Tag: وزیر اعظم نوازشریف

اسلام آباد : نواز شریف نے کہا کہ 50 ہزار پاکستانی دہشتگردی کی بھینٹ چڑھ گئے ہیں ۔

  اسلام آباد میں چیئرمین سینیٹ نئیرحسین بخاری کے زیر صدارت اجلاس سے خطاب میں وزیراعظم میاں محمد نواز شریف کا کہنا تھا کہ حکومت  نے دہشت گردی کے مسئے کے لئے ٹھوس اقدامات کئے ہیں، تمام راستوں کے ختم ہونے کے بعد آپریشن ضرب عضب کا فیصلہ کیا گیا ، فوجی قیادت نے مسئے کو سنجیدگی سے لیا، آپریسن ضرب عضب نے دہشتگردوں پر ضرب کاری کی ہے۔

وزیراعظم نواز شریف نے کہا کہ بچوں کو خون میں نہلادیا گیا، بچوں کے خون کا حساب لینا ہم پر واجب ہے، انہوں کہا کہ کیا یہ غیر معمولی حالات نہیں کہ نہ ہماری عبادت گاہیں محفوظ ہیں نہ درس گاہیں، نہ ہوائی اڈے محفوظ ہیں اور نہ ہی دفاعی تنصیبات؟ ہمارے کھیل کے میدان سونے ہو جائیں، اپنے مذہب اور آئین سے بغاوت کرنے والے دہشت گرد پوری قوم کو یرغمال بنا لیں، ہمیں یہ سب کچھ نہیں ہونے دیں گے

انہوں نے کہا کہ خصوصی عدالتیں پارلیمنٹ کی منظوری سے قائم ہونگی، خصوصی عدالت میں دہشتگردوں کے خلاف مقدمے چلیں گے، قومی لائحہ عمل پر قومی اعتماد حاصل ہے۔

نواز شریف کا کہنا تھا کہ کمیٹی بنانے کا فیصلہ تمام سیاسی جماعتوں سے مشاورتسے کیا گیا، کمیٹی نے مقررہ وقت میں اپنا کام مکمل کرلیا۔

ان کا کہنا تھا کہ تمام سیاسی جماعتوں نے 20 نکاتی ایجنڈے کو منظور کیا، قوم نے جو ذمہ داری دی ہے اُسے پورا کریں گے، دہشتگردی کے خلاف جنگ جمہوری دائرے میں کر لڑھ رہے ہیں ۔

وزیراعظم نے کہا کہ میڈیا کی آزادی کا ہر قیمت پر تحفظ کریں گے، حکومت پر تنقید کرنے کی اجازت ہو گی اورحکمرانوں کی کمزوریوں پر نظر رکھ کر غلط اقدامات کی نشاندہی کرنے پر کوئی اعتراض نہیں ہو گا لیکن دہشت گردی کو میڈیا کے ذریعے فروغ دینا یا پروان چڑھانا یا اس کے بارے میں بڑھا چڑھا کر بتانے کی اجازت نہیں دی جائے گی۔

اسلام آباد: وزیراعظم کی صدارت میں قومی سلامتی سے متعلق اجلاس میں اس عزم کا اظہار کیا گیا کہ ملک کی سلامتی اور خود مختاری پر کوئی حرف نہیں آنے دیا جائے گا ملکی سرحدوں کے تحفظ کے لیئے تمام وسائل بروئے کار لائے جائیں گے۔

اجلاس میں وزیر داخلہ ،وزیر دفاع ،وزیراعظم کی قومی سلامتی کے مشیر سرتاج عزیز ،آرمی چیف جنرل راحیل شریف ڈی جی آئی ایس آئی نے شرکت کی اجلاس میں ملک کی داخلی سلامتی ،ایل او سی ،ورکنگ باونڈری کی صورتحال بھی زیر غور آئی۔

اجلاس میں قومی سلامتی کمیٹی کے فیصلوں پر عمل درآمد کا بھی جائزہ لیا گیا اجلاس کو ایل او سی پر بھارتی جارحیت سے پیدا ہو نے والی صورتحال سے آگاہ کیا گیا مشیر قومی سلامتی نے اس حوالے سے سفارتی سطح پر کی جانے والی کوششوں سے آگاہ کیا اجلاس کو آپریشن ضرب عضب کی تازہ صورتحال سے بھی آگاہ کیا گیا اجلاس میں اتفاق کیا گیا کہ پاکستان کسی کی اجارہ داری تسلیم نہیں کرے گا ملک کی داکلی سلامتی کے ساتھ کسی کو کھیلنے کی اجازت نہیں دی جائے گی اور قومی سلامتی کو ہر حال میں مقدم رکھا جائے گا۔

وزیرآباد: وزیراعظم نوازشریف نے کہا کہ سیلاب کی روک تھام کیلئے مربوط حکمت عملی وضع کرنا ہوگی۔

سیلاب متاثرین سے خطاب کے دوران وزیر اعظم میاں نواز شریف کا کہنا تھا کہ سیلاب کی روک تھام کیلئے اقدامات ضروری ہیں، ماحولیاتی تبدیلی سے خطہ متاثر ہورہا ہے، سیلاب سے بچاؤ کیلئےقومی سطح پر کمیٹی تشکیل دی جانی چاہئے۔

نواز شریف نے کہا کہ محدود وسائل کے باعث ہمیں اپنی ترجیحات طےکرناہوں گی،سیلاب متاثرین کے دکھ اور تکلیف کا احساس ہے، سیلاب متاثرین خود کو تنہا نہ سمجھیں حکومت ان کیساتھ ہے۔

وزیراعظم کا کہنا تھا کہ وزیراعلیٰ پنجاب کی کارکردگی قابل تحسین ہے،سیلاب سے گھروں کو نقصان پہنچا لوگ بےگھر ہوگئے،متاثرین کی مکمل بحالی تک چین سے نہیں بیٹھیں گے، فوج کے افسروں،جوانوں نے سیلاب متاثرین کی مدد کی ہے، پولیس کے جوانوں نے بھی سیلاب متاثرین کی بہت مدد کی ہے، زیادہ جانی نقصان چھتیں،دیواریں گرنےسےہوا، سیلابی پانی اترنے سے پہلے متاثرین کی امداد کی جارہی ہے، متاثرین کو25ہزار کی پہلی قسط آج سے دینا شروع کردی ہے۔،

نیویارک: وزیر اعظم میاں محمد نواز شریف اقوام متحدہ کی جنرل اسمبلی کے انسٹھویں اجلاس میں شرکت کیلئے امریکہ میں ہیں وہاں میاں صا حب نیویارک کے مہنگے ترین ہوٹل والڈروف میں قیام فرما ئیں گے، جس کا یومیہ کرایہ ہے آٹھ ہزارڈالر سے زائد ہے جو کہ تقریباً آٹھ لا کھ پاکستانی روپے روزانہ ہے جو پاکستانی خزانے سے ادا کیا جا ئے گا، اسی ہو ٹل میں امریکی صدر بارک اوبا مہ بھی قیام پذیر ہو نگے جن سے ملا قات کیلئے اس ہو ٹل کا انتخاب کیا گیا ہے ۔

نواز شریف اس ملک کے وزیر اعظم ہیں جہاں پچاس فیصد سے زائد افراد خطِ غربت سے نیچے زندگی گذارنے پر مجبور ہیں ،عوام کو پینے کا صاف پا نی میسر نہیں، لو گ خون بیچ کر بجلی کا بل ادا کررہے ہیں، لیکن میاں صا حب بادشاہوں کی طرح نا صرف یہ کہ ملک میں زندگی گزارتے ہیں بلکہ بیرونِ ملک بھی ان کا طرز زندگی کسی شہنشاہ سے کم نہیں اسی لئے انہوں نے پاکستانی ہوٹل روز ویلیٹ کو چھوڑ کر جہاں اب تک مشرف سمیت تمام سربراہانِ مملکت قیام کرتے رہیں ہیں کہ بجائے نیو یارک کے مہنگے ترین ہوٹ کو ترجیح دی۔