Tag: وزیر اطلاعات پنجاب صمصام بخاری

لاہور: وزیرِ اطلاعات پنجاب صمصام بخاری کا کہنا ہے کہ جو پاکستان کے مفاد میں بات نہیں کرے گا اس کی کوئی سیاست نہیں، بلاول اور مریم کا ایجنڈا ایک ہی ہے،عوام کا نام لے کر اپنی کرپشن بچائی جائے۔

ان خیالات کا اظہار وہ پریس کانفرنس میں کر رہے تھے، وزیر اطلاعات پنجاب نے کہا کہ مریم نواز کے ٹویٹ کو دیکھیں تو یہ حملہ کرنے والوں کے حق میں تھا، ملک دشمنی اور سیاست میں فرق کو سمجھنا چاہیے، سیاست کی ہر شخص کو اجازت ہے لیکن پاکستان دشمنی پر مبنی سیاست نہ کی جائے۔

صمصام بخاری نے کہا کہ پختون پاکستان کے شہری ہیں، وہ ہم سے بڑے محب وطن ہیں، اور ہم سے زیادہ پاکستانی اور عزت دار ہیں، معصوم بھائیوں کا نام استعمال کرنے والوں کے خلاف ایکشن لیا جائے گا۔

انھوں نے اپوزیشن رہنماؤں پر تنقید کرتے ہوئے کہا کہ ہم پہلے سے کہتے آ رہے ہیں کہ بلاول اور مریم کا اتحاد ہے، ان کا مقصد ہے پاکستان جس طرف بھی جائے لیکن ان کی کرپشن بچ جائے، بلاول بھٹو فرماتے ہیں محسن داوڑ نے تو حملہ نہیں کیا ہوگا، بات ایڈز کی ہو رہی ہے وہ محسن داوڑ کی بات کر رہے ہیں۔ خیال رہے گزشتہ روز بلاول بھٹو نے صحافی کے سوال پر کہا تھا کہ محسن داوڑ منتخب رکن ہے، وہ حملہ کیسے کر سکتے ہیں۔

یہ بھی پڑھیں:  مریم نواز کو پارٹی عہدہ دینے کیخلاف پی ٹی آئی کی درخواست سماعت کے لیے منظور

صوبائی وزیر اطلاعات نے مزید کہا کہ جو بیان بلاول بھٹو اور مریم نواز نے دیا وہ قابل اعتراض ہے، جو بھی نفاق کو ہوا دیتا ہے وہ ملک کی خدمت نہیں کر رہا۔

صمصام بخاری نے چیک پوسٹ پر حملہ بزدلانہ قرار دیتے ہوئے کہا کہ فرشتہ اور گلالئی اسماعیل والے واقعے کو استعمال کیا گیا، سیکورٹی فورسز کو ایکشن لینا چاہیے۔

وزیر اطلاعات پنجاب نے کہا کہ ہم چین کے نائب صدر کو پاکستان میں خوش آمدید کہتے ہیں، چین سے ہمارے تعلقات عوام سے عوام کی سطح پر ہیں، جعلی شادی اسکینڈل میں پاکستانی اور چینی شہری دونوں شامل ہیں، اس معاملے پر چینی سفیر ہمارے ساتھ ایک صٖفحے پر ہیں۔

لاہور: فیاض الحسن چوہان سے پنجاب کی وزارتِ اطلاعات واپس لیے جانے کے بعد قلم دان صمصام بخاری کو دیے جانے کا فیصلہ کر لیا گیا ہے۔

تفصیلات کے مطابق پیر سید صمصام شاہ بخاری کو نیا وزیرِ اطلاعات پنجاب بنانے کا فیصلہ کر لیا گیا ہے، اس سلسلے میں صمصام بخاری کی وزیرِ اعلیٰ پنجاب عثمان بزدار سے وزیر اعلیٰ ہاؤس میں ملاقات ہوئی۔

[bs-quote quote=”گورنر پنجاب چوہدری سرور کل صمصام بخاری سے حلف لیں گے۔” style=”style-8″ align=”left”][/bs-quote]

ترجمان حکومت پنجاب نے کہا ہے کہ صمصام بخاری پنجاب کے آئندہ وزیرِ اطلاعات ہوں گے، گورنر پنجاب چوہدری سرور کل صمصام بخاری سے حلف لیں گے۔

ہندو برادری سے متعلق متنازع بیان وزیرِ اطلاعات پنجاب کو لے ڈوبا، فیاض الحسن چوہان کا استعفا منظور کر لیا گیا، وزیرِ اعلیٰ پنجاب ہاؤس کے ذرائع نے بھی تصدیق کر دی۔

وزیرِ اعظم عمران خان نے ہندو برادری سے متعلق غیر مناسب بیان پر وزیرِ اعلیٰ عثمان بزدار کو آج ہی ایکشن لینے کا حکم دیا تھا۔

خیال رہے کہ فیاض الحسن چوہان کے ہندو برادری سے متعلق متنازع بیان کے بعد وزیرِ اعلیٰ پنجاب نے انھیں استعفیٰ دینے کی ہدایت کی تھی۔

یہ بھی پڑھیں:  وزیراعلیٰ پنجاب کے حکم پر وزیر اطلاعات فیاض چوہان مستعفی

وزیرِ اعظم عمران خان کی جانب سے یہ واضح کیا گیا کہ اس نوع کا کوئی بھی بیان قابل قبول نہیں، کسی بھی مذہب کی دل آزاری قبول نہیں کی جائے گی، وزیرِ اعظم نے تمام وفاقی اور صوبائی وزرا کو ایسے معاملات پر محتاط رہنے کی بھی ہدایت کی۔

سابق وزیرِ اطلاعات پنجاب فیاض چوہان نے استعفے کی خبروں کے آنے کے باوجود میڈیا پر استعفیٰ دینے کی خبر کی تردید کی، جس کے بعد ترجمان وزیرِ اعلیٰ پنجاب شہباز گل نے اپنے ویڈیو بیان میں کہا کہ وزیرِ اعلیٰ پنجاب نے فیاض الحسن چوہان سے ملاقات کی، جس کے بعد انھوں نے عہدے سے مستعفیٰ ہونے کا فیصلہ کیا۔