کوئٹہ: وزیرِداخلہ بلوچستان سرفراز بگٹی کا کہنا ہے کہ ایم کیو ایم کو اب دہشتگرد تنظیم قرار دیا جانا چاہیئے۔
کوئٹہ میں پریس کانفرنس کرتے ہوئے سرفراز بگٹی نے کہا کہ بلوچستان کی طرح کراچی دہشتگردی میں بھی بھارتی خفیہ ایجنسی را ملوث ہے، سرفراز بگٹی کا کہنا تھا کہ بلوچستان پولیس نے دہشتگردی کی سازش ایک بار پھر ناکام بنائی، پولیس نے چار مختلف علاقوں میں کارروائی کرتے ہوئے بڑی تعداد میں اسلحہ برآمد کیا۔
وزیرداخلہ بلوچستان کا کہنا تھا کہ بلوچستان سے دہشت گردی کےناسورکوجلدازجلد ختم کردیں گے۔
کوئٹہ: مختلف علاقوں میں میں ایف سی اور سیکیورٹی اداروں نے کارروائی کے دوران پانچ ہزار کلو گرام دھماکا خیز مواد اور دو سو کلاشنکوف برآمد کرلیں ہیں۔
کوئٹہ بڑی تباہی سے بچ گیا، سیکورٹی اداروں نے دہشتگردی کا بڑا منصوبہ ناکام بنا دیا، کوئٹہ کے مختلف علاقوں میں ایف سی اور سیکورٹی ادروں کی دہشت گردوں کیخلاف کارروائیاں جاری ہیں، سیکیورٹی اہلکاروں نے کوئٹہ اور پنجگور سے پانچ ہزار کلو دھماکا خیز مواد اور دو سو کلاشنکوف برآمد کیں۔
وزیرِداخلہ بلوچستان میر سرفراز بگٹی کا کہنا ہے حکومت دہشت گردوں کے عزائم ناکام بنا دے گی، امن کیلئے سیکیورٹی اداروں کاکرداراورقربانیاں قابل تحسین ہیں، ایف سی نے بڑی تعداد میں اسلحہ، گولہ بارود برآمد کیا ہے۔
انہوں نے مزید کہا کہ داعش کا پاکستان میں کوئی وجود نہیں۔