ARYNews.tv | Urdu – Har Lamha Bakhabar

Tag: وزیرِاعظم نواز شریف

  • وزیرِاعظم نوازشریف سے اپوزیشن لیڈرخورشید شاہ کا ٹیلیفونک رابطہ

    وزیرِاعظم نوازشریف سے اپوزیشن لیڈرخورشید شاہ کا ٹیلیفونک رابطہ

    اسلام آباد: وزیرِاعظم نواز شریف نے قومی اسمبلی میں اپوزشن لیڈر سید خورشید شاہ سے ٹیلیفونک رابطہ کیا، دونوں رہنماؤں نے چیف الیکشن کمشنر کے تقرری پر تبادلہ خیال کیا۔

    سپریم کورٹ کی نئے چیف الیکشن کمشنر کی فوری تقرری کی ہدایت پر حکومت اوراپوزیشن متحرک ہوگئے ہیں، دونوں رہنماؤں نے چیف الیکشن کمشنر کے تقرر کے حوالے سے سپریم کورٹ آف پاکستان کے حکم پر مشاورت کی۔ .

    دونوں رہنماؤں نے اتفاق کیا کہ چیف الیکشن کمشنر کا تقرر آئین و قانون کے مطابق ہوگا، خورشید شاہ نے کہا ہے کہ چیف الیکشن کمشنر صرف سپریم کورٹ کا جج ہونے کی پابندی ختم ہونی چاہیئے، اچھے سیاستدان بیوروکریٹس بھی چیف الیکشن کمشنر بن سکتے ہے۔

    انھوں نے کہا کہ  قانونی ٹیم سے مشاورت کرنے کے بعد اٹھائیس اکتوبر سے پہلے سپریم کورٹ میں جواب داخل کردینگے، سپریم کورٹ چیف الیکشن کمشنر کی تقرری پر تاخیر کے حوالے سے سپریم کورٹ آف پاکستان کو آگاہ کیا جائے۔

    فخر الدین جی ابراہیم کےاستعفے کے بعد سے یہ عہدہ خالی ہے اور سپریم کورٹ کے جج انور ظہیر جمالی قائم مقام چیف الیکشن کمشنرکی ذمے داریاں ادا کر رہے ہیں۔

  • سیلاب متاثرین کی بحالی تک چین سے نہیں بیٹھیں گے، وزیرِاعظم

    سیلاب متاثرین کی بحالی تک چین سے نہیں بیٹھیں گے، وزیرِاعظم

    جھنگ: وزیرِاعظم نواز شریف نے کہا ہے کہ سیلاب متاثرین کی بحالی تک چین سے نہیں بیٹھیں گے، متاثرین کی بحالی کے لیے دن رات کام کر رہے ہیں۔

    جھنگ میں متاثرین سیلاب سے خطاب کرتے ہوئے وزیرِاعظم کا کہنا تھا کہ حکومت سیلاب زدگان کی خدمت کے فرض سے غافل نہیں ہے، دنیا میں کہیں بھی اس تیز رفتاری سے امدادی کام نہیں کئےگئے۔

    وزیرِاعظم نے خطاب میں جس تیز رفتار امدادی سرگرمیوں کا ذکر کیا اس کا عملی مظاہرہ بھی بہت جلد لوگوں نے دیکھ لیا، وزیرِاعظم کے رخصت ہوتے ہی امدادی سامان کا ٹرک بھی انتظامیہ واپس لے گئی، متاثرین سیلاب دور تک ٹرک کے پیچھے امداد کیلئے بھاگتے رہے۔

  • قومی سلامتی کونسل میں بھارتی جارحیت پرہر فورم پرآواز اٹھانے کا فیصلہ

    قومی سلامتی کونسل میں بھارتی جارحیت پرہر فورم پرآواز اٹھانے کا فیصلہ

    اسلام آباد: وزیرِاعظم نواز شریف کی زیرِصدارت قومی سلامتی کمیٹی کےاجلاس میں بھارتی جارحیت کے خلاف ہر فورم پر آواز بلند کر نے کا فیصلہ کیا گیا۔

    وزیرِاعظم نوازشریف کی زیرِصدارت قومی سلامتی کمیٹی کے اجلاس میں بھارت کی جانب سے سیزفائر کی خلاف ورزی اور آپریشن ضربِ عضب پرغورکیا گیا۔

    اجلاس میں فیصلہ کیا گیا کہ قومی سلامتی اور خود مختاری پر کوئی سودے بازی نہیں کی جائے گی اور بھارتی جارحیت کے خلاف ہر فورم پر آواز اٹھائی جائے گی، قومی سلامتی کمیٹی نے بھارت کی جانب سے کنٹرول لائن پر بلااشتعال فائرنگ اور سرحدی خلاف ورزیوں کے واقعات کا جائزہ لیا۔

    ڈی جی ملڑی آپریشن نے اس غیر معمولی صورت حال اور اب تک ہونے والے جانی ومالی نقصان پر بریفنگ دی، مشیر برائے قومی سلامتی سرتاج عزیز نے اجلاس کو بھارتی اشتعال انگیزی کے خلاف پاکستان کے اب تک کیے گئے سفارتی رابطوں پر بریفنگ دی۔

    اجلاس کے دوران وزیرِاعظم نے شمالی وزیرستان کا دورہ اور جوانوں سے ہونے والی ملاقات کی تٖفصیلات سے آگاہ کیا، چیئرمین جوائنٹ چیفس آف اسٹاف کمیٹی جنرل راشدمحمود، تینوں مسلح افواج کے سربراہان اور ڈی جی آئی ایس آئی شریک تھے۔

    اجلاس میں وفاقی وزیرِداخلہ چوہدری نثار علی خان، وزیرِدفاع خواجہ محمد آصف ، وزیرِاطلاعات سینیٹر پرویز رشید، وزیرِ خزانہ اسحاق ڈار اور قومی سلامتی کے مشیر سرتاج عزیزسمیت اعلیٰ سیکیورٹی و سرکاری حکام نے بھی اجلاس میں شرکت کی۔

    اجلاس سے قبل وزیرِاعظم نواز شریف سے آرمی چیف جنرل راحیل شریف، پاک بحریہ کے سربراہ نیول ایڈمرل ذکااللہ اور قومی سلامتی کے مشیرسرتاج عزیز نے الگ الگ ملاقات بھی کی، ملاقات کے دوران قومی سلامتی کےامور پر تبادلہ خیال کیا گیا۔

  • وزیرِاعظم نواز شریف کا میران شاہ کا دورہ

    وزیرِاعظم نواز شریف کا میران شاہ کا دورہ

    میران شاہ: وزیرِاعظم نواز شریف نے دورۂ میران شاہ کے دوران کہا ہے  کہ ہم مسلح دہشت گردوں کے خلاف جنگ جیت رہے ہیں، پاک فوج کو پوری قوم کا سلام پیش کرتے ہیں۔

    وزیر اعظم نواز شریف میران شاہ پہنچے تو آرمی چیف جنرل راحیل شریف نے وزیرِاعظم کا استقبال کیا اور آپریشن ضربِ عضب پر بریفنگ دی۔

    بریفنگ میں بتایا گیا کہ میران شاہ سمیت میر علی ، بویا ، دیگان اور دتہ خیل کے علاقے کو کلئیر کرالیا گیا ہے۔

    بریفنگ کے بعد وزیرِاعظم نے خطاب کرتے ہوئے کہا کہ پاک فوج کے افسران اور جوان جنرل راحیل کی زیرِ قیادت مشکل جنگ بہادری سے لڑرہے ہیں، جنگ میں دشمن چھپ کر حملہ کرنے والا ہے، شہید ہونے والے جوان ہمارے ہیرو ہیں۔

    انھوں نے کہا کہ پاک فوج کےجوانوں نے یہ قربانی قوم کے مستقبل کیلئے دی ہے، ہم مسلح دہشت گردوں کےخلاف جنگ جیت رہے ہیں، پوری قوم کی جانب سے فوج کو مبارکباد دیتے ہیں۔

    اس موقع پر پاک فوج کے جوانوں نے پاکستان زندہ بادکے نعرے بھی لگائے، شمالی وزیرستان میں جاری آپریشن کے دوران اب تک سیکڑوں دہشتگرد ہلاک ہوچکے ہیں۔

  • دھرنے والے دھرنا دے رہے ہیں، ہم اپناکام کررہے ہیں،وزیرِاعظم

    دھرنے والے دھرنا دے رہے ہیں، ہم اپناکام کررہے ہیں،وزیرِاعظم

    لندن: وزیرِاعظم نواز شریف کا کہنا ہے کہ دھرنے والے دھرنا دے رہے ہیں، ہم اپنا کام کررہے ہیں۔

    وزیرِاعظم نواز شریف نے لندن میں میٖڈیا سے بات کرتے ہوئے کہا ہے کہ پاکستان میں موجود جمہوری ادارے مثبت کردار ادا کر رہے ہیں، پوری پارلیمنٹ ایک طرف ہے ۔۔۔۔قوم اور چند لوگ ایک طرف ہیں۔

    وزیرِاعظم نواز شریف نے اس بار کی بھی یقین دہانی کر وائی کہ موجودہ نظام میں موجود خرابیوں کو ضرور ٹھیک کریں گے، نواز شریف کا مزید کہنا تھا کہ جنرل اسمبلی میں پاکستانی عوام کے جذبات کی ترجمانی کی ہے۔

  • پاکستان کی بھارت کو اقوام متحدہ کا نیا مستقل ممبر بنانے کی مخالفت

    پاکستان کی بھارت کو اقوام متحدہ کا نیا مستقل ممبر بنانے کی مخالفت

    نیویارک: پاکستان نے بھارت کو اقوام متحدہ کا نیا مستقل ممبر بنانے کی مخالفت کردی ہے، وزیرِاعظم نواز شریف کا کہنا تھا کہ سیکیورٹی کونسل میں کوئی نیا مستقل رکن نہیں ہونا چاہیے۔

    اقوام متحدہ کے جنرل اسمبلی اجلاس سے خطاب میں وزیر اعظم نواز شریف کا کہنا تھا کہ سیکیورٹی کونسل میں کوئی نیا مستقل ممبر نہیں ہونا چاہئے۔ کیونکہ یہ اقوام متحدہ کے جمہوری کردار کے منافی ہوگا۔

    نواز شریف کا کہنا تھا کہ دہشتگردی کیخلاف بڑے پیمانے پرآپریشن کیا جا رہا ہے، جسے کامیاب کرنے کیلئے افغانستان اپنی سرحدی حدود میں دہشتگردی کیخلاف موثر اقدامات کرے۔

    وزیرِِاعظم نے اپنے خطاب میں غزہ میں اسرائیلی بربریت کا خاص طور پر ذکر کیا اور کہا کہ پاکستان فلسطینیوں کی نسل کشی کی مذمت کرتا ہے۔

  • نیویارک:وزیرِاعظم نواز شریف سے امریکی نائب صدر جوبائیڈن کی ملاقات

    نیویارک:وزیرِاعظم نواز شریف سے امریکی نائب صدر جوبائیڈن کی ملاقات

    نیویارک:امریکی نائب صدر جو بائیڈن کا کہنا ہے کہ پاکستان اپنے مسائل کو حل کرنے کی صلاحیت رکھتا ہے، پاکستان اور امریکہ کو مشترکہ چیلنجز کا سامنا ہے۔

    نیویارک میں وزیرِاعظم نواز شریف سے امریکی نائب صدر جو بائیڈن نے ملاقات کی، ملاقات میں دوتعلقات اور دیگر امور پر تبادلہ خیال کیا گیا، امریکی نائب صدر جوبائیڈن کا کہنا تھا کہ پاکستان اور امریکہ کو مشترکہ چیلنجز کا سامنا ہے۔

    انھوں نے کہا کہ پاکستان اپنے مسائل کو حل کرنے کی صلاحیت رکھتا ہے، جوبائیڈن کا کہنا تھا کہ نواز شریف پاکستان کے منتخب وزیرِاعظم ہیں اورامریکہ کو ان پر مکمل اعتماد ہے۔

    نواز شریف کا کہنا تھا کہ پاکستان اور امریکہ تجارت اور انسداد دہشت گردی سمیت دیگر شعبوں میں تعاون کو بڑھائیں گے۔

  • وزیرِاعظم نواز شریف سے بان کی مون اور گورڈن براون کی ملاقات

    وزیرِاعظم نواز شریف سے بان کی مون اور گورڈن براون کی ملاقات

    نیویارک: وزیرِاعظم نواز شریف نے نیویارک میں اقوام متحدہ کے سیکریٹری جنرل بانکی مون اور عالمی نمائندہ برائے تعلیم گورڈن براؤن سے ملاقات کی ۔

    نیویارک میں وزیرِاعظم نوازشریف نے اقوام متحدہ کے سیکریٹری جنرل بان کی مون سے ملاقات کی، دونوں رہنماؤں نے علاقائی اور عالمی امور پر تفصیلی تبادلہ خیال کیا۔

    دوسری جانب وزیرِاعظم نواز شریف نے تعلیم کے عالمی نمائندے گورڈن براؤن سے بھی ملاقات کی، ملاقات میں پاکستان میں شرح خواندگی کے فروغ سےمتعلق امور پر تبادلہ خیال کیا گیا۔

  • پشاور دھماکہ کی صدر اور وزیرِاعظم سمیت دیگر رہنماؤں کی مذمت

    پشاور دھماکہ کی صدر اور وزیرِاعظم سمیت دیگر رہنماؤں کی مذمت

    اسلام آباد: پشاور میں ایف سی کے قافلے پر دھماکے کی صدر ممنون حسین، وزیرِاعظم نواز شریف ، وزیرِاطلاعات پرویز رشید، اے این پی کے رہنماء میاں افتخارحسین اور سنی اتحاد کونسل کے چیئرمین صاحبزادہ حامد رضا سمیت دیگر رہنماؤں نے شدید الفاظ میں مذمت کی ہے۔

    پشاور کے علاقے شیر شاہ سوری روڈ پر ایف سی قافلے کو دھماکے سے نشانہ بنایا گیا، وزیرِاعظم نواز شریف نے دھماکے کی  پُرزور مذمت کرتے ہوئے کہا ہے کہ دہشتگردی کے خاتمے تک چین سے نہیں بیٹھیں گے۔

    وفاقی وزیرِاطلاعات پرویز رشید کا کہنا تھا کہ سیکیورٹی ادارے دہشتگردی کیخلاف قربانیاں دے رہے ہیں، اے این پی کے رہنماء میاں افتخار حسین نے اے آر وائی نیوز سے بات کرتے ہوئے کہا کہ وزیراعلیٰ خیبرپختونخوا صوبے پرتوجہ نہیں دے رہے ہیں،  وزیراعلیٰ کے پی کے پرویز خٹک کو دھرنے سے فرصت نہیں مل رہی ہے۔

    سنی اتحاد کونسل کے چیئرمین صاحبزادہ حامد رضا اور قائد ملت جعفریہ علامہ ساجد علی نقوی نے بھی دھماکے کی مذمت کرتے ہوئے جاں بحق ہونے والوں کے لواحقین سے اظہار ہمدردی کی۔

    جے یو پی کے مرکزی صدراعجاز ہاشمی کا کہنا تھا کہ آپریشن ضربِ عضب کی کامیابی سے دہشتگرد بوکھلاہٹ کا شکار ہوگئے ہیں اور جوابی کارروائی پر اتر آئے ہیں۔

  • وزیرِاعظم نواز شریف نے وفاقی کابینہ کا اجلاس آج طلب کرلیا

    وزیرِاعظم نواز شریف نے وفاقی کابینہ کا اجلاس آج طلب کرلیا

    اسلام آباد: وزیراعظم نوازشریف نے وفاقی کابینہ کا اہم اجلاس آج طلب کرلیا ہے ۔

    ذرائع کے مطابق اجلاس میں ملک میں جاری سیاسی بحران کا تفصیلی جائزہ لیا جائے گا، اس کے علاوہ وزیرِاعظم تیئس ستمبر سے شروع ہونے والے دورہء امریکہ کے بارے میں کابینہ کو اعتماد میں لیں گے۔

    اجلاس کے دوران بجلی کے اضافی بلوں پر کمیٹی کی رپورٹ بھی پیش کی جائے گی، اس سے قبل گزشتہ اجلاس میں وزراء نے بھی بجلی کے اضافی بلوں پر شدید احتجاج کیا تھا۔