Tag: وزیر اعظم

بنوں: عمران خان نے وزیر اعظم نواز شریف کو کرپشن کا بادشاہ قرار دے دیا، انہوں نے کہا کہ میاں صاحب ادھر اُدھر کے چکر نہ لگائیں احتساب کیلئے تیار ہوجائیں،دو ہزار سولہ تبدیلی کا سال ہے۔

بنوں اسپورٹس کمپلیکس میں جاری جلسے سے خطاب میں پاکستان تحریک انصاف کے چیئرمین عمران خان نے کہا کہ نواز شریف نے آٹھ سال میں اٹھائیس فیکٹریاں بنائیں ثبوت ہونے کے باوجود نیب کارروائی نہیں کرتی ہے۔

انہوں نے کہا کہ اگر نیب نے میاں صاحب کا احتساب کردیا تو پاکستان بدل سکتا ہے کیوں کہ اس کے بعد کوئی بھی وزیر کرپشن کرنے سے خوفزدہ ہوگا لیکن ایسا نہیں ہوسکا تو کرپشن عام ہوجائے گی۔

عمران خان کا کہنا تھا کہ میاں صاحب جتنا چاہے دوسرے ملکوں کے چکر لگالیں احتساب سے بچ نہیں سکتے،قوم کوسچ بتائیں، قوم کو بتائیں کہ اثاثے کہاں ہیں اورکتنےہیں۔

عمران خان نے خطاب میں مولانا فضل الرحمان اور اکرم درانی کو آڑے ہاتھوں لیا اور کہا کہ مولانا اپنی پارٹی کانام بدل کر کرپشن بچاو پارٹی رکھ لیں۔

انہوں نے کہا کہ میں امیر لوگوں سے ٹیکس اکھٹا کرکے دکھاوں گا اور وہ پیسہ تعلیم، اسپتالوں اور روزگار کے ذریعے غریب عوام پر خرچ کروں گا اور ملک سے کرپشن کا خاتمہ کروگا، کرپشن صرف چند لوگوں کو پکڑنے سے ختم نہیں ہوگی اس کے لیے اوپر بیٹھے لوگوں کا احتساب کرنا ہوگا،بیرون ملک سوئس بینکوں میں موجود پاکستانیوں کے غیرقانونی طریقے سے بھیجے گئے پیسے واپس لے کر آئیں گے۔

انہوں نے تبدیلی کا نیا سال بھی بتایا کہ دو ہزار سولہ تبدیلی کا سال ہے اور گو نواز گو کے نعرے بھی لگوائے۔

چیئرمین تحریک انصاف خطاب کر کےروانہ ہوئے توجلسہ گاہ میں بھگڈر مچ گئی، جلسے کے بعد اسپورٹس کمپلیکس میں بھگدڑ سے مرکزی دروازہ ٹوٹ گیا جس سے متعدد افراد زخمی ہوئے۔

اسلام آباد: وزیر اعظم نواز شریف نے پنامہ لیکس کی تحقیقات کے حوالے سے عدالتی کمیشن بنانے کااعلان کردیا۔

وزیراعظم پاکستان میاں محمد نوازشریف نے قوم سے خطاب کرتے ہوئے کہا کہ زندگی میں پہلی بار اپنے متعلق اور ذاتی حوالے سے کچھ کہنے کے لیے آیا ہوں۔

نواز شریف کا کہنا تھا کہ ایک بار پھر کچھ لوگ اپنے سیاسی مقاصد کیلئے مجھے اورمیرے خاندان کو نشانہ بنارہے ہیں، الزامات کےحوالےسےکچھ حقائق پیش کرناچاہتا ہوں، میرے والد نے اتفاق فاؤنڈری کی بنیادی رکھی، قیام پاکستان تک اتفاق فاؤنڈریز مستحکم ادارہ بن چکا تھا۔

ان کا کہنا تھا کہ قیام پاکستان کے بعد ایک شاخ ڈھاکا میں بھی قائم ہوچکی تھی، میرےوالد نے بھٹو دورمیں36نئی صنعتیں قائم کیں، جنوری 1972 کو بھٹو کی حکومت نے اتفاق فاؤنڈریز پر قبضہ کرلیا،ظلم و زیادتی کے باوجود والد کے حوصلے اور عزم میں کمی نہ آئی، والد نے تباہ حال  ڈھانچے کو دوبارہ اپنے پیروں پر کھڑا کیا۔

انہوں نے بتایا کہ اس زمانے میں میرے والد قومی خزانے میں کروڑوں روپے جمع کراتے رہے، سن 1981 میں فیکٹری کامال لانیوالے بحری جہازکو مال اتارنے کی اجازت نہ دی گئی،خام مال اتارنے سے روکنے پر 50کروڑ کا نقصان ہوا۔

ان کا کہنا تھا کہ ہم سیاست میں آنے کے بعد بھی ذاتی انتقام کا نشانہ بنتے رہے، مجھے14ماہ تک جیل میں رکھا گیا، ہماراماڈل ٹاؤن کا گھربھی چھین لیاگیا،ہمارے کاروبار کو روک دیا گیا،تالے لگا دیے گئے، سب کےسامنے ہے کہ ہمیں ملک بدرکردیا گیا تھا، ہمیں7 سال بیرون ملک رہناپڑا، سالہا سال تک یک طرفہ احتساب کے پل صراط پر چلتےرہے لیکن قانون و انصاف کے ہر معتبر فورم سے سرخرو ہو کر نکلے۔

وزیر اعظم نے اپنے دونوں صحابزادوں کے حوالے سے بتایا کہ حسن نواز1994سےلندن میں مقیم ہیں جبکہ حسین نواز 2000 سے سعودی عرب میں مقیم ہیں ۔

میاں نواز شریف نے کہا کہ کبھی اقتدارکوکاروبار سے نہیں جوڑا ہے صرف اتنا کہوں گا کہ کرپشن سے کمانے والے  اپنے نام کمپنی نہیں رکھتے ہیں، ہم نےپونے6ارب روپےکےقرضےواپس کئے انہوں نے کہا کہ ہم نے وہ قرض بھی اتارےجوہم پرواجب نہیں تھے، سعودی بینکوں سے قرض لے کر مکہ میں کارخانہ لگایا۔

اپنے خطاب کے آخر میں وزیر اعظم نے پانامہ لیکس کی تحقیقات کیلئے جوڈیشل کمیشن بنانے کااعلان کردیا انہوں نے کہا کہ کبھی سیاست کواقتدار سے منسلک نہیں کیا،یہ کمیشن سپریم کورٹ کےایک سابق جج کی سربراہی میں بنے گا، الزامات لگانے والے کمیشن کے سامنے پیش ہوں۔

اسلام آباد: وزیراعظم میاں محمد نواز شریف نے لاہور خود کش حملے کے بعد پیدا ہونے والی صورت حال کے تناظر میں امریکا کا دورہ منسوخ کردیا۔

وزیراعظم میاں محمد نواز شریف نے لاہور خودکش حملے کے بعد پیدا ہونے والی سیکیورٹی صورت حال کو دیکھتے ہوئے امریکا کا دورہ منسوخ کردیا ہے، وزیراعظم نواز شریف کو امریکہ میں ہونے والی نیوکلئرکانفرنس میں شرکت کے لیے امریکہ جانا تھا۔

ذرائع کے مطابق وزیر اعظم نے قریبی رفقا سے مشاورت کے بعد دورہ منسوخ کرنے کا فیصلہ کیا، ذرائع کے مطابق وزیراعظم کی جگہ وزیراعظم کے معاون خصوصی طارق فاطمی نیوکلیئر کانفرنس میں شرکت کریں گے۔