Tag: وزیردفاع خواجہ آصف

وزیردفاع خواجہ آصف نے کہا ہے کہ ایران کےساتھ کوئی نیا فوجی تعاون نہیں، ایران کیساتھ 13 جون کے بعد نئے دفاعی معاہدے کی ضرورت نہیں پڑی۔

عرب نیوز کو انٹرویو دیتے ہوئے خواجہ آصف کا کہنا تھا کہ ایران کےساتھ بارڈر سیکیورٹی پرمعمول کی سطح پر رابطے جاری ہیں، اسرائیل ایران کشیدگی پر امریکا سے کوئی مخصوص بات چیت نہیں ہوئی، پاکستان کی توجہ چین اور مسلم ممالک کےساتھ رابطوں پر مرکوز ہے۔

انھوں نے کہا کہ موجودہ تنازع پورے خطے کو تباہ کن جنگ میں جھونک سکتا ہے، خطے کے ممالک کو امن کےلیے متحرک کرنے کی کوشش جاری ہے۔

اسرائیل ایران تنازع طول پکڑا تو بارڈر سیکیورٹی پر زیادہ توجہ دینا ہوگی، امن کی کوششوں کو ترجیح دینا ہے، تصادم کا پھیلاؤعالمی توانائی متاثر کرسکتا ہے، پاکستان کی جوہری تنصیبات مکمل سیکیورٹی میں اور محفوظ ہیں۔

وزیردفاع نے کہا کہ اسرائیل سےفی الوقت کسی فوری خطرے کا امکان نہیں، پاکستان کی جوہری تنصیبات مکمل محفوظ اور مسلح انتظامات کے تحت ہیں۔

خواجہ آصف نے کہا کہ نیتن یاہو کے پاکستان کو ایران سے جوڑنے والے بیانات کو مسترد کرتے ہیں، پاکستان کسی بھی ممکنہ خطرے پر چوکنا رہےگا، مسلح افواج بھارت کیساتھ حالیہ جھڑپوں کے بعد مسلسل ہائی الرٹ پر ہیں

عرب نیوزسےانٹرویومیں خواجہ آصف نےاسرائیل کو توسیع پسند ریاست قرار دےدیا، انھوں نے غزہ اور ایران پر اسرائیلی جارحیت کو علاقائی امن کیلئے خطرہ قراردیا

وزیردفاع نے کہا کہ پاکستان کی دفاعی حکمت عملی میں جوہری اثاثوں کا کلیدی کردار ہے، عالمی رائے عامہ اسرائیلی پالیسیوں کےخلاف ہورہی ہے، پاکستان نے بھارت کیخلاف حالیہ جنگ میں اپنی عسکری بر تری ثابت کی۔

خواجہ آصف نے کہا کہ پاکستان کی دفاعی صلاحیت اسرائیل کو کسی بھی مہم جوئی سے باز رکھے گی، میرا نہیں خیال نیتن یاہو یا اسرائیلی حکومت پاکستان سے ٹکرانے کا سوچے گی۔

انھوں نے کہا کہ فیلڈ مارشل عاصم منیر کےاعزاز میں ظہرانہ ایک سنگ میل ہے، پاکستان امریکا تعلقات میں ایسی گرمجوشی پہلے کبھی نہیں دیکھی گئی، پاک امریکا تعلقات میں پیشرفت کے خطے کے علاوہ بھی خوشگوار اثرات ہونگے۔

وزیردفاع نے کہا کہ صدر ٹرمپ سے فیلڈ مارشل عاصم منیرکی ملاقات کا شیڈول طےشدہ تھا، پاکستان حالیہ بحران میں ایک اہم اور اچھا کردار ادا کرسکتا ہے، فیلڈ مارشل وہاں موجود ہیں درجہ حرارت میں کمی لائی جاسکتی ہے۔

https://urdu.arynews.tv/news-about-the-closure-of-the-pak-iran-border-is-misleading-and-false/

وزیردفاع خواجہ آصف نے کہا ہے کہ مسنگ پرسن کا ایشو ہوگا لیکن اتنا بڑا نہیں جتنا بناکر پیش کیا جارہا ہے، کئی لوگ دہشت گردی میں شامل ہیں۔

اے آر وائی نیوز کے پروگرام خبر میں گفتگو کرتے ہوئے مسنگ پرسن بڑا نمبر نہیں، بہت سے لوگ دہشت گردی میں شامل ہیں، کچھ لوگ بیرون ملک بیٹھے ہیں اور ان کے نام مسنگ پرسن فہرست میں ہیں، یہ لوگ پیسے وصول کرتے ہیں، مسنگ پرسن کو ایشو بنایا گیا عوام کے سامنے آنا چاہیے۔

وزیر دفاع نے کہا کہ کسی کو لاپتہ کرنے کی حمایت نہیں کرتا لیکن ایک قانون ہونا چاہیے، کسی کو اٹھایا جاتا ہے تو باقاعدہ ثبوت ہونے چاہئیں۔

خواجہ آصف نے کہا کہ کل اجلاس میں مسنگ پرنس کے ایشو پر بھی بات ہوگی، کل اجلاس میں تجاویز رکھی بھی جاتی ہیں تو اس پر بحث ہوگی، کمیٹی میں تجاویز پر بحث ہوگی اور دو تین دن بعد اس کا حل بتایا جائے گا۔

انھوں نے کہا کہ جسٹس ریٹائرڈ جاوید اقبال مسنگ پرسن کمیشن کے چیئرمین تھے، جاوید اقبال کو چیئرمین بنانے والوں کی سنجیدگی کا اندازہ لگاسکتے ہیں۔

خواجہ آصف کا کہنا تھا کہ واضح کہتا ہوں جاوید اقبال کو چیئرمین مسنگ پرسن کمیشن بنانے کا اقدام کمپرومائزڈ تھا، جو لوگ لاپتہ تھے انہیں رہا کیا گیا تو وہ دوبارہ ان ہی کالعدم تنظیموں میں شامل ہوگئے۔

انھوں نے کہا کہ ہوسکتا ہے جن علاقوں میں زیادہ حالات خراب ہیں وہاں ایمرجنسی لگائی جاسکتی ہے، شارٹ ٹرم اور لانگ ٹرم اسٹریٹیجی دونوں بننا چاہیے، لانگ ٹرم اسٹریٹیجی میں سیاسی قیادت کو بھی ہاتھ بٹانا چاہیے، کسی کو کوئی گلے شکوے ہیں تو وفاق کا فرض بنتا ہےکہ انھیں دور کرے۔

خواجہ آصف نے بانی پی ٹی آئی کو قومی سلامتی پارلیمانی کمیٹی اجلاس میں نہ بلانے کے حوالے سے بتایا کہ جس کو مذمت کی توفیق نہیں اس سے بات کیوں کی جائے۔

وزیردفاع نے کہا کہ بانی پی ٹی آئی نے بلوچستان کےموجودہ واقعات کی مذمت نہیں کی، بانی پی ٹی آئی کی اس ایشو میں دلچسپی ہی نہیں تو ان کو کیوں بلائیں؟ بانی پی ٹی آئی کی خود دلچسپی نہیں بلوچستان کے ایشو پر تو ہم کیوں اتنا پریشان ہورہے ہیں۔

نیویارک: وزیردفاع خواجہ آصف نے کہا ہے کہ اوورسیز پاکستانی ہمارا قیمتی اثاثہ اور ہمارے ماتھے کا جھومر ہیں، انھوں نے پاکستان کانام روشن کیا۔

وزیردفاع خواجہ محمد آصف کی امریکا میں پاکستانی کمیونٹی کےارکان سے ملاقات ہوئی، پاکستانی کمیونٹی نے وزیراعظم شہباز شریف کو جنرل اسمبلی سے خطاب پر خراج تحسین پیش کیا، خواجہ آصف کا کہنا تھا کہ اوورسیز پاکستانیوں نے ثابت کیا پاکستانی قوم ہرمشکل کامقابلہ کرنے کی صلاحیت رکھتی ہے۔

وزیردفاع نے امریکی کمیونٹی سے گفتگو میں کہا کہ امریکا میں آپ سب نے محنت، لگن سے نیا معاشرہ آباد کیا، پاکستان کا نام روشن کیا، اوورسیز پاکستانیوں نے ہمیشہ پاکستان کی ترقی اور خوشحالی میں بھرپورکردارادا کیا۔

انھوں نے کہا کہ آپ سب کی یہ کامیابی پاکستان کے لئے ایک روشن مستقبل کی نوید ہے، ملکی معاشی ترقی میں اوورسیز پاکستانیوں کا گراں قدرکردار ہے۔

وزیر دفاع کا کہنا تھا کہ امریکا میں پاکستانی کمیونٹی کے ساتھ ملاقات میرے لیے باعث مسرت ہے، یہ تقریب صرف ایک اجتماع نہیں بلکہ پاکستانی قوم کی عظمت اور ہم آہنگی کا مظہر ہے۔

خواجہ آصف نے کہا کہ پاکستانی کمیونٹی کی فلاح و بہبود حکومت پاکستان کی اولین ترجیح ہے، اوورسیز پاکستانیوں کی تجاویز کا خیرمقدم کرتے ہیں۔

انھوں نے کہا کہ وزیراعظم نے اوورسیز کے مسائل ترجیحی بنیاد پرحل کرنے کی یقین دہانی کرا رکھی ہے، اوورسیز پاکستانیوں کے مسائل ترجیحی بنیادوں پر حل کیے جائیں گے۔

وزیر دفاع خواجہ آصف نے مزید کہا کہ وزیراعظم نے پوری دنیا کے سامنے کشمیر اور فلسطین کامقدمہ پیش کیا، شہباز شریف نے بھارتی جارحیت پر منہ توڑ جواب دینے کا پیغام دیکر قوم کی ترجمانی کی۔