Tag: وزیر اعظم عمران خان

پشاور: وزیرِ اعلیٰ خیبر پختون خوا کے مشیر ضیا اللہ بنگش نے سعودی ولیٔ عہد کے سامنے پاکستانی مزدوروں کی بات کرنے پر وزیرِ اعظم کا شکریہ ادا کیا۔

تفصیلات کے مطابق کے پی وزیرِ اعلیٰ کے مشیر ضیا بنگش نے سماجی رابطوں کی ویب سائٹ ٹویٹر پر لکھا ’شکریہ عمران خان، ہمیں آپ پر فخر ہے۔‘

[bs-quote quote=”پاکستانی مزدوروں اور قید پاکستانیوں کے مسائل کے حوالے سے بات کرنے پر ہم وزیرِ اعظم عمران خان کے شکر گزار ہیں۔” style=”style-8″ align=”left” color=”#dd3333″ author_name=”ضیا اللہ بنگش”][/bs-quote]

سوشل میڈیا پر عوام میں بھی ’شکریہ عمران خان‘ کہنے کا ٹرینڈ چل پڑا ہے۔

مشیر کے پی نے کہا کہ محمد بن سلمان کے سامنے سعودی عرب میں کام کرنے والے پاکستانی مزدوروں اور قید پاکستانیوں کے مسائل کے حوالے سے بات کرنے پر ہم وزیرِ اعظم عمران خان کے شکر گزار ہیں۔

ضیا اللہ بنگش نے ٹویٹ کیا ’ماضی میں کسی وزیرِ اعظم نے اس مسئلے پر اتنی توجہ نہیں دی۔‘

ان کا کہنا تھا کہ عمران خان نے ہمیشہ پاکستانی مزدوروں کے مسائل اور مشکلات پر بات کی، مگر اب بہ طورِ وزیرِ اعظم شاہی مہمان کے سامنے یہ مسئلہ پیش کیا۔

یہ جو احساس @ImranKhanPTI کے پاس ہے، یہ صرف میری ماں کے پاس تھا کہ کیسے پردیس میں پاکستانی گزارہ کرتے ہیں، اسکے علاوہ میں نے کسی میں نہیں دیکھا :: سعودی عرب میں ایک پاکستانی ورکر اپنے خیالات کا اظہار کرتے ہوئےآبدیدہ ہوگیا #ThanksPMIKandCrownPrince #CrownPrinceinPakistan pic.twitter.com/iLvddgK8BB

— PTI (@PTIofficial) February 18, 2019

مشیر وزیرِ اعلیٰ نے کہا کہ سعودی ولی عہد کی جانب سے مثبت جواب نے پاکستانیوں کے دل جیت لیے ہیں۔

یاد رہے کہ گزشتہ روز عشائیے سے خطاب کرتے ہوئے وزیرِ اعظم عمران خان نے سعودی ولی عہد کے سامنے سعودی عرب میں کام کرنے والے پاکستانیوں اور قیدیوں کے حوالے سے کہا کہ یہ پاکستان کے اسپیشل لوگ ہیں اور میرے دل کے قریب ہیں۔

تفصیل پڑھیں:   سعودی ولی عہدکا 2107پاکستانیوں کی فوری رہائی کاحکم

اس پر ولیٔ عہد نے اپنے خطاب میں عمران خان کو مخاطب کرتے ہوئے کہا کہ مجھے سعودی عرب میں پاکستان کا سفیر سمجھا جائے۔

بعد ازاں، سعودی ولی عہد نے سعودی عرب کے جیلوں میں قید 2107 پاکستانیوں کی فوری رہائی کا حکم دے دیا۔

اسلام آباد: وزیرِ اعظم عمران خان اور سعودی ولی عہد محمد بن سلمان کے درمیان وزیرِ اعظم ہاؤس میں وَن آن وَن ملاقات ہوئی۔

تفصیلات کے مطابق اب سے کچھ دیر قبل سعودی ولیٔ عہد محمد بن سلمان نے پاکستان پہنچنے کے بعد وزیرِ اعظم ہاؤس میں عمران خان کے ساتھ ون آن ون ملاقات کی۔

[bs-quote quote=”وزیرِ خارجہ شاہ محمود قریشی اور سعودی وزیرِ خارجہ نے معاہدوں پر دستخط کیے۔” style=”style-7″ align=”left” color=”#dd3333″][/bs-quote]

بعد ازاں پاکستان اور سعودی عرب کے درمیان مختلف معاہدوں پر دستخط کی تقریب منعقد کی گئی۔

تقریب میں وزیرِ اعظم عمران خان اور سعودی ولی عہد محمد بن سلمان شریک ہوئے، وزیرِ خارجہ شاہ محمود قریشی اور سعودی وزیرِ خارجہ نے معاہدوں پر دستخط کیے۔

نوجوانوں کے امور اور کھیلوں کے شعبے میں تعاون کے معاہدے پر وفاقی وزیر فہمیدہ مرزا اور سعودی وزیر نے معاہدے پر دستخط کیے۔

یہ بھی پڑھیں:  براہ راست: سعودی ولی عہد پاکستان پہنچ گئے، پرتپاک استقبال

پاکستان، سعودی عرب میں توانائی کے شعبے میں سرمایہ کاری کے معاہدے پر بھی دستخط ہوئے، وزیرِ خزانہ اسد عمر اور سعودی وزیر نے معاہدوں پر دستخط کیے۔

دونوں ممالک میں ریفائنری اور پیٹرو کیمیکل معاہدے، اور ترقیاتی منصوبوں کے لیے سعودی مصنوعات کی درآمد کے معاہدے پر دستخط کیے گئے۔

پاکستان اور سعودی عرب میں معدنی ذخائر میں سرمایہ کاری، بجلی کی پیداوار کے شعبے، اور متبادل توانائی منصوبوں کی ترقی کے لیے بھی معاہدے ہوئے۔

اسلام آباد: پاکستان اور سعودی عرب کے سپریم کو آرڈی نیشن کونسل کا اجلاس کل ہوگا، وزیرِ اعظم عمران خان اور سعودی ولی عہد کونسل کی مشترکہ صدارت کریں گے۔

تفصیلات کے مطابق سعودی ولی عہد محمد بن سلمان کے دورۂ پاکستان سے متعلق انتہائی اہم معلومات اے آر وائی نیوز نے حاصل کر لیں۔

[bs-quote quote=”وزیرِ اعظم اور سعودی ولی عہد نے کونسل اجلاس ہر سال منعقد کرانے کا فیصلہ کر لیا۔” style=”style-7″ align=”left” color=”#dd3333″][/bs-quote]

پاکستان اور سعودی عرب کے مابین سیاسی، معاشی اور ثقافتی تعاون کے لیے اہم ترین پلرز قائم کر لیے گئے۔

سپریم کونسل دونوں ممالک کے درمیان سیاسی اور معاشی ترقی کے اہداف طے کرے گی، دونوں ممالک کے درمیان سفارتی، دفاعی اور ثقافتی شعبوں میں تعاون کے لیے 3 پلرز قائم کیے گیے ہیں۔

پاک سعودی رابطوں کے بعد تینوں پلرز کی اسٹیرنگ کمیٹیاں بھی تشکیل دے دی گئیں، پہلا پلر پولیٹیکل اور سیکورٹی کا ہے، سعودی عرب کی جانب سے خارجہ، دفاع ، داخلہ کی وزارتیں سیکورٹی پلر میں شامل ہیں، سعودی ہوم لینڈ سیکورٹی اور جنرل انٹیلی جنس کے حکام بھی اس میں شامل ہیں۔

پاکستان کی جانب سے خارجہ، دفاع اور داخلہ کے وزرا نمائندگی کریں گے، آئی ایس آئی بھی سیکورٹی پلر میں شامل ہے۔

یہ بھی پڑھیں:  پاکستانی آرٹسٹ کا سعودی ولی عہد کے لیے تحفہ

پاکستان اور سعودی عرب کے درمیان دوسرا پلر معیشت کا ہوگا، دونوں ممالک سرمایہ کاری، تجارت اور دفاعی پیداوار بڑھانے پر کام کریں گے، سعودی عرب کی جانب سے 9 وزارتیں اور خزانہ، منصوبہ بندی، سرمایہ کاری، توانائی، صنعت، معدنیات، کمیونی کیشن، ٹرانسپورٹ اور کامرس کے وزیر اقتصادی پلر کا حصہ ہیں، سعودی فنڈ فار ڈویلپمنٹ اور پبلک انویسٹمنٹ فنڈ بھی اس میں شامل ہیں۔

[bs-quote quote=”پاکستان اور سعودی عرب کے درمیان دوسرا پلر معیشت کا ہوگا، دونوں ممالک سرمایہ کاری، تجارت اور دفاعی پیداوار بڑھانے پر کام کریں گے۔” style=”style-7″ align=”right” color=”#dd3333″][/bs-quote]

پاکستان کی جانب سے 11 وفاقی وزار پر مشتمل اقتصادی پلر تشکیل دے دیا گیا ہے جن میں خزانہ، منصوبہ بندی، کامرس، پیٹرولیم، توانائی، بحری امور اور مواصلات کے وزرا شامل ہیں جب کہ بورڈ آف انویسٹمنٹ، آئی ٹی، بحری امور اور آئی پی سی کی وزارتیں اس کا حصہ ہیں۔

پاکستان اور سعودی عرب کے درمیان تیسرا پلر سماجی اور ثقافتی ترقی کا ہوگا، سعودی عرب کی جانب سے ثقافت، تعلیم اور مذہبی امور کے وزرا شریک ہوں گے، حج و عمرہ سمیت لیبر کے وزرا بھی ثقافتی پلر میں شامل، پاکستان کی جانب سے اطلاعات، تعلیم، مذہبی امور اور اوررسیز پاکستانیوں کے وزرا شامل ہوں گے۔

دریں اثنا، وزیرِ اعظم اور سعودی ولی عہد نے کونسل اجلاس ہر سال منعقد کرانے کا فیصلہ کر لیا ہے، کونسل کے اجلاس باری باری دونوں ممالک میں ہوں گے، کونسل کا جنرل سیکرٹیریٹ دونوں ممالک کی وزارتِ خارجہ میں تشکیل دے دیا گیا۔

کونسل کے زیرِ نگرانی قائم اسٹیرنگ کمیٹیوں کا اجلاس ہر 6 ماہ بعد ہوگا، اسٹیرنگ کمیٹیوں کی معاونت کے لیے دونوں ممالک میں ورکنگ گروپس بھی تشکیل دے دیے گئے ہیں، ورکنگ گروپس کی قیادت نائب وزیرِ خارجہ یا مساوی عہدہ رکھنے والا کرے گا۔

اسلام آباد: عوامی جمہوریہ چین کے سفیر یاؤ ژنگ نے وزیرِ اعظم عمران خان کو یقین دہانی کرائی ہے کہ چین پاکستان میں مزید سرمایہ کاری کرے گا۔

تفصیلات کے مطابق آج اسلام آباد میں وزیرِ اعظم عمران خان سے چینی سفیر یاؤ ژنگ نے ملاقات کی، چینی سفیر نے کہا کہ پاکستان میں مزید سرمایہ کاری اور خریداری پر توجہ دی جائے گی۔

[bs-quote quote=”پاک چین تعلقات باہمی دوستی اور شراکت داری کا مضبوط رشتہ ہے۔” style=”style-7″ align=”left” color=”#dd3333″ author_name=”عمران خان” author_job=”وزیرِ اعظم پاکستان”][/bs-quote]

چینی سفیر یاؤ ژنگ نے کہا کہ پاکستان اور چین قریبی دوست اور شراکت دار ہیں، چین کی حکومت پاک چین تعلقات میں مزید فروغ اور استحکام کے لیے کوشاں ہے۔

ملاقات میں سفیر نے وزیرِ اعظم کو چینی قیادت کا خصوصی پیغام پہنچایا، چین نے پاکستان کی موجودہ حکومت اور پالیسیوں پر بھرپور اعتماد کا اظہار کیا، چینی سفیر نے کہا کہ وزیرِ اعظم کے ساتھ کام یاب ملاقات ہوئی ہے۔

چینی سفیر کا کہنا تھا کہ چینی حکومت اور بزنس کمیونٹی وزیرِ اعظم کے اقدامات سے مطمئن ہیں، کاروبار اور سرمایہ کاری کے لیے حکومتی ترجیحات اطمینان بخش ہیں، حکومت پاکستان کے اقدامات غیر ملکی سرمایہ کاروں کو متوجہ کر رہے ہیں، پاکستان میں غیر ملکی سرمایہ کاری بڑھ رہی ہے، حالیہ اقدامات سے پاکستان کی ایکسپورٹس بڑھیں گی۔

چینی سفیر نے مزید کہا کہ چین مضبوط اسٹریٹجک شراکت دار کے طور پر کردار ادا کرے گا، پاکستانی قیادت کو بھرپور تعاون کی یقین دہانی کرائی ہے، عمران خان کی قیادت میں پاکستان اپنی منزل ضرور حاصل کرے گا، پاکستان میں ترقی اور خوش حالی کا نیا باب شروع ہو رہا ہے۔

وزیرِ اعظم عمران خان نے چینی سفیر سے گفتگو کرتے ہوئے چین کے صدر کی سماجی اقتصادی ترقی کے وژن کی تعریف کی۔

وزیرِ اعظم نے کہا کہ پاک چین تعلقات باہمی دوستی اور شراکت داری کا مضبوط رشتہ ہے، پاکستان چین کے تجربات سے استفادہ کرتے ہوئے عوام کو غربت کی لکیر سے اوپر لا سکے گا۔

یہ بھی پڑھیں:  آج کا پاکستان 6 ماہ قبل کے پاکستان سے کہیں زیادہ مضبوط اور مستحکم ہے: عالمی میڈیا

خیال رہے کہ وزیرِ اعظم پاکستان عمران خان کے وژن اور کام یاب معاشی و خارجہ پالیسی کی بہ دولت پوری دنیا کا میڈیا پاکستان کی ترقی کا معترف نظر آ رہا ہے۔

عالمی میڈیا کے مطابق پاکستان خطے کے استحکام میں اپنی جغرافیائی اہمیت منوا رہا ہے، فنانشنل ٹائمز کا کہنا ہے کہ آج کا پاکستان چھ ماہ قبل کے پاکستان سے کہیں زیادہ مستحکم اور مضبوط ہے۔