Tag: وزیرخارجہ

ریاض: وزیر خارجہ شاہ محمود قریشی اور سعودی وزیر خارجہ شہزادہ فیصل بن فرحان السعود کے درمیان ملاقات ہوئی، دونوں وزرائے خارجہ نے مشرق وسطیٰ کشیدگی، خطے کی صورت حال سمیت باہمی دلچسپی کےامور پر تفصیلی گفتگو کی۔

تفصیلات کے مطابق وزیرخارجہ شاہ محمود قریشی ریاض میں سعودی دفترخارجہ پہنچے۔ سعودی وزیرخارجہ شہزادہ فیصل بن فرحان السعود نے شاہ محمود قریشی کا پرتپاک استقبال کیا۔

وزیر خارجہ اور سعودی وزیر خارجہ کے درمیان ملاقات ہوئی، دونوں وزرائے خارجہ نے مشرق وسطیٰ کشیدگی، خطے کی صورت حال سمیت باہمی دلچسپی کےامور پر تفصیلی گفتگو کی۔

شاہ محمود قریشی نے کہا کہ خطے میں پائی جانے والی کشیدگی کے باعث تشویش ہے، کشیدہ صورت حال کواعتدال پر لانے اور خطے کے استحکام کا تحفظ ضروری ہے۔

وزیر خارجہ نے کہا کہ معاملات سفارتی ذرائع بروئےکار لا کر پرامن حل نکالنے پر زور دیا جائے، کوشش ہے تنازعات کے حل کے لیے مذاکرات کا راستہ اپنانے پر آمادہ کیا جائے، بروقت آگ کو ٹھنڈا کرنے کے لیے اقدامات نہ کیے تو پورا خطہ لپیٹ میں آسکتا ہے۔

شاہ محمود قریشی نے دیگر وزرائے خارجہ سے ہونے والے روابط سے سعودی ہم منصب کو آگاہ کیا۔ انہوں نے کہا کہ خوش آئندہ بات ہے ایران،امریکا واضح کرچکے ہیں کہ کشیدگی نہیں چاہتے۔

وزیر خارجہ نے کہا کہ ان حالات میں ضروری ہےکہ فریقین کو مذاکرات پر آمادہ کیا جائے، معاملات افہام وتفہیم کے ساتھ، پر امن انداز میں طے کیے جائیں۔

سعودی وریرخارجہ نے مشرق وسطیٰ میں بحرانی کیفیت پر قابو کے لیے پاکستانی کوششوں کو سراہتے ہوئے کہا کہ شاہ محمودقریشی کے دورے اور کوششوں کا خیرمقدم کرتے ہیں۔

ملتان: وزیرخارجہ شاہ محمود قریشی کا کہنا ہے کہ گزشتہ5 ماہ سے کشمیری عوام محاصرے میں ہیں، کشمیری مذہبی آزادی سمیت بنیادی انسانی حقوق سے یکسر محروم ہیں۔

تفصیلات کے مطابق وزیرخارجہ شاہ محمود قریشی نے قاسم باغ اسٹیڈیم میں کانفرنس سے خطاب کرتے ہوئے کہا کہ اس وقت مختلف اطراف سے اسلام کے خلاف سازشیں کی جا رہی ہیں۔

شاہ محمود قریشی نے کہا کہ منظم منصوبے کے تحت دہشت گردی کو مسلمانوں کے ساتھ جوڑا جا رہا ہے، اسلام کا مثبت تشخص اجاگر کرنا دور حاضر کا بنیادی تقاضا ہے۔

وزیر خارجہ نے کہا کہ بھارت میں متنازع قانون مسلمانوں کے خلاف تعصب کی بدترین مثال ہے، قانون کو بھارت کی 11 ریاستوں نے تسلیم کرنے سے انکار کر دیا ہے، ہندوستان کےعوام متنازع قانون کے خلاف سراپا احتجاج ہیں۔

شاہ محمود قریشی نے کہا کہ مقبوضہ کشمیرمیں اکثریت کو اقلیت میں تبدیل کیا جا رہا ہے، گزشتہ 5 ماہ سے کشمیری عوام محاصرے میں ہیں، کشمیری مذہبی آزادی سمیت بنیادی انسانی حقوق سے یکسرمحروم ہیں۔

وزیر خارجہ نے مزید کہا کہ دنیا بھر کے مظلوموں کے حقوق دلانے کے لیے سفارتی کوششیں جاری رکھیں گے۔

اسلام آباد: وزیرخارجہ شاہ محمود قریشی کا کہنا ہے کہ افریقہ کا2 ٹریلین ڈالرسے زائد کا جی ڈی پی ہے، افریقہ مستقبل کا برصغیر ثابت ہوگا۔

تفصیلات کے مطابق وزارت خارجہ میں افریقی ممالک کی 2 روزہ سفرا کانفرنس کی افتتاحی تقریب سے خطاب کرتے ہوئے وزیرخارجہ شاہ محمود قریشی نے کہا کہ افریقی ملکو ں کی شرح نموں میں اضافہ ہو رہا ہے، افریقہ مستقبل کا برصغیر ثابت ہوگا۔

شاہ محمود قریشی نے کہا کہ پاکستان کے افریقی ملکوں کے ساتھ سیاسی تعلقات ہیں، پاکستان کے سیکیورٹی اہلکاروں نے افریقی امن میں اہم کردار ادا کیا۔ انہوں نے کہا کہ پاکستان کا افریقی ملکوں کے ساتھ عسکری تعاون میں اضافہ ہو رہا ہے۔

وزیر خارجہ نے کہا کہ اسلام آباد میں 700 سے زائد سفارتی اہلکار تربیت حاصل کر رہے ہیں، پاکستان افریقی ملکوں سے تجارتی روابط بڑھانے کے لیے کوشاں ہے۔

انہوں نے کہا کہ افریقی ممالک کے ساتھ تجارت پر مبنی سفارتکاری کو فروغ دے رہے ہیں، افریقی ممالک کے ساتھ ویزے میں آسانیاں پیدا کر رہے ہیں، افریقی ممالک کے ساتھ برابری کی سطح پر تعلقات چاہتے ہیں۔

شاہ محمود قریشی نے کہا کہ افریقہ کا 2 ٹریلین ڈالر سے زائد کا جی ڈی پی ہے۔ انہوں نے کہا افریقی ممالک سے حکومتی، عوامی رابطوں کے فروغ کی ضرورت ہے۔

کراچی: وزیرخارجہ شاہ محمود قریشی کا کہنا ہے کہ عالمی برادری کو مسئلہ کشمیر پرذمہ داری کا ثبوت دینا چاہیے، بھارت کی وجہ سے خطے کا امن داؤ پر لگا ہوا ہے۔

تفصیلات کے مطابق اے آروائی نیوز کے پروگرام باخبرسویرا میں گفتگو کرتے ہوئے وزیرخارجہ شاہ محمود قریشی نے کہا کہ بھارت میں اقلیتیں، مسلمان عدم تحفظ کا شکار ہیں۔

شاہ محمود قریشی نے کہا کہ بابری مسجد کے فیصلے کے بعد بے چینی پائی جاتی ہے، بھارت میں مسلمانوں پر حملے ہو رہے ہیں، بھارت کی دیگر اقلیتیں بھی خطرے کا شکار ہیں۔

وزیرخارجہ نے کہا کہ بین الاقوامی کمیونٹی کو آنکھیں نہیں چرانی چاہئیں، عالمی برادری کو مسئلہ کشمیر پرذمہ داری کا ثبوت دینا چاہیے، معاملات مزید بگڑ سکتے ہیں۔ انہوں نے کہا کہ بھارت کی وجہ سے خطے کا امن داؤ پر لگا ہوا ہے۔

بھارت خطے کے امن کو خطرے میں ڈال کرسپر پاور بننے کی کوشش کررہا ہے، عارف علوی

یاد رہے کہ گزشتہ روز صدر مملکت عارف علوی کا کہنا تھا کہ بھارت خطے کے امن کو خطرے میں ڈال کر سپر پاور بننے کی کوشش کر رہا ہے ، بابری مسجد کے فیصلے کو ہی دیکھ لیں مسلمانوں کے ساتھ کیا ہو رہا ہے، کوئی اقلیت محفوظ نہیں ہے۔

اسلام آباد: وزیرخارجہ شاہ محمود قریشی کا کہنا ہے کہ مقبوضہ کشمیر میں بھارت کے لیے نفرت بڑھ چکی ہے، یہ نفرت بھارتی رکاوٹوں سے نہیں تھمے گی اور نہیں رکے گی۔

تفصیلات کے مطابق اے آروائی نیوز سے گفتگو کرتے ہوئے وزیرخارجہ شاہ محمود قریشی نے کہا کہ بھارت کا باشعور طبقہ امن کے پیغام کا حامی ہے، پاکستان اور بھارت کا رویہ دنیا کے سامنے ہے، مقبوضہ کشمیر میں بھارت مخالف تحریک زور پکڑ چکی ہے۔

وزیرخارجہ نے کہا کہ پاکستان نے کوئی موقع نہیں دیا اور کرتارپورمعاہدہ مکمل کیا، پاکستان نے یاتریوں کے لیے ایک سال کی ویزہ کی شرط ختم کی ہے، عمران خان نے پاکستان کی طرف سے خیرسگالی کا پیغام دیا ہے۔

شاہ محمود قریشی نے کہا کہ مقبوضہ کشمیر اور بھارتی پنجاب کی سرحدیں پاکستان سے ملتی ہیں، مشرقی پنجاب میں پاکستان کے لیے خیرسگالی پیدا ہوچکی ہے، پاکستان کو سراہا جا رہا ہے۔ انہوں نے مزید کہا کہ مقبوضہ کشمیر میں بھارت کے لیے نفرت بڑھ چکی ہے، یہ نفرت بھارتی رکاوٹوں سے نہیں تھمے گی اور نہیں رکے گی۔

واضح رہے کہ حکومت پاکستان بابا گرونانک کے 550ویں یوم پیدائش کے موقع پر کرتارپور راہداری کھولنے کے لیے پُرعزم ہے، کرتارپور راہداری کی افتتاحی تقریب 9 نومبر کو ہوگی ، جس میں وزیراعظم عمران خان اور آرمی چیف جنرل قمر جاوید باجوہ شرکت کریں گے، افتتاح کے بعد یہ پاکستان کا سب سے بڑا گردوارہ بن جائے گا۔