Tag: وزیرِ پانی و بجلی

لاہور: وزیرِ پانی و بجلی خواجہ آصف ایک بحران پر قابو پانے کی امید دلاتے ہوئے دوسرے بحران کے خدشےکا اظہار بھی کردیا ہے، انہوں نے ملک میں پانی کے بحران کا خدشہ ظاہر کیا ہے۔

واپڈا ہاؤس لاہور میں ایک تقریب سے خطاب کے دوران خواجہ آصف کا کہنا تھا کہ آنے والے دنوں میں پانی کا بحران پیدا ہونے کا اندیشہ ہے، جس کا اندازہ ابھی کسی کو بھی نہیں ہے،  انھوں نے کہا کہ ایسا ملک جہاں پانی کی قلت کا خدشہ ہے، وہاں پانی مفت استعمال کیا جاتا ہے۔

انہوں نے مزید کہا کہ چاہے پانی ہو یا بجلی ہمارا ملک میں کسی بھی چیز کے ضیاع کا متحمل نہیں ہوسکتا ہے۔

اس سے قبل وفاقی وزیرِ پانی و بجلی خواجہ محمد آصف نے کہا ہے کہ آئندہ انتخابات تک بجلی کا بحران ختم کر دینگے، اگر پنجاب حکومت رات 8 بجے تک مارکیٹیں بند کرا دے تو حالات بہتر ہو سکتے ہیں۔

واپڈا ہاؤس لاہور میں میڈیا سے گفتگو کرتے ہوئے وفاقی وزیرِ پانی و بجلی خواجہ محمد آصف کا کہنا تھا کہ میڈیا بجلی چوروں کو ہیرو بنا کر پیش کر رہا ہے، کراچی الیکٹرک کمپنی کو بجلی دینے کا تاحال کوئی معاہدہ نہیں ہوا۔ انہوں نے کہا کہ بھارت آبی جارحیت کر رہا ہے، جس پر نظر رکھے ہوئے ہیں، اس حوالے سے ماضی میں جو غلطیاں ہوئیں، انہیں نہیں دہرایا جائے گا۔

خواجہ آصف کا کہنا تھا کہ آئندہ الیکشن تک بجلی کی قلت ختم کر دینگے، اگر پنجاب حکومت رات 8 بجے تک مارکیٹیں بند کرا دے تو حالات میں بہتری آ جائے گی۔