ARYNews.tv | Urdu – Har Lamha Bakhabar

Tag: وزیر اعظم عمران خان

  • اسد عمر کو چیئرمین قائمہ کمیٹی برائے خزانہ مقرر کیا جائے: وزیر اعظم کی ہدایت

    اسد عمر کو چیئرمین قائمہ کمیٹی برائے خزانہ مقرر کیا جائے: وزیر اعظم کی ہدایت

    اسلام آباد: حکومت نے اسد عمر کو نئی ذمہ داریاں دینے کا فیصلہ کر لیا ہے، وزیر اعظم عمران خان نے ہدایت کی ہے کہ اسد عمر کو چیئرمین قائمہ کمیٹی برائے خزانہ مقرر کیا جائے۔

    تفصیلات کے مطابق وزیر اعظم عمران خان نے اپنے سابق وزیر خزانہ اسد عمر کو چیئرمین قائمہ کمیٹی برائے خزانہ مقرر کرنے کی ہدایت جاری کر دی ہے۔

    وزیر اعظم نے اسد عمر کو چیئرمین قائمہ کمیٹی برائے خزانہ بنانے کی منظوری دے دی، اس سلسلے میں ہدایات پارٹی چیف وہپ عامر ڈوگر کو جاری کی گئیں۔

    خیال رہے کہ گزشتہ روز اسد عمر اور وزیر اعظم کی اہم ملاقات ہوئی، جس میں وزیر اعظم نے اسد عمر کو ایک بار پھر کابینہ کا حصہ بننے کی پیش کش کی۔

    یہ بھی پڑھیں:  وزیر اعظم سے اسد عمرکی ملاقات، سابق وزیر خزانہ کو ایک بار پھر کابینہ میں شمولیت کی پیش کش

    گزشتہ روز وزیر ریلوے شیخ رشید نے بھی اسد عمر سے ملاقات کی، جس میں اسد عمر کے کابینہ میں دوبارہ شمولیت کے معاملے پر تبادلۂ خیال کیا گیا۔

    واضح رہے کہ اسد عمر نے 18 اپریل کو اپنے ٹویٹر اکاؤنٹ کے ذریعے وزارت خزانہ چھوڑنے کا اعلان کیا تھا، اس سے تین دن قبل اے آر وائی نیوز نے ان کے قلم دان کی تبدیلی کی خبر دی تھی۔

    وزارت خزانہ چھوڑنے کے بعد اسد عمر نے اے آر وائی نیوز کے پروگرام میں اقرار کیا کہ انھیں کارکردگی کی بنیاد پر وزارت سے ہٹایا گیا۔

    انھوں نے وزارت سے ہٹنے کے بعد وزیر اعظم کی خواہش کے باوجود کوئی اور وزارت لینے سے انکار کیا۔

  • وزیر اعظم کی تمام ارکان پارلیمنٹ کو نئے بلدیاتی نظام کو بھرپور حمایت کرنے کی ہدایت

    وزیر اعظم کی تمام ارکان پارلیمنٹ کو نئے بلدیاتی نظام کو بھرپور حمایت کرنے کی ہدایت

    اسلام آباد: وزیر اعظم عمران خان کی تمام ارکان پارلیمنٹ کو نئے بلدیاتی نظام کو بھرپور سپورٹ کرنے کی ہدایت کرتے ہوئے کہا نیا بلدیاتی نظام انقلابی  ہے ،نظام سے ملک کی تقدیر بدل جائے گی ،نئے بلدیاتی نظام سے اختیارات نچلی سطح تک منتقل ہوں گے، نئی معاشی ٹیم آگئی ہے، بہت جلد بہتری آئےگی۔

    تفصیلات کے مطابق وزیراعظم عمران خان کی زیر صدارت پارلیمانی پارٹی کا اجلاس ہوا، :اجلاس کے آغاز میں لاہور دھماکے میں شہدا کے لیے دعا کی گئی جبکہ عمران خان نے لاہور بم دھماکے پرتشویش کا اظہار کیا۔

    اجلاس میں نئے بلدیاتی نظام پر مشاورت کی گئی اور وزیراعظم نے نئے بلدیاتی نظام پر ارکان پارلیمنٹ کو بریف کیا اور ملکی معاشی صورتحال پر بھی بات کی۔

    ذرائع نے بتایاکہ وزیر اعظم نے کہاکہ نئے بلدیاتی نظام سے ملک کی تقدیر بدل جائےگی ، تمام ارکان پارلیمنٹ نئے نظام کو بھرپور سپورٹ کریں، نئے بلدیاتی نظام سے اختیارات نچلی سطح تک منتقل ہوں گے۔

    وزیراعظم کاکہنا تھا نئی معاشی ٹیم آگئی ہے، بہت جلد بہتری آئےگی۔

    ذرائع کے مطابق وزیراعظم نے فاٹا انضمام کی صورتحال سے ارکان کو آگاہ کرتے ہوئے کہا فاٹا کے انضمام کے بعد فوری ترقیاتی کام شروع کررہے ہیں ۔

    مزید پڑھیں : اب بڑے شہروں میں میئر براہ راست منتخب ہو کر اپنی کابینہ لائیں گے: وزیر اعظم

    ذرائع کے مطابق اجلاس میں وزیر داخلہ اعجاز شاہ وزیر اعلی پنجاب سے ارکان پارلیمنٹ سے ہونے والی ملاقات سے آگاہ کیا جبکہ مشیرخزانہ حفیظ شیخ نے اجلاس کے ارکان کومعاشی صورتحال پربریفنگ کیا اور آئی ایم ایف سے معاملات میں پیشرفت پر آگاہ کیا۔

    یاد رہے دو روز قبل وزیراعظم عمران خان نے پنجاب اور کے پی میں بلدیاتی نظام کے حوالے سے بریفنگ دیتے ہوئے کہا تھا پرانے نظام کی وجہ سے مقامی سطح پربہت زیادہ کرپشن ہوتی تھی. نئے بلدیاتی نظام کے تحت ولیج کونسل، پنچائت کے براہ راست انتخابات ہوں گے۔

    ان کا کہنا تھا بڑے شہروں میں میئر براہ راست منتخب ہوں گے، بپنجاب میں 22 ہزار پنچایت کا انتخاب ہوگا، دوسری سطح پرانتخاب تحصیل کی سطح پرہوگا، شہر اپنا ریونیو خود جمع کرے گا، نئے بلدیاتی نظام سے نئی لیڈرشپ سامنے آئے گی، نئے بلدیاتی نظام میں تمام فنڈز عوام پرخرچ ہوں گے۔

  • وزیر اعظم عمران خان کی داتا دربار کے قریب دھماکے کی شدید مذمت، واقعے کی رپورٹ طلب

    وزیر اعظم عمران خان کی داتا دربار کے قریب دھماکے کی شدید مذمت، واقعے کی رپورٹ طلب

    اسلام آباد : وزیر اعظم عمران خان نے داتا دربارکےقریب دھماکے کی شدید مذمت کرتے ہوئےواقعے کی رپورٹ طلب کرلی ہے اور زخمیوں کو بہترین علاج فراہم کرنےکی ہدایت کردی ہے۔

    تفصیلات کے مطابق وزیر اعظم عمران خان نے داتا دربارکےقریب دھماکے کی شدید مذمت کرتے ہوئے قیمتی انسانی جانوں کے ضیاع پر گہرے دکھ کا اظہارکیا اور غمزدہ خاندانوں سے اظہار ہمدردی جبکہ زخمیوں کی جلد صحت یابی کیلئے دعا کی ۔

    وزیراعظم نے واقعے کی رپورٹ طلب کرلی اور زخمیوں کو بہترین علاج فراہم کرنےکی ہدایت کردی ہے۔

    دوسری جانب صدرعارف علوی نے بھی لاہور دھماکے کی مذمت کرتے ہوئے زخمیوں کی جلد صحتیابی کی دعا کی۔

    مزید پڑھیں : داتادربارکے باہرایلیٹ فورس کی گاڑی کےقریب دھماکہ، 8 افرادشہید، 25 زخمی

    یاد رہے لاہورمیں داتا دربار کے باہر دہشت گردوں نے ایلیٹ فورس کی گاڑی کو نشانہ بنایا، جس کے نتیجے میں 5 اہلکاروں سمیت 8 افراد کے شہید ہونےکی تصدیق ہوگئی جبکہ اہلکاروں سمیت 25 افرادز خمی ہیں ، جن میں 9کی حالت تشویشناک ہے۔

    ریسکیو اہلکار جائے دھماکا پرامدادی سرگرمیوں میں مصروف ہے جبکہ سیکورٹی فورسز نے جائے دھماکا کو گھیرے میں لے لیا، دھماکے کے بعد لاہور کے اسپتالوں میں ایمرجنسی نافذ کردی گئی ہے۔

  • وزیر اعظم سے اسد عمرکی ملاقات، سابق وزیر خزانہ کو ایک بار پھر کابینہ میں شمولیت کی پیش کش

    وزیر اعظم سے اسد عمرکی ملاقات، سابق وزیر خزانہ کو ایک بار پھر کابینہ میں شمولیت کی پیش کش

    اسلام آباد: سابق وزیر خزانہ اسد عمر کو وفاقی کابینہ میں شامل کرنے کے لیے کوششیں بدستور جاری ہیں، اس سلسلے میں آج اسد عمر اور وزیر اعظم کی اہم ملاقات ہوئی۔

    تفصیلات کے مطابق وزارت خزانہ سے ہٹانے جانے والے پی ٹی آئی رکن قومی اسمبلی اسد عمر کو ایک بار پھر کابینہ میں شامل کرنے کے لیے کوششیں کی جا رہی ہیں۔

    ذرایع کا کہنا ہے کہ وزیراعظم عمران خان سے اسد عمر کی اہم ملاقات ہوئی ہے، جس میں وفاقی کابینہ میں اسد عمر کی واپسی سے متعلق معاملات پر مشاورت کی گئی۔

    ذرایع نے بتایا کہ وزیر اعظم نے اسد عمر کو ایک بار پھر کابینہ کا حصہ بننے کی پیش کش کی ہے۔

    یہ بھی پڑھیں:  اسد عمر قیمتی انسان ہیں، منانے جاؤں گا، شیخ رشید کا اعلان

    قبل ازیں وزیر ریلوے شیخ رشید نے  بھی اسد عمر سے آج ملاقات کی ہے، جس میں کابینہ میں دوبارہ شمولیت کے معاملے پر تبادلۂ خیال کیا گیا۔

    یاد رہے کہ وزارت چھوڑنے کے بعد سے شیخ رشید سے اسد عمر کی اب تک 3 ملاقاتیں ہو چکی ہیں۔

    واضح رہے کہ اسد عمر نے 18 اپریل کو اپنے ٹویٹر اکاؤنٹ کے ذریعے وزارت خزانہ چھوڑنے کا اعلان کیا تھا، اس سے تین دن قبل اے آر وائی نیوز نے ان کے قلم دان کی تبدیلی کی خبر دی تھی۔

    وزارت خزانہ چھوڑنے کے بعد اسد عمر نے اے آر وائی نیوز کے پروگرام میں اقرار کیا کہ انھیں کارکردگی کی بنیاد پر وزارت سے ہٹایا گیا۔

    انھوں نے وزارت سے ہٹنے کے بعد وزیر اعظم کی خواہش کے باوجود کوئی اور وزارت لینے سے انکار کیا۔

  • پٹرولیم مصنوعات کی قیمتوں میں کمی نہیں ہوگی، کابینہ اجلاس میں فیصلہ

    پٹرولیم مصنوعات کی قیمتوں میں کمی نہیں ہوگی، کابینہ اجلاس میں فیصلہ

    اسلام آباد: وزیرِ اعظم عمران خان کی زیر صدارت وفاقی کابینہ کے اجلاس میں فیصلہ کیا گیا ہے کہ پٹرولیم مصنوعات کی قیمتوں میں کمی نہیں ہوگی۔

    تفصیلات کے مطابق آج وزیر اعظم کی زیر صدارت وفاقی کابینہ کا اجلاس منعقد ہوا، وزیر اعظم نے ایک بار پھر وفاقی کابینہ اجلاس میں کرپشن کے خاتمے پر زور دیا۔

    اجلاس میں فیصلہ کیا گیا کہ پٹرولیم مصنوعات کی قیمتوں میں کمی نہیں ہوگی، پٹرولیم مصنوعات کی قیمتوں سے متعلق ای سی سی کا فیصلہ برقرار رہے گا۔

    کابینہ اجلاس میں وزیر اعظم نے ایک بار پھر کرپشن کے خاتمے پر زور دیا، انھوں نے کہا کہ کرپشن پر کوئی سمجھوتا نہیں ہوگا، چوروں اور لٹیروں کو نہیں چھوریں گے۔

    یہ بھی پڑھیں:  پیٹرولیم مصنوعات کی قیمتوں میں اضافہ: عدالت نے وفاقی حکومت اوردیگر کونوٹس جاری کردیے

    وزیرِ اعظم عمران خان کا کہنا تھا کہ کم زور معیشت وراثت میں ملی ہے، معیشت میں بہتری کے لیے اہم فیصلے کیے ہیں۔

    وزیر اعظم نے ہدایت کی کہ وزرا سحر و افطار میں غریبوں کا خیال رکھیں، مصنوعی مہنگائی اور ذخیرہ اندوزوں پر نظر رکھی جائے۔

    یہ بھی پڑھیں:  پاکستان تحریک انصاف امیر ترین سیاسی جماعت بن کر سامنے آ گئی

    دریں اثنا، وفاقی کابینہ اجلاس میں وزیر اعظم نے وفاقی وزرا کو مزید اختیارات دینے کا بھی فیصلہ کیا، تاہم اس سلسلے میں وفاقی وزرا کو مزید با اختیار بنانے کے لیے اہم فیصلے چند روزمیں کیے جائیں گے۔

    وزیر اعظم نے کل قومی اسمبلی کے اجلاس میں بھی شرکت کا فیصلہ کیا، عمران خان نے پی ٹی آئی پارلیمانی پارٹی کا اجلاس بھی کل طلب کر لیا، یہ اجلاس کل دوپہر پارلیمنٹ ہاؤس میں ہوگا۔

  • وزیر اعظم عمران خان کی زیر صدارت وفاقی کابینہ کا اجلاس کل ہوگا

    وزیر اعظم عمران خان کی زیر صدارت وفاقی کابینہ کا اجلاس کل ہوگا

    اسلام آباد : وزیر اعظم عمران خان نے وفاقی کابینہ کا اجلاس کل طلب کرلیا ، اجلاس میں ملک کے تعلیمی نظام پر بحث کی جائے گی جبکہ بائیولوجیکل اور ٹاکسن ہتھیاروں کے کنونشن پر عمل کا بل پیش کیا جائےگا۔

    تفصیلات کے مطابق وزیر اعظم عمران خان کی زیر صدارت وفاقی کابینہ کا اجلاس کل 7 مئی کو اسلام آباد میں ہوگا، اجلاس میں 13 نکاتی ایجنڈے پر غور کیا جائے گا۔

    ایجنڈا کے مطابق ایس ای سی پی کی سالانہ رپورٹ برائے مالی سال 2017۔18 پیش کی جائےگی جبکہ کابینہ ملک کے تعلیمی نظام پر بحث کرےگی اور بائیولوجیکل اور ٹاکسن ہتھیاروں کے کنونشن پر عمل کا بل پیش کیا جائےگا۔

    اجلاس میں کابینہ پیٹرولیم اور پاور ڈویژن کو الگ وزارت بنانے کی قومی اسمبلی سے منظور قرارداد پیش کی جائےگی جبکہ ورکرز ریکروٹمنٹ سے متعلق پاکستان سعودی عرب کے درمیان معاہدہ منظوری کے لیے پیش کیا جائےگا۔

    زراعت کے شعبے میں آذربائیجان سے معاہدے کی منظوری، بیورو آف امیگریشن اینڈ اوورسیزامپلائمنٹ میں تبادلوں، تقرریوں کی منظوری، کراچی کی کسٹم اور اینٹی اسمگلنگ عدالت میں جج تعیناتی کی منظوری ایجنڈے میں شامل ہے.

    اجلاس میں‌ وفاقی کابینہ ای سی سی کے فیصلوں کی توثیق کرے گی اور اقبال اکیڈمی لاہور کی گورننگ باڈی میں خرانچی کی منظوری دےگی۔

    یاد رہے وزیر اعظم کی زیر صدارت مہنگائی میں کمی پر خصوصی اجلاس میں سختی سے ہدایت کی تھی کہ ماہ رمضان میں کسی صورت مہنگائی نہیں ہونی چاہیے۔

  • جب لوگوں کا نظریہ ہی نہیں ہوگا تو وہ لیڈر کیسے بن سکیں گے: وزیر اعظم عمران خان

    جب لوگوں کا نظریہ ہی نہیں ہوگا تو وہ لیڈر کیسے بن سکیں گے: وزیر اعظم عمران خان

    سوہاوہ: وزیر اعظم عمران خان نے کہا ہے کہ جب لوگوں کا نظریہ ہی نہیں ہوگا تو وہ لیڈر کیسے بن سکتے ہیں، دنیا کی جدید ٹیکنالوجیز کی طرف قدم بڑھائیں گے، روحانیات کو سپر سائنس بنائیں گے، عبد القادر جیلانی کے نام پر یونی ورسٹی بنا رہے ہیں۔

    ان خیالات کا اظہار وزیر اعظم نے سوہاوہ میں القادر یونی ورسٹی کے سنگِ بنیاد کی تقریب سے خطاب کرتے ہوئے کیا، انھوں نے کہا کہ القادر یونی ورسٹی تاریخ سے آگاہ کرے گی، یونی ورسٹی میں 35 فی صد بچوں کو مفت اسکالر شپ ملے گی، مستقبل کے لیڈر القادر یونی ورسٹی سے سامنے آئیں گے۔

    وزیر اعظم عمران خان نے کہا کہ وہ القادر یونی ورسٹی جیسے ادارے پر 23 سال سے سوچ رہے تھے، جس طرح نمل، شوکت خانم بنایا اسی طرح القادر یونی ورسٹی بنائیں گے، ذہین اور اچھے نوجوانوں کو اکٹھا کر کے القادر یونی ورسٹی میں پڑھائیں گے۔

    انھوں نے خطاب میں کہا کہ ہم روحانیت کے سپہ سالار عبد القادر جیلانی کے نام پر یونی ورسٹی بنا رہے ہیں، روحانیات کو سپر سائنس بنائیں گے، القادر یونی ورسٹی میں صوفی ازم پر بھی ریسرچ کی جائے گی۔

    [bs-quote quote=”مشرقی پاکستان کی علیحدگی کی ایک وجہ نظریے کا پیچھے چلے جانا بھی ہے، مشرقی پاکستان کے لوگوں کو انصاف نہیں ملا ان میں احساس محرومی آ گئی۔” style=”style-8″ align=”center” author_name=”وزیر اعظم عمران خان”][/bs-quote]

    وزیر اعظم عمران خان کا کہنا تھا کہ سوہاوہ کو ترقی کا پہاڑ کہا جاتا ہے، یہاں ایک بابا نورالدین تھے جنھوں نے 70 سال چلّہ بھی کاٹا، نبی ﷺ نے شروع ہی سے لوگوں کی تعلیم پر خاص توجہ دی، ہمیں نوجوانوں کو لیڈر بنانا ہے، ریاست مدینہ سے آگاہی دینی ہے۔

    انھوں نے کہا کہ جو شخص تعلیم سے ذہنی شعور حاصل نہ کرے وہ آگے نہیں بڑھتا، یہ وہ ریاست نہیں جس کا وعدہ پاکستان بنانے والوں نے کیا تھا، فاٹا کے حالات خراب ہیں، ان کی مدد کرنی ہے، بلوچستان میں 70 فی صد لوگ غربت سے نیچے زندگی گزار رہے ہیں۔

    عمران خان نے کہا کہ ذوالفقار علی بھٹو کے بعد سب حکمران عوام کے خیر خواہ بن گئے لیکن عوام پر توجہ دینے کی بہ جائے بیرون ملک جائیدادیں بنائیں، نظریہ ختم ہو جاتا ہے تو قوم بھی ختم ہو جاتی ہے، علامہ اقبال اور قائد اعظم کی سوچ کو ملک کی قیادت نے دفن کر دیا ہے۔

    وزیر اعظم نے مزید کہا کہ مشرقی پاکستان کی علیحدگی کی ایک وجہ نظریے کا پیچھے چلے جانا بھی ہے، ریاست عوام کی ضرورت پوری کرتی ہے اور انصاف فراہم کرتی ہے، مشرقی پاکستان کے لوگوں کو انصاف نہیں ملا ان میں احساس محرومی آ گئی، ملک ٹوٹا تو غلطی ہماری تھی بھارت نے فائدہ اٹھایا۔

  • حکومت کے احساس پروگرام میں اسلامی ترقیاتی بینک کے تعاون کی پیش کش، وزیر اعظم کا شکریہ

    حکومت کے احساس پروگرام میں اسلامی ترقیاتی بینک کے تعاون کی پیش کش، وزیر اعظم کا شکریہ

    اسلام آباد: حکومت پاکستان کے احساس پروگرام میں اسلامی ترقیاتی بینک نے تعاون کی پیش کش کر دی ہے، وزیر اعظم عمران خان نے بینک کے تعاون پر ان کا شکریہ ادا کیا۔

    تفصیلات کے مطابق اسلامی ترقیاتی بینک نے پاکستان کو انسانی ترقی اور اقتصادی استحکام میں تعاون کی پیش کش کی ہے۔

    صدر اسلامی ترقیاتی بینک نے کہا ہے کہ آئی ڈی بی حکومت پاکستان کے احساس پروگرام میں تعاون کرے گا۔

    وزیر اعظم عمران خان نے اسلامی ترقیاتی بینک کی پاکستان سے طویل شراکت داری پر اظہارِ مسرت کیا اور پولیو کے خاتمے، اقتصادی ترقی میں تعاون پر بینک حکام کا شکریہ ادا کیا۔

    یہ بھی پڑھیں:  غربت میں کمی کیلئے احساس پروگرام حکومت کا اہم منصوبہ ہے، وزیراعظم عمران خان

    وزیر اعظم عمران خان نے کہا کہ پاکستان اسلامی ترقیاتی بینک کے ساتھ منصوبوں میں تعاون کو فروغ دے گا۔

    واضح رہے کہ احساس پروگرام کا اعلان وزیرِ اعظم عمران خان نے 27 اپریل کو کیا تھا، اس ’غربت مٹاؤ پروگرام‘ کا نام ’احساس اور کفالت‘ رکھا گیا، پروگرام کے تحت بیواؤں، یتیموں اور بزرگوں کو مالی مدد دی جائے گی۔

    وزیر اعظم کا کہنا تھا غربت مٹاؤ پروگرام انسانیت کے راستے پر چلنے کی پہلی کوشش ہے، انسانیت کی مدد کرنا ریاست کی ذمہ داری ہونی چاہیے، چین کی ہر پالیسی میں غربت کے خاتمے کا وژن ہے۔

  • گورنر پنجاب کی وزیر اعظم سے ملاقات، پنجاب آب پاک اتھارٹی پر بریفنگ

    گورنر پنجاب کی وزیر اعظم سے ملاقات، پنجاب آب پاک اتھارٹی پر بریفنگ

    لاہور: گورنر پنجاب چوہدری محمد سرور نے وزیر اعظم عمران خان سے ملاقات کی، جس میں پنجاب کی سیاسی صورت حال، حکومتی امور اور پنجاب آب پاک اتھارٹی سمیت دیگر امور پر بات چیت کی گئی۔

    تفصیلات کے مطابق بدھ کے روز گورنر پنجاب چوہدری محمد سرور نے وزیر اعظم عمران خان سے اسلام آباد میں ملاقات کی، وزیر اعظم نے پنجاب میں پینے کے صاف پانی کی فراہمی کے لیے گورنر کو ہنگامی بنیادوں پر اقدامات کی ہدایت کی۔

    گورنر پنجاب نے وزیر اعظم کو پنجاب آب پاک اتھارٹی کے قیام اور اپنے غیر ملکی دورے میں امریکی سینیٹرز سمیت دیگر شخصیات سے ہونے والی ملاقاتوں کے بارے میں آگاہ کیا۔

    وزیر اعظم نے انھیں ہدایت کی کہ پنجاب کے عوام کو جلد از جلد پینے کے صاف پانی کی فراہمی کے لیے تمام وسائل بروئے کار لائے اور ہنگامی بنیادوں پر اقدامات کیے جائیں۔

    یہ بھی پڑھیں:  ایک سال انتظامی معاملات میں ضائع ہوا، اگلے چار سال عوام کی خدمت کرے گی، چوہدری سرور

    چوہدری سرور نے وزیر اعظم کو بتایا کہ پنجاب آب پاک اتھارٹی کے بورڈ سمیت دیگر معاملات پر ہنگامی بنیادوں پر اقدامات کیے جا رہے ہیں۔

    انھوں نے کہا کہ پنجاب آب پاک اتھارٹی کے تمام معاملات کو مکمل طور پر شفاف بنانے کے لیے باقاعدہ حکمت عملی تیار کر لی گئی ہے۔

    گورنر پنجاب کا کہنا تھا کہ پنجاب آب پاک اتھارٹی کے ذریعے ایک ایک پیسا پنجاب کے عوام کو پینے کے صاف پانی پر خرچ کیا جائے گا۔

  • عوام کا پی ٹی آئی کو جتوانا کرپٹ لوگوں کی بدقسمتی ہے: عمران خان

    عوام کا پی ٹی آئی کو جتوانا کرپٹ لوگوں کی بدقسمتی ہے: عمران خان

    اسلام آباد: پاکستان تحریک انصاف کے 23 ویں یوم تاسیس کے سلسلے میں آج کنونشن سینٹر اسلام آباد میں تقریب منعقد کی گئی، تقریب سے چیئرمین پی ٹی آئی عمران خان نے خطاب کرتے ہوئے کہا کہ ہمیں پرچی میں لکھ کر پارٹی نہیں ملی۔

    وزیرِ اعظم عمران خان نے کہا کہ پی ٹی آئی کی 23 سالہ جدوجہد کو سمجھنے کی ضرورت ہے، اگر اس جدوجہد کو آپ سمجھ گئے تو پھر ہمیں منزل نظر آ جائے گی، اس جدوجہد میں اچھے اور برے وقت آتے ہیں، کچھ لوگ پارٹی چھوڑ کر چلے جاتے ہیں پھر واپس بھی آ جاتے ہیں۔

    عمران خان نے کہا ’میں تحریک انصاف کے کارکنوں کو خراج تحسین پیش کرتا ہوں، سیف اللہ نیازی کا تقریب کے انعقاد پر شکریہ، سینیٹر فیصل جاوید کا دستاویزی فلم بنانے پر، گورنر سندھ عمران اسماعیل کا گانا بنانے پر شکریہ ادا کرتا ہوں۔‘

    انھوں نے کہا کہ پی ٹی آئی شارٹ کٹ لے کر نہیں آئی جدوجہد کر کے آگے پہنچی، پی ٹی آئی واحد جماعت ہے جو ملک کو بحران سے نکالے گی، ہمیں پرچی میں لکھ کر پارٹی نہیں ملی، ہمیں جب حکومت ملی تو پاکستان کا قرضہ 30 ہزار ارب تھا، 2 جماعتیں پاکستان کا قرضہ 6 ہزار سے 30 ہزار ارب تک لے گئے۔

    وزیر اعظم نے کہا کہ اس میں کوئی شک نہیں کہ ملک اس وقت مشکل ہے، ہمیں ورثے میں تجارتی خسارہ 19 ارب ڈالر کا ملا، ن لیگ کے پہلے 8 ماہ میں مہنگائی 8 فی صد تھی، پی ٹی آئی کے 8 ماہ میں مہنگائی 6.8 فی صد تھی، پنجاب میں کہا گیا شہباز شریف سے زبردست وزیر اعلیٰ نہیں آیا، وہ گئے تو پنجاب کا خسارہ 1100 ارب روپے تھا جب کہ پرویز خٹک گئے تو کے پی میں 40 ارب روپے کا سر پلس چھوڑ کر گئے۔

    عمران خان نے کہا کہ نواز شریف اور زرداری کو یقین تھا کہ ان کی کوئی پکڑ نہیں ہوگی، ان کی بد قسمتی ہے کہ عوام نے پی ٹی آئی کو جتوا دیا، اب زرداری نواز اور کرپٹ لوگ نہیں بچ سکیں گے، ان کی کوشش ہے حکومت گرا دیں، کارکن تیار ہو جائیں یہ جمہوریت کے نام پر اکٹھے ہوں گے، اسمبلی میں شور شرابے کا مقصد در حقیقت این آر او لینا ہے، مشرف نے اپنی کرسی کے لیے انھیں این آر او دیا تھا۔

    انھوں نے کہا کہ تحریک انصاف کے 23 سال بتاتے ہیں کہ جدوجہد کیسے ہوتی ہے، مجھے سیاست میں آنے سے پہلے ہی نام، دولت، عزت سب کچھ مل گیا تھا، اس لیے سیاست میں آنے کا مقصد نام، دولت یا عزت نہیں، چاہتا تو کرکٹ پر بات کر کے ہی پیسا کما سکتا تھا۔

    وزیر اعظم نے کہا کہ حکمران جب چوری کرتا ہے تو ملک اور نظام دونوں تباہ کر دیتا ہے، ملائیشیا میں مہاتیر محمد آیا تو اس نے ملک کو ترقی دی، کوئی سوچ نہیں سکتا تھا کہ ملائیشیا پاکستان سے آگے بڑھ جائے گا، عزت کم ہونے کی وجہ یہ تھی کہ حکمرانوں نے اپنے لیے سوچنا شروع کیا۔