ARYNews.tv | Urdu – Har Lamha Bakhabar

Tag: وزیر اعظم سے بابر اعوان کی ملاقات

  • وزیر اعظم سے بابر اعوان کی ملاقات، ’فارن فنڈنگ نہیں ممنوعہ فنڈنگ کا الزام ہے‘

    وزیر اعظم سے بابر اعوان کی ملاقات، ’فارن فنڈنگ نہیں ممنوعہ فنڈنگ کا الزام ہے‘

    اسلام آباد: وزیر اعظم عمران خان سے آج بابر اعوان نے خصوصی ملاقات کی، جس میں ملکی تازہ سیاسی صورت حال سمیت آئینی اور قانونی امور پر مشاورت کی گئی۔

    تفصیلات کے مطابق پی ٹی آئی رہنما اور معرورف قانون دان بابر اعوان نے ملاقات میں وزیر اعظم عمران خان کو الیکشن کمیشن میں جاری کیس سے متعلق بریفنگ دی، بابر اعوان نے کہا کہ پی ٹی آئی پر فارن فنڈنگ کا نہیں بلکہ ممنوعہ فنڈنگ کا جھوٹا الزام ہے۔

    بابر اعوان نے کہا کہ پی ٹی آئی کے سارے اکاؤنٹس آڈٹ شدہ ہیں، قانوناً وفاقی حکومت ممنوعہ فنڈنگ کا جائزہ لے سکتی ہے، واویلا کرنے والے بے نامی اکاؤنٹس اور منی لانڈرنگ کا حساب دیں۔

    دریں اثنا، ملاقات میں ملک کی معاشی صورت حال میں بہتری اور تازہ اعداد و شمار پر بھی بات چیت کی گئی، وزیر اعظم نے ورلڈ بینک کی جانب سے بجٹ سپورٹ بحال کرنے کا خیر مقدم کیا، ذرایع کا کہنا ہے کہ وزیر اعظم نے کہا ملک میں معاشی عدم استحکام کی کوششیں ناکام ہو رہی ہیں، عالمی اداروں کا پاکستان پر اعتماد بڑھ رہا ہے، احتساب کا عمل جاری رہا تو اداروں کا اعتماد مزید بحال ہوگا۔

    تازہ ترین:  بجٹری سپورٹ کی منظوری ، عالمی بینک پاکستان کو 50 کروڑ ڈالر دے گا

    وزیر اعظم نے کہا کہ رول آف لا پر سمجھوتا ہوگا نہ کرپٹ مافیا کو رعایت ملے گی۔

    بابر اعوان کا کہنا تھا کہ عالمی اداروں کا پاکستان پر بڑھتا اعتماد خوش آیند ہے، حکومت کی معاشی کامیابیوں کے ثمرات عوام تک جلد پہنچیں گے۔

    واضح رہے کہ آج عالمی بینک نے پاکستان کے لیے بجٹری سپورٹ دوبارہ شروع کرنے کی منظوری دی، آیندہ سال مارچ تک پاکستان کو 50 کروڑ ڈالر دیے جانے کا امکان ہے۔

  • فواد چودھری کی جگہ نہیں لے رہا، بابراعوان نے تردید کردی

    فواد چودھری کی جگہ نہیں لے رہا، بابراعوان نے تردید کردی

    اسلام آباد: ڈاکٹر بابر اعوان نے وزیرِ اعظم عمران خان سے ملاقات کی، سینئر قانون دان نے وفاقی وزیرِ اطلاعات فواد چوہدری کی جگہ لینے کی اطلاع کو غلط قرار دے دیا۔

    تفصیلات کے مطابق سینئر قانون دان بابر اعوان نے اے آر وائی نیوز سے گفتگو کرتے ہوئے کہا ہے کہ وہ وزیرِ اعظم عمران خان سے کل بھی ملے تھے اور آج بھی ملے۔

    ڈاکٹر بابر اعوان نے کہا کہ مجھے فواد چوہدری کی جگہ لانے کی اطلاعات درست نہیں ہیں، وزیر اعظم سے صرف قانونی اور آئینی معاملات پر بات ہوئی۔

    سینئر قانون دان کا کہنا تھا کہ وزیر اعظم سے ملاقات میں عہدے سے متعلق کوئی بات نہیں ہوئی، پہلے بھی حکومت میں تھا اب بھی حکومت میں ہوں، عہدہ اپنی مرضی سے چھوڑا تھا، یہ پلانٹڈ اسٹوری لگتی ہے، اس پر قطعی یقین نہ کیا جائے۔

    یہ بھی پڑھیں:  نندی پور کیس: راجہ پرویزاشرف اوربابراعوان سمیت 7 ملزمان پر فرد جرم عائد

    یاد رہے کہ 11 مارچ کو احتساب عدالت نے نندی پور پاور پراجیکٹ ریفرنس میں سابق وزیر اعظم راجہ پرویز اشرف اور بابر اعوان سمیت 7 ملزمان پر فرد جرم عائد کی تھی، تاہم بابراعوان سمیت تمام ملزمان نے صحت جرم سے انکار کیا۔

    بابر اعوان نے عدالت سے استدعا کی کہ اس کیس کی سماعت روزانہ بنیاد پر کی جائے، سینئر قانون دان کا کہنا تھا کہ انھوں نے سات ماہ تک میڈیا ٹرائل کو برداشت کیا، اب جب حقیقی ٹرائل کا وقت آیا ہے تو نیب کترا رہی ہے۔