Tag: وزیر اعظم عمران خان

سوات: وزیر اعظم عمران خان نے کہا ہے کہ نواز شریف اپنا پیسہ بچانے کے لیے فوج کو آرمی چیف کے خلاف بغاوت پر اُکسا رہے ہیں، اس سے بڑا ملک دشمن کوئی نہیں۔

سوات میں آج بڑے جلسے سے خطاب کرتے ہوئے وزیر اعظم نے کہا کہ نواز شریف فوج کو آرمی چیف کے خلاف بغاوت پر اکسا رہے ہیں، وہ لندن میں بیٹھ کر گیدڑوں کی طرح باتیں کر رہے ہیں۔

انھوں نے کہا نواز شریف کی بیٹی عورت ہونے کا فائدہ اٹھا رہی ہے، فوج کے خلاف ایسے بیان دے رہی ہے اگر کسی اور ملک میں ہوتی تو جیل میں ہوتی، اسی خوف سے نواز شریف کے بیٹے یہاں نہیں آتے۔

وزیر اعظم نے کہا نواز شریف یہاں تھے تو سب سمجھتے تھے بہت بیمار ہیں، لوگوں کو ان پر ترس آتا تھا، عورتیں رونا شروع کر دیتی تھیں، عدالتوں نے بھی رحم کھا کر جانے دیا۔

وزیراعظم عمران خان نے حسن ابدال ریلوے اسٹیشن کا افتتاح کردیا

انھوں نے کہا پاکستان میں اس وقت فیصلہ کن وقت ہے، 30 سال سے لوٹنے والے بڑے ڈاکوؤں کو کوئی نہیں پکڑ سکتا تھا، نوازشریف نے زرداری کو دو بار جیل ڈالا، زرداری نے نواز شریف کے خلاف مقدمات بنائے، آج دونوں اکٹھے ہو کر میرے خلاف بیان دے رہے ہیں۔

وزیر اعظم نے کہا ہم پاکستان کو فلاحی ریاست اور قانون کی بالادستی کی طرف لے جا رہے ہیں، پورے پاکستان کے بڑے بڑے ڈاکو اکٹھے ہوگئے ہیں، میں نے سارے ڈاکوؤں کا نام لیا ہے صرف ڈیزل کا نام نہیں لیا، ڈاکو کہتے ہیں ہم قانون سے اوپر ہیں پیسہ واپس نہیں کریں گے۔

وزیر اعظم نے کہا جس دن میں نے اپنی کرسی بچانے کے لیے ان ڈاکوؤں کو این آر او دیا اس دن میں ملک سے سب سے بڑی غداری کروں گا، مشرف نے شریف اور زرداری کو این آراو دے کر پاکستان کے ساتھ سب سے بڑا ظلم کیا، اس این آراو کی وجہ سے 10 سال میں قرضہ 30 ہزار ارب تک پہنچ گیا۔

قبل ازیں، وزیر اعظم نے سوات میں شہریوں میں صحت سہولت کارڈ تقسیم کیے، وزیر اعظم نے شان دار استقبال پر مینگورہ کے غیور عوام کا شکریہ ادا کیا، انھوں نے کہا موٹر وے، ایکسپریس کی وجہ سے سوات بالکل بدلنے والا ہے، کے پی میں صحت سہولت کارڈ سے شہری 10 لاکھ تک علاج کرا سکے گا۔

اسلام آباد : وزیر اعظم عمران خان نے حضورﷺکی شان اقدس میں گستاخی اور خاکوں کے معاملے پر مسلم ممالک کے سربراہان کو خط لکھ کر اتحاد اور یکجہتی کی درخواست کردی۔

تفصیلات کے مطابق وزیر اعظم عمران خان نے گستاخانہ خاکوں کامعاملہ عالمی سطح پر اٹھا دیا، عمران خان نے خاکوں کے معاملے پر مسلم ممالک کےسربراہان کو خط لکھا ، جس میں اس معاملے پر اتحاد اور یکجہتی کی درخواست کی۔

وزیراعظم نے کہا کہ بڑھتے ہوئے اسلاموفوبیا کی وجہ سےآج ہماری امہ میں تشویش پائی جاتی ہے، مغربی دنیابالخصوص یورپ میں نبی ﷺ کی شان میں گستاخی کی گئی۔

خط میں کہا گیا یورپ میں مساجد بند کرائی جارہی ہیں، مسلمان خواتین کو پسند کے لباس کے حق سےمحروم کیاجارہاہے ، دوسری طرف پادری راھبہ اپنے مذہبی لباس کھلے عام پہنتے ہیں۔

عمران خان کا کہنا تھا کہ میرا ماننا ہےان ممالک کی قیادت ہماری نبیﷺ سےمحبت سمجھنےسےقاصرہیں، یہی وجہ ہے کہ خطرناک عمل اور ردعمل کا سلسلہ جاری ہے۔

وزیراعظم نے کہا کہ نبیﷺ کی شان میں گستاخی مسلمانوں کے ردعمل کو جنم دیتاہے، وقت آگیا ہے مسلم لیڈران نفرت،انتہاپسندی کا ماحول ختم کرنے کیلئے اقدامات کریں، مسلم امہ  متحد ہو کر دنیا کو واضح پیغام دے۔

خط میں کہا گیا کہ مسلم لیڈران مغربی ممالک کے لیڈرز کومعاملے کی نوعیت سمجھانے کیلئے کرداراداکریں ، دنیا مزید نفرت اور انتہا پسندی کی متحمل نہیں ہوسکتی، ہمارا مذہب امن ،برداشت سکھاتا ہےجس کا عملہ مظاہرہ ریاست مدینہ تھا۔

عمران خان نے روز دیا کہا اسلام اور ہمارےنبیﷺکی ناموس پر حملے بند ہونے چاہئیں، مسلمانوں نے بوسنیا،عراق ،افغانستان،مقبوضہ کشمیر میں قتل دیکھا لیکن بات جب ایمان اور نبیﷺ کی حرمت پر آتی ہے تو وہ زیادہ تکلیف پہنچاتی ہے۔