Tag: وزیرداخلہ

  • کراچی میں چھاپے: وزیرداخلہ کی وزیراعظم کو بریفنگ

    کراچی میں چھاپے: وزیرداخلہ کی وزیراعظم کو بریفنگ

    اسلام آباد : کراچی میں رینجرز کے حالیہ چھاپوں کے بعد وزیر داخلہ نے چوہدری نثار سے ملاقات کی اور چھاپوں کے حوالے سے آگاہ کیا، وزیراعظم نے چھاپوں سے متعلق رپورٹ طلب کرلی۔

    تفصیلات کے مطابق وزیر اعظم میاں محمد نواز شریف سے وفاقی وزیر داخلہ چوہدری نثار کی ملاقات ہو ئی ہے۔ ملاقات میں ملک کی مجموعی صورتحال سمیت دیگر امورپرتبادلہ خیال کیا گیا۔

    وزیر داخلہ نے وزیراعظم کو کراچی آپریشن سے متعلق بریفنگ بھی دی، ذرائع کے مطابق وزیراعظم ہاؤس میں ہونے والی ملاقات میں ملک کی سیکیورٹی،کراچی کے حالات اور آصف زرداری کی وطن واپسی پر بھی بات چیت کی گئی۔

    ملاقات میں ملک کے اہم امور سمیت دیگرایشز بھی زیر غور آئے۔ وزیر اعظم نے چوہدری نثار سے کراچی میں رینجرز کی جانب سے کی جانیوالی کارروائی کی تفصیل طلب کی جس پر وزیر داخلہ نے وزیر اعظم سے کہا کہ ڈی رینجرز سے کاررروائیوں کی رپورٹ طلب کر لی گئی ہے۔

    انہوں نے وزیراعظم کو بتایا کہ رینجرز کی جانب سے چھاپے ٹھوس شواہد کی بنیاد پر مارے گئے۔ چودھری نثار علی خان نے کہا کہ کراچی میں آج کے چھاپوں کے کوئی سیاسی عوامل ہرگز نہیں تھے۔ چھاپے رینجرز نے اپنے طور پر ٹھوس شواہد کی بنیاد پر مارے گئے۔

    مزید پڑھیں: کراچی میں رینجرزکےایک ادارے کے3مختلف دفاترپرچھاپے

    واضح رہے کہ کراچی کے علاقے آئی آئی چندریگر روڈ اور ہاکی اسٹیڈیم کے قریب رینجرز کی جانب سے ایک ادارے کے تین دفاتر پر کارروائی کی گئی ۔

    کارروائی کے بعد رینجرز کی جانب سے میڈیا کو پریس ریلیز جاری کی گئی جس میں بتایا گیا کہ چھاپہ مار کارروائی غیر قانونی ہتھیاروں کی موجودگی اور مجرموں کو سہولت فراہم کرنے والے افراد کی موجودگی کی اطلاع پر کی گئی۔

  • متنازع  خبر:چوہدری نثارکا2دن میں کمیٹی بنانے کا اعلان

    متنازع خبر:چوہدری نثارکا2دن میں کمیٹی بنانے کا اعلان

    اسلام آباد:وفاقی وزیرداخلہ چوہدری نثار علی خان کا کہناہے کہ گزشتہ ماہ اعلیٰ سول و عسکری قیادت کی ملاقات کے حوالے سے معلومات لیک ہونے کی تحقیقات کے لیے اڑتالیس گھنٹوں میں انکوائری کمیٹی تشکیل دی جائےگی۔

    تفصیلات کےمطابق وزیرداخلہ چوہدری نثارعلی خان نے ایک بیان میں کہا کہ قومی سلامتی کے حوالے سے متنازع خبر کی تحقیقات کے لیے ہائی کورٹ کے ریٹائرڈ جج کی سربراہی میں کمیٹی تشکیل دی جائے گی جس میں حساس ادا روں کے سینئر افسر شامل ہو نگے۔

    وزیر داخلہ نے کہا کہ کمیٹی آزادانہ اور شفاف طریقے سے اپنا کام کرے گی اور تحقیقات میں سابق وزیر اطلاعات و نشریات پرویز رشید کو ہدف نہیں بنایا جائے گا بلکہ کمیٹی اس بات کا پتہ لگائے گی کہ وہ کون شخص تھا جس نے ’حساس معاملے کے حوالے سے جھوٹی اطلاعات‘ لیک کیں۔

    مزید پڑھیں:چوہدری نثارکی شہباز شریف سے اہم ملاقات، متنازع خبرپرتبادلہ خیال

    خیال رہے کہ چوہدری نثارعلی خان کا یہ بیان ان کےاور وزیر اعلیٰ شہباز شریف کے درمیان 24 گھنٹوں کے درمیان دو بار ہونے والی ملاقاتوں کے بعد سامنے آیا ہے۔

    مزید پڑھیں:آرمی چیف سے مسلم لیگ ن کی اعلیٰ قیادت کی ملاقات

    یاد رہے کہ 27 اکتوبر کو چوہدری نثار، شہباز شریف اور وزیر خزانہ اسحٰق ڈار نے آرمی چیف جنرل راحیل شریف سے ملاقات کی تھی جس میں آئی ایس آئی کے ڈائریکٹر جنرل رضوان اختر بھی اس اجلاس میں موجود تھے۔

    حکومتی وفد نے آرمی چیف کو اس خبر کے حوالے سے ہونے والی تحقیقات کی پیش رفت سے آگاہ کیا تھا اور کارروائی کے حوالے سے اپنی سفارشات سامنے رکھیں تھیں جسے حکومت اور فوج دونوں نے ہی ’قومی سلامتی کی خلاف ورزی‘ قرار دیا تھا۔

    مزید پڑھیں:وفاقی وزیر اطلاعات پرویز رشید وزارت سے برطرف

    واضح رہے کہ اس ملاقات کے دو روز بعدوفاقی وزیر اطلاعات و نشریات پرویز رشید سے استعفیٰ مانگ لیا گیا تھا۔

  • بولیویا کے نائب وزیرداخلہ کان کنوں کے ہاتھوں قتل

    بولیویا کے نائب وزیرداخلہ کان کنوں کے ہاتھوں قتل

    سکرے : بولیویا میں احتجاج کرنے والے کان کنوں نے مبینہ طور پر ملک کے نائب وزیرداخلہ روڈولفو ایلانز کو اغوا کے بعد قتل کردیا.

    تفصیلات کے مطابق بولیویا کے46 سالہ وزیرداخلہ ایلانز کان کنوں سے مذاکرات کے لیے گئے تھے جو کہ کان کنی کے قوانین پر پیدا ہونے والے تنازع کے باعث سراپا احتجاج تھے.

    police-post-1

    مظاہرین قوانین میں تبدیلی کا مطالبہ کرتے آرہے ہیں اور منگل کو ہونے والے مظاہرے اس وقت پرتشدد صورت اختیار کر گئے جب مظاہرین نے ایک مرکزی شاہراہ بلاک کر دی اور پولیس سے ان کی جھڑپیں شروع ہو گئیں.

    police-post-2

    بعد ازاں مظاہرین نے جمعہ کی صبح کو حکومت کے ساتھ مذاکرات پر آمادگی ظاہر کی تھی.مظاہرین جائے کار پر زیادہ رعایت کے علاوہ کسی نجی یا غیر ملکی کمپنی کے لیے کام کرنے کا حق چاہتے ہیں.

    police-post-3

    اس سے قبل کہ حکام نائب وزیر کی موت کی تصدیق کرتے،مقامی ذرائع ابلاغ نے خبر دی کہ ایک ریڈیو اسٹیشن کے ڈائریکٹر نے مقتول وزیر کی لاش دیکھی ہے.

    police-post-4

    واضح رہے کہ حکومتی وزیر کارلوس رومیرو نے اس واقعے کو "بزدلانہ اور وحشیانہ قتل” قرار دیتے ہوئے کان کنوں سے لاش واپس کرنے کا مطالبہ کیا ہے.

  • وزیرداخلہ اور ڈی جی ایف آئی اے کے درمیان تلخ جملوں کا تبادلہ

    وزیرداخلہ اور ڈی جی ایف آئی اے کے درمیان تلخ جملوں کا تبادلہ

    اسلام آباد: وزیرداخلہ اور ڈی جی ایف آئی اے کے اختلافات کھل کر سامنے آگئے، تلخ جملوں کے تبادلے کے بعد ڈی جی ایف آئی اے اجلاس اور سرکاری گاڑی چھوڑ کر گھر روانہ ہوگئے ۔

    اسلام آباد میں اعلیٰ سطح کے اجلاس کی اندورنی کہانی اور وزیر داخلہ چوہدری نثار اور ڈی جی ایف آئی اے کے اختلافات سامنے آگئی، اجلاس میں کرپٹ اورمنظورنظرافسروں کاصفایا کرنے پروزیر داخلہ برہم ہوگئے اورڈی جی ایف آئی اے محمد عملیش کے ساتھ کام کرنے سے انکار کردیا۔

    ذرائع کے مطابق وزیر داخلہ نے ڈی جی ایف آئی اے کو مشورہ دیا کہ جیسے کام چل رہا ہے چلنے دیں، ڈی جی ایف آئی اے نے وزیرداخلہ کو بتایا کہ لوگوں کے ساتھ ناانصافی ہورہی ہیں، عوام کو پریشان اور ایف آئی اے کو بدنام کرنے والے افسران کے خلاف کارروائی کی جارہی ہے۔

    ڈی جی ایف آئی اے محمد عملیش نے وزیرداخلہ کو نامناسب سوال کرنے سے بھی روک دیا جس پر اجلاس میں موجود اعلی افسران پر سکتہ طاری ہوگیا، وزیر داخلہ سے تلخ جملوں کے تبادلے کے بعد ڈی جی ایف آئی اے اجلاس اور سرکاری گاڑی چھوڑ کر گھر روانہ ہوگئے۔

  • وزیرداخلہ نے کرکٹ بورڈ کی انکوائری رپورٹ وزیراعظم کو پیش کردی

    وزیرداخلہ نے کرکٹ بورڈ کی انکوائری رپورٹ وزیراعظم کو پیش کردی

    اسلام آباد: کرکٹ معاملات اور تحقیقاتی کمیٹی کی سفارشات منظرِعام پر آنے پر وزیرداخلہ نے رپورٹ وزیراعظم کو پیش کر دی۔

    ملکی کرکٹ کے معاملات پر تحقیقاتی کمیٹی کی سفارشات منظر عام کیسے آئی۔ وفاقی وزیر داخلہ چوہدر ی نثار نے رپورٹ وزیر اعظم نواز شریف کو پیش کردی ۔

    چوہدری نثار کا کہنا تھا کہ اس بات کی تحقیقات کروائی جائیں گی کہ تحقیقاتی رپورٹ کس طرح حکومت تک پہنچنے سے پہلے ہیں لیک ہوئی؟ کہیں رپورٹ کو عام کرنے کا مقصد کچھ کھلاڑیوں اور کوچ کی تضحیک کرنا تونہیں تھا؟۔

    وزیر اعظم نواز شریف نے معاملے کی تحقیقات کا حکم دیکر اڑتالیس گھنٹوں میں رپورٹ طلب کرلی ۔

  • بیرون ملک جانے کی اجازت دینے پر وزیراعظم اور وزیرداخلہ کا شکر یہ ادا کرتاہوں، پرویزمشرف

    بیرون ملک جانے کی اجازت دینے پر وزیراعظم اور وزیرداخلہ کا شکر یہ ادا کرتاہوں، پرویزمشرف

    دبئی: سابق صدر پرویز مشرف نے علاج کے بیرون ملک جانے کی اجازت دینے پر وزیر اعظم کا شکریہ ادا کیا ان کا کہنا تھا کہ انھوں نے بیرون ملک علاج کیلئے کوئی ڈیل نہیں کی ہے۔

    سابق صدر پرویز مشرف نے اے آروائی نیوز کو خصوصی انٹرویو دیتے ہوئے وزیراعظم اوروزیر داخلہ کا شکریہ ادا کیا ، سابق صدر کا کہنا تھا کہ وہ کسی ڈیل کے تحت دبئی نہیں آئے۔

    وسیم بادامی کو خصوصی انٹرویو میں وطن واپسی کے بارے میں ان کا کہنا تھا کہ وہ اس بارے میں کچھ نہیں کہہ سکتے۔

    سابق صدر کا کہنا تھا کہ وہ علاج کےلئے امریکا جانا چاہتے ہیں، پرویز مشرف نے واضع کیا کہہ فی الحال دبئی میں سیاسی سرگرمیوں کا ارادہ نہیں۔

  • حکومت نے پرویز مشرف کو بیرون ملک جانے کی اجازت دے دی

    حکومت نے پرویز مشرف کو بیرون ملک جانے کی اجازت دے دی

    اسلام آباد: حکومت نے سابق صدرجنرل ریٹائرڈ پرویز مشرف کو بیرون ملک جانے کی اجازت دے دی،وزیرداخلہ چوہدری نثار کہتےہیں پرویز مشرف نے وعدہ کیا ہے کہ علاج کے بعد واپس آجائیں گے۔

    وزیرداخلہ چوہدری نثار نے کہا کہ حکومت کسی مخمصے کاشکار نہیں،سپریم کورٹ کے فیصلے کی روشنی میں مشرف کو ملک سےباہر جانےکی باضابطہ اجازت دے دی گئی۔

    چوہدری نثارنے کہا کہ جنرل ریٹائرڈ مشرف نے وعدہ کیا ہے کہ علاج کے بعد واپس آجائیں گے اورمقدموں کاسامنا کریں گے۔

    وفاقی وزیرداخلہ نے پیپلزپارٹی پرنکتہ چینی کی کہ مشرف کو گارڈ آف آنرپیش کرنے والے اب ٹکرز کی سیاست کررہے ہیں۔

    واضح رہے کہ سپریم کورٹ نےمشرف کا نام ای سی ایل سے نکالنے کافیصلہ برقراررکھتے ہوئے معاملہ حکومت پرچھوڑ دیا تھا۔

  • اسلام آباد: کل بلدیاتی انتخابات پر چھٹی نہیں ہوگی، وزیرداخلہ

    اسلام آباد: کل بلدیاتی انتخابات پر چھٹی نہیں ہوگی، وزیرداخلہ

    اسلام آباد : درالحکومت کی تاریخ میں پہلی باربلدیاتی انتخابات کاانعقادکیا جارہاہے اوراس موقع پرشہراقتدارمیں چھٹی نہیں ہوگی۔

    وفاقی وزیرداخلہ چودھری نثار نے کل اسلام آباد میں دوبجے سرکاری دفاتر میں چھٹی کا اعلان کیاہے۔

    انہوں نے کہا کہ پوری چھٹی کا مطلب دارالحکومت چارروز کے لیے بند کرنا تھا، ان کےبقول دنیا میں عام انتخابات کے دن چھٹی نہیں ہوتی جسے ووٹ ڈالناہے وہ دو بجے کے بعد ڈال سکتاہے۔

    واضح رہے کہ اسلام آباد میں بلدیاتی انتخابات میں کامیابی کے لیے امیدواروں کے جلسے جلوس اور گھر گھر جاکر ووٹ مانگنے کی مہم ختم ہوگئی جبکہ الیکشن کمیشن نےحکم جاری کیاہے کہ انتخابی مہم ختم ہونے کے بعد کوئی خلاف ورزی نہ کرے دوسری صورت میں سخت کارروائی عمل میں لائی جائے گی۔

    انتخابی مہم کے آخری روز تک بھی لیگی امیدوار ترقیاتی کام کراتے نظر آئے۔

    دوسری جانب اسلام آبادمیں بلدیاتی انتخابات کے موقع پر سرکاری اسپتالوں میں ایمرجنسی نافذ کردی گئی۔ پمزاور پولی کلینک میں ڈاکٹروں اورنرسوں کی چھٹیاں منسوخ کر دی گئیں۔

  • چوہدری نثار کے منہ سے فوج کے احترام کی باتیں زیب نہیں دیتیں، رابطہ کمیٹی

    چوہدری نثار کے منہ سے فوج کے احترام کی باتیں زیب نہیں دیتیں، رابطہ کمیٹی

    کراچی : متحدہ قومی موومنٹ کی رابطہ کمیٹی کی جانب سے وزیرداخلہ کے ایم کیو ایم اور فوج کے حوالے سے بیان کاسخت ردعمل سامنےآیا ہے۔

    تفصیلات کے مطابق ایم کیوایم کی رابطہ کمیٹی نے کہا ہے کہ چوہدری نثارایم کیوایم پر تنقیدسے پہلے فوج اورحساس اداروں اوران کے سربراہوں کے بارے میں خود اپنے اورمسلم لیگ ن کے دیگر رہنماؤں کے بیانات کویاد کریں ۔

    چوہدری نثارخود فوج اورحساس اداروں اور ان کے سربراہوں کوکڑی تنقید کا نشانہ بناچکے ہیں ان کے منہ سے فوج کے احترام کی باتیں زیب نہیں دیتیں۔

    وفاقی وزیر خواجہ آصف نے قومی اسمبلی میں فوج کے بارے میں جواشتعال انگیز تقریر کی اس پر چوہدری نثار کیوں خاموش رہے؟

    رابطہ کمیٹی نے وفاقی وزیرخواجہ آصف کے بیان پر تبصرہ کرتے ہوئے کہاکہ خواجہ آصف ایم کیوایم کوتنقیدکانشانہ بنانے سے پہلے فوج کے بارے میں اپنے بیان کویادکریں۔

  • نائن زیرو پرچھاپہ قانون کے عین مطابق ہے، چودھری نثارعلی

    نائن زیرو پرچھاپہ قانون کے عین مطابق ہے، چودھری نثارعلی

    اسلام آباد : وفاقی وزیر داخلہ  نے کہا ہے کہ رینجرز نے ایم کیو ایم کے مرکز نائن زیرو پر چھاپہ قانون کے دائرے میں رہتےہوئے مارا ہے۔

    تفصیلات کے مطابق وفاقی وزیرداخلہ چودھری نثار علی خان کا اپنے ایک بیان میں کہنا تھاکہ ایم کیو ایم کے مرکز نائن زیروپر رینجرز نے انٹیلی جنس اطلاع پر چھاپہ مارا ہے ۔

    قانون کے دائرے میں رہتے ہوئے کارروائی رینجرز اور پولیس کا فرض ہے۔انہوں نے کہا کہ متحدہ قومی موومنٹ نے کراچی میں  قیام امن کیلئے فوج سے آپریشن کرانے کا مطالبہ کیا تھا ۔

    انہوں نے کہا کہ حکومت نے کراچی جرائم کے خاتمے کیلئے ٹارگٹڈ آپریشن سے قبل تمام سیاسی جماعتوں کو اعتماد میں لیا گیاتھا اور یہ فیصلہ کیا گیا تھا کہ آپریشن کی راہ میں سیاسی وابستگیوں کو آڑے آنے نہیں دیا جائے گا۔