Tag: وزیر اطلاعات کے پی

پشاور: وزیر اطلاعات خیبرپختونخوا شوکت یوسفزئی نے کہا ہے کہ مولانا فضل الرحمان کے غیرقانونی اقدام کے خلاف ایکشن ہوگا، وہ ریاستی رٹ کو چیلنج کرنے سے دور رہیں۔

تفصیلات کے مطابق وزیر اطلاعات کے پی شوکت یوسفزئی نے کہا ہے کہ مولانا صاحب حکومت کے خلاف بے بنیاد مہم چلانا چاہتے ہیں، مولانا فضل الرحمان کو عوام نے مسترد کردیا ہے۔

انہوں نے کہا کہ حکومت جاتی ہے تو کیا مولانا وزیراعظم بن جائیں گے، ہم احتساب کا عمل روک دیں تو سارا معاملہ ٹھیک ہوجائے گا، کیا مولانا کے مارچ سے بے روزگاری مہنگائی ختم ہوجائے گی۔

وزیر اطلاعات خیبرپختونخوا نے کہا کہ کسی کی خواہشات کے مطابق نظام نہیں چل سکتا، احتجاج ضرور کریں لیکن نقص امن کی اجازت نہیں دیں گے، جنہوں نے قانون کی خلاف ورزی کی ان کے خلاف کارروائی ہوگی، قانونی ماہرین سے مشاورت کرکے پھر مقدمہ درج کریں گے۔

شوکت یوسفزئی نے کہا کہ مولانا کہتے ہیں دھاندلی ہوئی ہے تو بتائیں وہ حلقہ کھول دیں گے، مدرسے کے بچوں کو استعمال کرنے کی کسی کو اجازت نہیں دیں گے، بدعنوان عناصر احتساب سے بچنے کے لیے حکومت پر دباؤ ڈالنا چاہتے ہیں۔

انہوں نے کہا کہ مولانا صاحب ریاستی رٹ کو چیلنج کرنے سے دور رہیں، فضل الرحمان نے اپنی ملیشیا بنالی ہے جس کی اجازت نہیں دیں گے، علماء سے اپیل ہے بچوں کو سیاست کے لیے استعمال نہ کریں۔

شوکت یوسفزئی نے کہا کہ طاہر القادری سانحہ ماڈل ٹاؤن کے متاثرین کے انصاف کے لیے نکلے تھے، وزیر اطلاعات نے عوام سے بھی اپیل کی کہ بچوں کو دھرنے یا مارچ میں نہ بھیجیں۔

پشاور: وزیر اطلاعات خیبرپختونخوا شوکت یوسفزئی نے کہا ہے کہ احتجاج کرنا سب کا حق ہے مگر مولانا مذہب کارڈ‌ نہ کھیلیں.

تفصیلات کے مطابق وزیر اطلاعات خیبرپختونخوا شوکت یوسفزئی نے کہا ہے کہ احتجاج کرنے والے مدارس کے بچوں‌کا استعمال نہ کریں، کچھ لوگ کہتے ہیں‌ ہم مارچ کرنا چاہتے ہیں‌ یہ وہی لوگ ہیں‌ جنہوں‌ نے عمران خان کا احتجاج غیر جمہوری کہا تھا.

انہوں‌ نے کہا کہ پہلے ڈاکٹر دوران احتجاج ڈگریاں‌جلا کر اور پکوڑے بنا کر احتجاج کرتے تھے، میں‌ ڈاکٹروں‌ کی عزت کرتا ہوں‌ میرا بیٹا اور رشتے دار ڈاکٹر ہیں، میں‌ نے وہ بات صرف مثال دینے کے لیے کی تھی، کسی کی دل آزاری ہوئی ہو تو معذرت چاہتا ہوں.

شوکت یوسفزئی نے کہا کہ آپ پاکستان کو کیوں‌ پیچھے دھکیلنا چاہتے ہیں، 30 ہزار ارب کا قرضہ سابق حکمرانوں‌ نے لیا، مارچ کس لیے ہورہا ہے اسلام کو کون سا خطرہ ہے.

مزید پڑھیں: مولانا فضل الرحمن کے آزادی مارچ کی کوئی اہمیت نہیں ہے، فیاض الحسن چوہان

وزیراطلاعات کے پی نے کہا کہ مولانا صاحب نے اسلام کی کیا خدمت کی وہ بتائیں، مولانا صاحب کچھ بھی کرلیں‌حکومت کو کوئی خطرہ نہیں‌ہے.

انہوں‌ نے کہا کہ زرداری اور نواز شریف دور میں‌ ملک لوٹا جارہا تھا تو جب مولانا صاحب کہاں‌ تھے.

یاد رہے کہ جے یو آئی ف نے 27 اکتوبر کو آزادی مارچ کا اعلان کیا ہے، مولانا فضل الرحمان کا کہنا تھا کہ وہ اسلام آباد کی جانب مارچ کریں گے۔

پشاور: وزیر اطلاعات کے پی شوکت یوسفزئی نے کہا ہے کہ قبائلی عوام پختونوں کا نام استعمال کرنے والوں کو پہچان چکے ہیں، قبائلی عوام اب کسی کے جھانسے میں نہیں آئیں گے۔

تفصیلات کے مطابق وزیر اطلاعات کے پی شوکت یوسفزئی نے پریس کانفرنس کرتے ہوئے کہا کہ یہ کوئی معمولی بات نہیں کہ فوج پر حملے کردیں، جو لوگ مرے ہیں بلاول ان کی فیملی کو کیا جواب دیں گے، پی ٹی ایم والے سیاست کرنا چاہتے ہیں تو آئیں سیاست کریں، ہم تو یہ کہتے ہیں چند لوگ دوبارہ پختونوں کو استعمال کرنا چاہتے ہیں۔

شوکت یوسفزئی نے کہا کہ کیا پختون اسی لیے ہیں کہ بندوق اٹھائیں، لڑیں اور مریں، قبائلی علاقوں میں دہشت گردی کی وجہ سے انفرا اسٹرکچر تباہ ہوچکا تھا، قبائلی علاقوں میں انفرا اسٹرکچر کی بحالی کے لیے کام کیا جارہا ہے، آج اعلان کردیں اور کل وہ تعمیرات ہوجائے ایسا نہیں ہوسکتا ہے۔

انہوں نے کہا کہ بلاول بھٹو پہلے تھر اور کراچی میں پانی نہیں مل رہا وہاں توجہ دیں، بلاول نے کبھی پوچھا بلدیہ فیکٹری میں کتنے لوگ اور کیوں مرے، یہ پنجابی وہ سندھی اس قسم کی باتیں نہ پھیلائیں، ایسی باتوں کا کوئی فائدہ نہیں ہوگا، پاکستان ایک ہی رہے گا۔

مزید پڑھیں:  چند لوگ فاٹا میں امن اور ترقی کا عمل سبوتاژ کرنا چاہتے ہیں، شوکت یوسفزئی

شوکت یوسفزئی نے کہا کہ قبائلی علاقوں میں انفرااسٹرکچر کے لیے امن ناگزیر ہے، کچھ لوگ نہیں چاہتے کہ قبائلی اضلاع میں امن ہو، مقامی لوگ احتجاج کررہے تھے تو اس سے پی ٹی ایم کا کیا تعلق تھا، رکن اسمبلی کیسے جاکر فوجی جوان کے سامنے نعرے لگاتے ہیں، فوج منظم ادارہ ہے دشمن عناصر کسی صورت کامیاب نہیں ہوں گے۔

وزیر اطلاعات کے پی کا کہنا تھا کہ مشکلات یقیناً ہیں لیکن ہم ان مشکلات سے نکل جائیں گے، خارقمر کے علاقے میں آپریشن ہورہا ہے، یہ کیا طریقہ ہے مسلح ہوکر چیک پوسٹ کو توڑ کر آگے نکل جائیں، فوج نے ہی قبائلی علاقوں سے دہشت گردی کا خاتمہ کیا ہے۔

پشاور: وزیر اطلاعات خیبر پختون خوا شوکت یوسف زئی نے کہا ہے کہ 5 سال میں جتنے مطالبات تھے وہ مان لیے گئے ہیں، اب مزید کیا مطالبات ہیں ڈاکٹروں کے، جن ڈاکٹرز کا دور دراز علاقوں میں تبادلہ ہوا انھیں وہاں جانا ہوگا۔

تفصیلات کے مطابق وزیر اطلاعات کے پی نے کہا ہے کہ جس ڈاکٹر کا دور درازعلاقوں میں تبادلہ ہوا انھیں وہاں جانا ہوگا، ڈاکٹرز کا مطالبہ ہے کیا؟ وہ ہم سے بات کریں۔

دوسری طرف خیبر پختون خوا میں ینگ ڈاکٹرز کی غنڈہ گردی کے بعد ہٹ دھرمی شروع ہو گئی ہے، لیڈی ریڈنگ، حیات آباد، ایوب میڈیکل کمپلیکس سمیت دیگر اسپتالوں میں آج بھی ہڑتال رہی، ڈاکٹروں نے وزیر صحت ہشام انعام اللہ کی برطرفی کا مطالبہ کر دیا۔

شوکت یوسفزئی کا کہنا تھا کہ احتجاج، مطالبات ڈاکٹرز کا حق ہے، کوشش ہے ان کے مسائل حل کریں، اس وقت احتجاج سے عام آدمی متاثر ہو رہا ہے، ہم نے ڈاکٹرز کے مطالبے پر 142 فی صد اضافہ کیا، 50 فی صد نرسوں، 12 فی صد پیرامیڈکس میں اضافہ کیا گیا۔

شوکت یوسف زئی نے کہا کہ کم زور ڈسٹرکٹس میں ہمیں تعلیم اور صحت کے وسائل دینے ہیں، نہیں چاہتے کوئی ٹکراؤ کریں، انکوائری کے بعد دیکھیں گے کہ کسی کو شو کاز جانا چاہیے یا نہیں، کچھ لوگوں کی وجہ سے سب داغ دار ہو جاتے ہیں، سارے ایسے نہیں، بائیکاٹ کی بات کرنے والے شام کو پرائیویٹ پریکٹس کرتے ہیں۔

یہ بھی پڑھیں:  پشاور: خیبر ٹیچنگ اسپتال میں ڈاکٹر پر تشدد کے خلاف ڈاکٹرز کا احتجاج

انھوں نے کہا کہ عوام کو پتا چلنا چاہیے کہ ہم نے کیا کیا اور بدلے میں کیا ملا ہے، حکومت نے انتظامیہ اور حکومتی معاملات چلانے ہوتے ہیں، ڈاکٹرز کے احتجاج کے باعث عام لوگ متاثر ہو رہے ہیں، جب ہم آئے تھے تو مجموعی طور پر 3639 میڈیکل افسر تھے، کہتے تھے ڈاکٹرز کم ہیں، ہم نے 142 فی صد میڈیکل افسران بڑھائے، ڈسٹرکٹ افسران میں 232 فی صد اضافہ کر دیا، ہیومن ریسورس میں 39 فی صد اضافہ کیا۔

کے پی وزیر اطلاعات نے بتایا کہ ہیلتھ الاؤنس پہلے 10 ہزار تھا ہم نے 1 لاکھ 40 ہزار کر دیا، نرسنگ کا سروس اسٹرکچر نہیں تھا اس کے لیے 5 سال کا فارمولا دیا، لیکن اب بھی احتجاج کیا جا رہا ہے، 80 سال کے بزرگ پر انڈے کیوں پھینکے گئے، کیا یہ ہمارا کلچر ہے؟

انھوں نے مزید کہا کہ دور دراز علاقوں میں ڈاکٹرز نہیں ہیں، ہماری ذمہ داری ہے کہ ان علاقوں میں ڈاکٹرز فراہم کریں، عمران خان کہتے ہیں غریبوں کے لیے کام کروں گا، لیکن غریبوں تک ڈاکٹرز نہیں بھیج سکیں گے تو پھر ہمارا فائدہ کیا ہے، جس ڈاکٹر کا دور درازعلاقوں میں تبادلہ ہوا انھیں جانا ہوگا، بڑی تنخواہیں جو لے رہے ہیں یہ عام آدمی کی جیب سے آتی ہے۔

پشاور: خیبر پختون خوا کے وزیرِ اطلاعات شوکت یوسف زئی نے کہا ہے کہ بی آر ٹی روٹس پر چلنے والی بسوں کے حوالے سے سوشل میڈیا پر غلط پروپیگنڈا ہو رہا ہے۔

تفصیلات کے مطابق کے پی حکومت کے وزیر اطلاعات و تعلقات عامہ نے بس ریپڈ ٹرانزٹ منصوبے کی روٹس پر چلنے والی بسوں کے حوالے سے سوشل میڈیا پر غلط پروپیگنڈے کی تردید کر دی ہے۔

شوکت علی یوسف زئی نے اس حوالے سے کہا کہ زو بسیں (12 میٹر لمبی) ہر لحاظ سے جدید ترین بسیں ہیں، ان بسوں میں دونوں اطراف پر دروازے بنائے گئے ہیں۔

انھوں نے کہا کہ سوشل میڈیا پر بسوں کے حوالے سے غلط اور بے بنیاد خبریں گردش کر رہی ہیں، زو بسیں بی آر ٹی روٹ کے ساتھ ساتھ باڑہ روڈ، کوہاٹ روڈ اور چارسدہ روڈ وغیرہ کے فیڈر روٹس پر چلائی جائیں گی۔

یہ بھی پڑھیں:  بی آر ٹی منصوبہ، جس نے غلطی کی اس کے خلاف ایکشن ہونا چاہیے: پرویز خٹک

وزیر اطلاعات نے کہا کہ فیڈر روٹس پر زیادہ رش ہونے کی وجہ سے بسوں کی بائیں اطراف کے دروازے استعمال ہوں گے کیوں کہ ٹریفک بائیں جانب چلتی ہے۔

صوبائی وزیر کا کہنا تھا کہ بی آر ٹی روٹ پر اسٹیشن پلیٹ فارمز دائیں جانب ہونے کی وجہ سے دائیں جانب کی دروازے استعمال ہوں گے۔

دریں اثنا، آج پشاور فیز تھری چوک کے قریب بی آر ٹی بس کی ٹکر سے ایک خاتون زخمی ہوئیں جنھیں حیات آباد میڈیکل کمپلیکس منتقل کیا گیا، جہاں ترجمان ایچ ایم ایچ کے مطابق خاتون زخموں کی تاب نہ لاتے ہوئے چل بسی۔ ادھر پولیس کا کہنا ہے کہ خاتون کی شناخت تا حال نہیں ہو سکی ہے۔