Tag: وزیر اعظم سیکریٹریٹ

اسلام آباد: مشیر خزانہ نے اقتصادی رابطہ کمیٹی کا اجلاس کل طلب کر لیا، وزیر اعظم سیکریٹریٹ کے لیے اضافی فنڈز کا معاملہ بھی ایجنڈے میں شامل کیا گیا ہے۔

تفصیلات کے مطابق کل اقتصادی رابطہ کمیٹی کا اجلاس طلب کر لیا گیا ہے، اجلاس میں 23 نکاتی ایجنڈے پر غور کیا جائے گا، وزیر اعظم سیکریٹریٹ کی دیکھ بھال پر اضافی فنڈز کا معاملہ ایجنڈے میں شامل ہے۔

سپریم کورٹ اسلام آباد کی عمارت کے لیے بھی اضافی فنڈز پر غور کیا جائے گا، ججوں کی رہایش گاہوں، ریسٹ ہاؤسز کی دیکھ بھال کے اضافی فنڈز پر بھی غور ہوگا۔

کراچی میں گرین لائن بس آپریشنل کرنے کے لیے سیڈ منی کی فراہمی، وزارت اطلاعات کے واجبات کی ادائیگی کے لیے ضمنی گرانٹ ایجنڈے میں شامل ہیں۔

ای سی سی نے ملک میں گندم کی صورت حال پر رپورٹ طلب کر لی، اجلاس میں بحری جہازوں کی درآمد پر سیلز ٹیکس، کسٹمز ڈیوٹی ختم کرنے کی سمری پیش ہوگی، میری ٹائم فلیگ پروٹیکشن سے متعلق فیصلوں پر عمل درآمد کا معاملہ بھی دیکھا جائے گا۔

فاٹا اور ٹی ڈی پیز کے لیے 20 ہزار میٹرک ٹن گندم فراہمی کی سمری پر غور کیا جائے گا، برآمدات بڑھانے کی اسکیموں کے لیے ضمنی گرانٹ کی منظوری دی جائے گی اور دیگر مختلف وزارتوں، ڈویژنز کے لیے ضمنی گرانٹس کی سمریاں بھی پیش کی جائیں گی۔

اسلام آباد: وزیرِ اعظم سیکریٹریٹ کی جانب سے وفاق، پنجاب اور خیبر پختونخوا کی بیوروکریسی سے سہولتوں ، رہائش گاہوں کی تفصیلات طلب کر لی گئیں۔

تفصیلات کے مطابق وزیرِ اعظم پاکستان عمران خان کی ملک کی بیوروکریسی پر خاص نگاہ ہے، وزیرِ اعظم سیکریٹریٹ سے پنجاب اور خیبر پختونخوا کے چیف سیکریٹریز کو تفصیلات کے لیے خطوط ارسال کر دیے گئے۔

وزیرِ اعظم سیکریٹریٹ کی جانب سے سرکاری گیسٹ ہاؤسز، بنگلوز اور سرکٹ ہاؤسز کی تفصیلات بھی طلب کی گئی ہیں، اس سلسلے میں ارسال کیے گئے خطوط کے ساتھ ایک پروفارما بھی بھجوایا گیا ہے۔

صوبوں کے چیف سیکریٹریز کو بھجوایا گیا پروفارما شہر، علاقے، گھر، سالانہ منافع، آمدن اور اخراجات کی تفصیلات پر مشتمل ہے۔

پروفارما سرٹیفکیٹ پر کمشنر، سیکریٹری یا چیف کمشنر کے دستخط کے ساتھ وزیرِ اعظم سیکریٹریٹ بھجوائے جائیں گے۔

مزید پڑھیں:  پنجاب اور سندھ کی بیوروکریسی میں بڑے پیمانے پراکھاڑ بچھاڑ، 30 سے زائد اعلٰی افسر تبدیل

واضح رہے کہ گزشتہ روز پنجاب اور سندھ کی بیوروکریسی میں بڑے پیمانے پر اکھاڑ بچھاڑ کرکے 30 سے زائد اعلیٰ افسر تبدیل کردیے گئے ہیں، وزیرِ اعلیٰ سندھ کے بہنوئی اور سابق وزیرِ اعلیٰ سندھ کے داماد کو بھی عہدوں سے ہٹا دیا گیا۔

وفاقی حکومت کی جانب سے پنجاب اور سندھ میں سنیئر بیوروکریٹس کے بڑے پیمانے پر تقرر و تبادلے ہوئے ہیں، تبدیل ہونے والوں میں سندھ کے با اثر ترین افسران بھی شامل ہیں۔