لاہور: وزیرریلوے شیخ رشید کا کہنا ہے کہ زرداری صاحب کا تحریک چلانے والا فیوز ہی اڑا ہوا ہے اورنوازشریف جیسے لوگ اقتدار میں فٹ رہتے ہیں اور اترتے ہیں توبیماری جنم لیتی ہیں، مودی 5 ریاستوں میں شکست کابدلہ پاکستان سےلیناچاہتاہے۔
تفصیلات کے مطابق وزیرریلوے شیخ رشید نے پریس کانفرنس کرتے ہوئے کہا کہ وی آئی پی ٹرین جناح اپکسپریس کراچی سےلاہور چلانے کا فیصلہ کیاہے، جس کا کرایہ سات ہزارروپے رکھا گیا ہے، کھانا مفت فراہم کیا جائے گا۔ ریلوے کی زمین اور لیزکمپیوٹرائزکردی ہے، اب موبائل پردیکھ سکیں گے کس نے کتنا کرایہ دیا، ملک میں مزیدمسافراورمال بردارٹرینوں کاجال بچھاناہے، مال گاڑی 25ویگنوں سے شروع کی 30تک بڑھادی ہیں۔
شیخ رشید کا کہنا تھا کہ 100 دن میں 20 ٹرینیں چلائی اس سال بھی 20ٹرینیں چلائیں گے، اس سال میں جناح ایکسپریس شروع کی ہے، شالیمار لارہے ہیں، مسافر ٹرینوں میں سرسید ایکسپریس کابھی اضافہ کررہےہیں، میں کام کرنے پر یقین رکھتاہوں، کارکردگی پر ترقی دیناچاہتےہیں، خرچ کم کیےہیں،ہدف ہے ریلوے کی آمدنی 10 ارب کریں۔
وی آئی پی ٹرین جناح اپکسپر یس کراچی سےلاہور چلانے کا فیصلہ کیاہے
وزیرریلوے نے کہا کوچ میں اضافہ کررہےہیں،مزدروں اورافسروں کوکریڈٹ جاتا ہے ، ریلوے پولیس کے لیے بہتری کرنی ہے ، ہم نےایک ماہ کےلیےتیل کااسٹاک کرنےکی کوشش کی ہے، مالی مسائل ہیں لیکن آمدنی سےریلوے چلارہےہیں، پشاورسےکراچی تک ٹرین چلانےکےبھی اقدامات کررہےہیں، 18 ملکوں نے ہمارےساتھ جوائنٹ وینچرمیں دلچسپی کااظہارکیا۔
آصف زرداری پر تنقید کرتے ہوئے ان کا کہنا تھا زرداری صاحب کاوہ فیوزہی اڑاہواہےجوتحریک چلایاکرتاتھا، آصف زرداری چاہتےہیں ان کاکیس کراچی میں سنا جائےگا، کوئی تووجہ ہوگی جو وہ اپناکیس کراچی میں چاہتےہیں، بلاول بھٹوسےمیری صلح ہوگئی ہے، آغاسراج کی گرفتاری پرکسی مکھی نےپر نہیں مارا۔
آغاسراج کی گرفتاری پرکسی مکھی نےپر نہیں مارا
شیخ رشید نے کہا اخباروں سےپتہ چلاہےنیب نےمجھے27تاریخ کوطلب کیا ہے، ایل این جی کیس پروزیراعظم کی اجازت لےکرپیش ہوں گا، اب وزیرہوں اس لیے وزیراعظم کی اجازت ضروری ہے، میں نےکہاتھا40بندوں پرجھاڑوپھرےگاایک دوماہ آگےہوسکتے ہیں۔
نواز شریف کے حوالے سے وزیر ریلوے کا کہنا تھا کہ نوازشریف جیسے لوگ اقتدار میں فٹ رہتے ہیں اور اترتےہیں توبیماری جنم لیتی ہیں، وہ کہتے ہیں سزا ٹھیک ہے لیکن صحت سزاگزارنےکےقابل نہیں۔
مودی آرایس ایس کاشوٹرہے
شیخ رشید نے بھارتی دھمکیوں سے متعلق کہا کہ مودی نے70فیصد تک جنگ کےاثرات پیداکیےہیں، 5 ریاستوں میں شکست کابدلہ مودی پاکستان سے لیناچاہتاہے، وہ انتہاپسندوں کوبڑھاوادےرہاہے،آرایس ایس کاشوٹرہے۔
ان کا کہنا تھا کہ سمجھوتہ ایکسپریس پرحملےکےبعدکہاتھایہ بھارت کاکام ہے یہ وہی لوگ تھےجنہوں نےکلنٹن کی آمدپرسکھوں کومارکرکشمیری مجاہدین پرالزام لگایا، کشمیریوں کی آزادی کی تحریک میں پاکستان ان کےساتھ کھڑاہے۔
واضح کرناچاہتاہوں اس مرتبہ حملہ کیاتوپاکستان کاردعمل مختلف ہوگا
شیخ رشید نے کہا آج بھارت میں نہ واجپائی نہ پاکستان میں پرویزمشرف ہے، آج پاکستان میں پڑھی لکھی قیادت ہےجس نےثبوت مانگےہیں، عمران خان نے تینوں مسلح افواج کو حملے کا بھرجواب دینے کی ہدایت کی ہے، واضح کرناچاہتاہوں اس مرتبہ حملہ کیاتوپاکستان کاردعمل مختلف ہوگا۔
وزیر ریلوے کا کہنا تھا پی اے سی سےمتعلق میرا کیس تیارہے لیکن تھوڑا مصروف ہوں، جس دن چاہوں گاپی اےسی اجلاس میں چلاجاؤں گا، یہ لوگ تلاش کرکے ایسی بیماری نکالتے ہیں جس کاعلاج یوکےمیں ہو، لندن میں بھی کسی جراح سے آپریشن کراتے ہیں جس کا نشان بھی نہیں پڑتا۔
ڈھونڈ ڈھونڈ کہ ایسی بیماری نکالتے ہیں جس کا علاج برطانیہ میں ہو
انھوں نے مزید چالیس سال تک انہوں نے ملک پر قبضہ کئے رکھا، ایک چاہتا ہے لاہور میں اس کا کیس لگے دوسرا چاہتا ہے اس کا کراچی میں کیس لگے، عمران خان نے واضح کر دیا ہے کہ کسی کو این آر او نہیں ملے گا۔
شیخ رشید کا کہنا تھا یاسین ملک، میر واعظ میرے چھوٹے بھائی ہیں اور گیلانی صاحب میرے بزرگ ہیں، میری آوازلال حویلی سےنکل کرسری نگر،یوپی کے مسلمان تک پہنچتی ہے۔ْ
