Tag: وزیرقانون اعظم نذیرتارڑ

اسلام آباد : وزیرقانون اعظم نذیرتارڑ کا چیف جسٹس کی توسیع کے حوالے سے اہم بیان آگیا، جس میں کہا توسیع کافیصلہ میں نےنہیں کرنا۔

تفصیلات کے مطابق وزیرقانون اعظم نذیرتارڑ نے صحافیوں سےغیر رسمی گفتگو کرتے ہوئے کہا کہ چیف جسٹس کی توسیع کے حوالے سے اس وقت کوئی تجویز زیر غور نہیں،  توسیع ہوگی یانہیں اس کافیصلہ میں نےنہیں کرنا۔

اعظم نذیرتارڑ کا کہنا تھا کہ پارلیمان کےمشترکہ اجلاس میں آئینی ترمیم نہیں ہو سکتی، نیا ترمیمی بل نہیں لایا جاسکتا۔

انھوں نے بتایا کہ حکومت کوئی سرپرائز قانون سازی کاارادہ نہیں رکھتی، کسی رکن کے نجی بل کا حکومت سے تعلق نہیں ہوتا، حکومتی ارکان کے سینکڑوں بل موجودہیں۔

یاد رہے وفاقی وزیر قانون اعظم نذیر تارڑ نے دوٹوک کہا تھا کہ چیف جسٹس پاکستان کی تعیناتی آئینی طریقہ کار کے مطابق ہو گی جب چیف جسٹس پاکستان ریٹائر ہوں گے تو سینئر موسٹ جگہ لیں گے۔

اپنے بیان میں اعظم نذیرتارڑ نے واضح کیا تھا کہ افواہوں کا کوئی علاج نہیں چیف جسٹس سے متعلق آن ریکارڈ ہوں چیف جسٹس کے حوالے سے کہہ چکا ہوں وہ توسیع میں دلچسپی نہیں رکھتے، حکومت سب کو اعتماد میں لے کر قانون سازی کرنےکی قائل ہے۔

اسلام آباد : سپریم کورٹ کی جانب سے پی ٹی آئی کو مخصوص نشستیں دینے کے فیصلے پر حکومت کا ردعمل آگیا۔

تفصیلات کے مطابق وزیرقانون اعظم نذیرتارڑ نے پی ٹی آئی کو مخصوص نشستیں دینے کے فیصلے پر ردعمل دیتے ہوئے کہا کہ سپریم کورٹ کےفیصلے سے حکومت کوکوئی خطرہ نہیں۔

اعظم نذیرتارڑ کا کہنا تھا کہ حکومت فیصلے پرنظرثانی اپیل دائرکرےگی یانہیں مشاورت کے بعد بتاسکتاہوں، ہمارے پاس اب بھی 209 ارکان موجودہیں۔

یاد رہے سپریم کورٹ نے مخصوص نشستیں پی ٹی آئی کو دینے کا حکم دیتے ہوئے مخصوص نشستیں دیگر جماعتوں کو دینے کا فیصلہ غیرقانونی قرار دے دیا۔

سپریم کورٹ نے مخصوص نشستوں کا فیصلہ آٹھ پانچ سے سنایا، اطلاق قومی اسمبلی اورتمام صوبائی اسمبلیوں پرہوگا۔

فیصلے میں کہا گیا کہ الیکشن کمیشن کا فیصلہ آئین کے خلاف تھا، پی ٹی آئی سیاسی جماعت تھی اور رہے گی، انتخابی نشان کسی سیاسی جماعت کو الیکشن لڑنے سے نہیں روکتا۔

الیکشن کمیشن نے اسی ارکان اسمبلی کی فہرست پیش کی، جس میں سے انتالیس ارکان کا تعلق پی ٹی آئی سے تھا، پی ٹی آئی مخصوص نشستوں کیلئے درخواستیں الیکشن کمیشن کو پندرہ دن میں جمع کرائے۔