ARYNews.tv | Urdu – Har Lamha Bakhabar

Tag: وزیر اعظم عمران خان

  • دہشت گردی اور منی لانڈرنگ کے خلاف پاک ترک باہمی تعاون کا عزم

    دہشت گردی اور منی لانڈرنگ کے خلاف پاک ترک باہمی تعاون کا عزم

    اسلام آباد: پاکستان اور ترکی نے دہشت گردی اور منی لانڈرنگ کی روک تھام کے سلسلے میں ایک دوسرے سے تعاون کا عزم کر لیا۔

    تفصیلات کے مطابق وزیرِ اعظم عمران خان سے ترک وزیرِ داخلہ سلیمان سوئیلو کی ملاقات میں دونوں ممالک کی طرف سے ایک دوسرے کو دہشت گردی اور منی لانڈرنگ کے سلسلے میں تعاون کی پیش کش کی گئی ہے۔

    [bs-quote quote=”منی لانڈرنگ کی روک تھام کے لیے پاکستان سے تعاون کے لیے تیار ہیں۔” style=”style-7″ align=”left” color=”#dd3333″ author_name=”سلیمان سوئیلو” author_job=”ترک وزیرِ داخلہ”][/bs-quote]

    وزیرِ اعظم عمران خان نے ترکی کو دہشت گردی کے خاتمے کے لیے مشترکہ اقدامات کی پیش کش کرتے ہوئے کہا کہ دہشت گردی ایک ملک نہیں پورے خطے کی سلامتی کے لیے خطرہ ہے۔

    وزیرِ اعظم نے ترک حکام کو منی لانڈرنگ کی روک تھام کے لیے اقدامات پر بریفنگ دیتے ہوئے کہا کہ غیر قانونی امیگریشن اور منی لانڈرنگ کے خلاف ہنگامی بنیادوں پر کام جاری ہے۔

    ترک وزیرِ داخلہ سلیمان سوئیلو نے کہا کہ ہم منی لانڈرنگ کی روک تھام کے لیے پاکستان سے تعاون کے لیے تیار ہیں۔ دریں اثنا دونوں ممالک کا غیر قانونی امیگریشن کے خاتمے کے لیے مضبوط میکنزم بنانے پر بھی اتفاق کیا گیا۔

    یہ بھی پڑھیں:   ترک وزیرداخلہ کی وزیراعظم عمران خان کو دورہ ترکی کی دعوت

    ملاقات میں ترکی کی طرف سے دہشت گردی کے خلاف جنگ میں پاکستان کی قربانیوں کا اعتراف کیا گیا، وزیرِ داخلہ نے کہا کہ پاکستان نے دہشت گردی کے خلاف جنگ میں بے پناہ قربانیاں دیں۔

    وزیرِ اعظم عمران خان نے کہا ترکی کے لیے پاکستانی عوام کے دلوں میں بے پناہ محبت ہے، عوام مصطفیٰ کمال اتاترک کی ترکی کے لیے خدمات کو جانتے ہیں، موجودہ ترک قیادت نے ملکی ترقی کے لیے انتہائی اہم اقدامات کیے۔

  • وزیرِ اعظم کی عوام سے مسائل کے حل کے لیے سٹیزن پورٹل کے استعمال کی اپیل

    وزیرِ اعظم کی عوام سے مسائل کے حل کے لیے سٹیزن پورٹل کے استعمال کی اپیل

    اسلام آباد: وزیرِ اعظم عمران خان نے سماجی رابطوں کی ویب سائٹ ٹویٹر پر عوام سے ان کے مسائل کے حل کے لیے سٹیزن پورٹل کے استعمال کی اپیل کر دی۔

    تفصیلات کے مطابق حکومت کی جانب سے 28 اکتوبر کو قائم کیے گئے ’وزیرِ اعظم شکایات سیل‘ کے استعمال کے لیے وزیرِ اعظم نے ٹویٹر پر عوام سے اپیل کی ہے۔

    [bs-quote quote=”میں چاہتا ہوں کہ عوام یہ پورٹل استعمال کریں تا کہ ہماری حکومت مزید بہتر انداز میں عوام کی خدمت کا فریضہ سر انجام دے سکے۔” style=”style-7″ align=”left” color=”#dd3333″ author_name=”وزیرِ اعظم پاکستان”][/bs-quote]

    وزیرِ اعظم نے سٹیزن پورٹل کے لیے بنائی گئی ایپ کا لنک ٹویٹر پر شیئر کر دیا، انھوں نے کہا کہ عوام شکایت کے فوری ازالے کے لیے سٹیزن پورٹل استعمال کریں۔

    انھوں نے لنک شیئر کرتے ہوئے لکھا ’میں چاہتا ہوں کہ عوام یہ پورٹل استعمال کریں تا کہ ہماری حکومت مزید بہتر انداز میں عوام کی خدمت کا فریضہ سر انجام دے سکے۔‘

    قبل ازیں ایک اور ٹویٹ میں وزیرِ اعظم عمران خان نے لکھا کہ گزشتہ 47 دنوں میں ایک لاکھ 72 ہزار شکایات موصول ہوئی ہیں، جن میں سے 59 ہزار شکایات کا ازالہ کیا جا چکا ہے۔

    وزیرِ اعظم عمران خان کا کہنا تھا کہ 29 ہزار لوگوں نے فیڈ بیک دیا ہے جن میں سے 57 فی صد افراد مطمئن ہیں، شکایات کے حل کے لیے کام کیا جا رہا ہے، عوام زیادہ سے زیادہ ایپ کا استعمال کریں تا کہ مسائل فوری حل ہوں۔

    یہ بھی پڑھیں:  سٹیزن پورٹل، حکومت کو 1 لاکھ سے زائد شکایات موصول، 16 ہزار کا ازالہ کردیا گیا

    واضح ہے کہ 22 نومبر کو وزیرِ اعظم کے معاونِ خصوصی افتخار درّانی نے کہا تھا کہ 24 دنوں میں ایپ کے ذریعے ایک لاکھ 10 ہزار سے زائد عوامی شکایات موصول ہوئیں جن میں سے 84 ہزار سے زائد درخواستوں پر کام جاری ہے جب کہ 16 ہزار سے زائد کو حل کر دیا گیا ہے۔

    اُن کا کہنا تھا کہ عوام نے چوبیس دنوں کے دوران وزیرِ اعظم آفس ایپ کو 4 لاکھ 54 ہزار بار ڈاؤن لوڈ کیا جس کے ذریعے وہ مسلسل اپنی شکایات درج کروا رہے ہیں، اب تک 54 فی صد مردوں جب کہ 6 فی صد خواتین نے ایپ ڈاؤن لوڈ کی۔

  • معصوم جانوں نے لہو کا نذرانہ دے کر قوم کو دشمن کے خلاف متحد کیا: وزیر اعظم

    معصوم جانوں نے لہو کا نذرانہ دے کر قوم کو دشمن کے خلاف متحد کیا: وزیر اعظم

    اسلام آباد: وزیر اعظم عمران خان کا کہنا ہے کہ دہشت گردوں نے انسانیت اور مذہب کے تقاضوں کو بالائے طاق رکھا اور بچوں کو نشانہ بنایا، معصوم جانوں نے لہو کا نذرانہ دے کر قوم کو سفاک دشمن کے خلاف متحد کیا۔

    تفصیلات کے مطابق وزیر اعظم عمران خان نے سانحہ آرمی پبلک اسکول کے شہدا کی چوتھی برسی پر اپنے پیغام میں کہا کہ 16 دسمبر ہمیں ایک سیاہ دن کی یاد دلاتا ہے، معصوم جانوں نے لہو کا نذرانہ دے کر قوم کو سفاک دشمن کے خلاف متحد کیا۔

    وزیر اعظم کا کہنا تھا کہ دہشت گردوں نے انسانیت اور مذہب کے تقاضوں کو بالائے طاق رکھا اور بچوں کو نشانہ بنایا، قوم کی حمایت سے افواج پاکستان نے دہشت گردوں کے خلاف فیصلہ کن معرکہ سر انجام دیا۔

    انہوں نے کہا کہ پوری قوم شہدا کے والدین کے دکھ میں برابر کی شریک ہے، آج کے دن شہیدوں کو خراج عقیدت پیش کرتا ہوں۔

    وزیر اعظم عمران خان کا کہنا تھا کہ دہشت گردی کے خلاف جنگ میں جو قیمت ادا کی اس کا تخمینہ نہیں لگایا جاسکتا۔ بچوں کی شہادت کے دلخراش واقعے نے پوری قوم کو کرب و غم میں مبتلا کیا۔

    انہوں نے مزید کہا کہ سانحہ اے پی ایس میں بچھڑنے والوں کی یاد ہمیشہ ساتھ رہے گی، شہدا کے غمزدہ والدین سے دلی ہمدردی کا اظہار کرتا ہوں۔ بحیثیت قوم ملکی، علاقائی اور عالمی امن کے لیے پرعزم ہیں۔

    وزیر اعظم نے کہا کہ انتہا پسندی اور دہشت گردی کو کسی صورت برداشت نہیں کیا جائے گا۔ تعلیم سے انتہا پسندی اور دہشت گردی کا مکمل خاتمہ کیا جا سکتا ہے، پاکستان کو فرقہ واریت، لسانیت اور رنگ و نسل سے پاک ملک بنائیں گے۔

    خیال رہے کہ آج ملک بھر میں سانحہ آرمی پبلک اسکول کے شہدا کی چوتھی برسی منائی جارہی ہے۔ 4 سال قبل آج ہی کے روز سفاک دہشت گردوں نے پشاور کے آرمی پبلک اسکول پر بزدلانہ حملہ کیا اور 147 طلبا و اساتذہ کو موت کے گھاٹ اتار دیا۔

    بدترین دہشت گردانہ کارروائی کے بعد پاکستان کی سیاسی و عسکری قیادت نے مل کر نیشنل ایکشن پلان کا آغاز کیا اور پہلے سے زیادہ قوت سے شدت پسندوں کے خلاف کارروائیاں شروع کردی گئیں جس نے دہشت گردوں کی کمر توڑ کر رکھ دی۔

  • دشمن کی بزدلانہ کاروائیاں جوانوں کے حوصلے متاثر نہیں کر سکتیں،وزیراعظم عمران خان

    دشمن کی بزدلانہ کاروائیاں جوانوں کے حوصلے متاثر نہیں کر سکتیں،وزیراعظم عمران خان

    اسلام آباد : وزیر اعظم عمران خان نے کیچ میں سیکیورٹی فورسزکے قافلے پر حملے کی مذمت کرتے ہوئے کہا دشمن کی بزدلانہ کاروائیاں جوانوں کے حوصلے متاثر نہیں کر سکتیں، دہشت گرد عناصر کا آخری حد تک پیچھا کریں گے۔

    تفصیلات کے مطابق وزیر اعظم عمران خان نے بلوچستان کے ضلع کیچ میں سیکیورٹی فورسزکے قافلے پر حملے کی مذمت کرتے ہوئے شہید اہلکاروں کے درجات کی بلندی کی دعا اور غمزدہ خاندانوں سے اظہار ہمدردی کیا جبکہ زخمی اہلکاروں کی جلد صحت یابی کی بھی دعا کی۔

    وزیراعظم عمران خان نے اپنے پیغام میں کہا دشمن کی بزدلانہ کاروائیاں جوانوں کے حوصلے متاثر نہیں کر سکتیں، دہشت گرد عناصر کا آخری حد تک پیچھا کریں گے۔

    یاد رہے گذشتہ روز سیکیورٹی فورسز نے تربت میں خفیہ اطلاع پر آپریشن کیا تو دہشت گردوں نے چھپ کر وار کیا اور بلیدہ میں بارودی سرنگ بچھا دی، سیکیورٹی فورسز کی کارروائی کے دوران گاڑی دہشت گردوں کی نصب کردہ بارودی سرنگ سے ٹکراگئی۔

    مزید پڑھیں :  سیکیورٹی فورسز کا آپریشن، چار دہشت گرد ہلاک، چھ اہل کار شہید

    آئی ایس پی آر کے مطابق زوردار دھماکے میں چھ اہلکاروں نے جام شہادت نوش کیا جبکہ بعض ساتھی زخمی ہوئے ، سیکیورٹی فورسز کی جوابی کارروائی میں چار دہشت گرد بھی مارے گئے تھے۔

    شہدا میں کرک کے رہائشی نائب صوبیدارگل شہادت ، سپاہی انور ، لکی مروت کے نائیک لعل خان، لودھراں کےنائیک ساجد، تونسہ شریف کےسپاہی محمدنواز اور سیالکوٹ کےسپاہی سجاد شامل تھے۔

    دہشت گردوں کے ساتھیوں کی تلاش جاری ہے جبکہ زخمی اہلکاروں کو بلیدہ میں ابتدائی طبی امداد کے بعد علاج کے لیے تربت منتقل کردیا گیا۔

  • قبائلی عوام کو صحت، تعلیم اور دیگر سہولتیں فراہم کی جائیں گی، عمران خان

    قبائلی عوام کو صحت، تعلیم اور دیگر سہولتیں فراہم کی جائیں گی، عمران خان

    پشاور : وزیر اعظم عمران خان نے کہا ہے کہ قبائلی عوام کو صحت، تعلیم اور دیگر سہولتیں فراہم کی جائیں گی، قبائلی ضلع کی عمل درآمد کمیٹی بنانے کی ہدایت کردی گئی۔

    تفصیلات کے مطابق اسلام آباد میں وزیر اعظم عمران خان کی زیرصدارت فاٹا انضمام سے متعلق اجلاس ہوا، اجلاس میں گورنرخیبر پختونخوا شاہ فرمان، وزیر اعلیٰ محمود خان اور دیگر صوبائی وزراء نے شرکت کی۔

    اس موقع پر وزیرخزانہ کے پی تیمور سلیم جھگڑا، وزیر اعظم کے مشیرشہزاد ارباب، معاون خصوصی نعیم الحق، افتخار دررانی، چیف سیکریٹری، آئی جی کے پی بھی موجود تھے۔ اجلاس میں وزیراعظم کو فاٹا انضمام کے حوالے سے ہونے والی پیش رفت پر بریفنگ دی گئی.

    وزیر اعظم عمران خان نے اجلاس سےخطاب کرتے ہوئے کہا کہ قبائلی عوام کو صحت، تعلیم اور دیگر سہولتیں فراہم کی جائیں گی، انہوں نے کے پی کے گورنر اور وزیراعلیٰ کی سربراہی میں ہرقبائلی ضلع کی عمل درآمد کمیٹی بنانے کی ہدایت دیتے ہوئے کہا کہ کمیٹی میں وزراء اور ضلع سے تعلق رکھنے والے سینیٹرز بھی شامل کئے جائیں گے۔

    واضح رہے کہ اس سے قبل وزیر اعظم عمران خان نے کے پی کی سو روزہ کارکردگی کی تقریب سے خطاب کرتے ہوئے کہا کہ قبائلی علاقے کا خیبر پختونخوا میں انضمام کوئی آسان کام نہیں، فاٹا کےعلاقوں میں ترقیاتی کاموں کے لئے ایمرجنسی لگا رہے ہیں، فاٹا میں عوام کو سب سے پہلے ہیلتھ کارڈ دیں گے، فاٹا کا خیبرپختونخوا میں ضم ہونا ایک طویل عمل ہے۔

  • خیبر پختونخواہ حکومت نے 5سال کے لیے ترقیاتی منصوبہ بندی مکمل کرلی

    خیبر پختونخواہ حکومت نے 5سال کے لیے ترقیاتی منصوبہ بندی مکمل کرلی

    پشاور : خیبر پختونخواہ حکومت نے 5سال کےلیےترقیاتی منصوبہ بندی مکمل کرلی ہے، جس میں مستحق خاندانوں کوصحت انصاف کارڈکی فراہمی، 3ماہ میں 100فلٹریشن پلانٹ کی تنصیب اور حکومتی ریسٹ ہاؤس عوامی استعمال کیلئے کھولنا شامل ہیں۔

    تفصیلات کے مطابق خیبر پختونخواہ حکومت نے 5سال کےلیےترقیاتی منصوبہ بندی مکمل کرلی ہے، تمام منصوبےوزیر اعظم عمران خان کوپیش کیےجائیں گے۔

    خیبر پختونخواہ حکومت کی جانب سے دیہی علاقوں کےلئےایمبولنس سروس متعارف کرائی جائے گی ، مستحق خاندانوں کوصحت انصاف کارڈکی فراہمی یقینی بنانا جائے گا جبکہ ایک سال کے اندر 24گھنٹےفعال ثانوی مرکز صحت قائم کئے جائیں گے۔

    منصوبوں میں صحت کے شعبے میں 4 ہزارایل ایچ ڈبلیوز کی بھرتیاں اور لائیواسٹاک کی5500ایکڑبنجرزمین کوقابل کاشت بنایاشامل ہیں۔

    کےپی حکومت محکمہ پولیس میں خواتین افسران کی تعداد4گنا بڑھائےگی اور مزید13ماڈل پولیس اسٹیشنوں کی تعمیرکویقینی بنایاجائے گا جبکہ 30ہزار خواتین کو ہنر، تربیت دے کر ان کو بااختیار بنائیں گے۔

    بچھڑوں کی پیداوار بڑھانے، نشونما کے لئے فارمزبنانا ، بچھڑوں کی پیداوارایک لاکھ تک پہنچانا اور مویشیوں کی افزائش نسل کیلئے3ہزار زمینداروں کوٹیکنالوجی کی فراہمی منصوبوں کا حصہ ہیں۔

    کےپی حکومت رواں سال پولیس اسٹیشنوں پر مبنی بجٹ ترتیب دےگی، معلومات وابلاغ عامہ کی تکنیک پرمبنی مارکیٹ جانچنےکانظام متعارف کرایاجائے گا جبکہ زمینداروں کے منافع میں 15سے 20فیصداضافہ ہوگا۔

    کےپی حکومت 3ماہ میں 100فلٹریشن پلانٹ نصب کرےگی ، تشددکی روک تھام کیلئےریجنل وائلنس اگینسٹ ویمن سینٹرقائم کیاجائے گا اور سیاحت کےفروغ کیلئے حکومتی ریسٹ ہاؤس عوامی استعمال کیلئے کھولے جائیں گے ، 3 ہائکنگ ٹریلز کاقیام اورآف روڈسیاحت کوفروغ دیاجائےگا۔

    مزید پڑھیں : وزیر اعظم عمران خان آج ایک روزہ دورے پر پشاور جائیں گے

    آئندہ 3سال میں پشاور میں 3میگاپارکس کاقیام عمل میں لایاجائےگا اور صلاحیتوں کےحامل نوجوانوں کیلئےحیات آبادکرکٹ اکیڈمی بنائی جائے گی۔

    خیبر پختونخواہ حکومت کی جانب سے 8000اسکولوں،187 بنیادی مراکزصحت ، سول سیکرٹریٹ اور4 ہزار 440مساجد کو بھی شمسی توانائی پر منتقل کیا جائے گا جبکہ 2023 تک سرکاری شعبے میں930 اور نجی شعبے میں2750میگاواٹ بجلی پیدا کی جائے گی۔

    کےپی حکومت کے منصوبوں میں 4 ہزاریوتھ کونسلر،4ہزارخواتین کوولیج کونسل لیول پربااختیاربنانا اور عوامی احتساب،خدمات کے لئے سیاسی پارٹیوں سے 120 میئر کا انتخاب شامل ہیں۔

    خیال رہے وزیراعظم عمران خان آج پشاور کا دورہ کریں گے اور گورنر ہاوس میں صوبائی کابینہ کے خصوصی اجلاس میں شریک ہوں گے اور خیبر پختونخوا حکومت کی کارکردگی اور ترقیاتی سکیموں کا جائزہ لیں گے

    صوبائی حکومت کی جانب سے سو روزہ پلان سے متعلق تفصیلی بریفنگ وزیراعظم کو دی جائے گی جبکہ عمران خان صوبائی حکومت کو نئے اہداف بھی دیں۔

  • وزیر اعظم عمران خان آج پشاور میں شیلٹر ہوم کا افتتاح کریں گے

    وزیر اعظم عمران خان آج پشاور میں شیلٹر ہوم کا افتتاح کریں گے

    پشاور : وزیر اعظم عمران خان آج ایک روزہ دورے پر پشاور جائیں گے، جہاں وہ لاوارث ،بے گھر اور غریبوں کے لئے شیلٹر ہوم کا افتتاح کریں گے اورصوبائی کابینہ کے خصوصی اجلاس میں شریک ہوں گے۔

    تفصیلات کے مطابق وزیراعظم عمران خان آج پشاور کا دورہ کریں گے، عمران خان گورنر ہاوس میں صوبائی کابینہ کے خصوصی اجلاس میں شریک ہوں گے اور خیبر پختونخوا حکومت کی کارکردگی اور ترقیاتی سکیموں کا جائزہ لیں گے ، اجلاس میں گورنر اوروزیراعلیٰ کےپی بھی شرکت کریں گے۔

    صوبائی حکومت کی جانب سے سو روزہ پلان سے متعلق تفصیلی بریفنگ وزیراعظم کو دی جائے گی جبکہ عمران خان صوبائی حکومت کو نئے اہداف بھی دیں۔

    وزیراعظم عمران خان وزیر اعلیٰ محمود خان اور گورنر خیبر پختونخوا سے ملاقاتیں بھی کریں گے۔

    دورے کے دوران وزیراعظم لاوارث ،بے گھر اور غریبوں کے شیلٹر ہوم کا افتتاح کریں گے جبکہ نشترہال میں تقریب میں بھی شرکت کریں گے۔

    خیال  رہے وزیراعظم عمران خان کی ہدایت پر خیبرپختونخوا حکومت کی جانب سے شیلٹرہومز کے لیے تیاریاں مکمل کرلیں گئیں ہیں، سرکاری حکام کا کہنا ہے کہ پجگی روڈ پر اعلیٰ معیار کا شیلٹرہوم کا منصوبہ مکمل ہے ، 150 سے 200 مسافر رات گزار سکیں گے۔

    مزید پڑھیں : وزیر اعظم کا منی لانڈرنگ کے خلاف پوری طاقت سے کارروائی کا اعلان

    حکام کے مطابق بس اڈوں کےقریب بھی شیلٹرہوم قائم کیےجارہےہیں جبکہ چارسدہ،کوہاٹ ،حاجی کیمپ اڈوں میں بھی شیلٹرہوم تعمیرہوں گے۔

    یاد رہے گذشتہ روزپاکستان اکنامک فورم سے خطاب کرتے وزیراعظم کا کہنا تھا کہ  پیسہ بناناگناہ نہیں،ٹیکس چوری گناہ ہے،پیسہ نہ بنایا توغربت ختم نہیں  ہوگی،ہاتھ پھیلائیں گےتوملک آزاد نہیں رہ سکتا،ڈالرملک سےاسمگل ہورہا ہے،منی لانڈرنگ کواسمگلنگ کی طرح دیکھیں گے۔

  • اے آر وائی نیوز کی خبر پر وزیرِ اعظم کا ایکشن: ڈی جی اینٹی کرپشن پنجاب عہدے پر دوبارہ تعینات

    اے آر وائی نیوز کی خبر پر وزیرِ اعظم کا ایکشن: ڈی جی اینٹی کرپشن پنجاب عہدے پر دوبارہ تعینات

    لاہور: اے آر وائی نیوز کی خبر پر وزیرِ اعظم عمران خان نے ایکشن لے لیا، ڈی جی اینٹی کرپشن پنجاب حسین اصغر کو ان کے عہدے پر دوبارہ تعینات کر دیا گیا۔

    تفصیلات کے مطابق حسین اصغر کی ڈی جی اینٹی کرپشن کے عہدے پر دوبارہ تعیناتی کا نوٹی فکیشن جاری کر دیا گیا ہے، اے آر وائی نیوز کی خبر پر وزیرِ اعظم کے ایکشن کے بعد سیاسی دباؤ پر کیا گیا فیصلہ واپس لے لیا گیا۔

    [bs-quote quote=”وزیرِ اعظم نے اینٹی کرپشن پنجاب کے لیے حسین اصغر کا چناؤ خود کیا تھا۔” style=”style-7″ align=”left” color=”#dd3333″][/bs-quote]

    ڈی جی اینٹی کرپشن پنجاب حسین اصغر کو ترقی کے نام پر سائیڈ لائن کر دیا گیا تھا، اے آر وائی نے اچانک تبادلے کی خبر نشر کی تھی۔

    وزیرِ اعظم عمران خان کی ہدایت پر حسین اصغر دوبارہ ڈی جی اینٹی کرپشن پنجاب تعینات ہو گئے، وزیرِ اعظم نے اینٹی کرپشن پنجاب کے لیے حسین اصغر کا چناؤ خود کیا تھا۔

    خیال رہے کہ حسین اصغر کے لیے ڈی جی اینٹی کرپشن کی سیٹ کو 22 گریڈ پر اپ گریڈ کیا گیا تھا۔

    یہ بھی پڑھیں:  وزیراعظم نے گریڈ22 میں ترقی پانے والے افسران کے ناموں کی منظوری دے دی

    19 نومبر کو وزیرِ اعظم عمران خان نے گریڈ 22 میں ترقی پانے والے افسران کے ناموں کی منظوری دی تھی، ان بیوروکریٹس کی ترقی میں قانونی تقاضے اور میرٹ کو ملحوظ خاطر رکھا گیا تھا۔

    ترقی پانے والے افسران میں پولیس گروپ کے 2 افسران کو بھی ہائی پاور بورڈ نے ترقی دی، ان میں حسین اصغر اور نعیم خان شامل تھے۔

    واضح رہے کہ وزیرِ اعظم قومی اداروں میں قابل افسران تعینات کر کے بہتری کے خواہش مند ہیں، ان کا عزم ہے کہ وزارتوں اور خود مختار اداروں میں میرٹ کی بنیاد پر تعیناتیاں کی جائیں گی۔

  • وزیر اعظم عمران خان نے گیس کے بحران کا نوٹس لے لیا، 3 دن میں رپورٹ طلب

    وزیر اعظم عمران خان نے گیس کے بحران کا نوٹس لے لیا، 3 دن میں رپورٹ طلب

    اسلام آباد : وزیر اعظم عمران خان نے ملک میں گیس کے  بحران کا سختی سے نوٹس لیتے ہوئے نااہلی کا مظاہرہ کرنے والوں کے خلاف کارروائی کا حکم دے دیا،72گھنٹے میں رپورٹ طلب کرلی۔

    تفصیلات کے مطابق اسلام آباد میں وزیراعظم کی زیر صدارت ملک میں گیس بحران سے متعلق اجلاس ہوا، وزیر پٹرولیم کی جانب سے گیس کےحالیہ بحران پرتفصیلی بریفنگ دی گئی۔

    بریفنگ میں بتایا گیا کہ حالیہ گیس بحران کی ذمہ داری ایس این جی پی ایل، ایس ایس جی سی پرعائد ہوتی ہے، وزیراعظم نے کمپریسرز سے متعلق معلومات پوشیدہ رکھنے پر سخت برہمی کا اظہار کیا اور واقعے کا سخت نوٹس لیتے ہوئے ایس این جی پی ایل، ایس ایس جی سی میں نااہلی کا مظاہرہ کرنے والوں کیخلاف کارروائی کا حکم دے دیا۔

    وزیراعظم نے وزیرپٹرولیم کو دونوں اداروں کے مینجنگ ڈائریکٹرزکے خلاف فوری انکوائری کر کے72گھنٹےمیں مکمل رپورٹ پیش کرنے کی ہدایت کردی۔

    اس کے علاوہ وزیر اعظم نے صارفین کی سہولت کے لئے گیس کی طلب اور رسد کیلئےمنصوبہ بندی مربوط بنانے کی ہدایت بھی دی۔ ان کا مزید کہنا تھا کہ مربوط منصوبہ بندی کریں تاکہ عوام کو آئندہ ایسی صورت حال کا سامنا نہ کرنا پڑے۔

    گیس بحران کی تحقیقات، وزیراعظم نے چار رکنی کمیٹی تشکیل دے دی

    تازہ ترین اطلاعات کے مطابق وزیراعظم عمران خان نے گیس بحران کی تحقیقات کیلئے چار رکنی کمیٹی تشکیل دے دی ہے، مذکورہ کمیٹی سوئی ناردرن اور سوئی سدرن کے ایم ڈیز کے خلاف تحقیقات کرے گی۔

    چیئر پرسن اوگرا عظمیٰ عادل تحقیقاتی کمیٹی کی چیئر پرسن مقرر کی گئی ہیں، وزیراعظم کی ہدایت پر پٹرولیم ڈویژن نے تحقیقاتی کمیٹی کا نوٹیفکیشن جاری کر دیا۔

    قاضی سلیم صدیقی، شاہد یوسف اور عمران احمد کمیٹی ممبران ہوں گے، کمیٹی 72گھنٹے میں اپنی رپورٹ وزیراعظم کو پیش کرے گی، کمیٹی کو تحقیقات کے دوران ماہرین کو بلانے کا اختیار بھی دے دیا گیا ہے۔

    مزید پڑھیں: کراچی میں گیس کا بحران مصنوعی نکلا

    واضح رہے کہ کراچی میں گزشتہ تین روز سے جاری گیس کا بحران مبینہ طور پر مصنوعی نکلا، سندھ کی گیس پنجاب کو فراہم کرنے کا انکشاف ہوا ہے، پی پی ایل کے ذرائع نے انکشاف کیا ہے کہ گمبٹ گیس فیلڈ میں کوئی خرابی نہیں ہے بلکہ گیس بحران کی اصل وجہ آر ایل این جی ٹرمینل میں خرابی ہے۔

    ذرائع نے یہ بھی بتایا ہے کہ ٹرمینل ایف ایس آریومیں کام جاری ہےجس سےگیس فراہمی رکی اور ایس ایس جی سی گیس پنجاب کو فراہم کررہی ہے۔ گیس دوسرےصوبےکوفراہم کرنےکی وجہ سےکراچی میں مصنوعی بحران پیدا ہوا ہے ۔ یہ بھی بتایا جارہا ہے کہ گمبٹ اور کنر پساکھی فیلڈ سو فیصد پیداوار کررہی ہیں۔

  • وزیر اعظم عمران خان آئندہ ماہ ایک روزہ دورے پر پشاورجائیں گے

    وزیر اعظم عمران خان آئندہ ماہ ایک روزہ دورے پر پشاورجائیں گے

    اسلام آباد : وزیر اعظم عمران خان آئندہ ماہ ایک روزہ دورے پر پشاورجائیں گے، جہاں وہ حکومتی کارکردگی کاجائزہ، عوامی منصوبوں پربریفنگ لیں گے اور غربا کے لئے430 بیڈ پر مشتمل شیلٹر ہوم کا افتتاح کریں گے۔

    تفصیلات کے مطابق وزیر اعظم عمران خان نے پختونخواحکومت کی کارکردگی کا بھی جائزہ لینے کا فیصلہ کیا ہے ، وزیراعظم آئندہ ماہ ایک روزہ دورے پر پشاورجائیں گے، جہاں وہ حکومتی کارکردگی کاجائزہ اور عوامی منصوبوں پربریفنگ لیں گے۔

    دورے کے دوران وزیراعظم غرباکے لئے 430 بیڈ پر مشتمل شیلٹرہوم کا افتتاح کریں گے اور وزیراعلیٰ کےپی محمودخان سےون آن ون ملاقات کریں گے۔

    وزیراعظم عمران خان صوبائی کابینہ کےاجلاس میں بھی شریک ہوں گے، اجلاس میں وزیراعظم وزرا سے انفرادی کارکردگی سےمتعلق دریافت کریں گے اور صوبائی حکومت کونئےاہداف بھی دیں گے۔

    مزید پڑھیں : خیبرپختونخوا میں شیلٹرہومز کے لیے تیاریاں مکمل، وزیراعظم عمران خان افتتاح کریں گے

    صوبائی کابینہ اجلاس میں وزیر اعظم کو صوبے کی ترقیاتی اسکیموں پربریفنگ دی جائےگی۔

    یاد رہے وزیراعظم عمران خان کی ہدایت پر خیبرپختونخوا حکومت کی جانب سے شیلٹرہومز کے لیے تیاریاں مکمل کرلیں گئیں ہیں، سرکاری حکام کا کہنا ہے کہ پجگی روڈ پر اعلیٰ معیار کا شیلٹرہوم کا منصوبہ مکمل ہے ، 150 سے 200 مسافر رات گزار سکیں گے۔

    حکام کے مطابق بس اڈوں کےقریب بھی شیلٹرہوم قائم کیےجارہےہیں جبکہ چارسدہ،کوہاٹ ،حاجی کیمپ اڈوں میں بھی شیلٹرہوم تعمیرہوں گے۔