Tag: وزیر اطلاعات پنجاب

لاہور: وزیر اطلاعات پنجاب میاں اسلم اقبال نے کہا ہے کہ مولانا فضل الرحمان کو عوام کا نہیں بلکہ اسمبلی میں نہ پہنچنے کا درد ہے۔

تفصیلات کے مطابق وزیر اطلاعات پنجاب میاں اسلم اقبال نے میڈیا سے گفتگو کرتے ہوئے کہا کہ مولانا فضل الرحمان کا ایجنڈا اسمبلی میں پہنچنا ہے، ان کا ایجنڈا توڑ پھوڑ اور پیسہ کماؤ ہے۔

وزیر اطلاعات پنجاب نے کہا کہ ن لیگ اور پیپلزپارٹی میں جیسے اختلافات ہیں سب کو پتا ہے، اپوزیشن کو معلوم ہے عوام ان کے ساتھ نہیں تحریک انصاف کے ساتھ ہے۔

میاں اسلم اقبال نے کہا کہ ریفارمز ہورہی ہیں جو اپوزیشن کو برداشت نہیں ہے، ہم نے تو دھرنے کی مخالفت نہیں کی ہے۔

مزید پڑھیں: فضل الرحمان بلاول بھٹو ملاقات بے نتیجہ، پی پی چیئرمین میڈیا سے بات کیے بغیر روانہ

انہوں نے کہا کہ اپوزیشن دھرنے سے متعلق خود متفق نہیں ہے، اپوزیشن جماعتوں کو پتا ہے کہ ان کے دھرنے میں کوئی نہیں آئے گا۔

واضح رہے کہ جے یو آئی (ف) نے 27 اکتوبر کو اسلام آباد کی طرف مارچ کا اعلان کیا ہے، فضل الرحمان کا کہنا تھا کہ مظاہروں کے ساتھ اسلام آباد کی طرف آزادی مارچ شروع ہوگا۔

مولانا فضل الرحمان کا کہنا تھا کہ 27 اکتوبر کو ہم کشمیری عوام کے ساتھ اظہار یکجہتی کریں گے۔

یاد رہے کہ کچھ دیر قبل مولانا فضل الرحمان اور بلاول بھٹو کے درمیان ملاقات ہوئی تھی جو بے نتیجہ رہی، پی پی چیئرمین بلاول بھٹو میڈیا سے گفتگو کیے بغیر روانہ ہوگئے۔

لاہور: وزیر اطلاعات پنجاب میاں اسلم اقبال نے کہا ہے کہ ڈینگی کی وبا پر عوام کے تعاون کے بغیر قابو نہیں پایا جاسکتا ہے۔

تفصیلات کے مطابق صوبائی وزیر اطلاعات میاں اسلم اقبال نے کہا ہے کہ حکومت ڈینگی سے متعلق آگاہی پیدا کرسکتی ہے لیکن حکومت تنہا ڈینگی سے نہیں لڑ سکتی ہےاس کے لیے عوام کا تعاون درکار ہوگا۔

میاں اسلم اقبال نے کہا کہ پنجاب میں 3200 سے زائد ڈینگی کے کیسز آئے ہیں، رواں سال ڈینگی سے متعلق خبروں کو بڑھا چڑھا کر پیش کیا گیا ہے۔

دوسری جانب معاون خصوصی ڈاکٹر ظفر مرزا کا کہنا تھا کہ اسپتالوں میں ڈینگی سے نمٹنے کے لیے تمام وسائل دستیاب ہیں، ڈینگی مچھر کی افزائش روکنے کے لیے بھرپور اقدامات یقینی بنارہے ہیں۔

مزید پڑھیں: راولپنڈی میں ڈینگی مچھر نے مزید دو افراد کی جان لے لی، مجموعی تعداد 28 ہوگئی

واضح رہے کہ آج راولپنڈی کے ہولی فیملی اسپتال میں زیر علاج ڈینگی سے متاثرہ 55 سالہ خاتون نجمہ دم توڑ گئیں، نجمہ کالج روڈ راولپنڈی کی رہائشی تھیں۔

ہولی فیملی اسپتال میں زیر علاج 50 سالہ پرویز بھی دم توڑ گیا، پرویز اسلام آباد کے علاقہ کورال چوک کے رہائشی تھے، پنجاب میں ڈینگی بخار سے مرنے والوں کی تعداد 28 ہوگئی ہے۔

دوسری جانب شہر قائد میں ڈینگی سے متاثرہ کیماڑی کی رہائشی 21 سالہ عذرا لیاری جنرل اسپتال میں دم توڑ گئی، سندھ میں اب تک 12 افراد جان سے جا چکے ہیں۔

حکومت پاکستان نے ملک بھر میں ڈینگی کے پھیلاؤ کی تحقیقات کرانے کا فیصلہ کر لیا ہے، ذرائع کا کہنا تھا کہ ڈینگی پھیلاؤ کی تحقیقات عالمی اداروں سے کرائی جائیں گی۔