کراچی: چینی سرمایہ کاروں کی جانب سے عدالت سے رجوع کرنے پر وزیرداخلہ سندھ نے نوٹس لیتے ہوئے انکوائری کی ہدایت کردی ہے۔
تفصیلات کے مطابق صوبائی وزیرداخلہ ضیالنجار نے مذکورہ خبر سامنے آنے کے بعد آئی جی سندھ کو انکوائری کی ہدایت کرتے ہوئے کہا ہے کہ سینئر پولیس افسر کو انکوائری افسر نامزد کیا جائے، وزیرداخلہ ضیا لنجار نے کہا کہ سندھ حکومت ایس او پی کےمطابق سیکیورٹی کی پابند ہے۔
ضیا لنجار کا کہنا تھا کہ چینی شہریوں کی ’فول پروف سیکیورٹی‘ کو یقینی بنایا جائے، سندھ حکومت اور پولیس کا مقصد چینی سرمایہ کاروں کو سیکیورٹی فراہم کرنا ہے۔
وزیرداخلہ نے کہا کہ نان سی پیک سے وابستہ چینی شہریوں کو سیکیورٹی دینا سندھ پولیس، مقامی اسپانسرز کی ذمہ داری ہے، ایس او پی پر عملدرآمد کیلئے اسپانسرز کو آگاہ، ایس پی یو افسران کا چیک کرنا ضروری ہے۔
انھوں نے کہا کہ سیکیورٹی اقدامات میں کمی یا خامی کو چیک کرنا وقت کا تقاضہ ہے، سیکیورٹی گیپس ختم کرنے کیلئے قانون اور ایس او پی کے تحت اقدامات کیے جائیں۔
صوبائی وزیرداخلہ ضیا لنجار نے کہا کہ شکایات آنے پر فوری سینئرافسران چیک کریں اور حل کو یقینی بنائیں، چینی سرمایہ کاروں کو ایس او پی کے تحت محفوظ ماحول فراہم کیا جائے۔
https://urdu.arynews.tv/chinese-investors-move-shc-against-harassment-extortion-by-police/
