کراچی: سعودی عرب کی جیلوں میں قید سیکڑوں پاکستانی مردوں کے ساتھ ساتھ 10 خواتین بھی قید ہیں جو سزا پوری ہونے کے باوجود رہائی کے لیے تاحال پاکستان حکومت کے نظر کرم کی منتظر ہیں۔

تفصیلات کے مطابق سعودی عرب کی جیل میں قید سیکڑوں پاکستانی باشندوں کی رہائی کا معاملہ ابھی سلجھا نہیں کہ ایک اور خبر سامنے آگئی، سیکڑوں محصور پاکستانی میں 10 خواتین بھی پاکستان حکومت کے نظر کرم کی طلب گار ہیں، خواتین نے حکومت پاکستان سے مطالبہ کیا ہے کہ ان کی مدد کی جائے۔

سعودی عرب میں محصور خواتین قیدی کا کہنا ہے کہ سزا پوری ہونے کے باوجود انہیں رہائی نہیں مل رہی۔ سعودی حکام نے خواتین قیدی کو سزا کے ساتھ جرمانہ اور کوڑوں کی سزا دی تھی۔

جیل میں بوڑھی خواتین، ماں اور بچے بھی رہائی کے منتظر ہیں۔ خواتین قیدیوں کا کہنا ہے کہ ’’ہمارے بچوں کے صدقے ہمیں رہائی دی  جائے ان معصوم بچوں کی عمر پڑھنے کی ہے جیل میں رہنے کی نہیں‘‘۔

ویڈیو میں ایک معصوم بچے کو بھی دیکھا جاسکتا ہے جو کہتا ہے کہ’’مجھے گھر جانا ہے میں نے اسکول جانا ہے‘‘۔

خاتون قیدی کا کہنا ہے کہ ان کے ساتھ دھوکا ہوا ہے، سب لوگ قصور وار نہیں ہیں جنہیں  6 ماہ کی سزا دی گئی تھی انہیں چار چار سال ہوگئے، بیس بیس ہزار ریال سزا دیتے ہیں اور لاکھ ریال کا مطالبہ کرتے ہیں، ہزار ہزار کوڑے بڑھا دیتے ہیں۔

تابان جیل میں قید ایک اور پاکستانی خاتون قیدی کا کہنا تھا کہ 2 سال کی سزا دی تھی مجھے ایک سال اوپر ہوگیا،خواتین بیمار ہیں، چل نہیں سکتیں کوئی پوچھنے والا نہیں۔

اسلام آباد : سارک وزرائے داخلہ کانفرنس کی میزبانی پاکستان کے لیے اعزاز ہے،سارک کانفرنس میں خطے کے اہم معاملات پر بات ہو گئی۔

تفصیلات کے مطابق اسلام آباد میں جاری سارک ممالک کے وزرائے داخلہ کی کانفرنس کے آغاز پر وزیر اعظم پاکستان نواز شریف نے اپنے خطاب میں کہا کہ پاکستان کئی دہائیوں سے قیام امن کے لیے کوشاں ہے جس میں سارک ممالک کا تعاون بھی شامل ہے تاہم قیام امن کے لیے سارک ممالک کو مزید مشترکہ کوششیں کرنا ہوں گی۔

اپنے خطاب کے آغاز میں انہوں نے تمام شرکاء کی آمد پر شکریہ ادا کرتے ہوئے کہا کہ سارک کانفرنس کی میزبانی پاکستان کے لیے اعزاز ہے، توقع ہے سارک کے فیصلوں سے خطے میں امن، ترقی اور خوشحالی کی لہر جنم لے گی اور سارک کانفرنس میں کیے گئے فیصلے رکن ممالک کے لیے حوصلہ افزا ثابت ہوں گے۔

اس موقع پر وزیر اعظم پاکستان نے سارک کی کاوشوں کو سراہتے ہوئے کہا کہ خطے میں سارک پہلے سے زیادہ متحرک اور فعال ہے،چیلینجز کے باوجود سارک نے نمایاں پیشرفت کی ہے اور دہشت گردی کے خاتمے کے لیے واضح کامیابیاں حاصل کیں ہیں۔

حکومتِ‌ پاکستان کی جانب سے کی جانے والی کاوشوں کا ذکر کرتے ہوئے وزیر اعظم نوقازشریف نے کہا پاکستان توانائی کے تحفظ کے لیے اقدامات کر رہا ہے اور تونائی کے بحران پر قابو پانے کے لیے پاکستان خطے میں مربوط رابطوں اور باہمی تعاون کے لیے کوشاں ہے جب کہ دہشت گردی کے خلاف جنگ میں پاکستان نے نمایاں کامیابی حاصل کی ہے اور دہشت گردی اور بدعنوانی کے خلاف سارک ساتھ مل کر کام کرنے کے لیے پرعزم ہیں۔