Tag: وزیر اعظم عمران خان

پشاور: وزیر اعظم عمران خان نے پشاور کے دورے کے موقع پر حیات آباد میڈیکل کمپلیکس کا دورہ کر کے کرونا کے حوالے سے اقدامات کا جائزہ لیا۔

اے آر وائی نیوز کے مطابق وزیر اعظم عمران خان نے حیات آباد میڈیکل کمپلیکس کا دورہ کیا ہے، وزیر اعظم کو اس موقع پر کرونا کی صورت حال اور روک تھام کے حوالے سے اقدامات پر بریفنگ دی گئی۔

دورے کے موقع پر وفاقی وزیر اسد عمر، وزیر مملکت شہریار آفریدی، ثانیہ نشتر، گورنر خیبر پختون خوا شاہ فرمان، وزیر اعلیٰ محمود خان اور صوبائی وزیر صحت بھی موجود تھے۔

ملک میں کرونا سے اموات 66 ہو گئیں، 4601 افراد متاثر

یاد رہے کہ گزشتہ روز وزیر اعظم عمران خان نے کوئٹہ کا بھی دورہ کیا تھا اور اس دوران وہ بولان میڈیکل کمپلیکس بھی گئے جہاں انھوں نے آئسولیشن وارڈ کا جائزہ لیا، اس موقع پر وزیر اعلیٰ بلوچستان جام کمال، ڈپٹی اسپیکر قاسم سوری، سردار یار محمد رند بھی ان کے ہمراہ تھے، چیف سیکریٹری بلوچستان نے کرونا اقدامات پر تفصیلی بریفنگ دی تھی۔

اس سے قبل ہفتے کو وزیر اعظم نے لاہور میں قائم قرنطینہ سینٹر کا بھی دورہ کیا تھا، انھوں نے اس موقع پر قرنطینہ میں تعینات ڈاکٹرز اور عملے سے بات چیت بھی کی، وزیرا عظم نے ان سے کہا کہ پوری قوم کو آپ کی خدمات پر فخر ہے۔

خیال رہے کہ پاکستان میں کو وِڈ نائنٹین کے مریضوں کی تعداد بڑھ کر 4 ہزار 601 ہو گئی ہے،کمانڈ اینڈ آپریشن سینٹر کے آج جاری اعداد و شمار میں کہا گیا ہے کہ ملک میں وائرس کے باعث اموات کی تعداد بڑھ کر 66 ہو گئی ہے، گزشتہ 24 گھنٹوں کے دوران 284 کیس سامنے آئے جب کہ 4 مزید اموات رپورٹ ہوئیں۔

اسلام آباد: وزیر اعظم عمران خان نے وفاقی وزرا کو خصوصی ہدایت جاری کرتے ہوئے کہا ہے کہ ریلیف آپریشن کی اچھی طرح سے نگرانی کی جائے، مدارس میں یتیم بچوں اور علما کا خصوصی خیال رکھا جائے۔

تفصیلات کے مطابق کرونا وائرس کے پھیلاؤ کے بعد پیدا شدہ صورت حال میں وزیر اعظم عمران خان نے وفاقی وزرا کو خصوصی ہدایات جاری کر دی ہیں، انھوں نے وزرا سے کہا کہ وہ دفاتر کے علاوہ حلقوں میں بھی ریلیف آپریشن کی نگرانی کریں، اور اپنے علاقوں میں کرونا سے متعلق اقدامات پر نظر رکھیں۔

وزیر اعظم نے ہدایت کی ہے کہ وزرا مخیر حضرات کے ساتھ مل کر غریبوں کی مدد کا نظام تشکیل دیں، علاقوں میں غریب طبقے تک راشن کی رسائی ممکن بنائیں، ضلعی اور تحصیل انتظامیہ کے اقدامات کا بھی جائزہ لیتے رہیں۔

پوری قوم اورحکومت ڈاکٹرزاور ہیلتھ ورکرز کیساتھ ہے، وزیراعظم

انھوں نے مدارس میں مقیم یتیم بچوں اور علما کا بھی خصوصی خیال رکھنے کی ہدایت کی، وزیر اعظم کا کہنا تھا کہ ارکان اسمبلی مخیر لوگوں کے ساتھ رابطہ کریں اور غریب طبقے اور ضرورت مندوں کی مدد یقینی بنائیں۔

گزشتہ روز وزیر اعظم عمران خان نے سوشل میڈیا پر کہا تھا کہ پاکستان میں صورت حال اب بھی دنیا کے دوسرے ملکوں کے مقابلے میں بہتر ہے، البتہ مشکل صورت حال سے نمٹنے کے لیے رضاکار فورس تشکیل دی جا رہی ہے، جس کے نوجوان لوگوں کو گھروں میں کھانا اور دیگر اشیائے ضروریہ پہنچائیں گے۔

اسلام آباد: ملک میں کرونا وائرس کے درپیش چیلنج پر وزیر اعظم عمران خان کا قوم کے لیے پیغام ریکارڈ کر لیا گیا ہے، جو آج نشر ہوگا۔

ذرایع کا کہنا ہے کہ وزیر اعظم عمران خان کا قوم کے نام پیغام سرکاری ٹی وی نشر کرے گا، پیغام ریکارڈ ہو چکا ہے، وزیر اعظم کرونا وائرس کی موجودہ صورت حال سے قوم کو آگاہ کریں گے۔

ذرایع کے مطابق وزیر اعظم قوم کو حکومتی اقدامات کے حوالے سے آگاہ کریں گے اور قوم سے احتیاطی تدابیر پر عمل کرنے کی اپیل کریں گے، وزیر اعظم حکومتی سطح پر کیے گئے فیصلوں پر بھی قوم کو اعتماد میں لیں گے۔

صوبے کو لاک ڈاؤن کرنے کے علاوہ اور کوئی راستہ نہیں، وزیر اعلیٰ سندھ

کرونا وائرس کے پھیلاؤ کے خطرے کے پیش نظر سندھ میں لاک ڈاؤن کا فیصلہ کر لیا گیا ہے، وزیر اعلیٰ مراد علی شاہ کہتے ہیں آج شام اہم اعلان کروں گا، لاک ڈاؤن کا اطلاق پورے صوبے میں ہوگا، اداروں کو اگلے دو ماہ کے یوٹیلیٹی بلز دس قسطوں میں لینے کی ہدایت جاری کر دی گئی۔

کرونا وائرس کے پیش نظر پنجاب میں فوج طلب کرنے کا فیصلہ کر لیا گیا ہے، وزیر اعلیٰ عثمان بزدار کہتے ہیں کہ سیکشن 245 کے تحت فوج کی مدد طلب کر رہے ہیں، عوام حکومتی اقدامات پر تعاون کریں اور ایک دوسرے سے فاصلہ رکھیں۔ بلوچستان حکومت نے بھی فوج سے مدد طلب کر لی ہے۔