئے لیکن فائدہ نہیں ہوا۔

وفاقی وزیر نے کہا کہ کراچی میں ٹریک اینڈ ٹریس سسٹم شروع کردیا۔ اسے پورے ملک میں نافذ کریں گے، کاٹن اور گندم کی پیداوارمیں کمی آئی ہے تاہم دیگراجناس کی پیداوارٹھیک رہے۔

یاد رہے پوسٹ بجٹ کانفرنس میں وفاقی وزیر خزانہ محمد اورنگزیب کا کہنا تھا کہ 26-2025 میں تنخواہ دار طبقے کو جتنا ریلیف دے سکتے تھے ہم نے دیا ہے، ارکان پارلیمنٹ کی تنخواہوں میں ہر سال اضافہ ہونا چاہیے۔

انہوں نے کہا تھا کہ تنخواہوں اور پنشن کا براہ راست تعلق مہنگائی سے ہوتا ہے، ہم مالی گنجائش کے مطابق ہی ریلیف دے سکتے ہیں، حکومت کی پوری کوشش ہے جتنا ہو سکے ریلیف دیا جائے، پنشن کے حوالے سے بھی اصلاحات کی ہیں۔

واشنگٹن: وزیرخزانہ محمد اورنگزیب نے معاشی اصلاحات کے حوالے سے کہا ہے کہ پاکستان میں پہلی مرتبہ زبردست اصلاحات کی جارہی ہیں۔

تفصیلات کے مطابق پاکستان کے وزیرخزانہ محمد اورنگزیب نے پریس کانفرنس کرتے ہوئے کہا کہ وزیراعظم کی قیادت میں معاشی ٹیم بھرپور کام کررہی ہے، حکومت اصلاحات کے ایجنڈے پر عمل پیرا ہے، اداروں میں رائٹ سائزنگ کی جارہی ہے۔

وزیرخزانہ محمد اورنگزیب کا کہنا تھا کہ پنشن سے متعلق پہلی مرتبہ اصلاحات کی گئی ہیں، سعودی عرب، چین اور دیگرممالک کے وزرائے خزانہ سے ملاقاتیں ہوئیں۔

وزیر خزانہ نے سعودی آئل سہولت کے تحت واجب الادا رقوم کی فوری ادائیگی کی درخواست کر دی

انھوں نے کہا کہ دوست ممالک ہمارے معیشت سے متعلق اقدامات سے مطمئن ہیں، ہمارے ملک کی معاشی سمت درست سمت میں جارہی ہے، دورہ امریکا میں مختلف ممالک کے وزرائے خزانہ سے اہم ملاقاتیں ہوئیں۔

انھوں نے کہا کہ حکومتی اقدامات کی وجہ سے معیشت کو استحکام ملا ہے، نجی شعبوں کی شراکت بڑھانے کےلیے اقدامات کررہے ہیں۔

ملک کے وزیرخزانہ محمداورنگزیب کا مزید کہنا تھا کہ امید ہے آئی ایم ایف کے ساتھ یہ ہمارا آخری پروگرام ہوگا۔

محمد اورنگزیب نے کہا کہ منرلز اینڈ مائننگ منصوبے پاکستان کےلیے گیم چینجر ہیں، منرلز اینڈ مائننگ کانفرنس میں امریکا اور چین سمیت دیگر ممالک کے وفد نے شرکت کی۔

https://urdu.arynews.tv/aurangzeb-holds-important-meetings-in-washington/

اسلام آباد : وزیرخزانہ محمد اورنگزیب نے واشنگٹن میں امریکا،برطانیہ اور دیگر اداروں کے وفود سے اہم ملاقاتیں کیں، جس میں بتایا پاکستانی معیشت کی بہتری کیلئےمشکل فیصلےکیے، آئی ایم ایف کےاہداف حاصل کیے۔

تفصیلات کے مطابق وفاقی وزیرِخزانہ محمد اورنگزیب کی واشنگٹن میں اہم ملاقاتیں جاری ہیں۔

وزیر خزانہ نے امریکی محکمہ خارجہ کے حکام سے ملاقات کی اور بتایا کہ پاکستان نے معیشت کی بہتری کیلئےمشکل فیصلے کیے،آئی ایم ایف کےاہداف حاصل کرلیے۔

ان کا کہنا تھا کہ پاکستانی معاشی نظم وضبط کااعتراف آئی ایم ایف سمیت تمام اہم معاشی پارٹنرزنےبھی کیا ہے۔

محمد اورنگزیب نے کہا کہ امریکاکےساتھ تعمیری اندازمیں ٹیرف سےمتعلق معاملات حل کرناچاہتےہیں پاکستان امریکا کیساتھ دوطرفہ تجارتی تعلقات مضبوط بنانےکا خواہشمند ہے۔

وزیرخزانہ نے امریکی وفدکوآئی ایم ایف کیساتھ اسٹاف لیول معاہدہ سے متعلق آگاہ کیا اور ریکوڈک منصوبےمیں ہونےوالی پیشرفت اور منصوبےکی غیرملکی سرمایہ کاری کےفروغ میں اہمیت پرروشنی ڈالی۔

وفاقی وزیر نے پاکستان میں امریکی سرمایہ کاری کےفروغ کیلئے یو ایس ایگزِم بینک کی معاونت بڑھانے پر بھی زور دیا۔

وزیرخزانہ کی برطانوی وزیرمملکت بین الاقوامی ترقی بیرونیس چیپ مین سے بھی ملاقات ہوئی، ملاقات میں ٹیکنالوجی اصلاحات اورترقیاتی شراکت داری پر زور دیا۔

وزیر خزانہ نے سماجی واقتصادی ترقی میں مسلسل تعاون پر برطانیہ کا شکریہ ادا کرتے ہوئے کہا پاکستان معاشی ترقی میں برطانیہ کواہم ڈویلپمنٹ پارٹنر سمجھتا ہے۔

وفاقی وزیر خزانہ کی جےپی مورگن سے ملاقات ہوئی ، ملاقات میں اقتصادی پیشرفت اور کیپیٹل مارکیٹس میں واپسی کی خواہش کا اظہار کیا۔

وزیرخزانہ نے پائیدار معاشی ترقی کی اہمیت پرزور دیتے ہوئے کہا کہ پائیدارترقی چاہتےہیں تاکہ معیشت کوباربارکےعروج وزوال سے بچایا جا سکے۔

وفاقی وزیر کا کہنا تھا کہ حکومت پاکستان پانڈا بانڈ اجرا کے ذریعے اس کا آغاز کرنا چاہتی ہے۔

اسلام آباد: وزیرخزانہ محمد اورنگزیب 15 ارب ڈالر کے قرضوں کی ری شیڈولنگ کے سلسلے میں آج چین روانہ ہوں گے۔

تفصیلات کے مطابق وزیرخزانہ محمداورنگزیب آج چین کے دورے پر روانہ ہوں گے، ذرائع نے بتایا دورے کے دوران وزیرخزانہ 15ارب ڈالر کے توانائی قرض کی ری شیڈولنگ پر بات چیت کریں گے۔

ذرائع کا کہنا تھا کہ قرضوں کی ری شیڈولنگ کیلئےپاکستان اور چین کے درمیان مشترکہ ورکنگ گروپ قائم ہوگا۔

ذرائع نے کہا کہ چین کے توانائی کےسرکلرڈیٹ سےمتعلق امور پر بھی تبادلہ خیال ہوگا، چین کے توانائی کے سرکلر ڈیٹ کا حجم 480 ارب روپے ہے۔

وزیر خزانہ دورہ چین میں پانڈا بانڈ پر بھی بات چیت کریں گے، پاکستان چائنہ میں 25 کروڑ ڈالر کا پانڈا بانڈ حاصل کرنا چاہتا ہے۔

اسلام آباد : وزیرخزانہ محمد اورنگزیب کا کہنا ہے کہ پاکستان آئی ایم ایف کے ساتھ نیا قرض پروگرام سائن کرنے کیلئے تیار ہے۔

تفصیلات کے مطابق آئی ایم ایف وفد وزارت خزانہ پہنچا ، جہاں آئی ایم ایف مشن اور وزارت خزانہ حکام کے درمیان تعارفی سیشن ہوا۔

وزیرخزانہ محمد اورنگزیب نے بریفنگ دیتے ہوئے کہا کہ آئی ایم ایف کے ساتھ قرض معاہدےسے ملکی معیشت میں بہتری آئی، پاکستان آئی ایم ایف کے ساتھ نیا قرض پروگرام سائن کرنے کیلئے تیار ہے

انھوں نے بتایا کہ آئی ایم ایف کے ساتھ قرض پروگرام میں رہ کر معیشت درست سمت پرگامزن ہے۔

آئی ایم ایف مشن نے ملکی معیشت کیلئے اٹھائے گئے اقدامات پر اطمینان کا اظہار کرتے ہوئے کہا کہ پاکستان کی جانب سے معیشت کی بہتری کیلئے کئےگئے اقدامات سے مطمئن ہیں۔

نئے قرض پروگرام اور بجٹ کیلئے آئی ایم ایف مشن اور وزارت خزانہ حکام میں اتفاق ہوا گیا جبکہ پاکستان میں غریب لوگوں کا احساس ہے، جس کیلئے ٹارگٹڈ سبسڈی دینے پراتفاق کیا گیا۔

خیال رہے پاکستان اور آئی ایم ایف کے درمیان نئے قرض پروگرام پر بات چیت کا آغاز آج سے ہورہا ہے۔

آئی ایم ایف مشن چیف نیتہن پورٹر وفد کی سربراہی کریں گے، ذرائع کا کہنا ہے کہ پاکستان آئی ایم ایف سے 6 سے 8 ارب ڈالر کا قرض پروگرام لینا چاہتا ہے۔

ذرائع نے کہا ہے کہ پاکستان طویل قرض پروگرام لینا چاہتاہے جس کا دورانیہ 3 سے 4 سال ہوسکتا ہے اور نئے قرض پروگرام لینے کیلئے پاکستان کو سخت ترین شرائط کاسامنا کرنا پڑسکتا ہے۔

ذرائع کے مطابق نئے قرض پروگرام میں بجلی سہ ماہی بنیادوں پرمہنگی کرنا پڑسکتی ہے اور گیس کے ریٹ ششماہی بنیادوں پر بڑھانے پڑ سکتے ہیں۔

اس کے علاوہ آئی ایم ایف نئے بجٹ میں ریلیف مزید کم کرنے کا مطالبہ کرسکتا ہے۔