Tag: وزیر اعظم کے غیر ملکی دورے

دبئی: وزیرِ اعظم عمران خان نے کہا ہے کہ ہم اصلاحات کا ایجنڈا لے کر آئے ہیں اور سمجھتے ہیں کہ یہ تکلیف دہ ہوتا ہے۔

تفصیلات کے مطابق دبئی میں ورلڈ گورنمنٹ سمٹ سے خطاب کرتے ہوئے عمران خان نے کہا کہ ہم اصلاحات لے کر آئے ہیں، اور اصلاحات تکلیف دہ ہوتی ہیں، ہم اپنے نظام کو بہتر بنائیں گے۔

وزیرِ اعظم نے سربراہی اجلاس میں کہا کہ خوشی ہے اسلامی دنیا میں بھی ایسی کانفرنسز ہو رہی ہیں، 60 کی دہائی میں پاکستان ایشیا کا ترقی کی طرف بڑھنے والا ملک تھا، کانفرنس کے شرکا کو بتانا چاہتا ہوں کہ عالمی کھلاڑی کس طرح سیاست میں آئے۔

[bs-quote quote=”پہلی بار پاکستان میں ایسی حکومت آئی ہے جو سرمایہ کاری کا فروغ چاہتی ہے، پاکستان ترقی کی طرف جا رہا ہے، یہی وقت سرمایہ کاری کا ہے۔” style=”style-7″ align=”left” color=”#dd3333″ author_name=”عمران خان” author_job=”ورلڈ گورنمنٹ سمٹ سے خطاب”][/bs-quote]

عمران خان نے کہا ’میں یہ بھی بتانا چاہتا ہوں کہ میں پاکستان کے لیے کیا کرنا چاہتا ہوں، یو اے ای کی ایئر لائن کو پی آئی اے نے معاونت فراہم کی، جب کرکٹ شروع کی تو پاکستان کی ٹیم کم زور ترین تھی، کرکٹ چھوڑی تو پاکستان ورلڈ چیمپئن تھا، وقت کے ساتھ ساتھ ہمارے ملک میں ترقی کی رفتار برقرار نہ رہ سکی، لیکن قوموں کی تاریخ میں نشیب و فراز آتے رہتے ہیں۔‘

وزیرِ اعظم نے کہا کہ پاکستانی قوم بہت مضبوط اور مخیر ہے، خیرات میں ہم بہت آگے لیکن ٹیکس دینے میں بہت پیچھے ہیں، کیوں کہ ماضی میں ٹیکس حکمرانوں کی عیاشی پر خرچ ہوتے رہے۔

انھوں نے خطاب میں کہا کہ ہم کوشاں ہیں مالیاتی خسارے کو کم اور معیشت کو مضبوط کریں، معیشت میں اصلاحات سے بہتری لا رہے ہیں، پاکستان سیاحت کے لیے بھی پرکشش ملک ہے، سیاحت سے ملائیشیا 22 اور ترکی 42 ارب ڈالر کماتا ہے۔

[bs-quote quote=”خیرات میں ہم بہت آگے لیکن ٹیکس دینے میں بہت پیچھے ہیں، کیوں کہ ماضی میں ٹیکس حکمرانوں کی عیاشی پر خرچ ہوتے رہے۔” style=”style-7″ align=”right” color=”#dd3333″ author_name=”وزیرِ اعظم پاکستان”][/bs-quote]

ان کا کہنا تھا کہ پاکستان میں ایک ہزار کلو میٹر طویل ساحلی پٹی ہے، پاکستان 5 ہزار سال پرانی تہذیبوں کا مرکز ہے، خیبر پختون خوا گندھارا تہذیب کا مرکز ہے، مذہبی سیاحت کے بھی پاکستان میں بے پناہ مواقع ہیں، ہم نے دنیا کے لیے پاکستان کی اوپن ویزا رجیم کو متعارف کرایا۔

وزیرِ اعظم نے کہا ’70 کی دہائی کے بعد پاکستان میں ایسی سوچ آئی جو سرمایہ کاری کے خلاف تھی، بعض عناصر منافع کمانے کو برا سمجھتے تھے، پہلی بار پاکستان میں ایسی حکومت آئی ہے جو سرمایہ کاری کا فروغ چاہتی ہے، سرمایہ کاروں کو منافع کمانے کی آزادی ہوگی تو سرمایہ کاری میں اضافہ ہوگا تو روزگار کے مواقع بھی بڑھیں گے۔‘

یہ بھی پڑھیں:  وزیراعظم عمران خان سے آئی ایم ایف کی ایم ڈی کرسٹین لگارڈ کی ملاقات

عمران خان نے مزید کہا ’سمجھ دار قیادت ہمیشہ مواقع سے فائدہ اٹھا کر قوم کو ترقی دیتی ہے، سرمایہ کاروں کو بتانا چاہتا ہوں پاکستان میں سرمایہ کاری کے بہترین مواقع ہیں، پاکستان ترقی کی طرف جا رہا ہے، یہی وقت سرمایہ کاری کا ہے۔‘