Tag: وزیرخزانہ محمد اورنگزیب

واشنگٹن : وزیرخزانہ محمد اورنگزیب نے چینی ہم منصب سے ملاقات میں سی پیک فیز ٹو کوتیزکرنے کے لیے عزم کا اظہار کیا۔

تفصیلات کے مطابق وزیرخزانہ محمد اورنگزیب نے واشنگٹن میں چین کے وزیر خزانہ سے ملاقات کی اور ان سے چینی شہریوں پردہشت گرد حملے پر تعزیت کااظہارکیا۔

وفاقی وزیرخزانہ نے پاکستان کی ترقی میں چین کی شراکت کو سراہتے ہوئے سی پیک فیز ٹو کوتیزکرنے کے لیے حکومت کے عزم کا اظہار کیا۔

وزیرخزانہ نے زر مبادلہ کے محفوظ ذخائرکو رول اوور کرنے پر چینی حکومت کاشکریہ ادا کیا۔

انہوں نے کہا کہ پاکستان آئی ایم ایف کےساتھ توسیعی پروگرام میں داخل ہو رہا ہے، جس کے لئے چین کی حمایت کا منتظر ہے، پاکستان مالی سال 26 -2025 کے دوران پانڈا بانڈلانچ کرنا چاہتےہیں۔

ملاقات میں وزیرخزانہ اور چین کے وزیر خزانہ نے بین الاقوامی اداروں میں تعاون جاری رکھنے کی ضرورت پراتفاق کیا۔

اسلام آباد : وزیرخزانہ محمد اورنگزیب نے عالمی بینک سے ایف بی آر میں اصلاحات اور سیلاب زدہ علاقوں کیلئے قرض جاری کرنے کی درخواست کردی۔

تفصیلات کے مطابق وزیر خزانہ محمد اورنگزیب سے عالمی بینک کے کنٹری ڈائریکٹرکی ملاقات ہوئی، جس میں انہوں نے وزیر خزانہ کو چارج سنبھالنے پر مبارک باد دی۔

وزیرخزانہ اورکنٹری ڈائریکٹرورلڈ بینک نے معیشت کو مستحکم بنانے کیلئے وزیرخزانہ کے ویژن کوسراہتے ہوئے تعاون بڑھانے پراتفاق کیا۔

وزیرخزانہ نے کنٹری ڈائریکٹرعالمی بینک کواصلاحاتی ایجنڈے سے آگاہ کیا، بریفنگ میں بتایاتوانائی اورایف بی آرمیں اصلاحات سے پاکستان کو فائدہ ہوگا۔

وزیرخزانہ نے اصلاحات اور معیشت کو مستحکم بنانے، انرجی سیکٹر، ایف بی آرمیں اصلاحات کے لیے عالمی بینک سے فنانسنگ کی بھی درخواست کی۔

ملاقات میں رواں مالی سال کے دوران عالمی بینک سےفنانسنگ کے حصول پربھی بات کی گئی، رواں مالی سال کےدوران پاکستان کو عالمی بینک سے مجموعی طورپر دو ارب ڈالرقرض ملنےکی توقع ہے۔

وزیرخزانہ محمد اورنگزیب نے کہا ہے کہ پی آئی اے کی نجکاری سے متعلق درست سمت میں بڑھ رہے ہیں۔

تفصیلات کے مطابق وفاقی وزیرخزانہ کے منصب پر فائز ہونے والے محمد اورنگزیب کا کہنا ہے کہ کوئی سوئچ نہیں جو دبائیں تو میکرو استحکام کے ثمرات ملنا شروع ہوجائیں، خصوصی معاشی زونز پر بہت تیزرفتاری سے کام کرنا ہے۔ آئی ٹی شعبے میں ساڑھے 3 ارب ڈالرز کی برآمد متوقع ہے۔

وزیرخزانہ نے کہا کہ توانائی کے مسائل حل ہونے تک صنعتوں کی مسابقتی ترقی نہیں ہوسکتی۔ چاول کی فصل اچھی ہوئی، برآمد سے 2 ارب ڈالرز کمائے۔

محمد اورنگزیب نے کہا کہ ٹیکس بڑھانے پرتوجہ دیں گے۔ ایف بی آر پر اعتماد کے فقدان کو ڈیجیٹلائزیشن کے ذریعے دور کرینگے

انھوں نے کہا کہ حکومت کو سب سے پہلے اپنے گھر کو درست کرنا ہوگا۔ حکومت کو سب سے پہلے اپنے گھر کو درست کرنا ہوگا۔ حکومت کو اپنے اخراجات میں کمی لانا ہوگی۔

وزیرخزانہ محمداورنگزیب نے کہا کہ دیکھیں گے اقدامات اعلانات سے زیادہ نظرآئیں گے۔ شرح سود کو بھی ہم نیچےآتا دیکھیں گے۔