Tag: وزیر اعظم عمران خان

اسلام آباد: قومی اقتصادی کونسل کا اجلاس 29 مئی کو طلب کر لیا گیا ہے، وزیر اعظم قومی اقتصادی کونسل کے اجلاس کی صدارت کریں گے۔

تفصیلات کے مطابق قومی اقتصادی کونسل اجلاس میں آئندہ مالی سال کے مجوزہ بجٹ کی منظوری دی جائے گی، اجلاس میں اے پی سی سی کی سفارشات بھی منظوری کے لیے پیش کی جائیں گی۔

قومی اقتصادی کونسل اجلاس میں رواں سال اور آئندہ سال کے سالانہ پلان کا جائزہ لیا جائے گا، 12 ویں 5 سالہ پروگرام کا مسودہ بھی پیش کیا جائے گا۔

اجلاس میں رواں اور آئندہ سال کے پی ایس ڈی پی کا بھی جائزہ لیا جائے گا، 3 مارچ 2019 تک کی ایکنک، سی ڈی ڈبلیو پی کی پیش رفت رپورٹس پیش ہوں گی، فاٹا انضمام، علاقوں کی بحالی و تعمیر نو کے لیے فورم کی مدت میں توسیع پر بھی غور کیا جائے گا۔

یہ بھی پڑھیں:  ڈالر کی قدر میں اچانک اضافہ نے معیشت کی بنیادوں کو ہلا کر رکھ دیا، اکانومی واچ

نیشنل سوشل پروٹیکشن پالیسی فریم ورک کو بھی ایجنڈے میں شامل کیا گیا ہے، اسلام آباد ڈویلپمنٹ ورکنگ پارٹی کا قیام بھی اجلاس کے ایجنڈے میں شامل ہے۔

خیال رہے کہ آج پاکستان اکانومی واچ کے صدر ڈاکٹر مرتضیٰ مغل نے کہا ہے کہ امریکی ڈالر کی قدر میں اچانک اضافہ نے معیشت کی بنیادوں کو ہلا کر رکھ دیا ہے، نئی مانیٹری پالیسی عوام کی مشکلات بڑھا دے گی۔

اسلام آباد: وزیر اعظم عمران خان نے پیپلز پارٹی کے سینئر رہنما قمر زمان کائرہ سے ٹیلی فونک رابطہ کر کے بیٹے کے انتقال پر تعزیت کی۔

تفصیلات کے مطابق وزیر اعظم عمران خان نے پی پی رہنما قمر زمان کو فون کر کے ان کے فرزند کے انتقال پر دکھ اور گہرے رنج کا اظہار کیا۔

خیال رہے کہ اس سے قبل وزیر اعظم عمران خان نے قمر زمان کائرہ کے بیٹے کی وفات پر تعزیتی بیان بھی جاری کیا تھا، جس میں انھوں نے گہرے دکھ کا اظہار کیا اور غم زدہ والدین اور خاندان کے لیے صبر جمیل کی دعا کی۔

یہ بھی پڑھیں:  پیپلزپارٹی کے رہنما قمر زمان کائرہ کے بیٹے ٹریفک حادثے میں جاں بحق

یاد رہے کہ 17 مئی کو لالہ موسیٰ میں ٹراما سینٹر جی ٹی روڈ کے قریب پیپلز پارٹی کے رہنما قمر زمان کائرہ کے بیٹے کی گاڑی درخت سے ٹکرا گئی تھی، جس کے نتیجے میں ان کا بیٹا اسامہ اپنے دوست سمیت جاں بحق ہو گیا تھا۔

اسامہ قمر طاہر گورنمنٹ کالج لاہور کا طالب علم تھا، قمر زمان کائرہ کو بیٹے کے انتقال کی اطلاع اسلام آباد میں دی گئی، قمر زمان کائرہ اسلام آباد میں پریس کانفرنس میں شریک تھے۔

قمر زمان کائرہ کے جواں سال بیٹے کی موت کی خبر سن کر پورے ملک میں لوگوں نے گہرے رنج و غم کا اظہار کیا۔

کراچی: وزیر اعظم نے شعبہ ہوا بازی کی صنعت کے فروغ کے لیے اہم قدم اٹھا لیا، سول ایوی ایشن اتھارٹی نے نئی پالیسی کے تحت ایرو ناٹیکل چارجز ختم کر دیے۔

تفصیلات کے مطابق سول ایوی ایشن اتھارٹی کی جانب سے تمام ائیر پورٹس پر اندرون ملک آنے اور جانے والی پروازوں پر چارجز ختم کرنے کا نوٹم جاری کر دیا گیا۔

سول ایوی ایشن اتھارٹی نے پی آئی اے سمیت نجی ایئر لائنوں پر لینڈنگ چارجز صفر کر دیے، پارکنگ، بورڈنگ چارجز، جہازوں کو پاور سپلائی اور ٹرمنل نیوی گیشن چارجز بھی ختم کر دیے گئے۔

سی اے اے کی جانب سے نوٹم کے ذریعے تمام ایئر لائنوں کو آگاہ کر دیا گیا۔

ایرو ناٹیکل چارجز ختم ہونے سے پی آئی اے سمیت ڈومیسٹک پروازوں کو فائدہ ہوگا، سی اے اے کا کہنا ہے کہ چارجز ختم ہونے سے پی آئی اے کو 70 فی صد سے زائد فائدہ ہوگا۔

یہ بھی پڑھیں:  پی آئی اے سی ای او نے وزیراعظم کو نیا 5 سالہ بزنس پلان پیش کردیا

سول ایوی ایشن اتھارٹی کے مطابق پی آئی اے سمیت دیگر ایئر لائنز کو سالانہ 4 ارب کی بچت ہوگی۔

خیال رہے کہ وزیر اعظم عمران خان قومی اداروں کو فروغ دینے کے لیے عزم کا اظہار کر چکے ہیں، اور اس سلسلے میں نئی پالیسیاں لائی جا رہی ہیں۔

15 مارچ کو وزیر اعظم عمران خان سے چیئرمین پی آئی اے ایئر مارشل ارشد محمود ملک کی ملاقات ہوئی تھی، ملاقات میں پی آئی اے کے خسارے میں مزید کمی لانے کے لیے مختلف اقدامات پر غور کیا گیا جب کہ وزیر اعظم نے ادارے میں بہتری کے لیے کیے گئے اقدامات پر اطمینان کا اظہار کیا تھا۔