Tag: وزیر اعظم عمران خان

اسلام آباد: وزیر اعظم عمران خان نے آذربائیجان کے صدر اور عوام کو یوم آزادی کی مبارک باد دی۔

تفصیلات کے مطابق وزیر اعظم نے آج ایک ٹویٹ میں آذر بائیجان کے یوم آزادی کے موقع پر آذری عوام اور ان کے صدر کو مبارک باد کا پیغام دیا ہے۔

وزیر اعظم نے ٹویٹ میں آرمینیا کے ساتھ حالیہ تنازع پر لکھا کہ پاکستان نگورنو کاراباخ کا حل یو این قرارداد کے مطابق چاہتا ہے، انھوں نے مزید لکھا کہ اپنی سرزمین کا دفاع کرنے پر ہم آذربائیجان کی فورسز کو خراج تحسین پیش کرتے ہیں۔

واضح رہے کہ آذربائیجان اور آرمینیا ایک نئے موڑ پر آ گئے ہیں، دونوں ممالک کے درمیان جنگ بندی ہوگئی ہے جس کے بعد فریقین نے ایک دوسرے پر حملے روک دیے ہیں۔

I extend warmest felicitations to @presidentaz & fraternal people of #Azerbaijan on their Independence Day. We pay tribute to Azeri forces valiantly defending their territorial integrity.
🇵🇰 stands with 🇦🇿 in its quest to resolve Nagorno-Karabakh issue as per UNSC resolutions

— Imran Khan (@ImranKhanPTI) October 18, 2020

آذربائیجان نے بھی آرمینیا سے جنگ بندی معاہدے کی تصدیق کر دی ہے، آذربائیجان کا کہنا ہے کہ انسانی ہم دردی کی بنیاد پر جنگ بندی معاہدہ کیا گیا ہے۔ خیال رہے کہ فریقین کا تقریباً 3 ہفتوں سے جاری جنگ کے بعد سیز فائر پر اتفاق ہوا ہے۔

نگورنو کاراباخ میں دونوں ممالک میں جھڑپوں میں سیکڑوں ہلاکتیں ہوچکی ہیں۔

کاراباخ تنازع: آذربائیجان اور آرمینیا نئے موڑ پر آگئے

یاد رہے کہ رواں ماہ 11 اکتوبر کو بھی فریقین کے درمیان سیزفائر ہوا تھا، روس کی ثالثی میں فریقین نے جنگ بندی کا اعلان کیا لیکن چند گھنٹے بعد جھڑپیں پھر شروع ہو گئیں، اور دونوں اطراف سے ایک دوسرے پر جنگ بندی معاہدے کی خلاف ورزی کے الزامات عائد کیے گئے۔

اسلام آباد: مہنگائی اور اشیا کی قیمتوں میں کمی سے متعلق حکومتی ایکشن پلان کے لیے وزیر اعظم کی زیر صدارت آج ہونے والا اعلیٰ سطح اجلاس مؤخر کر دیا گیا۔

ذرایع کا کہنا ہے کہ اعلیٰ سطح اجلاس سے قبل ٹائیگرز فورس کی ممکنہ ذمہ داریوں پر بریفنگ لینے کا فیصلہ کیا گیا ہے، وزیر اعظم نے اس سلسلے میں معاون خصوصی عثمان ڈار کو ملاقات کے لیے بلا لیا۔

عثمان ڈار ٹائیگرز فورس کو متحرک کرنے کا وزیر اعظم کو جامع روڈ میپ پیش کریں گے۔

اب مہنگائی میں کمی کے لیے اعلیٰ سطح اجلاس کل شام کو ہوگا، جس کے لیے وزیر اعظم نے صوبائی چیف سیکریٹریز اور معاشی ٹیم کو بھی طلب کر لیا ہے، اجلاس میں مہنگائی اور ذخیرہ اندوزوں کے خلاف ایکشن لینے کی منظوری دی جائے گی۔

یاد رہے کہ وزیر اعظم نے آج سے مہنگائی اور ذخیرہ اندوزی پر ایکشن کا اعلان کرتے ہوئے کہا تھا کہ مہنگائی روکنے کے لیے ریاستی وسائل کا استعمال کیا جائے گا، وزیر اعظم نے صوبائی وزرائے اعلیٰ سے بھی اس سلسلے میں حتمی سفارشات طلب کر لی ہیں۔ صوبوں کی سفارشات کی روشنی میں وفاقی حکومت ایکشن پلان کا اعلان کرے گی۔

دوسری طرف وزیر اعظم عمران خان کی زیر صدارت وفاقی کابینہ کا اجلاس بھی کل ہوگا، وفاقی کابینہ 12 نکاتی ایجنڈے پر غور کرے گی، کابینہ کو اسلام آباد میں تجاوزات ہٹانے سے متعلق بریفنگ دی جائے گی، امپورٹ ایکسپورٹ بینک آف پاکستان ایکٹ 2020 کی منظوری دی جائے گی، کابینہ پی آئی اے بورڈ کے لیے ڈائریکٹرز کی نامزدگی کی منظوری بھی دےگی۔

اجلاس کے ایجنڈے میں یوٹیلٹی اسٹورز کارپوریشن کے بورڈ آف ڈائریکٹرز کی تشکیل نو کی منظوری بھی شامل ہے، سیلاب متاثرہ افریقی ملک نائجر کے لیے امدادی سامان بھیجنے پر غور کیا جائے گا، نیشنل انفارمیشن ٹیکنالوجی بورڈ کے مسائل کے حل کے لیے کمیٹی کا معاملہ بھی ایجنڈے میں شامل کیا گیا ہے۔