اسلام آباد: وزیر داخلہ چوہدری نثار علی خان نے کہا ہے کہ ہماری امن کی خواہش کو بھارت کمزوری نہ سمجھے۔
چوہدری نثار کا کہنا تھا کہ بھارتی قیادت پاکستان کی ترقی اورخوشحالی سے خوش نہیں، بھارت کے وزیر دفاع نے پاکستان میں دہشتگردی کی ذمہ داری قبول کی ہے۔
ان کا کہنا تھا کہ اقتصادی راہداری پرہرزہ سرائی سے بھارت کااصل چہرہ سامنےآگیاہے۔
انہوں نے کہا کہ پاک چین راہداری میں رکاوٹ خطے کی ترقی میں رکاوٹ کے مترادف ہے۔
ان کا کہنا تھا کہ بھارت پاکستان کوعدم استحکام سے دوچارکرناچاہتاہے۔
اسلام آباد: وزیرِاعظم نوازشریف نے وزیرِداخلہ چوہدری نثار علی خان سے ملاقات کی۔
وزیراعظم ہاؤس میں ہونیوالی ملاقات میں وزیرِ اعلی پنجاب شہباز شریف ، وفاقی وزراء پرویز رشید، عبدالقادر بلوچ ، اسحاق ڈار، احسن اقبال اور شاہد خاقان عباسی بھی موجود تھے۔
وزیرِاعظم اور وزیرِداخلہ کے درمیان تین ماہ بعد ملاقات ہوئی۔
وزیرِ داخلہ کو حکومت کے گورننس کے معاملات پر تحفظات ہیں، جس کے باعث وزیرِاعظم کے ساتھ ان کے اختلافات چل رہے تھے، ملاقات میں ان اختلافات کو دور کیا گیا، بعض وفاقی وزراء نے اس ملاقات کے لیے اہم کردار ادا کیا۔