Tag: وزیر اعظم عمران خان

اسلام آباد: وزیرِ اعظم عمران خان سے سینئر قانون دان بابر اعوان نے ملاقات کی، وزیرِ اعظم آفس میں ہونے والی ملاقات میں آئینی اور قانونی امور پر مشاورت کی گئی۔

تفصیلات کے مطابق وزیرِ اعظم عمران خان سے قانون دان بابر اعوان نے ملاقات کی، وزیرِ اعظم نے سینئر قانون دان کے ساتھ ملک کی سیاسی صورتِ حال اور جوڈیشل ریفارمز پر تفصیلی تبادلۂ خیال کیا۔

[bs-quote quote=”احتساب کے معاملے پر عوام حکومت اور وزیرِ اعظم کے ساتھ ہیں۔” style=”style-7″ align=”left” color=”#dd3333″ author_name=”بابر اعوان” author_job=”سینئر قانون دان”][/bs-quote]

اس موقع پر وزیرِ اعظم عمران خان کا کہنا تھا کہ وہ انتقام کی سیاست پر یقین نہیں رکھتے، نہ انتقامی کاروائیاں کریں گے۔

وزیرِ اعظم عمران خان کا کہنا تھا کہ کسی کو سیاسی نشانہ نہیں بنائیں گے مگر احتساب پر بھی سمجھوتہ نہیں کیا جائے گا۔

سینئر قانون دان بابر اعوان نے کہا کہ ملک کو آگے لے جانے کے لیے بلا تفریق احتساب ضروری ہے، احتساب کے معاملے پر عوام حکومت اور وزیرِ اعظم کے ساتھ ہیں۔

یہ بھی پڑھیں:  آج کے فیصلے سے سچ سامنے آگیا، احتساب کا عمل اب رکنے نہیں دیں گے: وزیر اعظم

واضح رہے کہ وزیرِ اعظم نے ایک ہفتے قبل سابق وزیرِ اعظم نواز شریف کے خلاف العزیزیہ اسٹیل ملز کیس میں احتساب عدالت کے فیصلے پر کہا تھا کہ انھوں نے احتساب کے لیے 22 سال تک جدوجہد کی، اب احتساب کا عمل رکنے نہیں دیا جائے گا اور احتساب کا نظام مضبوط، مؤثر اور شفاف بنایا جائے گا۔

لاہور: گلابی انگریزی کے لیے مشہور اداکارہ میرا نے وزیرِ اعظم عمران خان کو انگریزی زبان میں خراجِ تحسین پیش کرتے ہوئے انھیں ملک کا بڑا رہنما قرار دیا۔

تفصیلات کے مطابق اداکارہ میرا نے ایک بار پھر خود کو شہ سرخیوں میں لانے کے لیے ایک ویڈیو جاری کی ہے، جس میں انھوں نے وزیرِ اعظم عمران خان کو خراجِ تحسین پیش کیا ہے۔

[bs-quote quote=”ملک کو ایسے ہی بڑے رہنما کی ضرورت تھی۔” style=”style-7″ align=”left” color=”#dd3333″ author_name=”میرا” author_job=”اداکارہ”][/bs-quote]

تازہ ویڈیو بیان میں میرا نے کہا ہے کہ انھیں وزیرِ اعظم عمران خان کی کارکردگی پر فخر ہے، انھوں نے ثابت کیا ہے کہ وہ ملک کے بڑے لیڈر ہیں۔

اسکینڈل کوئین میرا کا کہنا تھا کہ ہمارے ملک کو ایسے ہی بڑے رہنما کی ضرورت تھی، صحت کے شعبے میں عمران خان نے جو کام کیا ہے، وہ بلاشبہ قابلِ تعریف ہے۔

میرا نے شوکت خانم کینسر اسپتال کے لیے لوگوں سے اپیل کی کہ وہ اس کے لیے اپنے عطیات دیتے رہیں تاکہ پاکستان میں لوگوں کی جانیں بچانے کا سلسلہ جاری رہے۔

یہ بھی پڑھیں:  اداکارہ میرا نے اپنے وکیل کو بیوقوف بنادیا

خیال رہے کہ ہر وقت اسکینڈل میں گھری رہنے والی اداکارہ میرا نے دو ماہ قبل طلاق کا مقدمہ لڑنے والے اپنے وکیل کو بھی بے وقوف بنا دیا تھا، وکیل کو دیے ان کے 15 لاکھ کے چیک باؤنس ہو گئے تھے۔

#Meera approves #PMImranKhan’s performance pic.twitter.com/i9AMhcOLn4

— Syed Zeeshan (@Syed_M_Zeeshan) December 29, 2018

چیک باؤنس ہونے پر وکیل بلخ شیر کھوسہ نے اداکارہ میرا کو لیگل نوٹس بھجوا دیا، وکیل نے میرا کو میسج کیا تو وہ میرا کی انگریزی کا نشانہ بن گئے، میرا نے اس قانونی نوٹس کے جواب میں انوکھی منطق اپنائی اور جواب میں کہا کہ آپ میرے وکیل ہیں، اپنے بھیجے گئے لیگل نوٹس کا جواب آپ ہی دیں۔

کراچی: وزیرِ اعظم عمران خان نے گرینڈ ڈیموکریٹک الائنس کے رہنما علی گوہر مہر سے ٹیلی فونک رابطہ کر کے صوبے کی صورتِ حال پر تشویش کا اظہار کیا۔

تفصیلات کے مطابق ترجمان پاکستان تحریکِ انصاف سندھ نے کہا ہے کہ وزیرِ اعظم عمران خان نے سردار علی گوہر مہر سے ٹیلی فونک رابطہ کیا ہے۔

[bs-quote quote=”وزیراعظم عمران خان کا سندھ کی صورتِ حال پر تشویش کا اظہار” style=”style-7″ align=”left” color=”#dd3333″][/bs-quote]

وزیرِ اعظم نے جی ڈی اے رہنما کے ساتھ فون پر گفتگو کرتے ہوئے سندھ کی موجودہ سیاسی صورتِ حال پر تشویش کا اظہار کیا۔

ترجمان پی ٹی آئی سندھ کے مطابق سردار علی گوہر مہر نے وزیرِ اعظم کو دورۂ سندھ کی دعوت دی، وزیرِ اعظم نے ان کی دعوت قبول کرتے ہوئے کہا کہ وہ جلد سندھ کا دورہ کریں گے۔

ترجمان نے بتایا کہ وزیرِ اعظم عمران خان اپنے دورے میں سندھ کی اہم سیاسی شخصیات سے ملاقاتیں کریں گے۔

دریں اثنا صوبہ سندھ کی سیاست میں ہل چل پیدا ہو گئی ہے، پاکستان پیپلز پارٹی کے شریک چیئرمین آصف علی زرداری کے خلاف جے آئی ٹی رپورٹ کے بعد صوبے کی سیاسی فضا میں حدت بڑھ گئی ہے، دوسری طرف وزیرِ اعلیٰ سندھ مراد علی شاہ کی تبدیلی کی آوازیں بھی اٹھنے لگی ہیں۔

یہ بھی پڑھیں:  وفاقی وزیر اطلاعات فواد چوہدری جلد سندھ کا دورہ کریں گے

وزیرِ اعظم عمران خان نے وفاقی وزیرِ اطلاعات فواد چوہدری کو خصوصی ٹاسک دے دیا، وزیرِ اطلاعات پیغام لے کر سندھ آئیں گے اور ذوالفقار مرزا، امیر بخش بھٹو سمیت دیگر سیاسی شخصیات سے ملاقاتیں کریں گے۔

پی ٹی آئی کے اپوزیشن لیڈر اور جی ڈی اے ارکان نے بھی سر جوڑ لیے ہیں، خرم شیر زمان کہتے ہیں پیپلز پارٹی کے لوگ خود رابطہ کر رہے ہیں۔

خرم شیر زمان نے کہا کہ پی ٹی آئی کو سندھ میں حکومت کے لیے بیس ووٹوں کی ضرورت ہے، گرینڈ ڈیمو کریٹک الائنس نے بھی مراد علی شاہ کو ہٹانے کا مطالبہ کر دیا ہے۔

اسلام آباد: وزیرِ اعظم عمران خان نے انڈونیشیا کے صدر سے ٹیلی فونک رابطہ کر کے سونامی سے ہونے والی ہلاکتوں پر اظہارِ افسوس کیا ہے۔

تفصیلات کے مطابق وزیرِ اعظم عمران خان نے سونامی سے ہونے والی ہلاکتوں پر اظہارِ افسوس کرتے ہوئے کہا کہ اس مصیبت کو دل سے محسوس کر سکتے ہیں۔

[bs-quote quote=”اللہ نے چاہا تو انڈونیشیا کے عوام ان مشکلات پر قابو پا لیں گے۔” style=”style-7″ align=”left” color=”#dd3333″ author_name=”عمران خان” author_job=”وزیرِ اعظم پاکستان”][/bs-quote]

وزیرِ اعظم نے انڈونیشین صدر جوکو ودودو سے کہا ’انڈونیشیا کے عوام پر آنے والی قدرتی آفت کو دل سے محسوس کر سکتے ہیں۔‘

وزیرِ اعظم عمران خان کا کہنا تھا کہ یہ انڈونیشیا کے عوام کے لیے آزمائش کی گھڑی ہے، اللہ نے چاہا تو انڈونیشیا کے عوام ان مشکلات پر قابو پا لیں گے۔

اس موقع پر وزیرِ اعظم نے دو طرفہ تعلقات کے حوالے سے بھی بات کی، کہا پاکستان اور انڈونیشیا کے درمیان تعلقات تاریخی ہیں۔ انھوں نے انڈونیشیا سے دو طرفہ تعلقات مزید مضبوط بنانے کی خواہش کا بھی اظہار کیا۔

وزیرِ اعظم عمران خان نے کہا باہمی مفاد کے لیے مختلف شعبوں میں تعاون بڑھانے کی ضرورت ہے۔

یہ بھی پڑھیں:  انڈونیشیا میں سونامی سے 281 افراد ہلاک

یاد رہے کہ گزشتہ روز آتش فشاں پھٹنے کے باعث سمندر میں سونامی کی لہریں پیدا ہونے سے انڈونیشیا میں زبردست تباہی پھیلی، صبح کے وقت آبنائے سنڈا کے ساحل سے سونامی کے ٹکرانے سے جزیرۂ کراکاٹوا کو شدید نقصان پہنچا۔

تازہ ترین اطلاعات کے مطابق انڈونیشیا میں تباہ کن سونامی سے ہلاکتوں کی تعداد 281 تک پہنچ گئی ہے جب کہ 1000 سے زائد افراد زخمی ہوئے ہیں۔

اسلام آباد: وزیرِ اعظم عمران خان کو راجہ بشارت آڈیو لیک معاملے کی ابتدائی رپورٹ پیش کر دی گئی، رپورٹ وزیرِ قومی صحت نے پیش کی۔

تفصیلات کے مطابق وزیرِ قانون پنجاب راجہ بشارت آڈیو لیک معاملے پر وزیرِ قومی صحت عامر کیانی نے وزیرِ اعظم عمران خان کو ابتدائی رپورٹ پیش کر دی۔

[bs-quote quote=”وزیرِ صحت عامر کیانی کو پنجاب حکومت سے بھی رابطے میں رہنے کی ہدایت” style=”style-7″ align=”left” color=”#dd3333″][/bs-quote]

رپورٹ کے مطابق وزیرِ صحت عامر کیانی نے وزیرِ قانون پنجاب راجہ بشارت سے بات کی۔

وزیرِ اعظم کی ہدایت پر وفاقی وزیرِ صحت نے بے نظیر اسپتال کے ایم ایس سے بھی بات کی، عامر کیانی نے وزیرِ اعظم کا پیغام ایم ایس ڈاکٹر طارق نیازی کو پہنچا دیا۔

وزیرِ اعظم نے اسپتال کے ایم ایس کو پیغام میں کہا کہ آپ میرٹ پر کام کریں، کوئی پریشان نہیں کرے گا۔

عمران خان نے وزیرِ صحت عامر کیانی سے گفتگو کرتے ہوئے کہا کہ آپ پنجاب حکومت سے بھی رابطے میں رہیں۔ عامر کیانی کا کہنا تھا کہ یہ معاملہ خوش اسلوبی سے حل کیا جا رہا ہے۔

یہ بھی پڑھیں:  وزیرِ قانون پنجاب کی سرکاری اسپتال کے ڈاکٹر کا تبادلہ کرانے کی کوشش

خیال رہے کہ گزشتہ روز وزیرِ قانون پنجاب کی ایم ایس بے نظیر اسپتال سے دھمکی آمیز گفتگو منظرِ عام پر آئی تھی، وزیرِ قانون نے سرکاری اسپتال کے ڈاکٹر کا تبادلہ کرانے کی کوشش کی تھی۔

وزیرِ قانون نے ایم ایس سے مطالبہ کیا کہ حنیف عباسی کی بیٹی کا تبادلہ اسکن ڈیپارٹمنٹ میں کر دیں۔ ایم ایس کے انکار پر راجہ بشارت نے انھیں دھمکیاں دیں۔ بعد ازاں وزیرِ اعظم نے اس معاملے کا نوٹس لے لیا تھا۔