چکوال : وزیرِاعظم نوازشریف نے واضح کر دیا ہے کہ ان کے پلان ڈی میں صرف ترقی ہے، اللہ تباہی والے پلان ڈی سے پاکستان کو محفوظ رکھے۔
وزیرِاعظم نوازشریف نے بھی اپنا پلان ڈی عوام کے سامنے پیش بیان کردیا، اسلام آباد میں موٹروے کی تعمیرِ نو کی تقریب سے خطاب میں وزیرِ اعظم نے کہا کہ ان کے پلان ڈی کا مطلب ترقی ہے، چکوال اسلام آباد لاہور موٹروے دنیا کی بہترین موٹروے میں شمار ہوگی، منصوبے کو مقررہ وقت اور لاگت سے مکمل کیا جائے گا۔،
انھوں نے کہا کہ تباہی والے ڈی کے علمبردار دو ہزار اٹھارہ کے الیکشن میں عوام کو اپنے کارنامے میرا پلان ڈی کا مطلب صرف ڈیولپمنٹ ہے۔ ہم نے لوڈشیڈنگ کا خاتمہ کیا، ہم نے مہنگائی کی کمر توڑی ہے۔،
نواز شریف نے کہا کہ جب بھی شفاف انتخابات ہوتے ہیں، عوام ہمیں خدمت کا موقع دیتےہیں، نوازشریف نے سیاسی مخالفت پر خود کو تسلی دیتے ہوئے کہا کہ قوم اب رخنوں اور دھرنوں کو پسند نہیں کرتی۔
تباہی کے خواہشمند آئندہ الیکشن میں کیا کہہ کرووٹ مانگیں گے؟ کہ ہم نے جمہوریت کو گالیاں دیں ، ہم نے دھرنے دیئے، ٹائر جلائے اور پاکستان کو ترقی سے روکا۔
اس سے قبل وزیرِاعظم کو منصوبے پر بریفنگ دیتے ہوئے ڈی جی فرنٹئیر ورک آرگنائزیشن میجر جنرل محمد افضل نے بتایا کہ چکوال، لاہور اسلام آباد موٹروے منصوبہ ایف ڈبلیو او اور نیشنل ہائی وے اتھارٹی کی شراکت سے مکمل ہوگا، جس پر 225 ارب روپے لاگت آئے گی جبکہ منصوبے کی تعمیر سے موٹروے کی معیاد میں 20 سال کا اضافہ ہو جائے گا، اس موقع پر وزیرِاعظم نے ہدایت کی کہ منصوبہ ڈیڑھ سال میں مکمل کیا جائے۔
